Thursday, April 22, 2010

കൂടുതല്‍ മധുരം വേണ്ടെന്ന് പറയൂ!

മധുരം ഇല്ലാതൊരു ചായ! ഒരു സ്പൂണ്‍ മധുരമില്ലെങ്കില്‍ പിന്നെ എന്തിനാണെന്ന് നാം ചോദിച്ചു പോവും. അത് സ്വാഭാവികം. എന്നാല്‍, കിട്ടുമ്പോഴെല്ലാം മധുര പലഹാരങ്ങള്‍ നിയന്ത്രണമില്ലാതെ വാരി വലിച്ചു തിന്നാലോ? അത് ഒരു ദുരന്തത്തിലേക്കുള്ള പോക്ക് ആയിരിക്കുമെന്നാണ് വിദഗ്ധര്‍ നല്‍കുന്ന ഉപദേശം.

പഞ്ചസാരയുടെ അളവ് കൂട്ടിയുള്ള ആഹാര ശീലം പ്രമേഹത്തിലേക്ക് മാത്രമല്ല ഹൃദയ സംബന്ധമായ അസുഖങ്ങള്‍ക്കുള്ള സാധ്യതയും വര്‍ദ്ധിപ്പിക്കുമെന്നാണ് ഒരു പുതിയ പഠനത്തില്‍ പറയുന്നത്. ഇമോറി സര്‍വകലാശാലയിലെ ഗവേഷകരാണ് പഠനം നടത്തിയത്.

പ്രായ പൂര്‍ത്തിയായ 6,000 പേരുടെ ആഹാര രീതിയാണ് ഗവേഷണ സംഘം പഠന വിധേയമാക്കിയത്. 1996 നും 2006 നും ഇടയിലുള്ള ഏഴ് വര്‍ഷമാണ് പഠനം നീണ്ടത്. അധികം മധുരം ശീലമാക്കിയവര്‍ക്ക് ഹൃദ്രോഗത്തിലേക്ക് നയിക്കാവുന്ന ശാരീരിക നിലയുണ്ടാവുമെന്ന് ഗവേഷകര്‍ കണ്ടെത്തി.

Say no to too much Sugar | കൂടുതല്‍ മധുരം വേണ്ടെന്ന് പറയൂ!

ഇന്ത്യുടെ TOP 5

ഏഷ്യയിലെ മികച്ച അഭിനേതാക്കളുടെ ലിസ്റ്റെടുത്താല്‍ അതില്‍ എത്രപേരുണ്ടാവും ഇന്ത്യയില്‍ നിന്ന്. വെറുതെ മനസില്‍ ഒന്നോര്‍ത്തു നോക്കാവുന്ന കൗതുകം. എന്നാല്‍ കഴി ഞ്ഞ ദിവസം സിഎന്‍എന്‍ അതു കണ്ടെത്തി. ടോപ് 25 ഏഷ്യന്‍ ആക്റ്റേഴ്സ് ഒഫ് ഓള്‍ ടൈം. ഏഷ്യയിലെ എക്കാലത്തെയും മികച്ച ഇരുപത്തഞ്ച് അഭിനേതാക്കളില്‍ അഞ്ചു പേര്‍ ഇന്ത്യയില്‍ നിന്ന്. ഇത്തരം തെരഞ്ഞെ ടുക്കലുകള്‍ ആപേക്ഷികമാണ്. യോജിക്കാം, വിയോജിക്കാം. പക്ഷേ, ആഘോഷിക്കാതെ വയ്യ ഈ നേട്ടം.

ഗുരു ദത്ത്, അമിതാഭ് ബച്ചന്‍. പ്രാണ്‍, നര്‍ഗീസ്, മീനാകുമാരി എന്നീ അഭിനയപ്രതിഭകളാ ണ് ഏഷ്യയിലെ മികച്ച താരങ്ങളുടെ ലിസ്റ്റില്‍ ഇടം നേടിയത്. ഓസ്കര്‍ പുരസ്കാരമാണ് അഭിനയത്തിന് കിട്ടാവുന്ന ഏറ്റവും വലിയ ബഹുമതിയെങ്കില്‍ ഏഷ്യയില്‍ നിന്ന് ഇതുവരെ രണ്ടുപേര്‍ക്കു മാത്രമാണ് മികച്ച നട നോ നടിയോ ആകാന്‍ കഴിഞ്ഞത്. എന്നാല്‍ അഭിനയപ്രതിഭകളുടെ കാര്യത്തില്‍ ഒരിക്ക ലും ഏഷ്യയില്‍ ദാരിദ്ര്യമുണ്ടായിട്ടില്ല.

ഇന്ത്യയുടെ സിനിമാചരിത്രത്തിന്‍റെ തന്നെ ഭാഗമായവരാണ് തെരഞ്ഞെടുക്കപ്പെട്ട അഞ്ചുപേരും. നടനും സംവിധായകനുമായ ഗുരു ദത്തിനെ സിറ്റിസന്‍ കെയ്നിലൂടെ പ്രശസ്തനായ ഓര്‍സന്‍ വെല്‍സിനോടാണ് താരതമ്യപ്പെടുത്തിയിരിക്കുന്നത്. പ്യാസ, കാഗ സ് കാ ഫൂല്‍ തുടങ്ങിയ ചിത്രങ്ങളിലൂടെ ഇന്ത്യന്‍ സിനിമയുടെ സുവര്‍ണകാലത്തിന് മാറ്റുകൂട്ടിയ ചലച്ചിത്രകാരനാണ് ഗുരു ദത്ത്. പ്യാസയിലെ കവിയുടെ ആവിഷ്കാരം ഗുരു ദത്തിന്‍റെ കരിയറില്‍ എന്നും മികച്ചു നില്‍ക്കുന്നു.

സന്‍ജീര്‍ എന്ന ചിത്രം ബോളിവുഡിനു സമ്മാനിച്ചത് ഒരു ആന്‍ഗ്രി യങ് മാനെ. അമിതാഭ് ബച്ചന്‍ എന്ന അഭിനേതാവിന്‍റെ കരിയറിലെ ടേണിങ് പോയ്ന്‍റ് തന്നെ അതാവാം. അറുപത്തേഴാം വയസിലും സിനിമയില്‍ തിളങ്ങി നില്‍ക്കുന്ന ആ താരപ്രതിഭയില്ലാതെ ഏഷ്യന്‍ലിസ്റ്റ് എങ്ങനെ പൂര്‍ണമാവും?

മുന്നൂറോളം സിനിമകളില്‍ അഭിനയിച്ച പ്രാണ്‍, ഹിന്ദി സിനിമയിലെ സുന്ദരനായ വില്ലന്‍ എന്ന വിശേഷണത്തിന് യോജിക്കുന്ന വ്യക്തിത്വമാണ്. മറക്കാനാവാത്ത ഒരുപാട് ചിത്രങ്ങളിലൂടെ പ്രേക്ഷകരുടെ മനസില്‍ നിറഞ്ഞു നില്‍ക്കുന്ന ഈ നടന്‍ ദേവ്ദാസ്, ഡോണ്‍, ധരം വീര്‍ തുടങ്ങിയ ചിത്രങ്ങളിലൂടെ പ്രേക്ഷകരെ വിസ്മയിപ്പിച്ചു.

നായികമാരുടെ കാര്യത്തിലും ഒട്ടും പിന്നിലല്ല ഇന്ത്യന്‍ സിനിമ. ഓസ്കര്‍ നോമിനേഷന്‍ സ്വന്തമാക്കിയ മദര്‍ ഇന്ത്യയിലെ രാധയെന്ന കഥാപാത്രം അനശ്വരമാക്കിയത് നര്‍ഗീസ്. ദുരന്തങ്ങളില്‍ നിന്നു ദുരന്തങ്ങളിലേ ക്കു പതിക്കുന്ന ആ അമ്മയായി നര്‍ഗീസിനെയല്ലാതെ മറ്റാരെ സങ്കല്‍പ്പിക്കും? വ്യത്യസ്ത വും ഭാവപ്രകടനത്തിലെ സൗന്ദര്യവും കൊണ്ട് എക്കാലവും ഇന്ത്യന്‍ സിനിമയിലെ നിറസാന്നിധ്യമാണ് നര്‍ഗീസ്.
http://www.metrovaartha.com/2010/03/06114723/INDIAN-CINEMA.html

ഐപിഎസ്, ഐഎസ് ഉദ്യോഗസ്ഥര്‍ക്കെതിരെ തച്ചങ്കരി

വിദേശയാത്രാ വിവാദത്തില്‍ ഉള്‍പ്പെട്ടതിനെത്തുടര്‍ന്ന് സസ്‌പെന്‍ഷനിലായ കണ്ണൂര്‍ റേഞ്ച് ഐജി ടോമിന്‍ ജെ. തച്ചങ്കരി സെന്‍ട്രല്‍ അഡ്മിനിസ്‌ട്രേറ്റീവ് ട്രൈബ്യൂണലിന് പുതിയ ഹര്‍ജി നല്‍കി.

ആറു മുതിര്‍ന്ന ഐഎഎസ്‌ഐപിഎസ് ഉദ്യോഗസ്ഥര്‍ ചട്ടം ലംഘിച്ച് വിദേശയാത്ര നടത്തിയിരുന്നതായി പുതിയ ഹര്‍ജിയില്‍ തച്ചങ്കരി ചൂണ്ടിക്കാണിച്ചിട്ടുണ്ട്. തച്ചങ്കരി ആദ്യം സമര്‍പ്പിച്ച ഹര്‍ജി വെള്ളിയാഴ്ച െ്രെടബ്യൂണല്‍ പരിഗണിക്കാനിരിക്കെയാണ് ഇതിനിടെയാണ് പുതിയ ഹര്‍ജി നല്‍കിയത്..


സര്‍ക്കാരിന്റെ അനുമതിയില്ലാതെ വിദേശയാത്ര നടത്തുകയും സര്‍ക്കാരിന് സാമ്പത്തിക നഷ്ടമുണ്ടാക്കുകയും ചെയ്ത ആര്‍.ശ്രീലേഖ ഐപിഎസ്സിനെതിരെ നടപടിയെടുത്തില്ലെന്ന് പരാതിയില്‍ ചൂണ്ടിക്കാണിച്ചിട്ടുണ്ട്.

2006ല്‍ ആര്‍.ശ്രീലേഖ കേരള കോഓപ്പറേറ്റീവ് റബ്ബര്‍ മാര്‍ക്കറ്റ് സൊസൈറ്റി എം.ഡി ആയിരിക്കെ ഔദ്യോഗിക ആവശ്യങ്ങള്‍ക്കായി തായ്‌ലന്റ് സന്ദര്‍ശിച്ചത് സര്‍ക്കാരിന്റെ അനുമതിയില്ലാതെയായിരുന്നു. ഇതുമാത്രമല്ല, ഈ യാത്രയിലൂടെ റബ്ബര്‍ മാര്‍ക്ക് സൊസൈറ്റിയ്ക്ക് യാതൊരു നേട്ടവുമുണ്ടായില്ലെന്നും 67,349 രൂപ സര്‍ക്കാരിന് നഷ്ടമുണ്ടാക്കിയെന്നുമാണ് തച്ചങ്കരി പറയുന്നത്.

പിന്നീട് നാട്ടില്‍ തിരച്ചെത്തി ഇവര്‍ സര്‍ക്കാരിന് മാപ്പപേക്ഷ നല്‍കുകയും സര്‍ക്കാര്‍ ഇത് സ്വീകരിച്ച് നടപടികള്‍ അവസാനിപ്പിക്കുകയുമായിരുന്നുവെന്ന കാര്യവും ചൂണ്ടിക്കാണിച്ചിട്ടുണ്ട്. ഇതുസംബന്ധിച്ച ചീഫ് സെക്രട്ടറിയുടെ കത്തിന്റെ പകര്‍പ്പ് തച്ചങ്കരി ഹര്‍ജിയോടൊപ്പം സമര്‍പ്പിച്ചിട്ടുണ്ട്.
http://thatsmalayalam.oneindia.in/news/2010/04/22/kerala-tomin-thachankary-files-new-plea.htm

തരൂര്‍ പാര്‍ട്ടിയുടെ സ്വത്തെന്ന് രാഹുല്‍

ഐപിഎല്‍ വിവാദത്തില്‍ അകപ്പെട്ട് മന്ത്രിസ്ഥാനം രാജിവച്ച ശശി തരൂര്‍ [^] തിരഞ്ഞെടുപ്പില്‍ വിജയിച്ച സമയം മുതല്‍ തന്നെ കോണ്‍ഗ്രസില്‍ പല മുതിര്‍ന്ന നേതാക്കളുടെയും കണ്ണിലെ കരടായിരുന്നു.

ഇപ്പോള്‍ വിവാദത്തിലകപ്പെട്ട് അദ്ദേഹം രാജിവച്ചതില്‍ സന്തോഷിക്കുന്ന കോണ്‍ഗ്രസ് നേതാക്കളുടെ എണ്ണം ഒട്ടും കുറവല്ല. ഇന്ത്യന്‍ രാഷ്ട്രീയത്തിലെ പരിചയക്കുറവും, രാഷ്ട്രീയ പ്രവര്‍ത്തനം നടത്താതെ നേടിയ മന്ത്രിപദവുമെല്ലാമാണ് ഉത്തരേന്ത്യന്‍ നേതാക്കള്‍ക്ക് തരൂരിനെ അനഭിമതനാക്കിയത്.

എന്നാല്‍ എഐസിസി രാഹുല്‍ [^] ഗാന്ധി ശശി തരൂരിനെ പാര്‍ട്ടിയുടെ ഒരു സമ്പത്തായിത്തന്നെയാണ് കാണുന്നത്. വിവാദത്തികപ്പെടുകുയും രാജിവയ്ക്കുകയും ചെയ്‌തെങ്കിലും കോണ്‍ഗ്രസിന്റെ ഭാവിയില്‍ തരൂരിന് നല്ല റോള്‍ കൈകാര്യം ചെയ്യാന്‍ കഴിയുമെന്ന് തന്നെയാണ് രാഹുലിന്റെ വിശ്വാസമത്രേ.

രാഹുലുമായി ബന്ധപ്പെട്ട വൃത്തങ്ങള്‍തന്നെയാണ് ഇക്കാര്യം വ്യക്തമാക്കുന്നത്. ഐപിഎല്‍ വിവാദത്തിന്റെ പേരില്‍ തരൂരിനെ എഴുതിത്തള്ളാന്‍ എന്തായാലും രാഹുല്‍ തീരുമാനിച്ചിട്ടില്ല. വൈകാതെ തന്നെ തരൂരിനെ സംഘടനാ പദവികളില്‍ ഏതിലെങ്കിലും അവരോധിക്കാനാണ് രാഹുലിന്റെ തീരുമാനമെന്ന് സൂചനയുണ്ട്.

തരൂരിലെ രാഷ്ട്രീയക്കാരനിലേറെ രാഹുലിന് പ്രിയം അദ്ദേഹത്തിലെ നയതന്ത്രജ്ഞനെയാണത്രേ. വിവാദത്തില്‍ തരൂരിന്റെ കൈകള്‍ ശുദ്ധമായിരുന്നുവെന്ന് തെളിഞ്ഞാല്‍ പാര്‍ട്ടില്‍ അദ്ദേഹത്തിന് പ്രധാനപ്പെട്ട റോള്‍ തന്നെ ലഭിക്കുമെന്ന കര്യത്തില്‍ സംശയമില്ല.
http://thatsmalayalam.oneindia.in/news/2010/04/22/india-rahul-sees-tharoor-as-an-asset.html

മുലപ്പാല്‍ വിഭവവുമായി ഒരമ്മ

മുലയൂട്ടല്‍ എന്നത് വളരെ പവിത്രമായ ഒന്നായിട്ടാണ് കരുതപ്പെടുന്നത്. ലോകത്തെവിടെയായാലും ഇതങ്ങനെ തന്നെ. കുഞ്ഞുങ്ങളുടെ ആരോഗ്യത്തിന് അവരെ ഏറെക്കാലം മുലയൂട്ടാനും അതുസംബന്ധിച്ച് അമ്മമാരെ ബോധവല്‍ക്കരിക്കാനുമായി നമ്മള്‍ മുലയൂട്ടല്‍ വാരം തന്നെ ആചരിക്കുന്നുണ്ട്.

മുലപ്പാല്‍ കൂടുതലുള്ള അമ്മമാര്‍ അത് പാക്ക് ചെയ്ത് വില്‍ക്കുന്നതും പാല്‍ കുറവുള്ള അമ്മമാരുടെ കുട്ടികള്‍ക്ക് കൊടുക്കുന്നതുമെല്ലാം പലപ്പോഴായി വാര്‍ത്തയായിട്ടുണ്ട്. എന്നാല്‍ തീര്‍ത്തും വ്യത്യസ്തമായ പുതിയൊരു വാര്‍ത്തയിതാ.

ഇവിടെയും മുലപ്പാല്‍തന്നെയാണ് താരം, പക്ഷേ മുലയൂട്ടല്‍ അല്ലെന്ന് മാത്രം. മുലപ്പാല്‍ കൊണ്ടുള്ള പാചകം, അമ്പരക്കേണ്ട ബ്രിട്ടനിലെ ഒരമ്മയാണ് ഇക്കാര്യം പറയുന്നത്. എട്ട് മാസം പ്രായമായ ഒരു പെണ്‍കുഞ്ഞിന്റെ അമ്മയായ അബി ബ്ലേക് ആണ് മുലപ്പാല്‍ വിഭവങ്ങള്‍ ഉണ്ടാക്കുന്നത്.

തേങ്ങാപ്പാലും മറ്റും ഉപോയഗിച്ചുണ്ടാക്കുന്ന വിഭവങ്ങളില്‍ അതിന് പകരം മുലപ്പാല്‍ ചേര്‍ക്കുന്നു. ഇതെല്ലാം രുചികരമാണെന്നും വിഭവങ്ങള്‍ ഇപ്പോള്‍ ജനപ്രിയമാകുന്നുവെന്നുമാണ് സണ്‍ പത്രം റിപ്പോര്‍ട്ട് ചെയ്യുന്നത്. പാചകമേളകളില്‍ അബി തന്റെ മുലപ്പാല്‍ വിഭവങ്ങള്‍ പ്രദര്‍ശിപ്പിക്കാറുണ്ടത്രേ.

സാധാരണ പശുവിന്‍ പാല്‍, ആട്ടിന്‍ പാല്‍ എന്നിവയിലില്ലാത്ത പല പോഷകങ്ങളും മുലപ്പാലില്‍ അടങ്ങിയിട്ടുണ്ടെന്നും അതുകൊണ്ടുതന്നെ ഈ വിഭവങ്ങള്‍ ആരോഗ്യദായകമാണെന്നുമാണ് അബി പറയുന്നത്. വലിയ വൃത്തിയില്ലാത്ത പശുവിന്റെ പാലിനേക്കാള്‍ നല്ലതല്ലേ മനുഷ്യന്റെ പാല്‍ എന്നാണ് ഇവര്‍ ചോദിക്കുന്നത്.
http://thatsmalayalam.oneindia.in/women/news/2010/04-22-breast-milk-for-cooking.html

വെബ്കുറ്റ കൃത്യം: ഇന്ത്യ അഞ്ചാമത്


ആഗോള വിവരസാങ്കേതിക വിദ്യാരംഗത്ത് ഇന്ത്യ മികച്ച മുന്നേറ്റമാണ് നടത്തുന്നത്, ഒപ്പം സൈബര്‍ കുറ്റകൃത്യങ്ങളുടെ കാര്യത്തിലും ഇന്ത്യ മുന്നില്‍ തന്നെ. ആഗോളതലത്തിലെ വെബ്, സൈബര്‍ കുറ്റകൃത്യങ്ങളില്‍ ഇന്ത്യയ്ക്ക് അഞ്ചാം സ്ഥാനം. 2008 മുതല്‍ 2009 വരെയുള്ള കാലയളവിലെ കുറ്റകൃത്യങ്ങളുടെ വിവരങ്ങള്‍ ശേഖരിച്ചാണ് സൈബര്‍ ക്രൈം റാങ്കിംഗ് പ്രസിദ്ധീകരിച്ചിരിക്കുന്നത്. സൈബര്‍ ക്രൈമില്‍ അമേരിക്ക തന്നെയാണ് ഒന്നാം സ്ഥാനത്ത്. ചൈന(2), ബ്രസീല്‍(3), ജര്‍മ്മനി(4) എന്നീ സ്ഥാനങ്ങളില്‍ നില്‍ക്കുന്നു.

ഇന്റര്‍നെറ്റ് സെക്യൂരിറ്റി പ്രൊഡക്ട്സ് നിര്‍മ്മാണ കമ്പനിയായ സിമെന്റകാണ് ഇത്തരമൊരു പഠനം നടത്തി റിപ്പോര്‍ട്ട് പുറത്തുവിട്ടത്. സോഷ്യല്‍ നെറ്റ്വര്‍ക്ക് സൈറ്റുകള്‍ ഉപയോഗിച്ചുള്ള സൈബര്‍ ആക്രമണങ്ങള്‍ വര്‍ധിച്ചുവരികയാണെന്ന് റിപ്പോര്‍ട്ടില്‍ വ്യക്തമാക്കുന്നു. നേരത്തെ ഇ-മെയില്‍ വഴിയായിരുന്നു സൈബര്‍ ആക്രമണങ്ങള്‍ നടന്നിരുന്നതെങ്കില്‍ നിലവില്‍ സോഷ്യല്‍ മീഡിയകള്‍ വഴിയാണ് വെബ്ക്രൈം നടക്കുന്നത്.

അമേരിക്ക കേന്ദ്രമായി പ്രവര്‍ത്തിക്കുന്ന ഇന്‍റര്‍നെറ്റ് കുറ്റകൃത്യ പരാതി പരിഹാര കേന്ദ്രവും സൈബര്‍ ക്രൈം സംബന്ധിച്ച റിപ്പോര്‍ട്ട് നേരത്തെ പ്രസിദ്ധീകരിച്ചിരുന്നു. എഫ് ബി ഐ, ഇന്‍റര്‍നെറ്റ് കുറ്റകൃത്യ പരാതി കേന്ദ്രം എന്നിവരുടെ കണക്കുകള്‍ പ്രകാരം 2008ല്‍ 2,75,284 ഇന്‍റര്‍നെറ്റ് കുറ്റകൃത്യങ്ങളാണ് റിപ്പോര്‍ട്ട് ചെയ്തത്. 2007ല്‍ റിപ്പോര്‍ട്ട് ചെയ്തതിനേക്കാളും ഏറെ മുന്നിലായിരുന്നു 2008ലെ കണക്കുകള്‍.

India No. 5 in web crime list | വെബ്കുറ്റ കൃത്യം: ഇന്ത്യ അഞ്ചാമത്

ഫേസ്ബുക്കില്‍ സെക്സ് ആസ്വദിക്കുന്നവര്‍


ജനപ്രിയ സോഷ്യല്‍ നെറ്റ്വര്‍ക്ക് സൈറ്റായ ഫേസ്ബുക്കില്‍ സെക്സ് ആസ്വദിക്കുന്നവരുടെ എണ്ണം വര്‍ധിച്ചുവരികയാണ്. സോഷ്യല്‍ മീഡിയകള്‍ വഴി സെക്സ് ആസ്വദിക്കുന്നവരില്‍ മുന്നില്‍ നില്‍ക്കുന്നത് ബ്രിട്ടീഷുകാരാണെന്നും വിവിധ സര്‍വെ റിപ്പോര്‍ട്ടുകള്‍ വ്യക്തമാക്കുന്നു. അമിതമായി ജോലി ചെയ്യുന്നവരെല്ലാം ഫേസ്ബുക്കില്‍ സെക്സിന് വേണ്ടി മാത്രമാണ് സന്ദര്‍ശനം നടത്തുന്നത്.

സര്‍വെയില്‍ പങ്കെടുത്തവരില്‍ മിക്കവരും ബെഡ് റൂമില്‍ ലാപ്‌ടോപ് ഉപയോഗിക്കുന്നവരാണെന്നും ഇതിലൂടെ സെക്സ് ആസ്വദിക്കുന്നുവെന്നും കണ്ടെത്തി. നാലായിരത്തോളം പേരാണ് സര്‍വെയില്‍ പങ്കെടുത്തത്. ഫേസ്ബുക്ക് സന്ദര്‍ശനം നടത്തുന്നവരില്‍ മിക്കവര്‍ക്കും കാമം മാത്രമാണ് ലക്‍ഷ്യം.

സോഷ്യല്‍ നെറ്റ്വര്‍ക്ക് സൈറ്റുകളില്‍ നടക്കുന്ന ചൂഷണങ്ങളുടെ കണക്കെടുത്താന്‍ ഞെട്ടിപോകും. ഇത്തരം ബന്ധങ്ങള്‍ ആസ്വദിക്കുന്ന കുട്ടികള്‍ നിരവധിയാണെന്നാണ് സര്‍വെകള്‍ വ്യാക്തമാക്കുന്നത്. ഇത്തരം കുട്ടികളെ രക്ഷിതാക്കള്‍ ഏറെ ശ്രദ്ധിക്കേണ്ടതുണ്ടെന്നാണ് നെറ്റ് വിദഗ്ധര്‍ പറയുന്നത്.

അതേസമയം, ഇത്തരം ബന്ധങ്ങള്‍ക്ക് പിന്നില്‍ പ്രവര്‍ത്തിക്കുന്നവര്‍ യഥാര്‍ത്ഥ ഐഡിയില്‍ വരുന്നില്ലെന്നതും ശ്രദ്ധേയമാണ്. പലരും മുഖം മൂടി ധരിച്ചാണ് നെറ്റ്ലോകത്തെ ചൂഷണത്തിന് ഇറങ്ങിത്തിരിക്കുന്നത്. മിക്ക സോഷ്യല്‍ നെറ്റ്വര്‍ക്ക് സൈറ്റുകളിലും അനോനിമസായി അംഗത്വമെടുക്കാനും ചാറ്റ് ചെയ്യാനും അവസരം നല്‍കുന്നുണ്ട്.

സോഷ്യല്‍ നെറ്റ്വര്‍ക്ക് സൈറ്റുകളില്‍ അംഗത്വമെടുക്കുന്ന പുരുഷന്മാരില്‍ ഭൂരിഭാഗവും സുഹൃത്തുക്കാളായി സ്വീകരിക്കുന്നതും അന്വേഷിക്കുന്നത് സ്ത്രീകളെ മാത്രമാണ്. അതും യുവതികളെ മാത്രം. ഇത്തരം ചൂഷണങ്ങള്‍ക്ക് അടിപ്പെടുന്ന യുവതികള്‍ നിരവധിയാണെന്നാണ് വിവിധ പഠന റിപ്പോര്‍ട്ടുകള്‍ വ്യക്തമാക്കുന്നത്.

Overworked Brits prefer Facebooking to sex! | ഫേസ്ബുക്കില്‍ സെക്സ് ആസ്വദിക്കുന്നവര്‍

വീട്ടമ്മയെ മകന്‍റെ സുഹൃത്ത് മാനഭംഗപ്പെടുത്തി

മകന്‍റെ സുഹൃത്ത് തന്നെ മാനഭംഗപ്പെടുത്തിയതായി 40കാരിയായ വീട്ടമ്മയുടെ പരാതി. പുനെയിലെ റാവെറ്റിലാണ് സംഭവം. ചിഞ്ച്‌വാഡിലെ അലെകര്‍ വാഡിയില്‍ താമസിക്കുന്ന വീട്ടമ്മയെ മകന്‍റെ സുഹൃത്തായ ബാബാ സാഹിബ് ശിവാജി വാഗ്‌മരെ(25) എന്നയാള്‍ ഇക്കഴിഞ്ഞ ചൊവ്വാഴ്ച രാത്രിയില്‍ ബലാത്സംഗം ചെയ്യുകയായിരുന്നു.

വീട്ടമ്മ സംഭവം വിവരിക്കുന്നത് ഇങ്ങനെയാണ് - “ചൊവ്വാഴ്ച രാത്രിയില്‍ വാഗ്‌മരെ എന്‍റെ വീട്ടില്‍ വന്നു. അയാള്‍ ഒരു കമ്പനിയിലെ ഡ്രൈവറാണ്. എന്‍റെ മകന്‍റെ അടുത്ത സുഹൃത്തുമാണ്. എന്‍റെ മകന്‍ മദ്യപിച്ച് ബോധം‌കെട്ട് ഗുരുതരമായ അവസ്ഥയിലാണെന്ന് വാഗ്‌മരെ പറഞ്ഞു. ഇതുകേട്ട ഞാന്‍ ഉടന്‍ തന്നെ വാഗ്‌മരെയ്ക്കൊപ്പം മകന്‍റെ അടുത്തേക്ക് തിരിച്ചു.”

“ഒരു ഇന്‍ഡിക്ക കാറിലാണ് ഞങ്ങള്‍ പോയത്. വണ്ടി റാവെറ്റിലെത്തിയപ്പോള്‍ അയാള്‍ അവിടത്തെ ഒരു ഒറ്റപ്പെട്ട ഫാക്ടറിക്ക് മുന്നില്‍ വണ്ടി നിര്‍ത്തി. അതിനുശേഷം എന്നെ അവിടേക്ക് കൂട്ടിക്കൊണ്ടുപോയി പീഡിപ്പിക്കുകയായിരുന്നു. ഈ സംഭവം പുറത്തുപറഞ്ഞാല്‍ എന്‍റെ മകനെ കൊല്ലുമെന്ന് വാഗ്‌മരെ ഭീഷണിപ്പെടുത്തി” - വീട്ടമ്മ പരാതിയില്‍ പറയുന്നു.

വീട്ടില്‍ തിരിച്ചെത്തിയ വീട്ടമ്മ ബന്ധുക്കളെ ഈ വിവരം അറിയിക്കുകയായിരുന്നു. അതിന് ശേഷം ചിഞ്ച്‌വാഡ് പൊലീസ് സ്റ്റേഷനില്‍ അവര്‍ പരാതി നല്‍കി. വാഗ്‌മരെയെ അയാളുടെ വീട്ടില്‍ നിന്ന് പൊലീസ് അറസ്റ്റു ചെയ്തിട്ടുണ്ട്.

Woman accuses son's friend of rape | വീട്ടമ്മയെ മകന്‍റെ സുഹൃത്ത് മാനഭംഗപ്പെടുത്തി

തരൂരിലെ കോമാളിയാണ് ശശിയെന്ന് അഴീക്കോട്

തരൂര്‍ എന്ന നാടിന് മഹത്തായ പാരമ്പര്യമുണ്ടെന്നും എന്നാല്‍ കെപി കേശവമേനോന്‍ തുടങ്ങിയ മഹാരഥന്മാരുടെ ജന്മനാടായ തരൂര്‍ ഇപ്പോള്‍ അറിയപ്പെടുന്നത് കോമാളിയായ ശശി തരൂരിന്റെ പേരിലാണെന്നും സുകുമാര്‍ അഴീക്കോട്. താരസംഘടനകള്‍ നടന്‍ തിലകന് ഉപരോധം ഏര്‍പ്പെടുത്തിയതിനെ തുടര്‍ന്ന് മോഹന്‍ലാല്‍, മമ്മൂട്ടി തുടങ്ങിയ താരങ്ങള്‍ക്കെതിരെ വാളെടുത്ത അഴീക്കോട് കുറച്ചുദിവസങ്ങളായി നിശബ്ദനായിരുന്നു. ഐപി‌എല്‍ വിവാദത്തില്‍ ശശി തരൂരിനെതിരെ വിമര്‍ശിച്ചുകൊണ്ട് അഴീക്കോട് വീണ്ടും രംഗത്തെത്തിയിരിക്കുകയാണ്.

കഴിഞ്ഞ ദിവസം പാര്‍ലമെന്റില്‍ പ്രസംഗിക്കുമ്പോള്‍ "ഭാരതമെന്ന പേര്‍ കേട്ടാലഭിമാനപൂരിതമാകണമന്തരംഗം, കേരളമെന്നു കേട്ടാലോ തിളയ്ക്കണം, ചോര നമുക്കു ഞരമ്പുകളില്‍" എന്ന വള്ളത്തോളിന്റെ വരികള്‍ ശശി തരൂര്‍ ഉദ്ധരിക്കുകയുണ്ടായി. ഇതാണ് സുകുമാര്‍ അഴീക്കോടിനെ പ്രകോപിപ്പിച്ചത്. കേന്ദ്രമന്ത്രിസ്ഥാനം രാജിവച്ചശേഷമുള്ള ആദ്യപ്രസംഗത്തിലായിരുന്നു ശശി തരൂര്‍ ഈ വരികള്‍ ഉദ്ധരിച്ചത്.

“കോടികളുടെ ഐപിഎല്‍ അഴിമതിയില്‍പ്പെട്ട ശശി തരൂരിന്‌ ദേശഭക്തി തുടിക്കുന്ന വള്ളത്തോളിന്റെ വരികള്‍ ചൊല്ലാന്‍ ഒരു അര്‍ഹതയുമില്ല. അഴിമതിയില്‍പ്പെട്ട്‌ മന്ത്രിസ്ഥാനം പോയ ഒരാള്‍ ഈ വരികള്‍ ചൊല്ലിയത്‌ മലയാളികള്‍ക്കു മുഴുവന്‍ അപമാനകരമാണ്‌.”

Shashi is a buffoon from Tharoor village: Sukumar Azheekkodu | തരൂരിലെ കോമാളിയാണ് ശശിയെന്ന് അഴീക്കോട്

കോണ്‍‌ഗ്രസ് റാലിക്ക് ആളെക്കൂട്ടാന്‍ കാബറെ ഡാന്‍സ്!

ജാഥയ്ക്കും റാലിക്കും ആളെക്കൂട്ടാന്‍ രാഷ്ട്രീയപാര്‍ട്ടികള്‍ പല തരത്തിലുള്ള തന്ത്രങ്ങള്‍ മെനയാറുണ്ട്. ബിരിയാണിയും ക്വാര്‍ട്ടര്‍ മദ്യവും നൂറുരൂപാ കൂലിയും കൊടുത്താല്‍ തമിഴ്നാട് അടക്കമുള്ള സംസ്ഥാനങ്ങളില്‍ ജാഥകള്‍ക്കും റാലിക്കും ആളെക്കിട്ടുമെത്രെ. എന്നാല്‍ പാര്‍ട്ടിറാലിക്ക് ആളെക്കൂട്ടാന്‍ കാബറേ നൃത്തം സംഘടിപ്പിച്ച് വെട്ടിലായിരിക്കുകയാണ് ഉത്തര്‍പ്രദേശിലെ സറാവയിലെ കോണ്‍ഗ്രസ്‌ പാര്‍ട്ടി പ്രവര്‍ത്തകര്‍.

നടന്നത് ഇങ്ങിനെ - രാഹുല്‍ ഗാന്ധി ഉദ്ഘാടനം ചെയ്ത ചേതനാരഥയാത്ര സറാവയിലെത്തുമ്പോള്‍ ഒരു പൊതുസമ്മേളനം സംഘടിപ്പിച്ചിരുന്നു. കോണ്‍ഗ്രസിന്റെ രാജ്യഭാ എം.പി പര്‍വേസ്‌ ഷാഷ്‌മിയെയും ഈ സമ്മേളനത്തിന് ക്ഷണിച്ചിരിക്കുന്നു.

രാജ്യം പൊരിഞ്ഞ ചൂടില്‍ ഉരുകുമ്പോള്‍ പൊതുസമ്മേളനത്തിനും അനുബന്ധമായി നടക്കുന്ന റാലിക്കും ആളെക്കിട്ടില്ലെന്ന് സറാവയിലെ കോണ്‍ഗ്രസ് നേതൃത്വം തിരിച്ചറിഞ്ഞു. ആളെത്തിയില്ലെങ്കില്‍ ഉത്തര്‍പ്രദേശ്‌ കോണ്‍ഗ്രസ്‌ കമ്മിറ്റി നേതൃത്വത്തിന് ദ്വേഷ്യം വരുമെന്ന കാര്യമോര്‍ത്തപ്പോള്‍ മറ്റ് വഴികള്‍ ചര്‍ച്ചചെയ്യപ്പെട്ടു. അവസാനം, ആളെക്കൂട്ടാന്‍ ഏറ്റവും എളുപ്പമുള്ള വഴിയായി കണ്ടെത്തിയത് കാബറേ നൃത്തമായിരുന്നു.

ഉടനെതന്നെ ഹരിയാനയില്‍ നിന്ന്‌ ബാറില്‍ നൃത്തം ചെയ്യുന്ന രണ്ടു നര്‍ത്തകികളെ കോണ്‍ഗ്രസ് പ്രാദേശിക നേതൃത്വം ബുക്കുചെയ്തു. സറാവയിലെ കിസാന്‍ ഇന്റര്‍കോളേജിലായിരുന്നു രഥയാത്രാ സ്വീകരണം. ചേതനാരഥയാത്ര എത്തുന്നതിന് മുമ്പ് കാബറെ തുടങ്ങി. ജനം തിങ്ങിനിറഞ്ഞു. യുവാക്കള്‍ ഇരമ്പിമറിയുകയായിരുന്നുവെന്ന് ദൃക്‌സാക്ഷികള്‍ പറയുന്നു.

Bar dancers shake a leg in Rahul's Rath Yatra | കോണ്‍‌ഗ്രസ് റാലിക്ക് ആളെക്കൂട്ടാന്‍ കാബറെ ഡാന്‍സ്!

ഗൂഗിളിലെ 142 ഉള്ളടക്കങ്ങള്‍ നീക്കണമെന്ന് ഇന്ത്യ

ഗൂഗിളില്‍ അപ്‌ലോഡ് ചെയ്തതും പ്രസിദ്ധീകരിച്ചതുമായ 142 ഉള്ളടക്കങ്ങള്‍ നീക്കം ചെയ്യണമെന്ന ആവശ്യവുമായി ഇന്ത്യയും രംഗത്ത്. വിവിധ രാജ്യങ്ങളില്‍ നിന്ന് ഉള്ളടക്കങ്ങള്‍ നീക്കം ചെയ്യണമെന്ന് ആവശ്യപ്പെട്ട് പരാതികള്‍ ലഭിച്ചിട്ടുണ്ടെന്ന് ഗൂഗിള്‍ അറിയിച്ചു.

ഓരോ രാജ്യത്തിന്റെയും പരാതികള്‍ സംബന്ധിച്ച റിപ്പോര്‍ട്ടും ഗൂഗിള്‍ പുറത്തുവിട്ടു. ചൈനയിലെ സെന്‍സറിംഗും അനുബന്ധ വിവാദങ്ങളും നിലനില്‍ക്കുന്ന സമയത്താണ് ഇത്തരമൊരു റിപ്പോര്‍ട്ടും ഗൂഗിള്‍ പുറത്തുവിട്ടിരിക്കുന്നത്. 2009 ജൂ ലൈ-ഡിസംബര്‍ കാലയളവില്‍ ലഭ്യമായ പരാതികളാണ് പ്രസിദ്ധീകരിച്ചത്.

ഇത് ആദ്യമായാണ് ഗൂഗിള്‍ ഇത്തരമൊരു റിപ്പോര്‍ട്ട് പുറത്തുവിടുന്നത്. വീഡിയോ, വിവരങ്ങള്‍, ചിത്രങ്ങള്‍ എന്നിവ നീക്കം ചെയ്യാനാണ് വിവിധ രാജ്യങ്ങളിലെ സര്‍ക്കാറുകള്‍ ആവശ്യപ്പെട്ടിരിക്കുന്നത്. ബ്രസീല്‍ 291 ഉള്ളടക്കങ്ങള്‍ നീക്കം ചെയ്യാന്‍ അവശ്യപ്പെട്ടപ്പോള്‍ ജര്‍മ്മനി 188 പരാതികളാണ് നല്‍കിയിരിക്കുന്നത്. അമേരിക്കയില്‍ നിന്ന് 123 പരാതികളും ലഭിച്ചതായി ഗൂഗിള്‍ അറിയിച്ചു.

നെറ്റ് സെന്‍സര്‍ ചെയ്യുന്ന രാജ്യങ്ങളുടെ എണ്ണം വര്‍ധിച്ചുവരികയാണെന്നും ഏകദേശം 40 രാജ്യങ്ങള്‍ ഗൂഗിള്‍ വിവരങ്ങള്‍ സെന്‍സര്‍ ചെയ്യുന്നുണ്ടെന്നും അറിയിച്ചു. 2002 വര്‍ഷത്തില്‍ സെന്‍സര്‍ ചെയ്യുന്നവരുടെ പട്ടികയില്‍ വിരലിലെണ്ണാവുന്ന രാജ്യങ്ങള്‍ മാത്രമാണുണ്ടായിരുന്നത്.

ബ്രസീലും ഇന്ത്യയും ഗൂഗിളിന്റെ സോഷ്യല്‍ മീഡിയാ സേവനമായ ഒര്‍ക്കുട്ടിലെ വിവാദപരമായ വിവരങ്ങള്‍ നീക്കം ചെയ്യാനാണ് ആവശ്യപ്പെട്ടിരിക്കുന്നത്. ബ്രസീലിലും ഇന്ത്യയിലും ഏറ്റവും കൂടുതല്‍ പേര്‍ ഉപയോഗിച്ചിരിക്കുന്ന സോഷ്യല്‍ നെറ്റ്വര്‍ക്ക് സൈറ്റാണ് ഒര്‍ക്കുട്ട്.

ഓണ്‍ലൈന്‍ അഭിപ്രായ സ്വാതന്ത്ര്യം അനുവദിക്കുന്നതിന്റെ ഭാഗമായാണ് ഇത്തരമൊരു നടപടിയെന്ന് ഗൂഗിള്‍ അറിയിച്ചു. 'ഗ്ലോബല്‍ നെറ്റ്‌വര്‍ക്ക് ഇനിഷ്യേറ്റീവ്' എന്ന കൂട്ടായ്മയില്‍ ഇന്റര്‍നെറ്റ് ഭീമന്‍ ഗൂഗിളും അംഗമാണ്. യാഹൂ, മൈക്രോസോഫ്റ്റ് എന്നീ ഇന്റര്‍നെറ്റ് കമ്പനികളും ഇതിന്റെ ഭാഗമാണ്.

നമുക്ക് ഭൂമിയെ പ്രണയിക്കാം

ആഗോള താപനത്തിന്‍റെ പൊള്ളുന്ന ചൂട് ഓര്‍മ്മപ്പെടുത്തിക്കൊണ്ട് ഒരു ഭൗമദിനം കൂടി. കൊടും ചൂടില്‍ മഞ്ഞുരുകി ഭൂമി മുങ്ങാന്‍ ഇനി എത്ര കാലം കൂടിയുണ്ട് എന്ന ഓര്‍മ്മപ്പെടുത്തലാണ് ഓരോ ഭൌമ ദിനവും. നാല്പതാം ഭൗമദിനമാണ് ഇന്നത്തേത്. 141 രാജ്യങ്ങള്‍ ഒപ്പിട്ട 1997ലെ ക്യോട്ടോ ഉച്ചകോടിയോടെയാണ് ഭൗമദിനം സംഘടിതമായി ആചരിച്ചു തുടങ്ങിയത്.

വ്യവസായവല്‍കൃത രാജ്യങ്ങള്‍ പുറത്തുവിടുന്ന ഹരിതഗൃഹ വാതകങ്ങളും ഓസോണ്‍ പാളിക്ക് നേരിടുന്ന ഭീഷണിയും ആഗോളതാപനത്തിന് വഴിവച്ചിട്ടുണ്ട്. ഇപ്പോള്‍, വികസ്വര രാജ്യങ്ങളും വ്യവസായവല്‍ക്കരണ പാതയില്‍ കുതിച്ചുമുന്നേറുന്നതോടെ ഹരിതഗൃഹ വാതകങ്ങളുടെ പുറംതള്ളല്‍ അനിയന്ത്രിതമാം വിധം ഉയരുകയാണ്.

മണ്ണിന്‍റെ സ്വാഭാവികമായ ഘടനയില്‍ മാറ്റവും മലിനീകരണവുമാണ് മൂന്നാം ലോകരാജ്യങ്ങളിലെ കാര്‍ഷിക ഉത്പാദനക്ഷമത കുറയുന്നതിനുള്ള പ്രധാനകാരണമെന്ന് വാഷിംഗ്ടണ്‍ ആസ്ഥാനമായുള്ള വേള്‍ഡ് റിസോഴ്സ് ഇന്‍സ്റ്റിറ്റൂട്ടിലെ പഠനങ്ങള്‍ തെളിയിക്കുന്നു.

അവരുടെ പഠനങ്ങളനുസരിച്ച് രണ്ടാം ലോക മഹായുദ്ധനന്തരം ഏകദേശം 120 കോടി ഹെക്ടര്‍ കൃഷിഭൂമി ഉപയോഗരഹിതമായി കണക്കാക്കുന്നു. മേല്‍മണ്ണിന്‍റെ കനത്ത നഷ്ടം മൂലം ഉത്പാദനം കുറയുകയും ലാറ്ററീകരണം എന്ന ഭൗതിക-രാസ പ്രക്രിയയ്ക്ക് വഴി തെളിയിക്കുകയും ചെയ്യുന്നു.

കേരളവും ലാറ്ററീകരണത്തിന് ഇരയായ സംസ്ഥാനമാണെന്ന് പറഞ്ഞാല്‍ ഒരുപക്ഷേ വിശ്വസിക്കാന്‍ പ്രയാസം തോന്നിയേക്കാം. ഇത് രൂക്ഷമായ തോതില്‍ കാണുന്നത് മലപ്പുറം, കണ്ണൂര്‍, കാസര്‍കോട് തുടങ്ങിയ സ്ഥലങ്ങളിലാണ്. വനനശീകരണം വ്യാപകമായ വയനാട്ടിലും ലാറ്ററീകരണമുണ്ട്.

World earth day | നമുക്ക് ഭൂമിയെ പ്രണയിക്കാം

വീട്ടമ്മയെ കീഴ്പ്പെടുത്തി നഗ്നചിത്രങ്ങളെടുത്തു

വീട്ടമ്മയെ ബലാത്സംഗം ചെയ്തശേഷം നഗ്‌നചിത്രങ്ങളെടുത്ത യുവാവിനെ പൊലീസ് അറസ്റ്റുചെയ്തു. കടുത്തുരുത്തി കല്ലറയ്ക്ക് സമീപമാണ് സംഭവം. പ്രദീഷ്(26) എന്ന യുവാവാണ് പൊലീസ് പിടിയിലായത്.

അയല്‍ക്കാരിയായ വീട്ടമ്മ പാട്ടുകേള്‍ക്കാന്‍ വാങ്ങിയ സി ഡി തിരികെ നല്‍കാനെത്തിയപ്പോഴാണ് യുവാവ് മാനഭംഗപ്പെടുത്തിയത്. അതിനു ശേഷം വീട്ടമ്മയുടെ നഗ്നചിത്രങ്ങള്‍ മൊബൈലില്‍ പകര്‍ത്തി. സംഭവം പുറത്തുപറഞ്ഞാല്‍ ഈ ചിത്രങ്ങള്‍ നാട്ടില്‍ പ്രചരിപ്പിക്കുമെന്ന് പ്രദീഷ് ഭീഷണിപ്പെടുത്തുകയും ചെയ്തു.

36കാരിയായ വീട്ടമ്മ പ്രദീഷിന്‍റെ ഭീഷണിമൂലം സംഭവം ആരോടും പറഞ്ഞില്ല. എന്നാല്‍ പിന്നീട് വീട്ടമ്മയുടെ ഒരു കുടുംബസുഹൃത്ത് ഇക്കാര്യം അറിയാനിടയായി. തുടര്‍ന്ന് ഭര്‍ത്താവുമൊത്ത് പൊലീസ് സ്റ്റേഷനിലെത്തി വീട്ടമ്മ പ്രദീഷിനെതിരെ പരാതിനല്‍കി.

House wife raped by her neighbour | വീട്ടമ്മയെ കീഴ്പ്പെടുത്തി നഗ്നചിത്രങ്ങളെടുത്തു

കേരളം ഐപിഎല്‍ കളിക്കേണ്ടെന്ന് കാരാട്ട്

കേരളത്തിന്‍റെ ഐ പി എല്‍ സ്വപ്നങ്ങള്‍ക്ക് എതിരെ സി പി എം ജനറല്‍ സെക്രട്ടറി പ്രകാശ് കാരാട്ട്. കേരളത്തിന് ഒരു ഐ പി എല്‍ ടീമിന്‍റെ ആവശ്യമില്ലെന്നാണ് കാരാട്ടിന്‍റെ പക്ഷം. ഡല്‍ഹിയില്‍ മാധ്യമപ്രവര്‍ത്തകരോടാണ് അദ്ദേഹം ഇക്കാര്യം പറഞ്ഞത്.

ഐ പി എല്‍ എന്നത് പണം ഉണ്ടാക്കാനുള്ള ഒരു സംവിധാനമാണ്‌. അതിനെ ഒരു കായിക വിനോദമായി കാണാനാവില്ലെന്നും പ്രകാശ്‌ കാരാട്ട്‌ വാര്‍ത്താ സമ്മേളനത്തില്‍ പറഞ്ഞു.

കേന്ദ്രമന്ത്രിസ്ഥാനത്തു നിന്ന് ശശി തരൂരും ഐ പി എല്‍ കമ്മീഷണര്‍ സ്ഥാനത്തു നിന്ന് ലളിത്‌ മോഡിയും ഒഴിവായാല്‍ തീരുന്നതല്ല ഐ പി എല്ലിലെ പ്രശ്നങ്ങളെന്നും അദ്ദേഹം പറഞ്ഞു‍. ഐ പി എല്ലില്‍ പങ്കെടുക്കുന്ന ടീമുകളുടെ ഫ്രാഞ്ചെസികള്‍ ഉടമസ്ഥത സംബന്ധമായ കാര്യങ്ങള്‍ വെളിപ്പെടുത്തണമെന്നും കാരാട്ട്‌ ആവശ്യപ്പെട്ടു.

നിത്യാനന്ദ രക്ഷപ്പെടുമോ?

മനുഷ്യദൈവങ്ങള്‍ക്ക് പലതരം കഴിവുകളാണ്. അന്തരീക്ഷത്തില്‍ നിന്ന് വിഭൂതിയെടുക്കാനും ആടിനെ പട്ടിയാക്കാനും ആളെ പൊട്ടനാക്കാനും അവര്‍ക്കു കഴിയും. വ്യാജ സന്യാസിമാരും ലോക്കല്‍ ഗോഡ്സും വാണരുളുന്ന സംസ്ഥാനങ്ങളുടെ പട്ടികയില്‍ കേരളം മുന്‍‌നിരയിലാണ്. അവരെ ആദരിച്ചിരുത്തുന്ന പീഠത്തിന് ചുവട്ടിലാണ് ഭരണാധികാരികള്‍ പോലും സ്വന്തം സ്ഥാനം സ്വയം കണ്ടെത്തുന്നത്.

അടുത്ത കാലത്ത് കോളിളക്കമുണ്ടാക്കിയ സ്വാമി നിത്യാനന്ദ ഒടുവില്‍ പൊലീസ് വലയിലായിരിക്കുന്നു. തമിഴ്‌നാട്ടിലും മറ്റ് തെക്കന്‍ സംസ്ഥാനങ്ങളിലും കടുത്ത ചൂടായതിനാല്‍ സ്വാമി ഹിമാചലില്‍ സുഖവാസത്തിലായിരുന്നു എന്നാണ് അറിയുന്നത്. ഒളിച്ചുതാമസിക്കുകയും ചെയ്യാം, ഒളിസേവ നടത്തുകയും ചെയ്യാമെന്ന സൌകര്യം.

വലിയ എന്‍‌കൌണ്ടറോ ‘ഓപ്പറേഷന്‍ നിത്യ’യോ ഒന്നും വേണ്ടിവന്നില്ല പൊലീസിന് സ്വാമിയെ കുടുക്കാന്‍ എന്നാണ് അറിയുന്നത്, പൊലീസ് അതാണ് പ്രതീക്ഷിച്ചിരുന്നതെങ്കിലും. ഹിമാചലിലെയും ബാംഗ്ലൂരിലെയും പൊലീസുകാര്‍ കൂട്ടമായി ചെന്ന് സ്വാമിയെ വിളിച്ചു, ഒരു പൂച്ചക്കുട്ടിയെപ്പോലെ സ്വാമി ഇറങ്ങി വരികയും ചെയ്തു.

Self-styled godman arrested in Himachal Pradesh | നിത്യാനന്ദ രക്ഷപ്പെടുമോ?

നൈറ്റ്‌ റൈഡേഴ്സ് ക്രമക്കേട് നടത്തി

ഐപിഎല്‍ സാമ്പത്തിക ഇടപാടുകളില്‍ ബോളിവുഡ് താരം ഷാരൂഖ് ഖാന്‍റെ ഉടമസ്ഥതയിലുള്ള കൊല്‍ക്കത്ത നൈറ്റ് റൈഡേഴ്സ് ക്രമക്കേട് നടത്തിയതായി ആദായ നികുതി വകുപ്പ് ഉദ്യോഗസ്ഥര്‍ക്ക് തെളിവ് ലഭിച്ചു. റൈഡേഴ്സ് നടത്തിയ സാമ്പത്തിക ഇടപാടുകളില്‍ കുറ്റകരമായ തെളിവുകള്‍ കണ്ടെത്തിയിട്ടുണ്ടെന്നും ഇവയെക്കുറിച്ച് കൂടുതല്‍ അന്വേഷണം നടത്തുമെന്നും റവന്യൂ സര്‍വീസ്‌ ഡെപ്യൂട്ടി ഡയറക്ടര്‍ അഖിലേന്ദു ജാദവ്‌ പറഞ്ഞു.

മൗറീഷ്യസ്‌ അടക്കമുള്ള രാജ്യങ്ങളില്‍ നിന്ന്‌ ഇന്ത്യന്‍ പ്രീമിയര്‍ ലീഗിലേയ്ക്ക്‌ ഒഴുകിയ കള്ളപ്പണത്തെക്കുറിച്ചാണ്‌ ആദായനികുതി വകുപ്പ്‌ പ്രധാനമായും അന്വേഷിക്കുന്നതെന്നു അഖിലേന്ദു ജാദവ്‌ പറഞ്ഞു. ഇതിന്‌ പുറമേ ഐപിഎല്‍ ഫ്രാഞ്ചൈസിയും സംസ്ഥാന ക്രിക്കറ്റ്‌ ബോര്‍ഡും തമ്മിലുള്ള ഇടപാടുകളുടെ നിയമസാധുത എന്‍ഫോഴ്സ്മെന്റ്‌ ഡയറക്ടറേറ്റും അന്വേഷിക്കുന്നുണ്ടെന്നും അധികൃതര്‍ വ്യക്തമാക്കി.

കൊല്‍ക്കത്ത ഈഡന്‍ ഗാര്‍ഡന്‍ സ്റ്റേഡിയത്തില്‍ പ്രവര്‍ത്തിക്കുന്ന ബംഗാള്‍ ക്രിക്കറ്റ്‌ അസോസിയേഷന്റെ ഓഫീസ്‌, നൈറ്റ്‌ റൈഡേഴ്സ്‌ ടീമിന്റെ ആസ്ഥാനം, ടീം ഉടമസ്ഥരായ റെഡ്‌ ചില്ലീസ്‌ എന്റര്‍ടെയ്ന്‍മെന്റിന്റെ ആസ്ഥാനം എന്നിവടങ്ങളിലായിരുന്നു ആദായ നികുതി വകുപ്പ് ഉദ്യോഗസ്ഥര്‍ ഇന്നലെ റെയ്ഡ്‌ നടത്തിയത്. ഇന്നലെ വൈകിട്ട് മൂന്നിന്‌ തുടങ്ങിയ റെയ്ഡ്‌ ഇന്ന് പുലര്‍ച്ചെ വരെ നീണ്ടു. ഷാരൂഖ്‌ ഖാന്‍, ഐടിസി മേധാവി സോനാര്‍ ബാംഗ്ല, ഷേക്സ്പിയര്‍ സരാനി എന്നിവരാണ്‌ റെഡ്‌ ചില്ലീസിന്റെ ഉടമസ്ഥര്‍.

Tax officials claim 'evidence' against Kolkata Knight Riders | നൈറ്റ്‌ റൈഡേഴ്സ് ക്രമക്കേട് നടത്തി

ഭര്‍ത്താവിനെ അമ്മിക്കല്ലുകൊണ്ട് അടിച്ചുകൊന്നു!

ഭര്‍ത്താവിനെ അമ്മിക്കല്ലു കൊണ്ട് തലയ്ക്കടിച്ചു കൊലപ്പെടുത്തിയ യുവതി അറസ്റ്റില്‍. സേലയൂരിനു സമീപം അഗരം ഗ്രാമത്തിലാണ് സംഭവം. പതിവു വീട്ടുവഴക്കിനൊടുവില്‍ 26കാരിയായ ശിവശങ്കരി എന്ന യുവതിയാണ് തന്‍റെ ഭര്‍ത്താവ് ഉദയശങ്കറി(31)നെ അമ്മിക്കല്ലുകൊണ്ട് അടിച്ചുകൊന്നത്.

അഞ്ചുതവണയാണ് ഭര്‍ത്താവിന് നേരെ ശിവശങ്കരി അമ്മിക്കല്‍ പ്രയോഗം നടത്തിയത്. ഉദയശങ്കറിന്‍റെ മരണം ഉറപ്പാക്കിയതിന് ശേഷമാണ് അവര്‍ പൊലീസിന് കീഴടങ്ങിയത്.

ഏഴുവര്‍ഷം മുമ്പ് വിവാഹിതരായ ഈ ദമ്പതികള്‍ക്ക് ആറും അഞ്ചും വയസുള്ള രണ്ട് ആണ്‍‌മക്കളുണ്ട്. ഉദയശങ്കര്‍ സ്ഥിരമായി മദ്യപിക്കുന്നയാളാണ്. മദ്യപിച്ച് വീട്ടിലെത്തിയ ശേഷം പതിവായി ശിവശങ്കരിയെ മര്‍ദ്ദിക്കാറുണ്ട്.

സംഭവദിവസവും പതിവുപോലെ ഉദയശങ്കര്‍ മദ്യപിച്ച് വീട്ടിലെത്തി. ശിവശങ്കരിയെ അകാരണമായി മര്‍ദ്ദിക്കാന്‍ തുടങ്ങി. ഒടുവില്‍ ഉദയശങ്കറിന്‍റെ മൂത്ത സഹോദരന്‍ ഇടപെട്ട് വഴക്കിന് ശമനമുണ്ടാക്കി. തുടര്‍ന്ന് പുറത്തുപോയ ഉദയശങ്കര്‍ സുഹൃത്തുക്കള്‍ക്കൊപ്പം വീണ്ടും മദ്യപിച്ച ശേഷം വീട്ടില്‍ തിരിച്ചെത്തി. ശിവശങ്കരിയെ ആക്രമിക്കാനൊരുങ്ങുമ്പോള്‍ സഹികെട്ട് അവര്‍ അമ്മിക്കല്ലുകൊണ്ട് ഉദയശങ്കറിന്‍റെ തലയ്ക്കടിക്കുകയായിരുന്നു.

Woman kills husband with a grinding stone | ഭര്‍ത്താവിനെ അമ്മിക്കല്ലുകൊണ്ട് അടിച്ചുകൊന്നു!

ഐപി‌എല്‍ പ്രഫുല്‍ പട്ടേല്‍ വീണ്ടും വിവാദത്തില്‍


ഐപി‌എല്ലുമായി ബന്ധമൊന്നുമില്ല എന്ന് പ്രഫുല്‍ പട്ടേല്‍ ആവര്‍ത്തിച്ചിട്ടും വിവാദം അദ്ദേഹത്തെ വിട്ടൊഴിയുന്നില്ല. പട്ടേലിന്റെ മകളും ഐപി‌എല്‍ ഹോസ്പിറ്റാലിറ്റി മാനേജറുമായ പൂര്‍ണ പട്ടേല്‍ ഐപി‌എല്‍ പുതിയ ഫ്രാഞ്ചൈസികളുടെ ഏകദേശ വില സംബന്ധിച്ച വിവരങ്ങള്‍ അടങ്ങുന്ന ഇ-മെയില്‍ തരൂരിന് നല്‍കി എന്നാണ് പുതിയ ആരോപണം.

ഐപി‌എല്‍ സി‌ഇഒ സുന്ദര്‍ രാമന്‍ പൂര്‍ണയ്ക്ക് അയച്ച മെയില്‍ അവര്‍ പ്രഫുല്‍ പട്ടേലിന്റെ സെക്രട്ടറി ചമ്പ ഭരദ്വാജിന് അയയ്ക്കുകയായിരുന്നു. ഇത് ഐപി‌എല്‍ ലേലത്തിന് രണ്ട് ദിവസങ്ങള്‍ക്ക് മുമ്പ് ശശി തരൂരിന് പ്രഫുലിന്റെ സെക്രട്ടറി അയച്ചു കൊടുത്തു എന്നും ഒരു പ്രമുഖ മാധ്യമം റിപ്പോര്‍ട്ട് ചെയ്യുന്നു. ഇതിനു ശേഷമാണ് രണ്ടാമത്തെ ഏറ്റവും ഉയര്‍ന്ന ലേല തുക നല്‍കി കൊച്ചി ഐപി‌എല്‍ ടീം ഉയര്‍ന്നുവന്നത്.

എന്നാല്‍, താന്‍ ഐപി‌എല്‍ സി‌ഇഒയുടെ നിര്‍ദ്ദേശം അംഗീകരിക്കുക മാത്രമാണ് ചെയ്തത് എന്ന് പൂര്‍ണ പറയുന്നു. അതേസമയം, പൂര്‍ണയ്ക്ക് അയച്ച കത്ത് മന്ത്രിയുടെ ഓഫീസിലേക്ക് എന്തിനയച്ചു എന്ന് അറിയില്ല എന്നാണ് സുന്ദര്‍ രാമന്റെ നിലപാട്.

IPL controversy haunts Praful | ഐപി‌എല്‍ പ്രഫുല്‍ പട്ടേല്‍ വീണ്ടും വിവാദത്തില്‍