Tuesday, May 18, 2010

ഇനിയും കൊല്ലണോ ഈ ഉദ്യോഗസ്ഥനെ?




PRO
സത്യസന്ധതയ്ക്കുള്ള സമ്മാനമാണോ ഈ ചാട്ടവാറടി? ഐ‌എഎസ് ഉദ്യോഗസ്ഥനായ കെ സുരേഷ്കുമാറിനെതിരെ എല്‍ഡി‌എഫ് സര്‍ക്കാര്‍ സ്വീകരിക്കുന്ന പകപോക്കല്‍ കാണുമ്പോള്‍ അറിയാതെ ആരും ചോദിച്ചുപോകുന്ന ചോദ്യമാണിത്. എന്തിനാണ് ഒരു മനുഷ്യനെ ഇത്രയും ദ്രോഹിക്കുന്നത്?. സുരേഷ്കുമാറിനെ പോലുള്ള ഒരു ഉദ്യോഗസ്ഥനെ ആര്‍ക്കും വേണ്ടാത്ത ഭാഷാവിഭാഗത്തിലേക്ക് തള്ളിയിട്ട സിപി‌എം ഇപ്പോള്‍ വീണ്ടും സസ്പെന്‍ഷന്‍ എന്ന മാരകായുധവുമായി അദ്ദേഹത്തിന് നേര്‍ക്ക് തിരിഞ്ഞിരിക്കുകയാണ്.

ഒരുപക്ഷേ, കേരളത്തിന്‍റെ കമ്മ്യൂണിസ്റ്റ് ഭരണ ചരിത്രത്തില്‍ സര്‍ക്കാര്‍പ്രമാണിത്വത്തില്‍ നിന്ന് ഏറ്റവും കൂടുതല്‍ ദ്രോഹങ്ങള്‍ ഏറ്റുവാങ്ങേണ്ടിവന്ന ഉദ്യോഗസ്ഥന്‍ സുരേഷ് കുമാര്‍ ആയിരിക്കാം.

കമ്മ്യൂണിസ്റ്റ് ആശയങ്ങള്‍ പിന്തുടരുന്ന പാരമ്പര്യത്തില്‍ നിന്ന് എത്തിയ ഒരു ഉദ്യോഗസ്ഥന്‍ എങ്ങനെ പാ‍ര്‍ട്ടിക്ക് അനഭിമതനായി എന്നതാണ് അമ്പരപ്പിക്കുന്നത്. കഴിഞ്ഞ സര്‍ക്കാരിന്‍റെ കാലത്ത് ലോട്ടറി മാഫിയയ്ക്കെതിരെ സ്വീകരിച്ച നടപടികളിലൂടെയാണ് കെ സുരേഷ്കുമാര്‍ എന്ന ഉദ്യോഗസ്ഥന്‍ മാധ്യമങ്ങളുടെ ശ്രദ്ധയാകര്‍ഷിക്കുന്നത്. അന്നത്തെ കോണ്‍ഗ്രസ് സര്‍ക്കാരില്‍ നിന്നും വേണ്ടത്ര പിന്തുണയില്ലെന്ന് മനസിലായപ്പോള്‍ ലോട്ടറിമാഫിയയ്ക്കെതിരെ പോരാടാന്‍ സുരേഷ് കൂട്ടുപിടിച്ചത് പ്രതിപക്ഷ നേതാവായിരുന്ന വി‌എസിനെ.

പ്രശ്നം നിയമസഭയിലുന്നയിച്ച് വി‌എസ് ജനപ്രിയ നേതാവെന്ന മൈലേജിന് ആക്കം കൂട്ടി. വി‌എസിന് വിവരങ്ങള്‍ ചോര്‍ത്തിക്കൊടുത്തതിന്‍റെ പേരില്‍ ലോട്ടറി ഡയറക്ടറായിരുന്ന സുരേഷിന് നിര്‍ബന്ധിത അവധിയില്‍ പ്രവേശിക്കേണ്ടിയും വന്നു.

പിന്നീട് അധികാരത്തിലെത്തി ഏറെ വെല്ലുവിളിയോടെ മൂന്നാര്‍ ദൌത്യം ആരംഭിച്ച വി‌എസിന് അതിന്‍റെ നായകത്വം സുരേഷിനെ ഏല്‍‌പിക്കാന്‍ രണ്ടാമതൊന്ന് ആലോചിക്കേണ്ടിവന്നില്ല. എന്നാല്‍, തന്നെ ഏല്‍‌പിച്ച ജോലി നൂറ് ശതമാനം ആത്മാര്‍ത്ഥതയോടെ നിര്‍വ്വഹിച്ച സുരേഷിനെ കാത്തിരുന്നത് അഭിനന്ദനമോ പൂച്ചെണ്ടുകളോ ആയിരുന്നില്ല. ടാറ്റ ഉള്‍പ്പെടെയുള്ള മൂന്നാറിലെ കയ്യേറ്റ വമ്പന്‍‌മാരുടെ അസ്ഥിവാരം തോണ്ടിയതോടെ സുരേഷ് സിപി‌എമ്മിന്‍റെയും സിപിഐയുടെയും കണ്ണിലെ കരടായി മാറി.

Enough its enough.... | ഇനിയും കൊല്ലണോ ഈ ഉദ്യോഗസ്ഥനെ?

ചെന്നൈ പെട്രോളിയം കോര്‍പറേഷന് 61 കോടി നഷ്ടം

സാമ്പത്തിക വര്‍ഷത്തിന്റെ മൂന്നാം പാദത്തില്‍ ചെന്നൈ പെട്രോളിയം കോര്‍പറേഷന്‍ ലിമിറ്റഡിന് (സിപിസിഎല്‍) വന്‍ നഷ്ടം. മാര്‍ച്ച് 31ന് അവസാനിച്ച നാലാം പാദത്തില്‍ 61 കോടി രൂപയാണ് കമ്പനിയുടെ നഷ്ടം. നാലാം പാദത്തില്‍ കമ്പനിയുടെ അറ്റാദായം 272 കോടി രൂപയാണ്.

അതേസമയം, കമ്പനിയുടെ മൊത്തവരുമാനത്തില്‍ നേട്ടമുണ്ടായി. നാലാം പാദത്തില്‍ കമ്പനിയുടെ മൊത്തവരുമാനം 5,534.27 കോടി രൂപയാണ്. മുന്‍ വര്‍ഷം ഇക്കാലയളവില്‍ സി പി സി എല്ലിന്റെ വരുമാനം 4,816.01 രൂപയായിരുന്നു.

ഓഹരി ഉടമകള്‍ക്ക് ഓഹരി ഒന്നിന് 120 ശതമാനം ലാഭവിഹിതവും പ്രഖ്യാപിച്ചിട്ടുണ്ട്. 2009-10 സാമ്പത്തിക വര്‍ഷത്തില്‍ കമ്പനിയുടെ മൊത്തലാഭം 603.22 കോടി രൂപയാണ്. 2008-09 വര്‍ഷത്തില്‍ കമ്പനിയുടെ മൊത്തലാഭം 397.28 കോടി രൂ‍പയായിരുന്നു. ഇതിനിടെ സി പി സി എല്‍ ഓഹരികള്‍ക്ക് നേരിയ ഇടിവ് നേരിട്ടു. ഓഹരി വില 1.05 ശതമാനം ഇടിഞ്ഞ് 253.50 എന്ന നിലയിലെത്തിയിട്ടുണ്ട്

Chennai Petroleum Corporation posts Rs 61 cr loss in Q4 | ചെന്നൈ പെട്രോളിയം കോര്‍പറേഷന് 61 കോടി നഷ്ടം

വോഡാഫോണിന് ഇരട്ടി ലാഭം

ബ്രിട്ടണ്‍ കേന്ദ്രമായി പ്രവര്‍ത്തിക്കുന്ന മൊബൈല്‍ ഫോണ്‍ കമ്പനിയായ വൊഡാഫോണിന്റെ ലാഭം ഇരട്ടി വര്‍ധിച്ചു. 2009 വര്‍ഷത്തിലെ കണക്കുകള്‍ പ്രകാരം ഏഷ്യയിലും ആഫ്രിക്കയിലും കമ്പനിയ്ക്ക് വന്‍ നേട്ടമാണ്. കമ്പനിയുടെ വരുമാനവും ഗണ്യമായി വര്‍ധിച്ചിട്ടുണ്ട്.

2010 മാര്‍ച്ചില്‍ അവസാനിച്ച കണക്കുകള്‍ പ്രകാരം വോഡാഫോണിന്റെ നികുതിയിതര ലാഭം 12.6 ബില്യന്‍ ഡോളറാണ്. മുന്‍ വര്‍ഷത്തേക്കാള്‍ ഇരട്ടിവര്‍ധനവാണ് ഇത് കാണിക്കുന്നത്. ലോകത്തെ ഏറ്റവും വലിയ ടെലികോം സേവനദാതാക്കളായ വൊഡാഫോണിന് 341 ദശലക്ഷം വരിക്കാരുണ്ട്. കഴിഞ്ഞ മൂന്നു മാസത്തിനിടെ 5.5 ദശലക്ഷം അധിക വരിക്കാരെ കമ്പനിയ്ക്ക് ലഭിച്ചു.

ഉപയോക്താക്കള്‍ക്ക് മികച്ച സേവനം നല്‍കാനായതിനാലാണ് വരുമാനം ഇരട്ടി വര്‍ധിച്ചതെന്നും അടുത്ത സാമ്പത്തിക വര്‍ഷം അവസാനത്തോടു കൂടി വോഡാഫോണ്‍ കൂടുതല്‍ ശക്തിയാര്‍ജ്ജിക്കുമെന്നും വോഡാഫോണ്‍ വക്താവ് വിറ്റോറിയോ കൊളാ പറഞ്ഞു.

വിവിധ രാജ്യങ്ങളില്‍ വോഡാഫോണ്‍ വന്‍ മാര്‍ക്കറ്റിംഗ് തന്ത്രങ്ങളാണ് നടപ്പിലാക്കുന്നത്. ലോകത്ത് ഏറ്റവും കൂടുതല്‍ മൊബൈല്‍ വരിക്കാരുള്ള രാജ്യങ്ങളില്‍ ഒന്നായ ഇന്ത്യയില്‍ വോഡാഫോണിന് മികച്ച സാമ്പത്തിക നേട്ടമാണ് കൈവരിക്കാനായത്. അതേസമയം, യൂറോപ്പില്‍ ചില രാജ്യങ്ങളില്‍ കമ്പനി നഷ്ടത്തിലാണെന്നും വാര്‍ഷിക റിപ്പോര്‍ട്ടില്‍ വ്യക്തമാക്കുന്നു

Vodafone 2009 profits double | വോഡാഫോണിന് ഇരട്ടി ലാഭം

വിപണിയില്‍ നേട്ടത്തോടെ ക്ലോസിംഗ്


ആഭ്യന്തര ഓഹരി വിപണികള്‍ ഒരിക്കല്‍ കൂടി തിരിച്ചുവരവ് നടത്തി. ചൊവ്വാഴ്ച രാവിലെ നഷ്ടത്തോടെ വ്യാപാരം തുടങ്ങിയ വിപണികള്‍ അവസാന മണിക്കൂറുകളില്‍ തിരിച്ചുവരികയായിരുന്നു. മുംബൈ ഓഹരി സൂചികയായ സെന്‍സെക് 44 പോയിന്റ് നഷ്ടത്തോടെ 16,880 എന്ന നിലയിലാണ് വ്യാപാരം നിര്‍ത്തിയത്. യു എസ്, ഏഷ്യന്‍ വിപണികളിലെ ഇടിവിനെ തുടര്‍ന്നാണ് ആഭ്യന്തര വിപണികളില്‍ തുടക്ക വ്യാപാരം നഷ്ടത്തിലായത്.

സെന്‍സെക്സിലെ നഷ്ടത്തിന് സമാനമായ ഇടിവ് ദേശീയ ഓഹരി സൂചികയായ നിഫ്റ്റിയിലും പ്രകടമായി. നിഫ്റ്റി ഏഴു പോയിന്റിന്റെ നേരിയ മുന്നേറ്റത്തോടെ 5,067 എന്ന നിലയിലാണ് വിപണി ക്ലോസ് ചെയ്തത്. മെറ്റല്‍, ഓട്ടോ, റിയല്‍ട്ടി ഓഹരികളാണ് ഇന്ന് ഇടിഞ്ഞത്.

എല്‍ ആന്‍ഡ് ടി ഓഹരികള്‍ 3.4 ശതമാനം മുന്നേറ്റം നടത്തിയപ്പോള്‍ റിലയന്‍സ് കമ്മ്യൂണിക്കേഷന്‍സ്, വിപ്രോ ഓഹരികള്‍ 2.4 ശതമാനം നേട്ടം കൈവരിച്ചു. ഗ്രാസിം, ഒ എന്‍ ജി സി, ജയപ്രകാശ് അസോ, എസ് ബി ഐ, ഡി എല്‍ എഫ് ഓഹരികളും മുന്നേറ്റം നടത്തി. അതേസമയം, ടാറ്റാ മോട്ടോര്‍സ്, ഹീറോ ഹോണ്ട, ടാറ്റാ പവര്‍, എച്ച് ഡി എഫ് സി ബാങ്ക്, ഐ സി ഐ സി ഐ ബാങ്ക്, സ്റ്റര്‍ലൈറ്റ്, ടി സി എസ് ഓഹരികള്‍ ഇടിഞ്ഞു

Sensex ends up 44pts | വിപണിയില്‍ നേട്ടത്തോടെ ക്ലോസിംഗ്

നിലവിളക്ക്‌ വിവാദം; കെടി ജലീല്‍ കുരുക്കില്‍


PRO
PRO
നിലവിളക്ക് കൊളുത്തുന്നത് അനിസ്ലാമികം അല്ലെന്ന പ്രസ്താവന കെടി ജലീല്‍ എംഎല്‍എയെ തിരിഞ്ഞുകൊത്തുന്നു. രാഷ്‌ട്രീയക്കാര്‍ മതകാര്യങ്ങളില്‍ ഇടപെട്ട് ‘ഫത്‌വ’ പുറപ്പെടുവിച്ചാല്‍ പ്രത്യാഘാതമുളവാക്കും എന്നാണ് വിവിധ മുസ്ലീം സംഘടനകള്‍ ജലീലിന് മുന്നറിയിപ്പ് കൊടുത്തിരിക്കുന്നത്. കുറ്റിപ്പുറത്ത് നടന്ന ഒരു ചടങ്ങില്‍ വച്ചാണ് കെടി ജലീല്‍ ഈ പ്രസ്താവന നടത്തിയത്‌.

ജലീലിന്റെ വിവാദ പ്രസ്താവനയോട്‌ വിവിധ മുസ്ലീം സംഘടനകള്‍ രൂക്ഷമായാണ്‌ പ്രതികരിച്ചത്‌. നിലവിളക്ക് കൊളുത്തുക എന്ന ആചാരം ഹിന്ദു സംസ്കാരത്തിന്റെ ഭാഗമായിട്ടാണ് കേരളത്തില്‍ കണക്കാക്കിവരുന്നത് എന്ന് ഏത് കൊച്ചുകുട്ടിക്കും അറിയാവുന്ന കാര്യമാണെന്നും അത് അനിസ്ലാമികം അല്ലെന്ന് പറയാനുള്ള പാണ്ഡിത്യമൊന്നും ജലീലിന് ഇല്ലെന്നുമാണ് ചില മുസ്ലീം സംഘടനാ നേതാക്കള്‍ പ്രതികരിച്ചത്.

നിലവിളക്ക് കൊളുത്തുന്നത് ഇസ്ലാമികമായി അംഗീകരിക്കാനാവില്ലെന്ന് എസ്‌വൈഎസ്‌ സംസ്ഥാന സെക്രട്ടറി അബ്ദുസ്സമദ്‌ പൂക്കോട്ടൂര്‍ പറഞ്ഞു. ഒരു മതത്തിന്റെ ആചാരം എല്ലാവരും സ്വീകരിക്കുകയെന്ന തരത്തിലേക്കു മതേതരത്വത്തെ വഴി തിരിച്ചുവിടുന്ന പ്രവര്‍ത്തനങ്ങളും പ്രസ്താവനകളും സാംസ്കാരിക ദുരന്തത്തിന്‌ വഴിതെളിക്കുമെന്നും അബ്ദുസ്സമദ്‌ കൂട്ടിച്ചേര്‍ത്തു.

നിലവിളക്കും കൊളുത്തലും കൃത്യമായും ഹിന്ദു ആചാരമാണെന്നും ഇസ്ലാം മതവിശ്വാസികള്‍ ഇത്തരം പ്രവണതകളില്‍നിന്നു പിന്തിരിയണമെന്നും ജമാഅത്തെ ഇസ്ലാമി സംസ്ഥാന കമ്മിറ്റി ശൂറാ അംഗവും ശാന്തപുരം അല്‍ജാമിഅ ഇസ്ലാമിയ ഇസ്ലാമിക്‌ യൂനിവേഴ്സിറ്റി ഡയറക്ടറുമായ വി കെ അലി അഭിപ്രായപ്പെട്ടു.

KT Jaleel, Muslim, Islam, Nilavilakku | നിലവിളക്ക്‌ വിവാദം; കെടി ജലീല്‍ കുരുക്കില്‍

ഷാജഹാന് സി-ഡിറ്റിന്‍റെ വക ഷോകോസ്!


PRO
മുഖ്യമന്ത്രി വിഎസ്‌ അച്യുതാനന്ദന്‍ പ്രതിപക്ഷ നേതാവായിരിക്കെ അഡീഷണല്‍ പ്രൈവറ്റ്‌ സെക്രട്ടറിയായിരുന്ന കെ.എം. ഷാജഹാനെതിരെ വിവാദ അഭിമുഖത്തിന്റെ പേരില്‍ സി-ഡിറ്റ്‌ കാരണം കാണിക്കല്‍ നോട്ടീസ് നല്‍‌കി. സര്‍ക്കാര്‍ ജീവനക്കാരനായിരിക്കെ മുഖ്യമന്ത്രിയുടെ ഓഫീസിനേയും സര്‍ക്കാരിനേയും വിമര്‍ശിച്ച്‌ മാധ്യമങ്ങള്‍ക്ക്‌ അഭിമുഖം നല്‍കിയതിനെത്തുടര്‍ന്നാണ്‌ നടപടി.

ഇപ്പോള്‍ സസ്പെന്‍ഷനിലുള്ള പൊലീസ് ഐജി ടോമിന്‍ തച്ചങ്കരിയുടെ നല്‍‌കിയ ഒരു കത്താണ് ഷാജഹാന് കുരുക്കായത് എന്നറിയുന്നു. സര്‍ക്കാര്‍ ഉദ്യോഗസ്ഥനായ ഷാജഹാന്‍ ഒരു വാരികയ്ക്കും ചാനലിനും നല്‍കിയ അഭിമുഖത്തിലൂടെ സര്‍വീസ്‌ ചട്ടലംഘനം നടത്തിയെന്നാണ് തച്ചങ്കരിയുടെ കത്തിലുള്ളത്. കോടതിയുടെ പരിഗണനയിലിരിക്കുന്ന വിഷയങ്ങളില്‍ പോലും തെറ്റിദ്ധരിപ്പിക്കുന്ന തരത്തില്‍ ഷാജഹാന്‍ സംസാരിച്ചുവെന്നാണ് ചീഫ്‌ സെക്രട്ടറിക്ക് നല്‍‌കിയ കത്തില്‍ തച്ചങ്കരി പരാതിപ്പെട്ടത്‌.

അച്യുതാനന്ദന്റെ വിശ്വസ്തനായി അറിയപ്പെട്ടിരുന്ന ഷാജഹാനെ സിപിഎം ഔദ്യോഗിക പക്ഷത്തിന്റെ അതൃപ്തിക്ക് പാത്രമായതിനെ തുടര്‍ന്ന് അച്യുതാനന്ദന്റെ പേഴ്സണല്‍ സ്റ്റാഫില്‍ നിന്ന്‌ മാറ്റിയിരുന്നു. തുടര്‍ന്ന് ഷാജഹാന്‍ മുഖ്യമന്ത്രിയുമായും കൊമ്പുകോര്‍ത്തു. എന്നാല്‍ മുഖ്യമന്ത്രിയും ഷാജഹാനും തമ്മിലുള്ള ഒത്തുകളിയാണ് ഈ കൊമ്പുകോര്‍ക്കലെന്നും ആരോപണമുണ്ട്. മുഖ്യമന്ത്രിയുടെ കീഴിലുള്ള സെന്റര്‍ ഫോര്‍ ഡിസൈന്‍ ആന്റ്‌ ഇമേജ്‌ ടെക്നോളജിയില്‍ (സി ഡിറ്റ്‌) വെബ്സര്‍വീസ്‌ ടീം ലീഡറാണ്‌ ഇപ്പോള്‍ ഷാജഹാന്‍.

അധികാരത്തില്‍ തുടരുന്നതിന് വേണ്ടി കടുത്ത നിലപാടുകള്‍ വി‌എസ് അയയ്ക്കുന്നുവെന്നാണ് ചില മാസികകള്‍ക്കും ചാനലുകള്‍ക്കും ഷാജഹാന്‍ നല്‍കിയ അഭിമുഖത്തിലെ പ്രധാന വിമര്‍ശനം. എന്നാല്‍ മുഖ്യമന്ത്രിയെ കരിവാരിത്തേക്കുന്ന തരത്തില്‍ ഒരക്ഷരം പോലും ഷാജഹാന്‍ പറയുകയുമുണ്ടായില്ല. സി‌പി‌എമ്മിന്റെ ലിബറല്‍ നയങ്ങളോട് വിയോജിപ്പ് പ്രകടിപ്പിച്ചതിനാല്‍ പുറത്തുപോകേണ്ടി വന്ന യാഥാസ്ഥിതിക മാര്‍ക്സിസ്റ്റുകാരെ വി‌എസ് പാളയത്തില്‍ എത്തിക്കാനുള്ള ശ്രമത്തിലാണ് ഷാജഹാന്‍ എന്ന് ചിലര്‍ക്കെങ്കിലും സംശയമുണ്ട്

C-Dit serves Show-case notice to KM Shajahan | ഷാജഹാന് സി-ഡിറ്റിന്‍റെ വക ഷോകോസ്!

ടി ഡി ദാസന്റെ ആത്മസംഘര്‍ഷങ്ങള്‍

Back  

Wednesday, May 12, 2010 | 10:28:12 AM IST
ടി ഡി ദാസന്റെ ആത്മസംഘര്‍ഷങ്ങള്‍

കുട്ടികള്‍ എന്നും സിനിമയുടെ പുറംപോക്കിലായിരുന്നു. അവരുടെ മാനസിക,വൈകാരിക ലോകത്തിന്‌ പ്രാധാന്യമുള്ള സിനിമകള്‍ മലയാളത്തില്‍ കാര്യമായി ഉണ്ടായിരുന്നില്ല. വളരെ അപൂര്‍വ്വം ശ്രമങ്ങളാകട്ടെ കുട്ടികളുടെ ചിത്രം എന്ന ലേബലില്‍ നിന്ന്‌ മാറ്റിനിര്‍ത്തപ്പെടുകയായിരുന്നു. അവ തീയേറ്ററുകളില്‍ എത്തിയില്ല. ജനം കണ്ടതുമില്ല. എന്റെ വീട്‌ അപ്പൂന്റേം പോലെയുള്ള ചിത്രങ്ങളെ മറന്നുകൊണ്ടല്ല ഇതെഴുതുന്നത്‌. സൂപ്പര്‍ താരങ്ങളുടെയോ സൂപ്പര്‍ സംവിധായകരുടെയോ പേരുകേട്ട ബാനറുകളുടെയോ പിന്‍ബലമില്ലാതെ ഒരു ചിത്രം ഇവിടെ സംഭവിച്ചിരിക്കുന്നു, ടി ഡി ദാസന്‍ സ്റ്റാന്‍ഡേര്‍ഡ്‌ ആറ്‌ ബി. അനാഥമാക്കപ്പെടുന്ന ബാല്യത്തിന്റെ തീവ്രസംഘര്‍ഷങ്ങള്‍ ആത്മാവില്‍ തട്ടുന്നവിധം ആവിഷ്‌കരിക്കപ്പെട്ട ചലച്ചിത്രമാണ്‌. നവാഗതനായ മോഹന്‍ രാഘവന്‍ സംവിധാനം നിര്‍വഹിച്ചിരിക്കുന്ന ഈ ചിത്രം മലയാളത്തിലെ മികച്ച ചിത്രങ്ങളില്‍ ഒന്നായി ചരിത്രത്തില്‍ ഇടം നേടുന്നു.
കുടിവെള്ളം മുട്ടിപ്പോയ ഒരു ഗ്രാമം കുടിനീരൂറ്റുന്ന കോള കമ്പനിക്കെതിരെ നടത്തുന്ന സമരത്തിന്റെ സമകാലിക പശ്ചാത്തലത്തിലാണ്‌ ദാസന്റെ ജീവിതം ചുരുള്‍ നിവരുന്നത്‌. ആറാം ക്ലാസ്‌ വിദ്യാര്‍ത്ഥിയാണ്‌ ദാസന്‍(മാസറ്റര്‍ അലക്‌സാണ്ടര്‍). അച്ഛന്‍ ഉപേക്ഷിച്ചുപോയ ദാസനെ വളര്‍ത്തുന്നത്‌ അമ്മ ചന്ദ്രികയാണ്‌ (ശ്വേതാ മേനോന്‍). അച്ഛനില്ലാത്ത കുട്ടി എന്ന അപമാനത്തില്‍ ഉരുകിയാണ്‌ ദാസന്റെ ദിവസങ്ങള്‍ നീങ്ങുന്നത്‌. അമ്മയുടെ പെട്ടിയില്‍നിന്നും ഒരിക്കല്‍ അവന്‌ അച്ഛന്റെ മേല്‍വിലാസം ലഭിക്കുന്നു. ആ വിലാസത്തില്‍ ദാസന്‍ അതീവ രഹസ്യമായി അച്ഛന്‌ ഒരു കത്തയക്കുന്നു. ഡ്രൈവറായി ജോലി ചെയ്‌തിരുന്ന അവന്റെ അച്ഛന്‍ ആ വിലാസത്തില്‍ നിന്നും പോയിരുന്നു. ചലച്ചിത്ര സംവിധായകനായ നന്ദനും (ബിജുമേനോന്‍) അയാളുടെ മകള്‍ അമ്മുവും (ടിനാ റോസ്‌) സഹായിയായ മാധവനുമാണ്‌ (ജഗദീഷ്‌) ഇപ്പോഴവിടെ താമസിക്കുന്നത്‌. ദാസന്റെ പിതാവിനെ കണ്ടെത്തി ആ കത്ത്‌ നല്‍കണമെന്ന്‌ നന്ദന്‍ മാധവനെ ചുമതലപ്പെടുത്തുന്നു. എന്നാല്‍ മാധവന്‍ അലസമായി ആ കത്ത്‌ ചവറ്റുകുട്ടയില്‍ എറിയുകയാണുണ്ടായത്‌. ഇത്‌ കാണുന്ന അമ്മുവിന്‌ വലിയ സങ്കടം തോന്നുകയും ആ കത്ത്‌ ദാസന്റെ അച്ഛനെ കണ്ടുപിിടിച്ച്‌ നല്‍കാന്‍ ശ്രമിച്ച്‌ പരാജയപ്പെടുകയും ചെയ്യുന്നു. ഇതിനിടയില്‍ ദാസന്റെ രണ്ടാമത്തെ കത്ത്‌ അച്ഛനെ തേടിയെത്തുന്നു. ഈ രണ്ടു കത്തുകളും അമ്മു നന്ദനെ ഏല്‍പ്പിക്കുന്നു. അമ്മുവിലും നന്ദനിലും ഈ കത്ത്‌ സൃഷ്‌ടിക്കുന്ന വ്യത്യസ്‌ത ഭാവനകളാണ്‌ ചിത്രത്തെ മുന്നോട്ട്‌ നയിക്കുന്നത്‌. ദാസന്റെ കത്ത്‌ അമ്മുവില്‍ ഒരു കഥയായി പുനര്‍ജ്ജനിക്കുന്നു. നന്ദന്റെ ഭാവന മറ്റൊരു വഴിയിലൂടെ ദാസനെ നിര്‍മ്മിക്കുന്നു. ഒരു ചലച്ചിത്രത്തിന്റെ കഥയായി അയാളിലത്‌ വികസിക്കുന്നു. വ്യത്യസ്‌തമായ ആഖ്യാനങ്ങളിലൂടെ പല തലങ്ങളുള്ള ജീവിതവ്യാപാരത്തെയാണ്‌ സംവിധായകനും തിരക്കഥാകൃത്തുമായ മോഹന്‍ രാഘവന്‍ ആവിഷ്‌കരിക്കുന്നത്‌.
ബാല്യം ഇത്രയേറെ ചര്‍ച്ചചെയ്യപ്പെടേണ്ടതുണ്ടോ എന്നാണ്‌ മുതിര്‍ന്നവര്‍ എപ്പോഴും ചിന്തിക്കുന്നത്‌. കുട്ടികളെ മുതിര്‍ന്നവരുടെ ചെറിയ രൂപങ്ങളായി കാണുകയും മനസ്സിലാക്കുകയുമാണ്‌ പതിവ്‌. അതിനപ്പുറം ബാല്യം എന്ന ജീവിതാവസ്ഥയെ, അസ്‌ഥിത്വത്തെ, മനസ്സിനെ, വൈകാരിക ലോകത്തെ, വിചാരങ്ങളെ മനസ്സിലാക്കാനും പിന്തുടരാനും എന്തുകൊണ്ടോ സമൂഹം വിമുഖമാകുന്നു. എന്നാല്‍ ലോക ചലച്ചിത്രങ്ങളെ വിസ്‌മയിപ്പിച്ച ഇറാനിയന്‍ ചലച്ചിത്രങ്ങളുടെ പ്രമേയ കേന്ദ്രം എപ്പോഴും കുട്ടികളായിരുന്നു. ചില്‍ഡ്രന്‍ ഓഫ്‌ ഹെവന്‍, വൈറ്റ്‌ ബലൂണ്‍, കളര്‍ ഓഫ്‌ പാരഡൈസ്‌ തുടങ്ങി നിരവധി ചിത്രങ്ങള്‍ മനസ്സിനെ ആഴത്തില്‍ സ്‌പര്‍ശിച്ച്‌ കടന്നുപോയി. നിരാലംബമായ ബാല്യമായിരുന്നു ചിത്രങ്ങളുടെ കേന്ദ്ര പ്രമേയം. ഒരു സമൂഹത്തില്‍ കുട്ടികള്‍ ഇത്രമേല്‍ നിരാലംബരും അനാഥരുമാണെങ്കില്‍ ആ സമൂഹം എത്രത്തോളം അനിശ്ചിതമായിരിക്കും എന്നതാണ്‌ സിനിമ മുന്നോട്ടുവയ്‌ക്കുന്ന രാഷ്‌ട്രീയം. ടി ഡി ദാസന്‍ എന്ന കുട്ടിയുടെ നിരാലംബബാല്യം മുന്നോട്ടുവയ്‌ക്കുന്ന വലിയ ചോദ്യമിതാണ്‌. ഒരു കുട്ടിയുടെ ജീവിതം ഇത്രമേല്‍ അനാഥമാക്കപ്പെടുന്നുവെങ്കില്‍ നാം ജീവിക്കു സമൂഹത്തിന്റെ സുരക്ഷ എന്താണ്‌? രാഷ്‌ട്രം നല്‍കുന്ന കരുതല്‍ എന്താണ്‌? ആ നിലയ്‌ക്ക്‌ ഈ ചിത്രം കുട്ടികളുടെ ചിത്രമല്ല, മുതിര്‍വര്‍ മറന്നുപോകുന്ന ജീവിത ചുറ്റുപാടുകളെക്കുറിച്ചുള്ള സന്ദേശമാണ്‌. നമ്മുടെ ഡെപ്പാംകൂത്ത്‌ ഫാന്‍സ്‌ പടങ്ങളുടെ ആഘോഷത്തിമിര്‍പ്പില്‍ ഒരുപക്ഷെ, പരാജയപ്പെട്ട ഒരു നല്ല ചിത്രം. 

 http://www.scoopeye.com/showNews.php?news_id=4463

കാശുണ്ടെങ്കില്‍ തടികൂടും

കാനഡയിലെ യൂണിവേഴ്‌സിറ്റി ഓഫ്‌ മോണ്‍ട്രിയലിലെ സോഷ്യോളജി വകുപ്പ്‌ ഈയിടെ ഒരു പഠനം നടത്തി. പഠന റിപ്പോര്‍ട്ടിന്റെ ഒറ്റ വാചകത്തിലുള്ള സംഗ്രഹം ഇങ്ങനെയാണ്‌. ധനികരായ പുരുഷന്മാര്‍ക്ക്‌ വണ്ണം കൂടുതലായിരിക്കും, എന്നാല്‍ ധനികരായ സ്‌ത്രീകള്‍ക്ക്‌ വണ്ണം കുറയും...
അതീവരസകരം എന്നാണ്‌ പഠനത്തെ നയിച്ച നതാലി ഡ്യൂമസ്‌ എന്ന പ്രൊഫസര്‍ ഈ പഠനത്തെക്കുറിച്ച്‌ പറഞ്ഞത്‌. ധനികരായ പുരുഷന്മാര്‍ വീപ്പക്കുറ്റിപോലെ വീര്‍ക്കുമ്പോള്‍ ധനികരായ സ്‌ത്രീകള്‍ സ്ലിംബ്യൂട്ടികളായി നിലനില്‍ക്കുന്നു. എന്നാല്‍ സ്‌ത്രീകളുടെ കാര്യത്തില്‍ താഴ്‌ന്ന - മധ്യ വരുമാനമുള്ളവരാണ്‌ കൂടുതല്‍ തടി വെയ്‌ക്കുന്നത്‌- പഠനം വ്യക്‌തമാക്കുന്നു.
ലോകമെമ്പാടുമുള്ള 70,000 പേരെ പങ്കെടുപ്പിച്ചാണ്‌ സര്‍വേ നടത്തിയത്‌. 25 വയസു മുതല്‍ 65 വയസുവരെയുള്ളവരായിരുന്നു സര്‍വേയില്‍ പങ്കെടുത്തത്‌.
ധനികരായ പുരുഷന്മാര്‍ വണ്ണം വയ്‌ക്കുന്നത്‌ എന്തുകൊണ്ടാണ്‌ എന്ന ചോദ്യത്തിന്‌ ഏറെക്കുറെ ഉത്തരം കണ്ടെത്താന്‍ സര്‍വേയ്‌ക്കു കഴിഞ്ഞിട്ടുണ്ട്‌. ഇത്തരക്കാര്‍ അധികവും ഭക്ഷണം കഴിക്കുന്നത്‌ ഹോട്ടലുകളില്‍ നിന്നായിരിക്കും. ഹോട്ടല്‍ ഭക്ഷണം പലപ്പോഴായി ധാരാളം കഴിക്കുന്നുണ്ടാവും. ബുഫെ പാര്‍ട്ടികളില്‍ എത്ര കഴിക്കുന്നുവെന്ന്‌ കഴിക്കുന്നയാള്‍ക്കുപോലും ബോധ്യമുണ്ടാവില്ല. അതുപോലെ കൂടുതല്‍ മദ്യവും ധനവാന്മാര്‍ കഴിക്കും. അങ്ങനെ കലോറി കൂടിയ ഭക്ഷണവും മദ്യവുമാണ്‌ പുരുഷന്മാരെ തടിയന്മാരാക്കുന്നത്‌.
എന്നാല്‍ പണക്കാരികളായ സ്‌ത്രീകള്‍ എന്തുകൊണ്ടാണ്‌ വണ്ണംവയ്‌ക്കാത്തത്‌ എന്ന്‌ പഠനത്തിന്‌ കണ്ടെത്താന്‍ കഴിഞ്ഞിട്ടില്ല.
ലോകത്തില്‍ ഏറ്റവുമധികം തടിയന്മാരായ പുരുഷന്മാരുള്ളത്‌ കാനഡയിലും കൊറിയയിലുമാണെന്ന്‌ പഠനം പറയുന്നു. തടിയന്മാരായ ധനവാന്മാരുടെ എണ്ണവും ഈ രാജ്യങ്ങളില്‍ കൂടുതലാണ്‌.
ലോകാരോഗ്യസംഘടനയുടെ അഭിപ്രായം 2030 ആകുമ്പോള്‍ ലോകത്തില്‍ 23 ദശലക്ഷം പേര്‍ അമിതവണ്ണക്കാരായി മാറുമെന്നാണ്‌.

http://www.scoopeye.com/showNews.php?news_id=4719

``ജാതിചോദിക്കുന്നില്ല ഞാന്‍ സോദരി''!!!

Back

Sunday, May 16, 2010 | 11:16:37 AM IST
``ജാതിചോദിക്കുന്നില്ല ഞാന്‍ സോദരി''!!!

 മഹാകവി കുമാരനാശാന്റെ അതിപ്രശസ്‌തമായ ഒരു കാവ്യ ശകലമാണ്‌ ഇത്‌. ഗ്രാമത്തിനു പുറത്തു വസിക്കുന്ന ചാമര്‍ നായകന്റെ മകളോട്‌ കുറച്ചു വെള്ളം ഇരന്ന ആനന്ദഭിക്ഷുവിനോട്‌ താന്‍ ജാതി ശ്രേണിയില്‍ താഴേക്കിടയിലുള്ളവളാണെന്നു പറഞ്ഞ്‌ കുടിവെള്ളം നിഷേധിച്ചപ്പോള്‍ ആനന്ദഭിക്ഷു പറഞ്ഞതാണ്‌ സന്ദര്‍ഭം. ഇത്‌ ജാതിയില്ലാത്ത ഒരു സമൂഹത്തെക്കുറിച്ച്‌ സ്വപ്‌നം കാണാന്‍ കേരളീയരെ പ്രേരിപ്പിച്ച ഒരു പ്രഖ്യാത കാവ്യശകലമായിരുന്നു.
എന്റെ ബാല്യ - യൗവനകാലത്ത്‌ ഏറ്റവും പ്രചാരത്തിലിരുന്ന ഒരു കലാപരിപാടി ആയിരുന്നു കഥാപ്രസംഗം. കഥാപ്രസംഗ കല ഇന്ന്‌ അപ്രത്യക്ഷമായികൊണ്ടിരിക്കുകയാണ്‌. മലയാളത്തിലെ അതിപ്രശസ്‌തങ്ങളായ ഖണ്‌ഡകാവ്യങ്ങളെ ആസ്‌പദമാക്കിയായിരുന്നു അക്കാലഘട്ടത്തില്‍ കഥാപ്രസംഗം നടത്തിപ്പോന്നത്‌. കെ.കെ.തോമസ്‌, കൈമാപ്പറമ്പന്‍, പി.സി.എബ്രഹാം, എം.പി.മന്മഥന്‍ മുതലായവരായിരുന്നു ഈ കലാവതരണത്തില്‍ അക്കാലത്തെ പ്രമുഖര്‍. എനിക്ക്‌ എട്ടോ ഒമ്പതോ വയസ്സുള്ളപ്പോഴാണെന്നു തോന്നുന്നു ചണ്‌ഡാലഭിക്ഷുകിയെ ആസ്‌പദമാക്കി ശ്രീ. എം.പി. മന്മഥന്‍ ഭരണങ്ങാനം സ്‌കൂളില്‍ ഒരു കഥാപ്രസംഗം നടത്തി. അന്ന്‌ ശ്രീ. മന്മഥന്‍ സ്വരമധുരമായ ഭാഷയില്‍ അഭിനയത്തിന്റെ അകമ്പടിയോടെ ആവര്‍ത്തിച്ചാവര്‍ത്തിച്ച്‌ പാടിയ ആ കവിത ഇന്നും എന്റെ മനസ്സില്‍ തങ്ങിനില്‍ക്കുന്നു. വിദ്യാര്‍ത്ഥികളുടെയും ജനങ്ങളുടെയും സാഹിത്യാസ്വാദനത്തിന്‌ പ്രോത്സാഹനം നല്‍കുന്ന കഥാപ്രസംഗ കല പിന്നീട്‌ അമ്പലമുറ്റങ്ങളിലും രാഷ്‌ട്രീയ വേദികളിലുമായി ചുരുങ്ങി ചുരുങ്ങി അപ്രത്യക്ഷമായിക്കൊണ്ടിരിക്കുന്നു.
കുമാരനാശാന്റെ ചണ്‌ഡാലഭിക്ഷുകി, നളിനി, ലീല, വള്ളത്തോളിന്റെ മഗ്‌ദലനാമറിയം, ചങ്ങമ്പുഴയുടെ രമണന്‍ എന്നിവയെ ആസ്‌പദമാക്കിയായിരുന്നു അക്കാലഘട്ടത്തില്‍ കഥാപ്രസംഗങ്ങള്‍. ഏതു ഖണ്‌ഡകാവ്യത്തെ ആസ്‌പദമാക്കി കഥാപ്രസംഗം നടത്തിയാലും മറ്റ്‌ കവികളുടെ കാവ്യ ശകലങ്ങള്‍ എടുത്ത്‌ ഉദ്ധരിച്ച്‌ കഥാപ്രസംഗത്തെ ആസ്വാദകരമാക്കി തീര്‍ക്കുന്നതില്‍ കലാകാരന്മാര്‍ ബദ്ധശ്രദ്ധരായിരുന്നു. അക്കാലഘട്ടത്തിലെ മിക്ക ഖണ്‌ഡകാവ്യങ്ങളെയും കവിതകളെയും എനിക്ക്‌ പരിചയപ്പെടുത്തിയത്‌ കഥാകാലക്ഷേപ കലയായിരുന്നു എന്നുതന്നെ പറയാം.
അക്കാലഘട്ടത്തില്‍ ജാതി ജഡിലമായിരുന്നു കേരള സമൂഹം. ജാതികളും ഉപജാതികളുമായി വിഭജിക്കപ്പെട്ട്‌്‌ ``തൊട്ടുകൂടാത്തവര്‍ തീണ്ടിക്കൂടാത്തവര്‍ ദൃഷ്‌ടിയില്‍പോലും ദോഷമുള്ളോര്‍'' എന്ന്‌ വിവിധ ജാതികളെക്കുറിച്ച്‌ കുമാരനാശാന്‍ എഴുതി. മാത്രമല്ല അത്‌ ജീവിതാനുഭവവുമായിരുന്നു. ജാതിവ്യവസ്ഥകള്‍ക്കെതിരെ ശ്രീനാരായണന്‍ നടത്തിയ നിശബ്‌ദ ആശയസമരം ജനങ്ങളില്‍ ഒരു പുതിയ ഉണര്‍വും കാഴ്‌ചപ്പാടും സൃഷ്‌ടിച്ചത്‌ ആശാന്റെ കവിതകളിലൂടെയായിരുന്നു. ഏതായാലും മനുഷ്യത്വ ഹീനമായ ജാതിവ്യവസ്ഥയെ പറിച്ചെറിയുക എന്നുള്ളത്‌ അത്‌ ചിന്തിക്കുന്നവരുടെ കര്‍മ്മ പദ്ധതിയുടെ ഒരു ഭാഗമായി തീര്‍ന്നു.
ഞാന്‍ ജനിക്കുതിനു മുമ്പു നടന്ന ഗുരുവായൂര്‍ സത്യാഗ്രഹവും വൈക്കം സത്യാഗ്രഹവും എല്ലാം സമൂഹത്തിന്റെ ഉപരിതലത്തില്‍ ചലനങ്ങള്‍ സൃഷ്‌ടിച്ചു. പക്ഷേ ബാല്യ-കൗമാര ഹൃദയങ്ങളില്‍ പുത്തന്‍ വെളിച്ചം നല്‍കിയത്‌ ആശാന്റെ ``ചണ്‌ഡാലഭിക്ഷുകി''യും ``ദുരവസ്ഥ''യും മറ്റുമാണെന്ന്‌ ഇന്നെനിക്കു തോന്നുന്നു. ഇന്ത്യന്‍ ജാതിവ്യവസഥയുടെ വേരറുക്കാന്‍ ശ്രീ വിവേകാനന്ദനും ഗാന്ധിജിയും ഫുള്‍ക്കെയും അബേദ്‌കറും എല്ലാം രംഗത്തിറങ്ങി പ്രവര്‍ത്തിച്ചു. അങ്ങനെ ജാതിവ്യവസ്ഥയെ നിയമം കൊണ്ട്‌ നിരോധിച്ച്‌ ഇന്ത്യന്‍ ഭരണഘടന തന്നെ ജാതി സമ്പ്രദായത്തെ അപ്രത്യക്ഷമാക്കി. അന്ന്‌ ജാതി ചോദിക്കരുത്‌ എന്നുള്ളതായിരുന്നു മുദ്രാവാക്യമെങ്കില്‍ ഇന്ന്‌ ഗവണ്‍മെന്റ്‌ തന്നെ ജാതി ചോദിക്കാന്‍ തുടങ്ങിയിരിക്കുന്നു. സെന്‍സസില്‍ ഓരോ പൗരന്റെയും ജാതി ഏതെന്ന്‌ കുറിക്കണം എന്നത്‌ നിര്‍ബന്ധമാക്കാന്‍ പോകുകയാണ്‌. ഇതിലൂടെ ജാതി വ്യവസ്ഥ ഇന്ത്യയില്‍ നൈയാമികമായി പുനഃസ്ഥാപിക്കുമോ എന്നുള്ള സംശയം പലരിലും ബാക്കി നില്‍ക്കുന്നു.
ഒരു കാലത്ത്‌ സവര്‍ണ്ണര്‍ അവര്‍ണ്ണരുടെമേല്‍ നടത്തിയ മൃഗീയമായ ആധിപത്യത്തിന്‌ പരിഹാരമെന്നോണം അധഃസ്ഥിതരെ പുനരുദ്ധരിക്കുന്നതിനുവേണ്ടിയുള്ള നടപടി എന്ന നിലയിലാണ്‌ ജാതി സംവരണം ഏര്‍പ്പെടുത്തിയത്‌. അത്‌ തികച്ചും ന്യായവുമായിരുന്നു. പിന്നോക്കം നില്‍ക്കുവര്‍ക്ക്‌ പ്രത്യേക പരിഗണന ലഭിച്ചെങ്കില്‍ മാത്രമേ അവര്‍ക്കു സമൂഹത്തില്‍ മുന്നോട്ടു പോകാന്‍ കഴിയുകയുള്ളൂ. ഭരണഘടനയില്‍ ജാതിസംവരണത്തിന്‌ പത്തുകൊല്ലത്തേക്കായിരുന്നു കാലാവധി. അതു നീണ്ടുനീണ്ടുപോയി 60 കൊല്ലം കഴിഞ്ഞിട്ടും ജാതി വ്യവസ്ഥ സമൂഹത്തില്‍ കൂടുതല്‍ രൂക്ഷമാകുകയാണെന്നു തോുന്നുന്നു.
ജാതി വ്യവസ്ഥ ഒരു വിധത്തില്‍ അല്ലെങ്കില്‍ മറ്റൊരു വിധത്തില്‍ ലോകമെമ്പാടും നിലനിന്നിരുന്നു. റോമിലെ പൗരന്മാര്‍ രണ്ടു ജാതികളായിരുന്നു - പെട്രിഷ്യന്‍സ്‌, പ്ലിബിയന്‍സ്‌. പെട്രിഷ്യന്‍സ്‌ ഉന്നതകുലത്തില്‍പെട്ടവരും ഭരണം കൈയ്യടക്കിയവരുമായിരുന്നു. പ്ലിബിയന്‍സ്‌ ഹീന ജാതിയില്‍പെട്ടവരും അധികാരത്തിന്റെ നാലുകെട്ടിനു പുറത്തു ജീവിച്ചിരുവരുമായിരുന്നു. ന്യൂനപക്ഷമായ പെട്രിഷ്യന്‍സ്‌ സമൂഹത്തിന്റെ ഉന്നത തലത്തില്‍ വിഹരിച്ചിരുന്നപ്പോള്‍ അവകാശമില്ലാത്ത ഒരു ജനതയായി അടിമകളും പ്ലിബിയന്‍സും ജീവിച്ചുപോന്നു. ഈ സാമൂഹ്യ വിഭജനത്തിനെതിരായി സമരങ്ങള്‍ ഉണ്ടായി. സമരത്തിന്റെ അന്ത്യത്തില്‍ പ്ലിബിയന്‍സിന്റെ അവകാശ സംരക്ഷണത്തിനായി ഭരണ മണ്‌ഡലത്തില്‍ അവരുടെ പ്രതിനിധികളായി ട്രൈബ്യൂണലുകള്‍ നിയമിക്കപ്പെട്ടു. കാലം കഴിഞ്ഞപ്പോള്‍ പെട്രിഷ്യന്‍സിനേക്കാള്‍ പ്ലിബിയന്‍സ്‌ സമൂഹത്തില്‍ കൂടുതല്‍ ശക്തരാകുകയും സമൂഹചരിത്രത്തെ തിരുത്തിക്കുറിച്ച്‌ പ്ലിബിയന്‍സ്‌ അധികാരം കൈയടക്കുകയും ചെയ്‌തു. പെട്രിഷ്യന്‍സ്‌ പുറംതള്ളപ്പെട്ടു. (ഇന്ന്‌ പലരും ധരിച്ചിരിക്കുന്നതുപോലെ റോമാ സാമ്രാജ്യം വളര്‍ന്നതും വികസിച്ചതും ചക്രവര്‍ത്തിമാരുടെ കീഴിലായിരുന്നില്ല. മറിച്ച്‌ തെരഞ്ഞെടുക്കപ്പെട്ട പ്രതിനിധികള്‍ ആയിരുന്നു റോമാ സാമ്രാജ്യത്തിന്റെ വികസനകാലഘട്ടങ്ങളില്‍ റോമന്‍ ജനതയെ നയിച്ചിരുന്നത്‌.) ക്രിസ്‌തുവിന്റെ കാലത്താണ്‌ റോമാ സാമ്രാജ്യത്തിന്റെ ചക്രവര്‍ത്തിയായി സീസര്‍ അവരോധിതനാകുന്നത്‌. നാലുനൂറ്റാണ്ടുകൊണ്ട്‌ ചക്രവര്‍ത്തിമാരുടെ അധികാര ഭരണത്തില്‍കീഴില്‍ റോമന്‍ സാമ്രാജ്യം തകര്‍ന്നു എന്നുതന്നെ പറയാം.
ഇന്ത്യയുടെ സാമൂഹിക ചരിത്രം പഠിക്കാന്‍ ആഗ്രഹിക്കുന്നവര്‍ക്ക്‌ കഴിഞ്ഞ 60 കൊല്ലംകൊണ്ട്‌ രാഷ്‌ട്രീയ സാമൂഹ്യ അധികാരമണ്‌ഡലത്തില്‍ വന്ന മാറ്റം അത്ഭുതാവഹമാണെന്നു കാണാം. റോമില്‍ പേട്രീഷ്യന്‍സും പ്ലിബിയന്‍സും തമ്മില്‍ നടന്ന രക്ത രൂക്ഷിത വിപ്ലവങ്ങളാണ്‌ പ്ലിബിയന്‍സിനെയും അടിമകളെയും സ്വതന്ത്രരാക്കിയതും അധികാര മണ്‌ഡലത്തില്‍ പ്രവേശനം കൊടുത്തതും. എന്നാല്‍ ഇന്ത്യയില്‍ നടന്നത്‌ ഒരു നിശബ്‌ദ വിപ്ലവമായിരുന്നു. ജാതി വ്യവസ്ഥയിലെ അനീതിയെക്കുറിച്ച്‌ ബോധവാന്മാരായ സവര്‍ണ്ണര്‍തന്നെയാണ്‌ ഇതിനായി രംഗത്തിറങ്ങിയത്‌. അവര്‍ണ്ണരുടെ അവകാശങ്ങള്‍ക്കുവേണ്ടിയുള്ള സമരത്തിന്‌ നേതൃത്വം കൊടുത്തത്‌ ഗുരുവായൂരില്‍ കെ. കേളപ്പന്‍ നായരും എ.കെ.ഗോപാലന്‍ നമ്പ്യാരും കുറൂര്‍ നമ്പൂതിരിപ്പാടും എല്ലാമാണ്‌. വൈക്കത്ത്‌ കെ. കേശവമേനോനും മന്നത്തു പത്മനാഭനുമെല്ലാം അവര്‍ണ്ണരോടൊപ്പം തോളോടു തോള്‍ ചേര്‍ന്നു.
ഒരുകാലത്ത്‌ സവര്‍ണ്ണരായിരുന്നവര്‍ ഇന്ന്‌ ഭയപ്പെടുന്നത്‌ സംവരണം തങ്ങളുടെ അവകാശങ്ങളെ ഹനിക്കുമോ എന്നാണ്‌. ഓരോ ജാതിയുടെയും എണ്ണമെടുത്ത്‌ ഉദ്യോഗങ്ങള്‍ വിഭജിക്കുമ്പോള്‍ തങ്ങള്‍ പുറംതള്ളപ്പെടുമെന്ന ഭീതി സവര്‍ണ്ണരില്‍ പൊട്ടിമുളയ്‌ക്കാന്‍ തുടങ്ങിയിരിക്കുന്നു. വിദ്യാഭ്യാസത്തിലും സമ്പത്തിലും ഉന്നതി നേടിയ പൂര്‍വകാല അവര്‍ണ്ണര്‍ അവകാശങ്ങള്‍ ചോദിച്ചു വാങ്ങുമ്പോള്‍ അതേ ജാതിയില്‍തന്നെ പിന്നോക്കം പോയവര്‍ അവഗണിക്കപ്പെടുന്നുണ്ട്‌ എന്നത്‌ ഇന്ന്‌ ഒരു യഥാര്‍ത്ഥ്യമാണ്‌. ബീഹാറിലെ സസ്‌റാം നിയോജകമണ്‌ഡലത്തില്‍നിന്നും നാല്‌പതിലേറെകൊല്ലം പാര്‍ലമെന്റില്‍ അംഗമായി, 47-ലെ ഇടക്കാല ഗവണ്‍മെന്റെിന്റെ കാലം മുതല്‍ കേന്ദ്രത്തിലെ മന്ത്രി ആയിരുന്ന പരേതനായ ജഗജീവന്‍ റാമിന്റെ നിയോജകമണ്‌ഡലം ഇന്നും പിന്നോക്കാവസ്ഥയില്‍നിന്നും കരകയറിയിട്ടില്ല. ജാതിയുടെ പേരില്‍ അധികാരം പിടിച്ചെടുക്കുന്നവര്‍ തങ്ങളുടെ ജാതിക്കാരെ തിരിഞ്ഞുനോക്കാറില്ലെന്ന്‌ ഇന്ന്‌ ആരോപണമുണ്ട്‌. സത്യത്തില്‍ ``ജാതി ചോദിക്കുന്നില്ല'' എന്ന ഒരു അവസ്ഥ വരുന്നതുവരെ ഗാന്ധിജി വിഭാവനം ചെയ്‌ത അന്ത്യോദയവ്യവസ്ഥ ഉദിക്കുമെന്നു തോന്നുന്നില്ല.
ജോസഫ്‌ പുലിക്കുന്നേല്‍

http://www.scoopeye.com/showNews.php?news_id=4659

നായ‌ക്കും വയാഗ്ര

Back

Tuesday, May 18, 2010 | 09:59:38 AM IST
വയാഗ്ര കഴിച്ച്‌ ജീവിക്കുന്ന ഒരു നായ.അങ്ങനെ ഒരു നായയോ എന്ന്‌ ചോദിക്കാന്‍ വരട്ടേ. ന്യൂയോര്‍ക്കിലെ ലോങ്ങ്‌ഐലന്‍ഡിലെ ആറ്‌ വയസുകാരനായ ഇന്‍ഗ്രിഡ്‌ ഹൃദയസംബന്ധമായ അസുഖം മൂലം അവശനായപ്പോഴാണ്‌ വയാഗ്ര ഉപയോഗിച്ച്‌ ജീവിതം നിലനിര്‍ത്താന്‍ തുടങ്ങിയത്‌.ഹന്റിംഗ്‌ടണിലെ ലിറ്റില്‍ ഷെല്‍ട്ടര്‍ ആനിമല്‍ റെസ്‌ക്യു ആന്‍ഡ്‌ അഡോപ്‌ഷന്‍ സെന്റര്‍ കഴിഞ്ഞ രണ്ട്‌ വര്‍ഷമായി നായയുടെ ജീവന്‍ നിലനിര്‍ത്താനായി വയാഗ്ര സംഭാവന ചെയ്യാന്‍ ആളുകളോട്‌ ആവശ്യപ്പെട്ട്‌ കൊണ്ടിരിക്കുകയാണ്‌. ഹേര്‍ട്ട്‌വേം ഡിസീസ്‌ പിടിപെട്ട പിറ്റ്‌ബുള്‍ ഇനത്തില്‍ പെട്ട ഇന്‍ഗ്രിഡിന്‌ മൃഗഡോക്ടറാണ്‌ ഇൈ മരുന്ന്‌ നിര്‍ദേശിച്ചത്‌.ഇപ്പോള്‍ വയാഗ്ര ഇല്ലെങ്കില്‍ ഹൃദയപ്രവര്‍ത്തനങ്ങള്‍ തകരാറിലായി ഇന്‍ഗ്രിഡിന്‌ ജീവന്‍ നഷ്ടമാകുന്ന അവസ്ഥയാണുള്ളത്‌.എന്തായാലും ഷെല്‍ട്ടറിന്റെ അഭ്യര്‍ത്ഥന മാനിച്ച്‌ നിരവധി പേരാണ്‌ വയാഗ്രഗുളികകള്‍ സംഭാവനയായി നല്‍കുന്നത്‌. ചിലര്‍ പേര്‌ വയ്‌ക്കാത്ത കത്തില്‍ പൊതിഞ്ഞ്‌ ഒരു ഗുളികയും മറ്റും അയക്കാറുണ്ട്‌.ഒരിക്കല്‍ ഒരു സ്‌ത്രീ തന്റെ ഭര്‍ത്താവ്‌ വാങ്ങിവച്ചിരുന്ന നൂറോളം ഗുളികകള്‍ എത്തിച്ചുകൊടുത്തു.ഭര്‍ത്താവിന്‌ വിവാഹേതരബന്ധമുണ്ടെന്ന സംശയം മൂലമായിരുന്നു ഇത്‌. എന്തായാലും സുമനസുകളുടെ സഹായം കൊണ്ട്‌ വയാഗ്ര മൂലമാണ്‌ ഇന്‍ഗ്രിഡ്‌ ജീവിതം പിടിച്ച്‌ നിറുത്തുന്നത്‌. സാധാരണ പിറ്റ്‌ബുള്‍ നായകളെ എല്ലാവര്‍ക്കും ഭയമാണ്‌. എന്നാല്‍ ഇന്‍ഗ്രിഡ്‌ വളരെ ശാന്തനും സ്‌നേഹമുള്ളവനും ആണെന്ന്‌ ഷെല്‍ട്ടര്‍ അധികൃതര്‍ പറയുന്നു  
http://www.scoopeye.com/showNews.php?news_id=4702

ഇന്‍ഷുറന്‍സ് എടുത്തില്ലെങ്കില്‍ ബലാത്സംഗം ചെയ്യുമെന്ന്!

ഇന്‍ഷുറന്‍സ് എടുത്തില്ലെങ്കില്‍ ബലാത്സംഗം ചെയ്ത് കൊലപ്പെടുത്തുമെന്ന് വീട്ടമ്മയ്ക്ക് ഭീഷണി. ഒരു കോള്‍‌സെന്‍റര്‍ സെയില്‍‌സ്മാനാണ് 23കാരിയായ ജൂലി മലക് എന്ന വീട്ടമ്മയെ ഇന്‍ഷുറന്‍സ് എടുക്കാത്തതിന്‍റെ പേരില്‍ നിരന്തരം ഭീഷണിപ്പെടുത്തിയത്. ഇതു സംബന്ധിച്ച് ജൂലിയും ഭര്‍ത്താവും പൊലീസില്‍ പരാതി നല്‍കി.

എല്ലാ ദിവസവും അമ്പതിലധികം തവണയാണ് പ്രസ്തുത കോള്‍ സെന്‍ററില്‍ നിന്ന് ക്രിസ് എന്ന് പരിചയപ്പെടുത്തിയ സെയില്‍‌സ്മാന്‍ ജൂലിയുടെ ഫോണിലേക്ക് വിളിച്ചത്. ഫോണ്‍ എടുത്തില്ലെങ്കില്‍ വോയിസ് മെയില്‍ വഴി ചീത്തവിളിയും ഭീഷണിയും നടത്തുകയായിരുന്നു അയാളുടെ പതിവ്.

അപകട ഇന്‍ഷുറന്‍സ് എടുക്കണമെന്ന ആവശ്യവുമായാണ് ക്രിസ് ആദ്യമായി വിളിക്കുന്നത്. ഇന്ത്യന്‍ അക്സന്‍റിലാണ് അയാള്‍ സംസാരിച്ചതെന്ന് ജൂലി മലക് പറയുന്നു. തനിക്ക് ഇന്‍ഷുറന്‍സില്‍ താല്‍പ്പര്യമില്ലെന്ന് അറിയിച്ചെങ്കിലും ക്രിസ് ദിവസവും വിളിക്കുകയായിരുന്നു. ഓരോ ദിവസവും ഉച്ചകഴിഞ്ഞ് 2 മുതല്‍ നാലുമണി വരെയുള്ള സമയത്ത് അമ്പതിലധികം കോളുകളാണ് അയാള്‍ ചെയ്തിരുന്നത്.

ആദ്യമൊക്കെ ഇതത്ര കാര്യമാക്കിയില്ലെങ്കിലും പിന്നീട് ഭീഷണിയുടെ സ്വരത്തിലായി സംസാരം. ഇന്‍ഷുറന്‍സ് എടുത്തില്ലെങ്കില്‍ ബലാത്സംഗം ചെയ്യുമെന്നും കൊല്ലുമെന്നുമൊക്കെയായി ഭീഷണി. ജൂലി താമസിക്കുന്നത് എവിടെയാണെന്ന് അറിയാമെന്നും അവിടേക്കു വരുമെന്നും അയാള്‍ പറഞ്ഞുവത്രേ.

‘യു കെ ആക്സിഡന്‍റ് ആന്‍റ് ഹെല്‍‌പ്പ് ലൈന്‍’ എന്ന ഇന്‍ഷുറന്‍സ് കമ്പനിയില്‍ നിന്നാണ് വിളിക്കുന്നതെന്ന് ക്രിസ് പറഞ്ഞിരുന്നു. എന്നാല്‍ തങ്ങളുടെ ആരും അങ്ങനെ വിളിച്ചിട്ടില്ലെന്നും കമ്പനിയുടെ പേര് ആരോ ദുരുപയോഗം ചെയ്യുകയാണെന്നും കമ്പനി അധികൃതര്‍ പറയുന്നു.

ഒരു ഭ്രാന്തനെപ്പോലെയാണ് ഫോണ്‍ ചെയ്യുന്നയാള്‍ പെരുമാറുന്നതെന്ന് ജൂലി പറയുന്നു. ഭയം തോന്നിയപ്പോഴാണ് ഇവര്‍ പൊലീസില്‍ പരാതി നല്‍കിയത്. ജൂലിക്ക് 16 മാസം പ്രായമായ ഒരു മകനുണ്ട്

Call centre salesman 'threatened young mother with rape and murder after she refused to buy insurance' | ഇന്‍ഷുറന്‍സ് എടുത്തില്ലെങ്കില്‍ ബലാത്സംഗം ചെയ്യുമെന്ന്!

മെക്സിക്കോയില്‍ നിന്നും ടാറ്റാ കാര്‍

രാജ്യത്തെ ഏറ്റവും വലിയ വാഹന നിര്‍മ്മാണ കമ്പനിയായ ടാറ്റാ മോട്ടോര്‍സ് മെക്സിക്കോയില്‍ നിന്ന് കാര്‍ നിര്‍മ്മാണം തുടങ്ങാന്‍ പദ്ധതിയിടുന്നു. ഇതിനു വേണ്ട ചര്‍ച്ചകള്‍ തുടങ്ങിയതായി ടാറ്റാ മോട്ടോര്‍സ് അധികൃതര്‍ അറിയിച്ചു. മെക്സിക്കോയിലെ കമ്പനികളുമായി യോജിച്ചായിരിക്കും ടാറ്റാ കാര്‍ നിര്‍മ്മിക്കുക.

മെക്സിക്കോയിലെ മെറ്റലാസ എസ് എ ഡി സിവിയുമായുള്ള ചര്‍ച്ച വിജയിക്കുകയാണെങ്കില്‍ കാര്‍ നിര്‍മ്മാണം ഉടന്‍ തുടങ്ങിയേക്കും. ഇന്‍ഡിക വിസ്റ്റ ഹാറ്റ്ബാക്ക്, ഇന്‍ഡിഗൊ മന്‍സ സെഡന്‍, വിലകുറഞ്ഞ ചെറുകാര്‍ നാനോ തുടങ്ങി മോഡല്‍ വാഹനങ്ങള്‍ നിര്‍മ്മിക്കാനാണ് ടാറ്റാ പദ്ധതിയിടുന്നത്.

അതേസമയം, ടാറ്റയുടെ വാണിജ്യ, യാത്രാ വാഹനങ്ങള്‍ക്ക് ആഗോള വിപണിയില്‍ വന്‍ പ്രാധാന്യമാണ് ലഭിച്ചുക്കൊണ്ടിരിക്കുന്നത്. ഏപ്രിലിലെ കണക്കുകള്‍ പ്രകാരം ടാറ്റയുടെ ലക്‍ച്വറി ബ്രാന്‍ഡ് വാഹനമായ ജഗ്ഗ്വാര്‍ ലാന്‍ഡ് റോവര്‍ 17,909 യൂണിറ്റുകള്‍ വില്‍പ്പന നടത്തി. 89 ശതമാനത്തിന്റെ മുന്നേറ്റമാണിത് കാണിക്കുന്നത്. ഇതിന് മുന്‍ വര്‍ഷത്തില്‍ ഇക്കാലയളവില്‍ 14,262 യൂണിറ്റുകള്‍ മാത്രമാണ് വില്‍പ്പന നടത്താനായത്.

Tata Motors in talks to make cars in Mexico | മെക്സിക്കോയില്‍ നിന്നും ടാറ്റാ കാര്‍

അക്ഷയതൃതീയ: ഇന്ത്യയില്‍ വിറ്റത് 48 ടണ്‍ സ്വര്‍ണം


അക്ഷയതൃതീയ: ഇന്ത്യയില്‍ വിറ്റത് 48 ടണ്‍ സ്വര്‍ണം
Posted on: 18 May 2010




കൊച്ചി: വിലക്കയറ്റത്തിനിടയില്‍ വില്പന മോശമാവുമെന്ന് കരുതിയിരുന്നെങ്കിലും അക്ഷയതൃതീയ ദിനത്തില്‍ രാജ്യത്ത് ഏതാണ്ട് 47-48 ടണ്‍ സ്വര്‍ണം വില്പനയായതായി വേള്‍ഡ് ഗോള്‍ഡ് കൗണ്‍സില്‍ വിലയിരുത്തി. വിവിധ നഗരങ്ങളില്‍ നിന്ന് അന്തിമ കണക്കുകള്‍ സമാഹരിച്ചുവരുന്നതേയുള്ളൂവെന്ന് കൗണ്‍സില്‍ വൈസ് പ്രസിഡന്റ് കെ. ശിവറാം ചെന്നൈയില്‍ നിന്നറിയിച്ചു. കഴിഞ്ഞവര്‍ഷം 45 ടണ്‍ വില്പന നടത്തിയ സ്ഥാനത്ത് ഇത്തവണ അഞ്ചു ശതമാനത്തോളം വര്‍ധന രേഖപ്പെടുത്താനായി.

2009-ലെ അക്ഷയതൃതീയ ദിനത്തിലെ വിലയെ അപേക്ഷിച്ച് നോക്കുമ്പോള്‍ ഇക്കുറി ഗ്രാമിന് 400 രൂപ മുതല്‍ 425 രൂപ വരെ വര്‍ധനയുണ്ട്. അതുകൊണ്ടുതന്നെ വില്പനമൂല്യത്തില്‍ ഏതാണ്ട് 20 ശതമാനം വര്‍ധനയുണ്ടെന്ന്ശിവറാം കൂട്ടിച്ചേര്‍ത്തു.
ചില നഗരങ്ങളില്‍ രാവിലെ ആറുമണിക്ക് തന്നെ ഉപഭോക്താക്കള്‍ എത്തിയിരുന്നു. ആദ്യ ബില്‍ 6.05ന് നല്‍കിയതായാണ് രേഖ. രാത്രി 11 മണിക്ക് ഷോറൂം പൂട്ടുമ്പോഴും പലേടങ്ങളിലും നല്ല തിരക്കായിരുന്നു. കട തുറക്കാന്‍ കാത്തുനിന്ന് സ്വര്‍ണം വാങ്ങിയവര്‍ സ്വര്‍ണത്തില്‍ അചഞ്ചലമായ വിശ്വാസമര്‍പ്പിക്കുകയാണ് ചെയ്തതെന്ന് ശിവറാം ചൂണ്ടിക്കാട്ടി. മഞ്ഞലോഹത്തിന് വില കൂടുമെന്ന അവരുടെ പ്രതീക്ഷ പിറ്റേദിവസം തന്നെ യാഥാര്‍ത്ഥ്യമാവുകയും ചെയ്തു - സ്വര്‍ണവില പുതിയ റെക്കോഡ് സൃഷ്ടിച്ചതിനെ പരാമര്‍ശിച്ച് അദ്ദേഹം പറഞ്ഞു.
ഇത്തവണത്തെ അക്ഷയതൃതീയയില്‍ വില്പന കുറയുമെന്നായിരുന്നു ശനിയാഴ്ച വരെ പൊതുവെയുള്ള വിശ്വാസം. എന്നാല്‍ ജനങ്ങളുടെ വിശ്വാസം ഇളക്കിമറിക്കാന്‍ സ്വര്‍ണ വിലവര്‍ധനയ്ക്കായില്ല.സ്വര്‍ണ വിലവര്‍ധനയെ പരാമര്‍ശിച്ച് വില ഇനിയും കുതിക്കുമെന്ന് ശിവറാം അഭിപ്രായപ്പെട്ടു. ഇപ്പോള്‍ ട്രോയ് ഔണ്‍സിന് (31.1 ഗ്രാം തങ്കം) 1235 ഡോളറാണെങ്കില്‍ അടുത്ത പ്രതിരോധം 1338 ഡോളറിലാണ്. 

സ്വര്‍ണ ഇടിഎഫ് വാങ്ങാനും വന്‍ തിരക്ക്


കൊച്ചി: സ്വര്‍ണത്തിലുള്ള എക്‌സ്‌ചേഞ്ച് ട്രേഡ് ഫണ്ടുകളുടെ (ഇടിഎഫ്) വ്യാപാരത്തിനായി ഞായറാഴ്ച അക്ഷയതൃതീയ ദിനത്തില്‍ സ്റ്റോക് എക്‌സ്‌ചേഞ്ചുകള്‍ പ്രവര്‍ത്തിച്ചപ്പോള്‍ വന്‍ വില്പന. ഇടിഎഫ് വ്യാപാരത്തിനായി മാത്രം രാവിലെ 9 മണി മുതല്‍ വൈകീട്ട് 3.30 വരെ എക്‌സ്‌ചേഞ്ചുകള്‍ പ്രവര്‍ത്തിക്കുകയുണ്ടായി.സ്വര്‍ണ ഇടിഎഫ് അഥവാ കടലാസ് സ്വര്‍ണമെന്നറിയപ്പെടുന്ന ഈ പദ്ധതി യഥാര്‍ത്ഥത്തില്‍ സ്വര്‍ണത്തിലുള്ള മ്യൂച്വല്‍ ഫണ്ടാണ്. ഓഹരികളെപ്പോലെ ഇത് വാങ്ങുകയും വില്‍ക്കുകയും ചെയ്യാം. സ്വര്‍ണ യൂണിറ്റുകള്‍ അക്കൗണ്ടില്‍ വരവുവെക്കുമെന്നു മാത്രം.സ്റ്റേറ്റ് ബാങ്ക് ഓഫ് ഇന്ത്യയുടെ ഗെറ്റ്‌സ് പദ്ധതിക്കാണ് ഏറ്റവും ഉയര്‍ന്ന വില രേഖപ്പെടുത്തിയത്. 







 Mathrubhumi Business അക്ഷയതൃതീയ: ഇന്ത്യയില്‍ വിറ്റത് 48 ടണ്‍ സ്വര്‍ണം

എടിഎം സുരക്ഷയ്ക്കായി സെക്യൂരിറ്റി സ്‌ക്രീന്‍

എടിഎം കാര്‍ഡുമായി പണമെടുക്കാന്‍ ചെല്ലുമ്പോള്‍ പതിവില്‍ നിന്നു വ്യത്യസ്തമായി രണ്ടക്ക നമ്പര്‍ ചോദിക്കുന്നുണ്ടോ? എടിഎം പണമിടപാടുകള്‍ കൂടുതല്‍ സുരക്ഷിതമാക്കാന്‍ ഏര്‍പ്പെടുത്തിയ പുതിയ സംവിധാനമാണിത്. 'സെക്യൂരിറ്റി സ്‌ക്രീന്‍' എന്ന ഈ സംവിധാനം എസ്ബിഐ എടിഎമ്മുകളിലാണ് നടപ്പാക്കിയിട്ടുള്ളത്.

വടക്കേ ഇന്ത്യയില്‍ ഒന്നിലധികം എടിഎം അടുത്തടുത്തുള്ള ചില സ്ഥലങ്ങളില്‍ തട്ടിപ്പു നടന്നതായി ശ്രദ്ധയില്‍പ്പെട്ടതിനെ തുടര്‍ന്നാണ് സുരക്ഷാ സ്‌ക്രീന്‍ നടപ്പാക്കിയതെന്ന് എസ്ബിഐ വൃത്തങ്ങള്‍ പറഞ്ഞു. എടിഎം കേന്ദ്രങ്ങളില്‍ ഉപഗ്രഹം വഴിയുള്ള ആശയവിനിമയത്തില്‍ തടസ്സം നേരിടുന്നത് അവസരമാക്കിയാണ് തട്ടിപ്പു നടന്നത്.

പിന്‍ നല്‍കി എതാനും സെക്കന്‍ഡ് നേരത്തേക്ക് സ്‌ക്രീനില്‍ പ്രതികരണം ഉണ്ടാവാതെ വരുമ്പോള്‍ ഇതു പ്രവര്‍ത്തിക്കുന്നില്ലെന്ന് പറഞ്ഞ് ഇടപാടുകാരെ പിന്തിരിപ്പിച്ചായിരുന്നു തട്ടിപ്പ്. ഇടപാടുകാര്‍ മാറി എടിഎം പ്രവര്‍ത്തന സജ്ജമാകുമ്പോള്‍ അക്കൗണ്ടില്‍ നിന്ന് ഇവര്‍ പണം പിന്‍വലിക്കുകയായിരുന്നു.

എടിഎം കാര്‍ഡ് ഫീഡ് ചെയ്ത് ഭാഷ തിരഞ്ഞെടുത്ത ശേഷമായിരിക്കും നമ്പര്‍ ചോദിക്കുക. 10 മുതല്‍ 99 വരെ ഏതെങ്കിലും സംഖ്യ നല്‍കാം. ഈ നമ്പര്‍ തന്നെയാണ് സ്‌ക്രീനില്‍ ഡിസ്‌പ്ലേ ചെയ്യുന്നതെന്ന് ഉറപ്പു വരുത്തിയാല്‍ മാത്രമേ തുടര്‍ന്നുള്ള ഇടപാടുകള്‍ സാധ്യമാകൂ. നല്‍കുന്ന സംഖ്യ തെറ്റായാണ് കാണിക്കുന്നതെങ്കില്‍ കീപാഡ് പ്രവര്‍ത്തനക്ഷമമല്ലെന്നാണ് അര്‍ഥം. മാത്രമല്ല, തുടര്‍ന്നുള്ള ഇടപാടുകള്‍ തടയുകയും ചെയ്യും. എടിഎമ്മില്‍ ഇടപാടുകള്‍ പൂര്‍ത്തിയാക്കിയ ശേഷം 'കാന്‍സല്‍' കീ പ്രസ് ചെയ്യുന്നത് കൂടുതല്‍ സുരക്ഷിതത്വും ഉറപ്പു വരുത്തുമെന്നും അധികൃതര്‍ പറയുന്നു.

 Mathrubhumi Business എടിഎം സുരക്ഷയ്ക്കായി സെക്യൂരിറ്റി സ്‌ക്രീന്‍

മാതാപിതാക്കള്‍ അറിയാന്‍

ധന്യ മേനോന്‍
സൈബര്‍ ക്രൈം ഇന്‍വെസ്റ്റിഗേറ്റര്‍
കുട്ടികള്‍ ഇന്‍റര്‍നെറ്റ് കുരുക്കില്‍പ്പെടാതിരിക്കാന്‍ ശ്രദ്ധിക്കേണ്ടത് മാതാപിതാക്കള്‍ തന്നെയാണ്. ഇന്‍റര്‍നെറ്റിന്‍റെ വിശാലലോകം കുട്ടികള്‍ക്കു മുന്നില്‍ തുറന്നിടുന്ന രക്ഷിതാക്കളുടെ ലിബറല്‍ ആറ്റിറ്റ്യൂഡാണ് പ്രശ്നം. ഫില്‍റ്ററിങ്ങും ബ്ലോക്കിങ് പ്രോഗ്രാമും ഇന്‍റര്‍നെറ്റ് സേഫ്റ്റി പ്ലാനില്‍ ഉള്‍പ്പെടുത്തുക. സേഫ്റ്റി മെത്തേഡുകള്‍ ഉണ്ട്. എന്നാലും മാതാപിതാക്കളുടെ കരുതലാണ് ഏറ്റവും മികച്ച സേഫ്റ്റി. ഇന്‍റര്‍നെറ്റ് സംബന്ധമായ പ്രശ്നങ്ങളില്‍ അകപ്പെട്ട മറ്റു കുട്ടികളുടെ മാതാപിതാക്കളുമായി കാര്യങ്ങള്‍ ചര്‍ച്ചചെയ്യുക. അവരുടെ അനുഭവങ്ങള്‍ അറിയുക. കുട്ടികളോട് ഇക്കാര്യങ്ങള്‍ എങ്ങനെ പറഞ്ഞു മനസിലാക്കാം എന്നതിനെക്കുറിച്ചും തീരുമാനങ്ങളെടുക്കുക. എന്തെങ്കിലും സംഭവിച്ചിട്ടു പറയുന്നതിനേക്കാള്‍ നേരത്തേതന്നെ കാര്യങ്ങളുടെ ഗൗരവം കുട്ടികളെ ബോധ്യപ്പെടുത്തണം.
കുട്ടികള്‍ ഇന്‍റര്‍നെറ്റില്‍ നിന്നും ഡൗണ്‍ലോഡ് ചെയ്ത ഗ്രാഫിക് ഫയലുകളുടെ എക്സ്റ്റന്‍ഷന്‍ ശ്രദ്ധിക്കുക. ഷുഴ, .ഴശള, .യാു, .ശേള, .ുരഃ തുടങ്ങിയ ഫോര്‍മാറ്റുകള്‍ പ്രത്യേകം സൂക്ഷിക്കു ക. ഇത്തരം ഫയലുകളില്‍ മോശമായ കണ്ടന്‍റുകള്‍ അടങ്ങിയിരിക്കാന്‍ സാധ്യത ഏറെയാണ്. തെറ്റാണെന്നു തോന്നുന്ന സൈറ്റുകള്‍ റേറ്റ് ചെയ്ത് ഫില്‍റ്റര്‍ ചെയ്യാന്‍ ഇപ്പോള്‍ പ്രോഗ്രാമുകള്‍ ഉണ്ട്. മോശം കണ്ടന്‍റുകളുള്ള സൈറ്റുകളെ ബ്ലോക്ക് ചെയ്യാം. മറ്റു ചിലത് സൈറ്റുകളില്‍ പേരും അഡ്രസും ഉള്‍പ്പെടെയുള്ള വിവ രങ്ങള്‍ നല്‍കുന്നതില്‍ നിന്നും വിലക്കുന്നു. മൂന്നാമത്തെ തരം പ്രോഗ്രാമുകള്‍ ഇ മെയ്ല്‍ വായിക്കാനോ അയയ്ക്കാനോ അനുവദിക്കില്ല, ചാറ്റ് റൂം ഫെസിലിറ്റിയും കട്ട് ചെയ്യുന്നു.

http://www.metrovaartha.com/2010/05/15021338/cyber-crime20100515.html

പ്രഭുദേവയും പാര്‍വതി ഓമനക്കുട്ടനും തമ്മില്‍?


Parvathi Omanakkuttan
PRO
PRO
നടനും ഡാന്‍സറും സംവിധായകനും വിവാദതാരവുമായ പ്രഭുദേവയ്ക്കും മിസ് വേള്‍ഡ് മത്സരത്തില്‍ തലനാരിഴയ്ക്ക് തോറ്റുപോയ മലയാളി സുന്ദരി പാര്‍വതി ഓമനക്കുട്ടനും തമ്മിലെന്ത് എന്നല്ലേ? തെന്നിന്ത്യന്‍ ഗ്ലാമര്‍ സുന്ദരി നയന്‍‌താരയെ പ്രണയിക്കുന്ന പ്രഭുദേവയ്ക്ക് അകംഴിഞ്ഞ ‘സപ്പോര്‍ട്ട്’ നല്‍‌കുകയാണ് നമ്മുടെ പാര്‍വതിക്കുട്ടി. നയന്‍‌താരയെ പ്രഭുദേവ പ്രണയിക്കുന്നത് ഭാര്യ റം‌ലത്തിന് രസിക്കുന്നില്ലെങ്കില്‍ വിവാഹബന്ധം ഉപേക്ഷിച്ചുകൂടേ എന്നാണ് മലയാളി സുന്ദരി ചോദിക്കുന്നത്!

എല്ലാം മിസ് താരങ്ങളെയും പോലെ, പാര്‍വതി ഓമനക്കുട്ടനും മുഴുവന്‍ സമയ സിനിമാ പ്രവേശനത്തിനൊരുങ്ങുകയാണ്. ‘ഉമാമഹേശ്വരം’ എന്ന സിനിമയിലൂടെയാണ് പാര്‍വതി തമിഴില്‍ എത്തുന്നത്. നിതിന്‍ രാമകൃഷ്ണന്‍ സംവിധാനം ചെയ്യുന്ന ഈ സിനിമയുടെ പൂജ ചെന്നൈയിലുള്ള എ‌വി‌എം സ്റ്റുഡിയോയില്‍ നടന്നപ്പോഴാണ് ‘പ്രഭു-നയന്‍’ പ്രണയത്തെ പറ്റി മാധ്യമപ്രവര്‍ത്തകരോട് പാര്‍വതി തുറന്നടിച്ചത്.

“നയന്‍‌താരയെയും പ്രഭുദേവയെയും എനിക്ക് നേരിട്ട് പരിചയമില്ല. ഇരുവരെയും പറ്റി ഞാന്‍ കേട്ടിട്ടുണ്ട്. ഇരുവര്‍ക്കും ഇടയിലുള്ള പ്രണയത്തെ പറ്റി മാധ്യമങ്ങളിലൂടെ അറിഞ്ഞിട്ടുമുണ്ട്. പ്രണയത്തിന് കണ്ണില്ല എന്നാണ് പഴമൊഴി. കല്യാണം കഴിഞ്ഞയാളാണോ കല്യാണം കഴിക്കാത്തയാളാണോ എന്നൊന്നും നോക്കിയല്ല പ്രണയരോഗം പിടിപെടുന്നത്. അതുകൊണ്ടുതന്നെ ഇവരുടെ പ്രണയത്തെ തള്ളിപ്പറയാന്‍ എനിക്കാകില്ല.”

Parvathi Omanakkuttan supports 'Nayan - Prabhudeva' love! | പ്രഭുദേവയും പാര്‍വതി ഓമനക്കുട്ടനും തമ്മില്‍?

മണി നെവര്‍ സ്ലീപ്‌സ്‌



മണി നെവര്‍ സ്ലീപ്‌സ്‌
Posted on: 17 May 2010


കമ്പ്യൂട്ടറും മനുഷ്യനും തമ്മിലുള്ള വ്യത്യാസമെന്താണ് ?

നമ്മുടെ വിശ്വനാഥന്‍ ആനന്ദിന് മുമ്പ് ചെസ് ലോകത്തിലെ അനിഷേധ്യ രാജാവായിരുന്ന ഗാരി കാസ്​പറോവ് അതിന് ലളിതമായ ഒരു ഉത്തരം കണ്ടെത്തിയിരുന്നു.

1996 ലാണ്. ഒരു ലോക ചെസ് ചാമ്പ്യന്‍ ആദ്യമായി കമ്പ്യൂട്ടറിനു മുന്നില്‍ തോറ്റത്. കമ്പ്യൂട്ടര്‍ ഭീമന്‍ ഐ ബി എം, 27 കൊല്ലത്തെ ഗവേഷണത്തിനു ശേഷം രൂപപ്പെടുത്തിയതായിരുന്നു ഡീപ് തോട്ട് എന്ന ചെസ് സൂപ്പര്‍ താരം. ഒരു സെക്കന്റില്‍ 200 കോടി പൊസിഷനുകള്‍ അപഗ്രഥിക്കാവുന്ന തലച്ചോറുള്ള ഡീപ് തോട്ടും കാസ്​പറോവുമായുള്ള ആറ് ഗെയിമിന്റെ യുദ്ധം ചെസ് ഇതിഹാസത്തിന്റെ ഭാഗമാണിന്ന്. ആദ്യത്തെ ഗെയിം. ഡീപ് തോട്ട് വളരെ എളുപ്പം കാസ്​പറോവിനെ തോല്‍പ്പിച്ചു. യന്ത്രത്തിന്റെ ശക്തിക്കു മുന്നില്‍ മനുഷ്യന്‍ ആരുമല്ല എന്ന് തെളിയിച്ചു. കാസ്​പറോവ് അസ്വസ്ഥനായി. അന്ന് രാത്രി ഉറക്കം വരാതെ കിടന്നപ്പോഴാണ് പെട്ടെന്ന് അദ്ദേഹത്തിന് ഭൂതോദയം ഉണ്ടായത്. ആര്‍ക്കമെഡീസിനെപ്പോലെ യൂറേക്കാ എന്ന് അദ്ദേഹം വിളിച്ചു കൂകി.

ഭാഗ്യം. കാസ്​പറോവിനു മുമ്പുള്ള ലോകചാമ്പ്യന്‍ അമേരിക്കയുടെ ജീനിയസ് ബോബി ഫിഷര്‍ ആയിരുന്നെങ്കില്‍ യൂറേക്കാ എന്നു വിളിച്ചുകൊണ്ടുള്ള ഓട്ടം കൂടുതല്‍ വാര്‍ത്താപ്രാധാന്യം സ്യഷ്ടിച്ചേനേം. ആര്‍ക്കമെഡീസ് കുളിമുറിയിലെ തൊട്ടിയില്‍ നിന്നും ചാടി നഗ്നനായിട്ടാണ് ഏതന്‍സിലെ തെരുവിലൂടെ ഓടിയത് എന്നാണല്ലോ ചരിത്രം. ഓരോ ഗെയിം കഴിഞ്ഞ് ബോബി ഫിഷറും കഴിഞ്ഞ കളി അപഗ്രഥിക്കുകയും അടുത്ത കളി പ്ലാന്‍ ചെയ്യുന്നതും അര്‍ദ്ധരാത്രിക്ക് ഹോട്ടലിലെ നീന്തല്‍ക്കുളത്തില്‍ നഗ്നനായി കിടന്നായിരുന്നു.

കാസ്​പറോവ് യൂറേക്കാ വിളിച്ചു. പക്ഷെ തെരുവിലേക്കോടിയല്ല.
കാസ്​പറോവിന് വെളിച്ചം കിട്ടി.
മനുഷ്യന് വികാരമുണ്ട്. യന്ത്രത്തിന് അതില്ല. ബുദ്ധി രണ്ടു കൂട്ടര്‍ക്കുമുണ്ട്. പക്ഷെ വികാരം ? അത് മനുഷ്യനു മാത്രമേയുള്ളു. യന്ത്രത്തിനില്ല.

പിന്നെ എളുപ്പമായിരുന്നു. കാസ്​പറോവ് പ്ലാനിട്ടു. വിഡ്ഡിത്തരമായ നീക്കങ്ങള്‍, ആവര്‍ത്തനം, കബളിപ്പിക്കല്‍ എല്ലാം. ഒരു കൊച്ചുകുട്ടിയായിരുന്നു എതിരാളിയെങ്കില്‍ അവന്‍ പോലും കണ്ടുപിടിക്കുമായിരുന്ന തരം കളി. കാസ്​പറോവ് പിന്നെ തോറ്റില്ല. അടുത്ത അഞ്ചു ഗെയിമുകളില്‍ മൂന്നെണ്ണം ജയിച്ചു. രണ്ടെണ്ണം സമനിലയിലും പിരിഞ്ഞു.

ഡീപ് തോട്ട് പിന്നീട് കാസ്​പറോവിന്റെ ഈ കുട്ടിനീക്കങ്ങളെ മറികടക്കാനുള്ള തലച്ചോറുമായി ഡീപ് ബ്ലൂ ആയി വന്നു. കാസ്​പറോവിനെ തോല്‍പ്പിക്കുകയും ചെയ്തു. പക്ഷെ അടിസ്ഥാനപരമായി യന്ത്രവും മനുഷ്യനും തമ്മിലുള്ള വ്യത്യാസം കാസ്​പറോവ് കണ്ടുപിടിച്ചത് ശരിയാണെന്നതില്‍ ആര്‍ക്കും അഭിപ്രായവ്യത്യാസമുണ്ടായില്ല.

സയന്‍സിന് വികാരമില്ല. കെമിസ്ട്രിക്കും ഫിസിക്‌സിനും ബയോളജിക്കും എന്‍ജിനീയറിങ്ങിനും വികാരമില്ല. കണക്കിനുമില്ല. ലോജിക്‌സിനുമില്ല. ഇപ്പോള്‍ ഇക്കണോമിക്‌സും ഒപ്പം ചേര്‍ന്നിരിക്കുകയാണ്. ഇംപെഴ്‌സണല്‍. സയന്‍സിനെ നമ്മുടെ വൈകാരികമായ തീരുമാനങ്ങളുടെ പരിധി വിട്ട് നമ്മെ കീഴടക്കാന്‍ അനുവദിക്കുന്ന നിലയിലേക്ക് നാം എത്തിക്കഴിഞ്ഞു.

ഹിരോഷിമയില്‍ വീണ ഒരു ആറ്റം ബോംബു മതിയായിരുന്നു രണ്ടാം
ലോകമഹായുദ്ധത്തില്‍ ജപ്പാന്‍ അടിയറവു പറയാന്‍. ബോംബു വീണയുടന്‍ ജപ്പാന്‍ ചക്രവര്‍ത്തി ഹിരോഹിതോ കീഴടങ്ങലിന് തയാറെടുക്കുകയുമായിരുന്നു. പക്ഷെ വേറൊരു തരം ആറ്റം ബോംബുകൂടി സയന്‍സ് കണ്ടുപിടിച്ചിരുന്നു. രണ്ടിലേതാണ് കൂടുതല്‍ നാശനഷ്ടം ഉണ്ടാക്കുന്നതെന്നറിയാന്‍ നാഗസാക്കിയില്‍ അതു കൂടി പരീക്ഷിച്ചു. സയന്‍സിന്റെ വികാരമില്ലായ്മ, ആദ്യത്തെ ബോംബിടീലിനെ ന്യായീകരിച്ചാല്‍പ്പോലും, രണ്ടാമത്തേതില്‍ പ്രകടമായി. ലക്ഷക്കണക്കിന് നിരപരാധികളായ മനുഷ്യര്‍ കൊല്ലപ്പെട്ടു. .

നമ്മുടെ സാമ്പത്തികരംഗവും ഇന്ന് വികാരമില്ലാത്ത സയന്‍സിന്റെ വേതാളപ്പിടിയിലായിക്കഴിഞ്ഞിരിക്കുന്നു.

ഏറ്റവും പുതിയ ഉദാഹരണം ഗ്രീസാണ്.
ഗ്രീസിലേക്ക് വിദേശമൂലധനം ഒഴുകിക്കൊണ്ടിരുന്ന നല്ല കാലത്ത് അസൂയാവഹമായ സാമ്പത്തികശക്തി നേടിയ രാഷ്ട്രമായിരുന്നു അത്. സോക്രട്ടീസിന്റെ യും പ്ലേറ്റോയുടെയും അരിസ്റ്റോട്ടിലിന്റെയും ആര്‍ക്കമിഡിസിന്റെയും നാട്. അത് പണ്ട്. ഇന്ന് ഒനാസ്സിന്റെയും നിയാര്‍കോഡിന്റെയും അതുപോലെയുള്ള കപ്പല്‍ മുതലാളിമാരുടെയും നാട്. ലോകത്തിലെ ആകെ കപ്പല്‍ഗതാഗതത്തിന്റെ 18 ശതമാനവും ഗ്രീക്ക് മുതലാളിമാരുടെ കൈയിലാണ്.

സമ്പന്നരുടെ രാഷ്ട്രമാണ് ഗ്രീസ്. പക്ഷെ ഗ്രീസിന്റെ ബജറ്റ് നല്ല കാലത്തെ വരവിന്റെ ശോഭയില്‍ ഒരു ദിവാസ്വപ്നമേഖലയിലായിരുന്നു. ഏറ്റവുമധികം ടാക്‌സ് ഇവേഷന്‍ നടക്കുന്ന രാഷ്ട്രങ്ങളില്‍ മുന്‍പന്തിയിലാണിന്ന് ഗ്രീസ്. ഏതന്‍സ് നഗരത്തിന്റെ പ്രാന്തപ്രദേശത്ത് കൂറ്റന്‍ വില്ലകളും എസ്റ്റേറ്റുകളും അനവധിയുണ്ട്. ഈയിടെ സര്‍ക്കാര്‍ നടത്തിയ ഒരു സാറ്റലൈറ്റ് അന്വേഷണത്തില്‍ അവിടെ 3079 നീന്തല്‍ക്കുളങ്ങളുള്ളതായി കണ്ടിരുന്നു. എന്നാല്‍ വീട്ടുടമകളില്‍ 324 പേര്‍ മാത്രമേ ഈ സൗകര്യം തങ്ങള്‍ക്കുണ്ടെന്ന് ടാക്‌സ് റിട്ടേണില്‍ സമ്മതിച്ചിരുന്നുള്ളു. (ഇത് ഒരു ഉദാഹരണമാണ്. ഡല്‍ഹിയും ഒട്ടും പിന്നിലല്ല എന്നു നമുക്കറിയാം.)

ഗ്രീസിന്റെ പ്രശ്‌നം പെട്ടെന്ന് യൂറോപ്പിന്റെയും പ്രശ്‌നമായി. സ്വന്തം കറന്‍സി ഉപേക്ഷിച്ച് യൂറോയുടെ ഭാഗമായതു കാരണം ഡീ വാല്യുവേഷന്‍ തുടങ്ങിയ പരമ്പരാഗത പ്രശ്‌നപരിഹാര മാര്‍ഗ്ഗങ്ങളും ഇല്ലാതായി.

ഗ്രീസിന്റെ സാമ്പത്തിക പ്രതിസന്ധി ലോകത്തിലെ എല്ലാ മാര്‍ക്കറ്റുകളെയും ബാധിച്ചു. ഇന്ത്യയിലെ ഓഹരി വിപണി പോലും പെട്ടെന്ന് കൂപ്പു കുത്തി വീണു.

ലോകമെമ്പാടും ഇത്ര പെട്ടെന്ന് ഗ്രീസിലെ പ്രശ്‌നം ഒരു ആഗോളപ്രശ്‌നമായതെങ്ങിനെ?

ഇവിടെ കാസ്​പറോവിന്റെ ലളിതമായ കണ്ടുപിടുത്തിന് പ്രസക്തിയില്ലേ ?
ഇന്ന് ആഗോള സ്റ്റോക്ക് എക്‌സ്‌ചേഞ്ചുകളെല്ലാം പ്രവര്‍ത്തിക്കുന്നത് ടൈം സോണുകളെ അതിജീവിച്ച് അത്യാധുനിക ഹൈ ടെക് സംവിധാനത്തിലൂടെ പ്രോഗ്രാം ചെയ്തുവച്ച ശതകോടിക്കണക്കിന് ഇലക്‌ട്രോണിക്ക് ട്രേഡിങ് റെക്കാര്‍ഡുകളിലൂടെയാണ്. ഇവിടെയെല്ലാം അതിവേഗത്തില്‍ പ്രവര്‍ത്തിക്കുന്ന വിപണന നെറ്റ് വര്‍ക്കുകള്‍ അന്യോന്യം ശക്തിയേറിയ മത്സരബുദ്ധിയോടെ ഇടപെടുമ്പോള്‍ പരമ്പരാഗത വിപണികളുടെ സുരക്ഷാ ബോള്‍ട്ടുകള്‍ നിര്‍ജ്ജീവമാകും. വ്യത്യസ്തനിയമങ്ങള്‍ പാലിക്കുന്ന സ്റ്റോക്ക് എക്‌സ്‌ചേഞ്ചുകളില്‍ ചിലവയില്‍ വിലയിലുള്ള അസാധാരണമായ വ്യതിയാനം ട്രേഡിങ് നിര്‍ത്താന്‍ നിയമമുള്ളപ്പോള്‍ അത്തരം നിരോധനം ഇല്ലാത്തയിടങ്ങളില്‍ ട്രേഡിങ് നിര്‍ബാധം നടക്കുകയും ചെയ്യുന്നു. സ്വാഭാവികമായും ലാഭമുള്ളിടത്തേക്ക് പണത്തിന്റെ പ്രവാഹം കൂടുതല്‍ ശക്തിയോടെ നടക്കുന്നു.

ഞാന്‍ 'ഓഹരി' എന്ന നോവല്‍ എഴുതിയ 1992-93 കാലത്ത് ഓഹരിവിപണിയുടെ ഏറ്റവും സജീവമായിരുന്ന മുഖം ബ്രോക്കറുടേതായിരുന്നു. അന്ന് ബോംബെ വിപണിയിലെ ഏറ്റക്കുറച്ചിലുകളില്‍ കണ്ണു നട്ട് തന്റെ വിജ്ഞാനവും പരിചയസമ്പത്തും പൂര്‍ണ്ണമായി ഉപയോഗിച്ച് ബ്രോക്കര്‍ എന്ന മനുഷ്യന്‍ എടുക്കുന്ന
തീരുമാനങ്ങള്‍ക്ക് വൈകാരികത ഉണ്ടായിരുന്നു. സ്റ്റോക്ക് എക്‌സ്‌ചേഞ്ച് മനുഷ്യന്റേതായിരുന്നു.

ബിഗ് ബോര്‍ഡും കമ്പ്യൂട്ടര്‍ സ്‌ക്രീനും അവനെ തീരുമാനങ്ങളെടുക്കാന്‍ സഹായിക്കുന്ന സുഹ്യത്തുക്കള്‍ മാത്രമായിരുന്നു.

ഇന്ന് അത് മാറി.
വികാരമില്ലാത്ത ശാസ്ത്രം സാമ്പത്തിക സംവിധാനങ്ങളെയും മനുഷ്യനില്‍ നിന്നകറ്റി.
'ഓഹരി' നോവല്‍ സിനിമയാക്കാന്‍ പല സംവിധായകരും ശ്രമിക്കുകയുണ്ടായി. പക്ഷെ ഓരോ കൊല്ലം കഴിയുന്തോറും വിപണിയുടെ രൂപത്തില്‍ വരുന്ന മൗലികമായ മാറ്റം മനുഷ്യനില്‍ നിന്നു ഓഹരിവിപണിക്കുള്ള അകല്‍ച്ച വര്‍ധിപ്പിക്കുന്നത് ശ്രദ്ധേയമായിരുന്നു. ഹോളിവുഡ്, ഓഹരിവിപണിയെ പശ്ചാത്തലമാക്കി പണ്ട് നിര്‍മ്മിച്ച വാള്‍ സ്ട്രീറ്റ് എന്ന സിനിമയുടെ രണ്ടാം ഭാഗമായി കൊണ്ടു വന്ന സിനിമ ഇപ്പോള്‍ നടക്കുന്ന കാന്‍ ഫിലിം ഫെസ്റ്റിവലിലെ സമാപനസിനിമയാണ്. മൈക്കല്‍ ഡഗ്ലാസിന് ഈ വര്‍ഷത്തെ മികച്ച നടനുള്ള ഓസ്‌ക്കാര്‍ നേടിക്കൊടുത്ത ഈ സിനിമയുടെ പേര് ഇന്നത്തെ സാമ്പത്തിക രംഗത്തിന് തീര്‍ത്തും അനുയോജ്യമാണ്.

ചിത്രത്തിന്റെ പേര് Wall Street II- Money never sleeps എന്നാണ്.

ശരിയാണ്. ഗ്രീസ് കാട്ടിത്തന്നു. 






 Mathrubhumi Business മണി നെവര്‍ സ്ലീപ്‌സ്‌

ആരാധകനായാല്‍ ഇങ്ങനെ വേണം


ഏക് ദോ തീന്‍... അല്ല നാല്‍പ്പത്തിമൂന്നായി പ്രായം. എങ്കിലും ബോളിവുഡിന്‍റെ താരറാണി ആരെ ന്നു ചോദിച്ചാല്‍ മാധുരി ദീക്ഷിതിന്‍റെ പേര് പറയുന്നവര്‍ ഇന്നും ഏറെ. കഴിഞ്ഞ പതിനഞ്ചിന് നാല്‍പ്പത്തിമൂന്നാം പിറന്നാള്‍ ആഘോഷി ച്ചു മാധുരി. എല്ലാ വര്‍ഷവും തന്‍റെ ആരാധനാ മൂര്‍ത്തിയുടെ ജന്മദിനം മറക്കാതെ ഉത്സവമാക്കുന്ന ഒരാളുണ്ട്, ജംഷഡ്പൂരില്‍. മാധുരിയുടെ കടുത്ത ആരാധകനായ പപ്പു സര്‍ദാര്‍. തന്‍റെ ഇഷ്ടതാരത്തിന്‍റെ ചിത്രത്തിനു മുന്നില്‍ ആരതിയുഴിഞ്ഞ്, കേക്ക് മുറിച്ച്, അയല്‍ക്കാര്‍ക്കും ബന്ധുക്കള്‍ക്കുമെല്ലാം മധുരം വിളമ്പിയാണ് പപ്പു ജന്മദിനം ആഘോഷിക്കുന്നത്. ഇത്തവണ മറ്റൊരു പ്രത്യേകത കൂടിയുണ്ടായിരുന്നു. ദില്‍ തോ പാഗല്‍ ഹെ, യാരാനാ, ദേവ് ദാസ്, ഫൂല്‍ തുടങ്ങി മാധുരി ചിത്രങ്ങളുടെ പേരെഴുതിയ വസ്ത്രം ധരിച്ചാണ് പപ്പു ആഘോഷത്തിനെത്തിയത്. 1996 മുതല്‍ ഇതുവരെ ഒരു വര്‍ഷം പോലും മുടങ്ങാതെ പിറന്നാള്‍ കൊണ്ടാടുന്നു. തന്നെ ഇത്രയധികം ആരാധിക്കുന്ന പപ്പുവിന് എല്ലാ വര്‍ഷവും എന്തെങ്കിലും സമ്മാനങ്ങള്‍ അയച്ചുകൊടുക്കാന്‍ മാധുരിയും മറക്കാറില്ല.
എല്ലാവരും ഈശ്വരനെ ആരാധിക്കുന്നു, അതുപോലെ പപ്പു അദ്ദേഹത്തിന്‍റെ ഈശ്വ രനെ ആരാധിക്കുന്നു. അതില്‍ ആര്‍ക്കും തെറ്റു പറയാനാവില്ലെന്നാണ് പപ്പുവിന്‍റെ അയല്‍ക്കാരി പറയുന്നത്. ഇതിനിടെ ഒരു ഇന്‍റര്‍നാഷണല്‍ റിസര്‍ച്ചിന്‍റെ ഭാഗമാവാനും പപ്പുവിനു കഴിഞ്ഞു. കാലിഫോര്‍ണിയ യൂണിവേഴ്സിറ്റിയിലെ വിദ്യാര്‍ഥിയായ ശാലിനി കക്കാര്‍ തന്‍റെ പ്രൊജക്റ്റിനു തെരഞ്ഞെടുത്ത വിഷയം, ഡിവോഷണല്‍ ഫാന്‍ഡം ആന്‍ഡ് ഐക്കണിക് സ്റ്റേച്ചര്‍ ഗിവണ്‍ റ്റു ഫിലിംസ്റ്റാര്‍സ്, സ്പോര്‍ട്സ് പേഴ്സണ്‍സ് ആന്‍ഡ് പൊളിറ്റിഷന്‍സ് ഇന്‍ ഇന്ത്യ. റിസര്‍ച്ചിന് പപ്പുവിനേക്കാള്‍ മികച്ച ഒരു ആരാധകനെ ശാലിനിക്ക് എവിടെക്കിട്ടാന്‍. കഴിഞ്ഞ ഒരു ദശകത്തിലേറെയായി പപ്പു തന്‍റെ ആരാധാനാപാത്രത്തോടു കാണിക്കുന്ന ആത്മാര്‍ഥത എഴുതാന്‍ തീസീസിലെ ഒരു അധ്യാ യം തന്നെ മാറ്റിവച്ചു ശാലിനി.
കേള്‍ക്കുന്നവര്‍ക്ക് കുറച്ചു അരോചകം തോന്നാമെങ്കി ലും പ്രശസ്തി ആഗ്രഹിച്ചല്ല പപ്പു ഇതൊന്നും ചെയ്തത്. മാധുരിയോടുള്ള ആരാധനയ് ക്ക് ഒരു രൂപം നല്‍കി. ഒപ്പം താരത്തെപ്പോലെ കുട്ടികളെ വാര്‍ത്തെടുക്കാന്‍ ഡാന്‍സ് സ്കൂളും തുടങ്ങി. ജീവകാരുണ്യപ്രവര്‍ത്തനങ്ങളില്‍ സജീ വ സാന്നിധ്യം. വെറുതെ ഒരു ആരാധകന്‍ എന്ന പേരില്‍ ഒതുങ്ങി നില്‍ക്കാന്‍ ആഗ്രഹിക്കാത്ത പപ്പു ഒരുപാട് ആരാധകര്‍ക്ക് മാതൃകയാണെന്നു തീര്‍ച്ച. എല്ലാവര്‍ഷവും കൃത്യമായി മാധുരിയുടെ പിറന്നാള്‍ ആഘോഷിക്കുന്നതുകൊണ്ട് പ്രായം മറച്ചുവയ്ക്കാന്‍ താര ത്തിനും കഴിയില്ല. പ്രായം തുറന്നു പറയുന്ന കാര്യത്തില്‍ മടിയുള്ള നടിമാര്‍ ഇത്തരം ആരാധകരെ സൂക്ഷിക്കുന്നത് നന്ന്. 

‘ലൈല’ തീരത്തോടടുക്കുന്നു; ജാഗ്രതാ നിര്‍‌ദേശം!


PRO
ബംഗാള്‍ ഉള്‍ക്കടലില്‍ രൂപം കൊണ്ടിട്ടുള്ള ലൈല ചുഴലിക്കാറ്റ് തീരത്തേക്ക് അടുക്കുന്നതോടെ തമിഴ്നാട്ടിലെയും ആന്ധ്രാപ്രദേശിലെയും തീരപ്രദേശങ്ങളില്‍ കനത്ത മഴയ്ക്കും കാറ്റിനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്‍റെ മുന്നറിയിപ്പ്. ബംഗാള്‍ ഉള്‍ക്കടലില്‍ നിന്ന് 700 കിലോമീറ്റര്‍ അകലെയാണ് ചുഴലിക്കാറ്റ് ശക്തിപ്രാപിച്ചിരിക്കുന്നത്.

ഇന്ന് രാത്രിയോടെ ആന്ധ്ര തീരത്ത് 65-75 കിലോമീറ്റര്‍ വേഗതയില്‍ കൊടുങ്കാറ്റ് അടിക്കാന്‍ സാധ്യതയുണ്ടെന്നും മീന്‍പ്പിടുത്തക്കാര്‍ കടലില്‍ പോകരുതെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കിയിട്ടുണ്ട്. തമിഴ്നാട്ടില്‍ അന്തരീക്ഷം മൂടിക്കെട്ടിയ നിലയിലാണ്. കത്തിരി ചൂടില്‍ വെന്തുരുകിയ തമിഴകത്തിന് മൂടിക്കെട്ടിയ അന്തരീക്ഷവും തണുത്തകാറ്റും ആശ്വാസമായി.

കേരളത്തില്‍ കാലവര്‍ഷം ഇത്തവണ പ്രതീക്ഷിച്ചതിലും നേരത്തെ എത്തുമെന്ന് കഴിഞ്ഞ ദിവസം കാലാവസ്ഥാ നിരീക്ഷണ കേന്ദ്രം അറിയിച്ചിരുന്നു. എന്നാല്‍ ലൈല ചുഴലിക്കാറ്റിന്‍റെ പ്രഭാവം കാലവര്‍ഷം വൈകിപ്പിച്ചേക്കുമെന്നും ഭീതിയുണ്ട്.

കഴിഞ്ഞ വര്‍ഷം ഒറീസ തീരത്ത് ആഞ്ഞടിച്ച ഐല ചുഴലിക്കാറ്റിനെയും മഴയെയും തുടര്‍ന്ന് അന്തരീക്ഷ ഈര്‍പ്പം മുഴുവന്‍ നഷ്ടമാവുകയും കാലവര്‍ഷത്തിന്‍റെ വരവ് വൈകിക്കാന്‍ ഇത് ഇടയാക്കുകയും ചെയ്തിരുന്നു.

Cyclone Laila to bring heavy rains to north TN, Andhra coasts | ‘ലൈല’ തീരത്തോടടുക്കുന്നു; ജാഗ്രതാ നിര്‍‌ദേശം!

തീവ്രവാദികളുടെ ശമ്പളം വര്‍ധിപ്പിച്ചു

 തീവ്രവാദികളുടെയും പാക് അധീന കശ്മീരിലെ അഭയാര്‍ഥികളുടെയും ശമ്പളം വര്‍ധിപ്പിച്ചതായി റിപ്പോര്‍ട്ട്. ജമ്മു-കശ്മീരില്‍ നിന്നു തീവ്രവാദത്തിനെത്തുന്നവര്‍ക്ക് 8000 മുതല്‍ 10,000 രൂപ വരെയാണു പാക് അധികൃതര്‍ വാഗ്ദാനം ചെയ്തിരിക്കുന്നത്. 5000 രൂപയാണു നേരത്തെ നല്‍കിയിരുന്നത്. വിവിധ രഹസ്യാന്വേഷണ ഏജന്‍സികളാണ് ഇക്കാര്യം റിപ്പോര്‍ട്ട് ചെയ്തത്. അഭയാര്‍ഥികളുടെ ശമ്പളം 1,800 ല്‍ നിന്നു 2,400 രൂപയാക്കി. കുത്തനെ ശമ്പളം വര്‍ധിപ്പിക്കാനുള്ള കാരണം വ്യക്തമല്ല. കഴിഞ്ഞ ഏതാനും നാളുകളായി ജമ്മു-കശ്മീരിലെ അക്രമ സംഭവങ്ങളില്‍ വന്‍ കുറവുണ്ടായിരുന്നു. ആഗോളതലത്തില്‍ കശ്മീര്‍ പ്രശ്നം ഉയര്‍ത്തിക്കൊണ്ടു വരാന്‍ സംസ്ഥാനത്തു സംഘര്‍ഷാവസ്ഥ നിലനില്‍ക്കേണ്ടതു ഭീകരരുടെ ആവശ്യമാണ്. ഈ സാഹചര്യത്തിലാവും വര്‍ധന ഏര്‍പ്പെടുത്തിയതെന്നു കരുതുന്നു. ലഷ്കര്‍ ഭീകരന്‍ ഫര്‍ഖ്വാന്‍ ഏപ്രില്‍ അവസാനം കശ്മീരിലേക്കു നുഴഞ്ഞു കയറിയതായി റിപ്പോര്‍ട്ടുണ്ടായിരുന്നു. നുഴഞ്ഞു കയറാനുള്ള തീവ്രവാദികളുടെ ശ്രമം സൈന്യം പരാജയപ്പെടുത്തിയെങ്കിലും ഫര്‍ഖ്വാന്‍ കശ്മിരിലെത്തിയതായാണു റിപ്പോര്‍ട്ട്. നാലു വര്‍ഷത്തിനു ശേഷമാണ് ഇയാള്‍ കശ്മീരില്‍ എത്തുന്നത്. സംസ്ഥാനത്തു വന്‍ ആക്രമണം നടത്താനുള്ള ലഷ്കര്‍ പദ്ധതിയുടെ ഭാഗമായാണ് ഇയാളുടെ തിരിച്ചു വരവെന്നു രഹസ്യാന്വേഷണ ഏജന്‍സികള്‍ റിപ്പോര്‍ട്ട് ചെയ്തു. 
തീവ്രവാദ പരിശീലനത്തിനായി കഴിഞ്ഞ രണ്ടു ദശകങ്ങളായി പതിനായിരക്കണക്കിനു കശ്മീരി യുവാക്കളാണു പാക് അധീന കശ്മീരിലെത്തിയത്. എന്നാല്‍ ഇതില്‍ ഭൂരിഭാഗം പേരും പാക് സര്‍ക്കാരിന്‍റെ അഭയാര്‍ഥി ക്യാംപുകളിലാണു കഴിയുന്നത്. ഇവരില്‍ ചിലര്‍ ഇന്ത്യയിലേക്കു മടങ്ങി വരാന്‍ ആഗ്രഹം പ്രകടിപ്പിച്ചിരുന്നു. ഈ സാഹചര്യത്തിലാവും ഇവരുടെ ശമ്പള വര്‍ധന നടപ്പാക്കിയതെന്നു കരുതുന്നു

http://www.metrovaartha.com/2010/05/17142458/Kashmir-terrorists-get-100-pay.html

വായ്പാ വാര്‍ത്ത വ്യാജം: വിജയ് മല്യ


PRO
വായ്പയെടുത്ത തുക തിരിച്ചടയ്ക്കാത്തതിന് കിംഗ് ഫിഷര്‍ എയര്‍ലൈന്‍സിന് ഐഡിബിഐ ബാങ്ക് നോട്ടീസ് അയച്ചെന്ന വാര്‍ത്ത ഉടമ വിജയ് മല്യ നിഷേധിച്ചു. വാര്‍ത്ത വ്യാജമാണെന്നും ഐഡിബിഐ ബാങ്കില്‍ നിന്നും വായ്പ സ്വീകരിച്ചിട്ടില്ലെന്നും മല്യ വിശദീകരിച്ചു. ഒരു ദിനപ്പത്രത്തിലാണ് ഇത് സംബന്ധിച്ച വാര്‍ത്ത വന്നത്.

900 കോടി രൂപ കിംഗ് ഫിഷര്‍ വായ്പ എടുത്തെന്നും സമയബന്ധിതമായി തിരിച്ചടയ്ക്കാത്തതിനാല്‍ ബാങ്ക് നോട്ടീസ് അയച്ചെന്നുമായിരുന്നു വാര്‍ത്ത. നടപടിയെക്കുറിച്ച് അറിയാവുന്ന വ്യക്തികളെ ഉദ്ധരിച്ചായിരുന്നു പത്രം വാര്‍ത്ത പുറത്തുവിട്ടത്.
ഹ്രസ്വകാല വായ്പയായി 150 കോടി രൂപയും ദിര്‍ഘകാല വായ്പയായി 750 കോടി രൂപയുമാണ് കിംഗ് ഫിഷര്‍ ബാങ്കില്‍ നിന്നും എടുത്തതെന്നും റിപ്പോ‍ര്‍ട്ടില്‍ പറഞ്ഞിരുന്നു.

എന്നാല്‍ എസ്ബിഐ നേതൃത്വം നല്‍കുന്ന ഒരു കണ്‍സോര്‍ഷ്യത്തില്‍ നിന്നാണ് കിംഗ് ഫിഷര്‍ വായ്പ സ്വീകരിച്ചതെന്നും അതില്‍ ഐഡിബിഐക്ക് പങ്കില്ലെന്നും മല്യ വിശദീകരിച്ചു. എസ്ബിഐ, ഐസിഐസിഐ, പഞ്ചാബ് നാഷണല്‍ ബാങ്ക്, ആക്സിസ് ബാങ്ക്, ബാങ്ക് ഓഫ് ഇന്ത്യ എന്നിവിടങ്ങളില്‍ നിന്നായി കിംഗ് ഫിഷര്‍ 3000 കോടി രൂപ വായ്പയായി സ്വീകരിച്ചിട്ടുണ്ടെന്നും റിപ്പോര്‍ട്ടില്‍ പത്രം ചൂണ്ടിക്കാട്ടിയിരുന്നു. ഐഡിബിഐ വൃത്തങ്ങള്‍ വാര്‍ത്തയോട് പ്രതികരിക്കാന്‍ തയ്യാറായിട്ടില്ല

Bank notice for recalling the loan is incorrect: Mallya | വായ്പാ വാര്‍ത്ത വ്യാജം: വിജയ് മല്യ

നടന്‍ വിജയകുമാര്‍ ആസ്‌പത്രിയില്‍ നാടകീയ രംഗങ്ങള്‍ സൃഷ്ടിച്ചു

വിദേശ ജോലി തട്ടിപ്പ് കേസില്‍ കോടതി റിമാന്‍ഡ് ചെയ്ത സിനിമാനടന്‍ വിജയകുമാര്‍ ആലുവ താലൂക്ക് ആസ്​പത്രിയില്‍ പ്രക്ഷുബ്ധവും നാടകീയവുമായ രംഗങ്ങള്‍ സൃഷ്ടിച്ചു.

കഴിഞ്ഞ ശനിയാഴ്ചയാണ് വിജയകുമാറിനെ ആലുവ മജിസ്‌ത്രേട്ട് കോടതി റിമാന്‍ഡ് ചെയ്ത് സബ് ജയിലിലേക്ക് അയച്ചത്. എന്നാല്‍, കടുത്ത രക്തസമ്മര്‍ദ്ദമുണ്ടെന്നു പറഞ്ഞ് വിജയകുമാറിനെ ആലുവ താലൂക്ക് ആസ്​പത്രിയിലെത്തിച്ചു. ഇവിടെ നിന്ന് പിന്നീട് കളമശ്ശേരി സഹകരണ മെഡിക്കല്‍ കോളേജിലും എത്തിച്ചു.

ഞായറാഴ്ച മുഴുവന്‍ കളമശ്ശേരി സഹകരണ മെഡിക്കല്‍ കോളേജില്‍ കഴിഞ്ഞ വിജയകുമാറിന് ആസ്​പത്രിയില്‍ തുടരാനാകില്ലെന്ന് അധികൃതര്‍ അറിയിച്ചതോടെ തിരിച്ച് ആലുവ താലൂക്ക് ആസ്​പത്രിയില്‍ പ്രവേശിപ്പിക്കുകയായിരുന്നു.

ഇവിടെയെത്തിയ ഉടനെ തൃശ്ശൂര്‍ മെഡിക്കല്‍ കോളേജിലേക്ക് മാറ്റണമെന്ന് വിജയകുമാര്‍ ആവശ്യപ്പെട്ടു. ഇതിനിടെ പോലീസ് വിജയകുമാറിനെ ആസ്​പത്രിയില്‍ നിന്ന് ഡിസ്ച്ചാര്‍ജ് ചെയ്യാന്‍ നടത്തിയ ശ്രമം വിജയിച്ചില്ല. ഡോക്ടര്‍മാര്‍ എത്തുമ്പോഴൊക്കെ വിജയകുമാര്‍ അവശനായി തളര്‍ന്നു വീഴുന്നുണ്ടായിരുന്നു. ഛര്‍ദ്ദിക്കുകയും ചെയ്തു. വിജയകുമാര്‍ എത്തിയ വിവരമറിഞ്ഞ് ചിത്രമെടുക്കാനും വിവരങ്ങള്‍ ശേഖരിക്കാനുമെത്തിയ മാധ്യമ പ്രവര്‍ത്തകരെ വിജയകുമാറും കൂടെയുണ്ടായിരുന്നവരും വിരട്ടിയോടിക്കാന്‍ ശ്രമിക്കുന്നുണ്ടായിരുന്നു. ഇവരെ പുറത്താക്കണമെന്നാവശ്യപ്പെട്ട് വിജയകുമാര്‍ പോലീസിനോടും കയര്‍ത്തു.

രണ്ട് മണിക്കൂറോളം ആസ്​പത്രിയില്‍ നാടകീയരംഗങ്ങള്‍ സൃഷ്ടിച്ചശേഷം വിദഗ്ദ്ധ ചികിത്സയ്ക്ക് എന്ന പേരില്‍ വിജയകുമാറിനെ തൃശ്ശൂര്‍ മെഡിക്കല്‍ കോളേജിലേക്ക് റഫര്‍ ചെയ്യുകയായിരുന്നു. താലൂക്ക് ആസ്​പത്രിയില്‍ കാര്‍ഡിയോളജിസ്റ്റ് ഇല്ലെന്ന കാരണം പറഞ്ഞായിരുന്നു അത്. ആംബുലന്‍സില്‍ രാത്രി 8 മണിയോടെ വിജയകുമാറിനെ തൃശ്ശൂര്‍ മെഡിക്കല്‍ കോളേജിലേക്ക് മാറ്റി

 Mathrubhumi - നടന്‍ വിജയകുമാര്‍ ആസ്‌പത്രിയില്‍ 'നാടകീയ രംഗങ്ങള്‍' സൃഷ്ടിച്ചു

രൂപയുടെ മൂല്യത്തില്‍ ആറു പൈസയുടെ ഇടിവ്

യുഎസ് ഡോളറിനെതിരെ രൂപയുടെ മൂല്യത്തില്‍ ഇടിവ് തുടരുന്നു. ചൊവ്വാഴ്ച നാല്പത്തിയെട്ട് പൈസയുടെ ഇടിവാണ് വിപണിയില്‍ രേഖപ്പെടുത്തിയിരിക്കുന്നത്. വിദേശ മൂലധന നിക്ഷേപത്തില്‍ ഇടിവ് വന്നേക്കുമെന്ന ആശങ്കയാണ് രൂപയെ സമ്മര്‍ദ്ദത്തിലാക്കിയത്.

ഫൊറെക്സ് വിപണിയില്‍ ആഭ്യന്തര കറന്‍സിയുടെ മൂല്യം ഡോളറിന് 45.67 രൂപയെന്ന നിലയിലാണ് ഇപ്പോള്‍ വ്യാപാരം നടക്കുന്നത്. കഴിഞ്ഞ ദിവസം ഡോളറിനെതിരെ നാല്പത് പൈസയുടെ ഇടിവോടെ 45.61/62 എന്ന നിലയിലായിരുന്നു വ്യാപാരം ക്ലോസ് ചെയ്തിരുന്നത്.

ഏഷ്യന്‍ വിപണികളില്‍ പൊതുവെ ആലസ്യം അനുഭവപ്പെടുന്നത് രൂപയ്ക്ക് തിരിച്ചടിയായിട്ടുണ്ട്. ആഭ്യന്തര വിപണിയില്‍ നഷ്ടത്തോടെയാണ് വ്യാപാരം നടക്കുന്നത്. ആഗോള വിപണികളിലെ നഷ്ടമാണ് ആഭ്യന്തര വിപണികളിലും പ്രകടമായിരിക്കുന്നത്. സെന്‍സെക്സില്‍ 73.01 പോയിന്റ് ഇടിവോടെ 16,462 എന്ന നിലയിലാണ് വ്യാപാരം നടക്കുന്നത്

Rupee weakens by 6 paise against USD in early trade | രൂപയുടെ മൂല്യത്തില്‍ ആറു പൈസയുടെ ഇടിവ്

യുവരാജിനും സഹീറിനും നോട്ടീസ്

വെസ്റ്റിന്‍ഡീസിലെ സെന്റ് ലൂസിയ പബ്ബില്‍ അടിപിടിയുണ്ടാക്കിയെന്ന ആരോപണത്തിന്റെ പേരില്‍ സീനിയര്‍ താരങ്ങളായ യുവരാജ് സിംഗ്, സഹീര്‍ഖാന്‍ അടക്കം ആറു പേര്‍ക്ക് ബി സി സി ഐ കാരണം കാണിക്കല്‍ നോട്ടീസ് നല്‍കും. ബിസിസിഐ ചീഫ് അഡ്മിനിസ്‌ട്രേറ്റീവ് ഓഫീസര്‍ രത്‌നാകര്‍ ഷെട്ടിയാണ് ഇക്കാര്യം മാധ്യമങ്ങളെ അറിയിച്ചത്.

ആശിഷ് നെഹ്‌റ, രോഹിത് ശര്‍മ, പിയൂഷ് ചൗള, രവീന്ദ്ര ജഡേജ എന്നിവര്‍ക്കും നോട്ടീസ് നല്‍കും. സെലക്ഷന്‍ സമയത്ത് പൂര്‍ണ ശാരീരികക്ഷമത ഇല്ലാത്ത കളിക്കാരെ ഇനിമുതല്‍ ടീമിലേക്ക് പരിഗണിക്കേണ്ടതില്ലെന്ന് ബി സി സി ഐ തീരുമാനിച്ചു. കളിക്കാര്‍ക്ക് പരുക്കുണ്ടെങ്കിലും അത് പരമ്പരയ്ക്ക് മുന്‍പ് ഭേദമാവുമെന്ന പ്രതീക്ഷയില്‍ ടീമില്‍ ഉള്‍ക്കൊള്ളിക്കുന്ന സമ്പ്രദായം നിര്‍ത്തലാക്കുകയാണെന്നാണ് ബി സി സി ഐവൃത്തങ്ങള്‍ വ്യക്തമാക്കി.

ഇനിമുതല്‍ പൂര്‍ണ ശാരീരികക്ഷമത ഉള്ളവരെ മാത്രമെ ടീമിലേക്ക് സെലക്ഷനായി പരിഗണിക്കുകയുള്ളൂവെന്ന് ഒരു മുതിര്‍ന്ന ബി സി സി ഐ അംഗം പറഞ്ഞു. ഇന്നലെ സമാപിച്ച ട്വന്‍റി-20 ലോകകപ്പില്‍ ഇന്ത്യന്‍ ക്രിക്കറ്റ് ടീമിന്‍റെ മോശം പ്രകടനത്തിന് കാരണം പൂര്‍ണ ശാരീരികക്ഷമത ഇല്ലാത്ത കളിക്കാരാണെന്ന് കോച്ച് ഗാരി കിര്‍സ്റ്റണ്‍ ബി സി സി ഐയ്ക്ക് നല്‍കിയ റിപ്പോര്‍ട്ടില്‍ വ്യക്തമാക്കിയിരുന്നു.

ടീമിലെ എട്ട് കളിക്കാര്‍ അമിത ഭാരമുള്ളവരാണെന്നും മൂന്ന് താരങ്ങള്‍ക്ക് ഒരു തരത്തിലുള്ള അന്താരാഷ്ട്ര കായിക മത്സരങ്ങളിലും പങ്കെടുക്കാനുള്ള ഫി‌റ്റ്നസ് ഇല്ലെന്നും കിര്‍സ്റ്റണ്‍ റിപ്പോര്‍ട്ടില്‍ വ്യക്തമാക്കിയിരുന്നു. യുവരാജ് സിംഗ്, സഹീര്‍ ഖാന്‍, രോഹിത് ശര്‍മ എന്നിവരെയാണ് കിര്‍സ്റ്റണ്‍ റിപ്പോര്‍ട്ടില്‍ പേരെടുത്ത് പറഞ്ഞ് കുറ്റപ്പെടുത്തിയത്. ഈ പശ്ചാത്തലത്തിലാണ് ബി സി സി ഐയുടെ തീരുമാനം

Yuvi,Zaheer among 6 to be issued notice by BCCI | യുവരാജിനും സഹീറിനും നോട്ടീസ്

മയക്കുമരുന്ന്: പ്രതിവര്‍ഷം തൂക്കിലേറ്റപ്പെടുന്നത് 1000 പേര്‍

മയക്കുമരുന്ന് കുറ്റങ്ങളുടെ പേരില്‍ ലോകമൊട്ടാകെ പ്രതിവര്‍ഷം ആയിരത്തിലധികം പേര്‍ തൂക്കിലേറ്റപ്പെടുന്നുണ്ടെന്ന് റിപ്പോര്‍ട്ട്. ഒരു മനുഷ്യാവകാശ സംഘടനയാണ് ഇക്കാ‍ര്യം വെളിപ്പെടുത്തിയത്. ചില രാജ്യങ്ങള്‍ ഇത്തരം കേസുകളില്‍ ശിക്ഷിക്കപ്പെടുന്നവരുടെ വിവരങ്ങള്‍ പുറത്തുവിടാറില്ലെന്നും ഇത് കൂടി കണക്കിലെടുക്കുമ്പോള്‍ ഈ സംഖ്യ ഉയരുമെന്നും സംഘടന ചൂണ്ടിക്കാട്ടുന്നു.

മയക്കുമരുന്ന് ഉണ്ടാക്കിയതിനും കൈവശം വെച്ചതിനുമാണ് അധികം പേരും ശിക്ഷിക്കപ്പെടുന്നത്. പ്രധാനമായും ഏഷ്യന്‍ രാജ്യങ്ങളിലും മധ്യേഷ്യന്‍ രാജ്യങ്ങളിലുമാണ് ഇത്തരം കുറ്റകൃത്യങ്ങള്‍ വ്യാപകമായി കണ്ടുവരുന്നതെന്നും റിപ്പോര്‍ട്ടില്‍ പറയുന്നു.

ചൈന, സൌദി അറേബ്യ, വിയറ്റ്നാം, സിംഗപ്പൂര്‍ , മലേഷ്യ എന്നീ രാജ്യങ്ങളിലാണ് മയക്കുമരുന്നുമായി ബന്ധപ്പെട്ട കേസുകള്‍ അധികവും കണ്ടുവരുന്നതെന്നും സംഘടന ചൂണ്ടിക്കാട്ടി. ഇറാനില്‍ മാത്രം കഴിഞ്ഞ വര്‍ഷം 172 പേരെയും മലേഷ്യയില്‍ 50 പേരെയും മയക്കുമരുന്ന് കേസുകളില്‍ വധശിക്ഷയ്ക്ക് വിധിച്ചതായി സംഘടന വ്യക്തമാക്കി.

മയക്കുമരുന്ന് കേസുകളില്‍ ഒറ്റയടിക്ക് വധശിക്ഷ നടപ്പാക്കുന്ന രീതി അവസാനിപ്പിക്കണമെന്നും സംഘടന ആവശ്യപ്പെട്ടു. ദ്രുതഗതിയില്‍ വധശിക്ഷ പോലുള്ള ശിക്ഷാരീതികള്‍ നടപ്പിലാക്കുന്നത് മനുഷ്യാവകാശലംഘനമാണെന്നും ഇത്തരം രാജ്യങ്ങള്‍ ക്രിമിനല്‍ നിയമവ്യവസ്ഥയാണ് പിന്തുടരുന്നതെന്നും സംഘടന കുറ്റപ്പെടുത്തി

‘നക്ഷത്രങ്ങളേ കാവല്‍’ റീമേക്ക് ചെയ്യുന്നു!



PRO
‘നീലത്താമര’യുടെ വിജയത്തിലൂടെ റീമേക്ക് എന്ന സാധ്യതയെ മലയാള സിനിമ തിരിച്ചറിയുകയായിരുന്നു. ഒട്ടേറെ പഴയ ഹിറ്റുകള്‍ വീണ്ടും അവതരിക്കാനൊരുങ്ങുകയാണ്. രാജാവിന്‍റെ മകന്‍, നാടുവാഴികള്‍, നിന്നിഷ്ടം എന്നിഷ്ടം തുടങ്ങിയവ അവയില്‍ ചിലതുമാത്രം. ഇപ്പോഴിതാ, പത്മരാജന്‍റെ തിരക്കഥയില്‍ കെ എസ് സേതുമാധവന്‍ സംവിധാനം ചെയ്ത നക്ഷത്രങ്ങളേ കാവല്‍ വീണ്ടും എത്തുകയാണ്.

1978ല്‍ റിലീസായ ഈ സിനിമ ഒരു വന്‍ വിജയമായിരുന്നില്ല. ഇപ്പോഴും, കച്ചവടവിജയത്തിനായല്ല ഈ ചിത്രം റീമേക്ക് ചെയ്യുന്നത് എന്ന് അണിയറ പ്രവര്‍ത്തകര്‍ പറയുന്നു. ‘പുതിയമുഖം’ സംവിധാനം ചെയ്ത ദീപനാണ് നക്ഷത്രങ്ങളേ കാവല്‍ റീമേക്ക് ചെയ്യുന്നത്. പത്മരാജന്‍റെ മകന്‍ അനന്തപത്മനാഭനും ബാബു ജനാര്‍ദ്ദനനും ചേര്‍ന്നാണ് തിരക്കഥ രചിക്കുന്നത്.

അനൂപ് മേനോന്‍ നായകനാകുന്ന ചിത്രത്തില്‍ മീരാജാസ്മിന്‍, പ്രിയാമണി എന്നിവരാണ് നായികമാരാകുന്നത്. ജഗതി ശ്രീകുമാര്‍ ഒരു പ്രധാനവേഷത്തിലെത്തുന്നു. ‘സുബ്രഹ്മണ്യപുരം’ എന്ന ചിത്രത്തിന്‍റെ ഗാനങ്ങളൊരുക്കിയ ജയിംസ് വസന്തനാണ് സംഗീത സംവിധായകന്‍. മനോജ് പിള്ളയാണ് ഛായാഗ്രഹണം.

സെപ്റ്റംബറോടെ നക്ഷത്രങ്ങളേ കാവല്‍ ചിത്രീകരണം ആരംഭിക്കാനാണ് പദ്ധതി. അതേസമയം, പൃഥ്വിരാജിനെ നായകനാക്കി ദീപന്‍ സംവിധാനം ചെയ്യാനിരുന്ന ‘ശിങ്കാരവേലന്‍’ എന്ന ചിത്രം ഉടന്‍ ആരംഭിക്കുന്നില്ല എന്നാണ് സൂചന. പൃഥ്വിയുടെ തിരക്കുകളാണ് ആ പ്രൊജക്ട് നീണ്ടുപോകാന്‍ കാരണം.

Deepan to remake Nakshathrangale Kaval! | ‘നക്ഷത്രങ്ങളേ കാവല്‍’ റീമേക്ക് ചെയ്യുന്നു!

ആന്‍ഡമാനില്‍ മഴ; കാലവര്‍ഷം നേരത്തേയാകും


ന്യൂഡല്‍ഹി: തെക്കുപടിഞ്ഞാറന്‍ കാലവര്‍ഷം കേരളത്തില്‍ നേരത്തേ എത്തുമെന്ന സൂചന നല്കി ആദ്യമഴ ആന്‍ഡമാന്‍ നിക്കോബാര്‍ ദ്വീപ സമൂഹങ്ങളില്‍ പെയ്തു. ആന്‍ഡമാന്‍ സമുദ്രത്തിന്റെ പല ഭാഗങ്ങളിലും മഴ ലഭിച്ചതായി കാലാവസ്ഥാനിരീക്ഷണ കേന്ദ്രം ഡയറക്ടര്‍ ജനറല്‍ അജിത് ത്യാഗി പറഞ്ഞു.

ബംഗാള്‍ ഉള്‍ക്കടലില്‍ രൂപം കൊണ്ട ന്യൂനമര്‍ദംമൂലം മെയ് 30-നു മുമ്പുതന്നെ കാലവര്‍ഷം കേരളത്തിലെത്താനാണ് സാധ്യതയെന്ന് ത്യാഗി പറഞ്ഞു. മെയ് 30-ന് കേരളത്തില്‍ കാലവര്‍ഷം എത്തുമെന്നാണ് കാലാവസ്ഥാനിരീക്ഷണ കേന്ദ്രം നേരത്തേ അറിയിച്ചിരുന്നത്.


Mathrubhumi - ആന്‍ഡമാനില്‍ മഴ; കാലവര്‍ഷം നേരത്തേയാകും

തുര്‍ക്കിയും ബ്രസീലുമായി ഇറാന്‍ ആണവകരാറില്‍ ഒപ്പിട്ടു

ആണവായുധ വിഷയത്തില്‍ തങ്ങള്‍ക്കെതിരെ കടുത്ത നിലപാട് പുലര്‍ത്തുന്ന പാശ്ചാത്യരാജ്യങ്ങളെ കൂടുതല്‍ പ്രതിസന്ധിയിലാക്കി ഇറാന്‍ ബ്രസീലുമായും തുര്‍ക്കിയുമായും യുറേനിയം സമ്പുഷ്ടീകരണ കരാറില്‍ ഒപ്പിട്ടു. താഴ്ന്ന നിരക്കില്‍ സമ്പുഷ്ടീകരിച്ച യുറേനിയം തുര്‍ക്കിയിലേക്ക് കയറ്റി അയച്ച് കൂടിയ നിരക്കില്‍ സമ്പുഷ്ടീകരിച്ച് തിരികെ വാങ്ങാന്‍ ലക്‍ഷ്യമിട്ടുള്ളതാണ് കരാര്‍ .

യുറേനിയം സമ്പുഷ്ടീകരണം സംബന്ധിച്ച് ഇറാനുമായി ധാരണയുണ്ടാക്കാന്‍ അമേരിക്കയുടെ നേതൃത്വത്തില്‍ നടന്നുവന്ന ശ്രമങ്ങള്‍ പരാജയപ്പെട്ടതിനെ തുടര്‍ന്നാണ് ടെ‌ഹ്‌റാന്‍ ഇത്തരത്തില്‍ നീങ്ങിയത്. ബ്രസീലും തുര്‍ക്കിയും സംയുക്തമായിട്ടാകും ഇറാന്‍ നല്‍കുന്ന ഇന്ധനം സമ്പുഷ്ടീകരിക്കുക. തുര്‍ക്കിയില്‍ വെച്ചാകും സമ്പുഷ്ടീകരണം. ഇരുപത് ശതമാനം സമ്പുഷ്ടീകരിച്ച ഇന്ധനമായിരിക്കും ഇറാന് തിരികെ ലഭിക്കുക.

കരാര്‍ ഇറാന്‍ അന്താരാഷ്ട്ര ആണവോര്‍ജ ഏജന്‍സിക്ക് മുമ്പാകെ സമര്‍പ്പിക്കുമെന്നാണ് വിവരം.നേരത്തെ ആണവസമ്പുഷ്ടീകരണം സംബന്ധിച്ച് അമേരിക്കയുടെ നേതൃത്വത്തില്‍ ഇറാനുമായി ധാരണയുണ്ടാക്കാന്‍ നടന്ന ശ്രമങ്ങള്‍ പരാജയപ്പെട്ടിരുന്നു. റഷ്യയിലും മറ്റും ഇന്ധനം സമ്പുഷ്ടീകരിക്കാമെന്ന് ഈ രാജ്യങ്ങള്‍ വാഗ്ദാനം നല്‍കിയിരുന്നെങ്കിലും സമ്പുഷ്ടീകരിച്ച ഇന്ധനം ഇറാനില്‍ സൂക്ഷിക്കാന്‍ അനുവദിക്കില്ലെന്ന നിലപാടാണ് ചര്‍ച്ചകള്‍ വഴിമുട്ടിച്ചത്.

ഏതെങ്കിലും കാരണത്താല്‍ സമ്പുഷ്ടീകരണത്തിന് മുടക്കം വരികയോ നടക്കാതെ വരികയോ ചെയ്താല്‍ കയറ്റി അയയ്ക്കുന്ന ഇന്ധനം തുര്‍ക്കി തിരിച്ചയയ്ക്കുമെന്നും ഇതിനുള്ള വ്യവസ്ഥയും കരാറില്‍ ഉള്‍ക്കൊള്ളിച്ചിട്ടുണ്ടെന്നും ഇറാന്‍ വിദേശകാര്യമന്ത്രി മനൌഷര്‍ മൊറ്റാക്കി പറഞ്ഞു. ഇറാന്‍ പ്രസിഡന്‍റ് മഹമൂദ് അഹമ്മദി നെജാദ് ബ്രസീലിയന്‍ പ്രസിഡന്‍റ് ലൂയിസ് ഇനാസിയോ തുര്‍ക്കി പ്രധാനമന്ത്രി റെസേപ് തയ്യിപ് എര്‍ഡോഗന്‍ എന്നിവരാണ് കരാറില്‍ ഒപ്പിട്ടത്.

അന്താരാഷ്ട്ര ആണവോര്‍ജ ഏജന്‍സി മുന്‍‌കൈയ്യെടുത്ത് നടത്തിയ ചര്‍ച്ചകളില്‍ ഇറാന്‍ സഹകരിക്കുന്നില്ലെന്ന് കാണിച്ച് ഇറാന് മേല്‍ കൂടുതല്‍ ഉപരോധങ്ങള്‍ ഏര്‍പ്പെടുത്താന്‍ അമേരിക്ക ശ്രമം നടത്തുന്നതിനിടെയാണ് യുറേനിയം സമ്പുഷ്ടീകരണത്തിന് ഇറാന്‍ പുതിയ കരാര്‍ ഒപ്പിട്ടത്. 1200 കിലോ യുറേനിയം ആയിരിക്കും ഇറാന്‍ സമ്പുഷ്ടീകരണത്തിനായി കയറ്റി അയയ്ക്കുക

Iran inks nuclear fuel swap deal with Turkey, Brazil | തുര്‍ക്കിയും ബ്രസീലുമായി ഇറാന്‍ ആണവകരാറില്‍ ഒപ്പിട്ടു

ഒരു ഫേസ്ബുക്ക് കൊലപാതകത്തിന്റെ കഥ


PRO
PRO
ഇത് ഒരു ഫേസ്ബുക്ക് കൊലപാതകത്തിന്റെ കഥയാണ്. ഇന്റര്‍നെറ്റ് ലോകത്തെ ഏറ്റവും വലിയ സോഷ്യല്‍ നെറ്റ്വര്‍ക്ക് സൈറ്റായ ഫേസ്ബുക്കിന്റെ സേവനം ഉപയോഗപ്പെടുത്തി നടത്തിയ കൊലപാതകത്തിന്റെ കഥ. ഓസ്ട്രേലിയന്‍ കൌമാരക്കാരിയുമായി ഫേസ്ബുക്കിലൂടെ സൌഹൃദം കണ്ടെത്തിയ യുവാവ് നടത്തിയ കൊലപാതകം സോഷ്യല്‍ നെറ്റ്വര്‍ക്ക് ഉപയോക്താക്കള്‍ക്കിടയില്‍ വന്‍ ഭീതി സൃഷ്ടിച്ചിരിക്കുകയാണ്.

ഫേസ്ബുക്ക് വഴി സന്ദേശം കൈമാറിയാണ് കൊലപാതകം നടത്തിയത്. ഓസ്ട്രേലിയക്കാരിയായ നൊന ബെലൊമെസ്സോഫ് ഫേസ്ബുക്ക് വഴിയാണ് പതിനെട്ടുകാരനായ ക്രിസ്റ്റഫര്‍ ജെയിംസ് ഡന്നെവിഗിനെ ആദ്യമായി പരിചയപ്പെടുന്നത്. വ്യാജ പ്രൊഫൈല്‍ വിവരങ്ങള്‍ നല്‍കിയാണ് ഇദ്ദേഹം ഫേസ്ബുക്ക് അക്കൌണ്ടുണ്ടാക്കിയത്.

മൃഗങ്ങളെ സ്നേഹിക്കുന്ന കൌമാരക്കാരിയെ വലയില്‍ ചാടിക്കാനായി അനിമല്‍ വെല്‍‌ഫയര്‍ ഗ്രൂപ്പിന്റെ വക്താവാണെന്ന് കാണിച്ചാണ് ഇദ്ദേഹം വിവരങ്ങള്‍ നല്‍കിയിരുന്നത്. മൃഗങ്ങളെ സ്നേഹിക്കുന്ന ഫേസ്ബുക്ക് സുഹൃത്തിനെ കിട്ടിയ സന്തോഷത്തില്‍ നൊന ഇദ്ദേഹവുമായി ഏറെ അടുത്തു. എങ്കിലും നേരില്‍ കണ്ടിരുന്നില്ല.

ഇതിനിടെ നഗരത്തില്‍ ഒരിടത്ത് പരുക്കേറ്റ നിരവധി മൃഗങ്ങളുണ്ടെന്നും അവറ്റകളെ പരിചരിക്കാന്‍ വരുന്നോ എന്നും ചോദിച്ച് നൊനയ്ക്ക് ഇദ്ദേഹം ഫേസ്ബുക്ക് വഴി സന്ദേശം അയച്ചു. ഇത്തരമൊരു സന്ദേശം ഏറെ സന്തോഷത്തോടെ സ്വീകരിച്ച കൌമാരക്കാരി വീട്ടുകാരുടെ സമ്മതം വാങ്ങി യാത്രയായി.
PRO
PRO


പക്ഷെ, നൊന തിരിച്ചുവന്നില്ല, രണ്ട് ദിവസങ്ങള്‍ക്ക് ശേഷം നഗരത്തിലെ തെരുവില്‍ നിന്ന് ലഭിച്ചത് നൊനയുടെ മൃതദേഹം മാത്രം. പോലീസ് അന്വേഷണം നടത്തി. ഫേസ്ബുക്ക് പേജുകളും സന്ദേശങ്ങളും കണ്ടെത്തി പ്രതിയെയും പിടികൂടി. ഈ കൊലപാതക റിപ്പോര്‍ട്ട് പുറത്തുവന്നതോടെ ഫേസ്ബുക്ക് അംഗങ്ങള്‍ ഭീതിയിലാണ്.

ആരൊക്കെ, ആരെല്ലാം വധിക്കുമെന്ന ഭീതിയാണ്. ആര്‍ക്കും എപ്പോഴും വ്യാജ പ്രൊഫൈല്‍ നിര്‍മ്മിക്കാം, സാധാരണക്കാരായ സോഷ്യല്‍ നെറ്റ്വര്‍ക്ക് ഉപയോക്താക്കളെ പറ്റിക്കാം. സൂക്ഷിക്കുക... ഫേസ്ബുക്ക് സുഹൃത്തുക്കളെ... അവര്‍ക്കിടയില്‍ കൊലയാളികളും ക്രിമിനലുകളും ഉണ്ടായേക്കാം....







Shock at Sydney teenager's 'Facebook murder' | ഒരു ഫേസ്ബുക്ക് കൊലപാതകത്തിന്റെ കഥ