Monday, June 28, 2010

ഗുരുനിന്ദ പലവിധം!

                                     കെ.എ. ജോര്‍ജുകുട്ടി  

"റാഗിങ്ങ്" എന്നു കേള്‍ക്കുമ്പോള്‍ താരതമ്യേന പുതിയ ഒരു കലാപരിപാടിയുടെ ഓര്‍മ്മയല്ലേ ഒരുമാതിരി മനുഷ്യര്‍ക്കൊക്കെ ഉണ്ടാവുക? എന്റേയും അനുഭവം അതുതന്നെയായിരുന്നു. ഈയിടെയാണ് എന്റെ കണ്ണു തുറന്നത്.

ആര്‍ഷഭാരതത്തിലെ ഗുരുകുലങ്ങളിലോ പ്ലേറ്റോയുടെ അക്കാദമി പൊലെയുള്ള പ്രാചീനപാശ്ചത്യലോകത്തിലെ വിദ്യാപീഠങ്ങളിലോ റാഗിങ്ങ് അരങ്ങേറിയിരുന്നതായി നമുക്കറിവില്ല. എന്നാല്‍ ഈ ഏര്‍പ്പാടിന് ഒന്നര സഹസ്രാബ്ദത്തിന്റെയെങ്കിലും പഴക്കമുണ്ടെന്നതിന് ഇതാ തെളിവ്: തെളിവ് തരുന്നത് ചില്ലറക്കാരനൊന്നുമല്ല. പാശ്ചാത്യതത്ത്വചിന്തയുടേയും ക്രൈസ്തവദൈവശാസ്ത്രത്തിന്റേയും നെടും തൂണുകളില്‍ ഒരാളായ സെയ്ന്റ് അഗസ്റ്റിന്‍(എ.ഡി. 354-430) തന്നെ. റാഗിങ്ങിന്റെ എരിവും പുളിയും അനുഭവിച്ചറിഞ്ഞയാളാണദ്ദേഹം. അഗസ്റ്റിന്റെ ആത്മകഥ ("കണ്‍ഫഷന്‍സ്") വായിച്ചു നോക്കുകയേ വേണ്ടു കാര്യമറിയാന്‍.

വടക്കന്‍ ആഫ്രിക്കയില്‍ ഇന്നത്തെ ടുണീഷ്യയിലുള്ള കാര്‍ത്തേജ് നഗരത്തിലായിരുന്നു അഗസ്റ്റിന്റെ ഉന്നതവിദ്യാഭ്യാസം. സഹപാഠികളായി കിട്ടിയതോ കുറേ റാഗിങ്ങ് വീരന്മാരെ. ആദ്യമായി കലാലയത്തില്‍ വരുന്ന കുട്ടികള്‍ക്കു ചുട്ടും കൂടി നിന്ന് കൂകി വിളിക്കുകയും അസഭ്യം വര്‍ഷിക്കുകയുമായിരുന്നു അവരുടെ പരിപാടിയെന്ന് അഗസ്റ്റിന്‍ പറയുന്നു.

പിന്നീട് കാര്‍ത്തേജില്‍ തന്നെ അഗസ്റ്റിന്‍ അദ്ധ്യാപകനായി. പഠിപ്പിച്ചിരുന്ന വിഷയ പ്രസംഗകല(Rhetoric). ശിഷ്യന്മാരാണെങ്കില്‍ പഴയ സഹപാഠികളെപ്പോലെ തന്നെയുള്ള അധികപ്രസംഗികളും. അവരുടെ തോന്ന്യാസം അതിരുകടന്നപ്പോള്‍, ഗുരു കാര്‍ത്തേജ് വിട്ടുപോകാന്‍ തീരുമാനിച്ചു. പുതിയ ശിഷ്യന്മാരെ തേടി അഗസ്റ്റിന്‍ പോയത് ഇറ്റലിയിലെ റോമിലേയ്ക്കാണ്. അവിടത്തെ കുട്ടികള്‍ മര്യാദക്കാരും അച്ചടക്കമുള്ളവരുമാണെന്ന് അദ്ദേഹം കേട്ടിരുന്നു. കേട്ടത് തെറ്റല്ലെന്ന് റോമിലെത്തിയപ്പോള്‍ മനസ്സിലാവുകയും ചെയ്തു. എന്നാല്‍ ഈ "മര്യാദരാമന്മാരും" അഗസ്റ്റിനെ പറ്റിച്ചു. സംഗതിയെന്താണെന്നല്ലേ? അവര്‍ മര്യാദയ്ക്കിരുന്നു പഠിക്കുമായിരുന്നെങ്കിലും ഒരു വര്‍ഷത്തെ പഠനം പൂര്‍ത്തിയായി കഴിയുമ്പോള്‍ ഗുരുവിന് ഫീസുകൊടുക്കാതെ സ്ഥലം വിട്ടുകളയുമായിരുന്നത്രെ! കാര്‍ത്തേജിലെ ഉഴപ്പന്മാര്‍ ഈ നെറികേട് കാണിച്ചിരുന്നില്ലെന്ന് അഗസ്റ്റിന്‍ ആ സന്ദര്‍‍ഭത്തില്‍ ഓര്‍ക്കുന്നുണ്ട്!

Friday, June 18, 2010

സത്യപാല്‍ - മലയാളത്തിലെ സായിപ്പ്


Sathyapal
WDWD
ആറടിയിലേറെ ഉയരം... വെളുത്ത നിറം.... ബലിഷ്ടമായ ശരീരം.. വശ്യസൗന്ദര്യത്തിന്‍റെ ധീരത തിളങ്ങുന്ന മുഖം... ആരുമൊന്നു നോക്കി നിന്നുപോകും.

എവിടെ നിന്നാലുമുണ്ട് തലയെടുപ്പ്. പെരുമാറ്റത്തില്‍ വല്ലാത്ത ആകര്‍ഷണീയത. ഹൃദ്യമായ നര്‍മ്മ ഭാഷണം - മലയാള സിനിമയില്‍ ഒരു കാലത്ത് ശ്രദ്ധേയനായിരുന്നു പി.കെ.സത്യപാലാണ് ഈ വിശേഷണങ്ങള്‍ക്ക് ഉടമ.

വേലുത്തമ്പിദളവ, കുഞ്ഞാലിമരയ്ക്കാര്‍, പഴശ്ശിരാജ- എന്നീ സിനിമകളില്‍ വൈസ്രോയി സായിപ്പായി (സായിപ്പുമാരായി) വേഷമിട്ട സത്യപാലിനെ പുതിയ തലമുറയ്ക്കറിയില്ല. കാരണം അദ്ദേഹം മരിച്ചിട്ട് 2008 ഏപ്രില്‍ 23 ന് 34 കൊല്ലമാവുന്നു. 1920 ലാണ് സത്യപാലിന്‍റെ ജനനം.


Sathyapal with  brothers
WDWD
വെറുമൊരു നടനായിരുന്നില്ല സത്യപാല്‍. ധനസ്ഥിതി ഉണ്ടായിരുന്നത് കൊണ്ട് അക്കാലത്ത് അമേരിക്കയില്‍ പോയി എം.ബി.എ ബിരുദം നേടി. ചെന്നൈയില്‍ തിരിച്ചുവന്ന അദ്ദേഹം ഓറിയന്‍റല്‍ മൂവീസ് എന്ന പേരില്‍ സ്വന്തം സ്ഥാപനം തുടങ്ങി.

മലയാളത്തിലും തമിഴിലുമായി ഒട്ടേറെ സിനിമകള്‍ അദ്ദേഹം നിര്‍മ്മിച്ചു. ഉമ്മിണിത്തങ്ക, വേലുത്തമ്പിദളവ, സര്‍പ്പക്കാട്, വിരുതന്‍ ശങ്കു എന്നിവയും വീരാംഗനൈ എന്ന തമിഴ് സിനിമയും നിര്‍മ്മിച്ചത് പി.കെ.സത്യപാലായിരുന്നു.

1957 ല്‍ മിന്നുന്നതെല്ലാം പൊന്നല്ല എന്ന ചിത്രത്തില്‍ വേഷമിട്ടാണ് സത്യപാല്‍ അഭിനയ രംഗത്തെത്തുന്നത്. 1961 ല്‍ ഉമ്മിണിത്തങ്കയില്‍ തമ്പിമാരിലൊരാളായി അഭിനയിച്ചു. 1962 ല്‍ വേലുത്തമ്പിദ്ദളവയില്‍ ലോര്‍ഡ് മെക്കളെയായി വേഷമിട്ടു.

1962 ല്‍ പഴശ്ശി രാജ-യിലും ബ്രിട്ടീഷ് സായിപ്പിന്‍റെ വേഷമായിരുന്നു. 1964 ലെ കുഞ്ഞാലിമരയ്ക്കാരില്‍ അദ്ദേഹം ലോര്‍ഡ് വെല്ലസ്ളിയായി.

1965 ല്‍ സ്വയം നിര്‍മ്മിച്ച വിരുതന്‍ ശങ്കുവിലും സത്യപാല്‍ അഭിനയിച്ചിട്ടുണ്ട്. അതിലെ പ്രധാന കഥാപാത്രം അടൂര്‍ ഭാസിയായിരുന്നു. അഭിനയ മോഹവുമായി മദ്രാസിലെത്തിയ അടൂര്‍ ഭാസി ആദ്യകാലത്ത് സത്യപാലിനോടൊപ്പമാണ് കഴിഞ്ഞിരുന്നത്. അദ്ദേഹത്തിന്‍റെ സെക്രട്ടറിയായും കണക്കെഴുത്തുകാരനുമൊക്കെയായി ഭാസി കൂടെക്കൂടി. പിന്നീടത് നല്ലൊരു സൗഹൃദമായി വളര്‍ന്നു.


Sathyapal with parents
WDWD
സായിപ്പായി അഭിനയിക്കാന്‍ പ്രാപ്തിയുള്ള മലയാളി എന്ന നിലയ്ക്ക് അക്കാലത്ത് സത്യപാലൊരു വി.ഐ.പി ആയിരുന്നു. ഇംഗ്ളീഷ് ചുവയുള്ള അദ്ദേഹത്തിന്‍റെ മുറി മലയാളം സംഭാഷണം അന്ന് യുവക്കള്‍ ഉരുവിട്ടു നടക്കാറുണ്ടായിരുന്നു.

വെല്ലസ്ളി, മെക്കാളെ തുടങ്ങിയ ബ്രിട്ടീഷ് പ്രഭുക്കന്മാരായി അഭിനയിക്കാനുള്ള എടുപ്പും ആകാര സൗഷ്ടവവും സത്യപാലിനുണ്ടായിരുന്നു. സത്യപാല്‍ ഒരു ഗുസ്തിക്കാരനായിരുന്നു. അച്ഛന്‍ പെനാംഗ് പത്മനാഭപിള്ളയും പേരുകേട്ട ഗുസ്തി അഭ്യാസിയായിരുന്നു. അദ്ദേഹത്തിന്‍റെ ആറ് ആണ്‍മക്കളും ഒന്നിനൊന്ന് പോന്നവരായിരുന്നു.

സൗന്ദര്യത്തിലും ആകാരവടിവിലും അഭ്യാസത്തിലും ആരെയും അതിശയിക്കുന്നവര്‍. ഇവരില്‍ ഒരാളൊഴിച്ച് എല്ലാവരും, പക്ഷെ, അകാലമൃത്യുവിനിരയായി.കേണല്‍ ദേവപാല്‍, പി.കെ.ബാലചന്ദ്രന്‍, പി.കെ.രവീന്ദ്രന്‍, പി.കെ.രാമചന്ദ്രന്‍ എന്നിവരെല്ലാം 60 തികയും മുന്‍പേ അന്തരിച്ചു. മൂത്ത മകന്‍ കേണല്‍ രുദ്രപാല്‍ മാത്രം 78 വയസ്സുവരെ ജീവിച്ചു.

ലളിതാ-പത്മിനി-രാഗിണിമാരുടെ അമ്മയുടെ ചേച്ചി പൂജപ്പുര മലയാ കോട്ടേജില്‍ കാര്‍ത്യായനി അമ്മയാണ് സത്യപാലിന്‍റെ അമ്മ. അച്ഛന്‍ ചേര്‍ത്തല പാലക്കുന്നത്ത് വീട്ടില്‍ പത്മനാഭപിള്ള എന്ന പെനാംഗ് പത്മനാഭപിള്ള. അദ്ദേഹം മലേഷ്യയിലെ വന്‍ എസ്റ്റേറ്റ് ഉടമയും ബിസിനസുകാരനുമായിരുന്നു.

ആദ്യകാലത്തെ ചലച്ചിത്ര നടി ശാസ്തമംഗലം സ്വദേശി കുമാരി തങ്കമായിരുന്നു സത്യപാലിന്‍റെ ഭാര്യ. മൂന്ന് മക്കളിലൊരാള്‍ - പത്മനാഭന്‍ - ചെറുപ്പത്തിലേ മരിച്ചു. മറ്റു മക്കളായ ജയപാല്‍ മുംബൈയിലും ആശ ബാംഗ്ളൂരിലുമാണ്.

സിനിമാ താരവും ഡബ്ബിംഗ് ആര്‍ട്ടിസ്റ്റുമായ ഹരിയുടെ അച്ഛന്‍ ദേവിന്‍റെ അച്ഛനും പെനാംഗ് പത്മനാഭപിള്ളയാണ്.

Sensex rises by 57.49 pts in early trade | വിപണിയില്‍ ഉണര്‍വ്
Gold price hike continues | സ്വര്‍ണവില വീണ്ടും 14,000ത്തില്‍
BCCI's strict action improved players attitude | ബിസിസിഐ നടപടി കളിക്കാരുടെ മനോഭാവം മാറ്റി
Pakistan match will be a battle of nerves: Gambhir | പാകിസ്ഥാനെതിരായ മത്സരം കടുത്തതാകും: ഗംഭീര്‍
France | ഫ്രാന്‍സിന് വീണ്ടും ലോകകപ്പ് ദുരന്തം
Lionel Messi Blames Vuvuzelas For South Korea Goal | വുവുസെലയ്ക്കെതിരെ വീണ്ടും മെസ്സി
Argentina sinks Korea | ഇതാ മറഡോണയുടെ കുട്ടികള്‍
Plice will produce Riyas in Court today | റിയാസിനെ ഇന്ന്‌ കോടതിയില്‍ ഹാജരാക്കും
HC against CMS issue | എസ്എഫ്ഐ അക്രമം അപലപനീയം: ഹൈക്കോടതി
Kanishka: Commission criticises Canada Govt | കനിഷ്ക: ആക്രമണം തടയാന്‍ കാനഡ പരാജയപ്പെട്ടു
Times Square bomb suspect indicted | ഷഹ്സാദിനു മേല്‍ 10 കുറ്റങ്ങള്‍
Garg Murder: Another OZ boy arrested | ഗാര്‍ഗ് വധം: ഒരു 16 കാരനും അറസ്റ്റില്‍
Nuclear deal with Pak is acoording international obligations | പാക് ആണവ കരാര്‍ നിയമാനുസൃതം: ചൈന
Sex Education at Five in UK | ബ്രിട്ടണില്‍ 5 വയസ്സില്‍ ലൈംഗിക വിദ്യാഭ്യാസം!
Riyaz in police custody | കണ്ണൂര്‍ ജയില്‍‌ചാട്ടം: റിയാസും പിടിയില്‍
സത്യപാല്‍ - മലയാളത്തിലെ സായിപ്പ്

Thursday, June 17, 2010

ഇവരോട്‌ ഗാന്ധിജി പൊറുക്കട്ടെ

ആര്‍ക്കും എന്തും പറയാവുന്ന ്യ‍ൂനാടാണിത്‌, വായില്‍ തോന്നിയത്‌ കോതയ്ക്ക്‌ പാട്ട്‌ എന്ന്‌ പണ്ടൊരു ചൊല്ലുള്ളതുപോലെ. മൗലികാവകാശത്തില്‍പ്പെടും അഭിപ്രായസ്വാതന്ത്ര്യം. അതിനാല്‍ ബാര്‍ബര്‍ഷാപ്പിലും കള്ളുഷാപ്പിലും ചായപ്പീടികയിലുമൊക്കെയിരുന്ന്‌ ആരും എന്തും പറഞ്ഞോട്ടെ, പ്രതികരിച്ചോട്ടെ.

പക്ഷേ, ഏതു വിഡ്ഢിത്തത്തിനും മണ്ടത്തരങ്ങള്‍ക്കും രാജ്യദ്രോഹവും സമൂഹദ്രോഹവുമായേക്കാവുന്ന വിചിത്രവാദങ്ങള്‍ക്കുമെല്ലാം കുടപിടിച്ചുകൊടുക്കുന്ന, മറപിടിച്ചുകൊടുക്കുന്ന, അമിതപ്രാധാന്യം നല്‍കുന്ന മാധ്യമസംസ്കാരവും ഇവിടെ വളര്‍ന്നുകഴിഞ്ഞു. അതാണ്‌ ഏറ്റവും അപകടകരം. അല്ലെങ്കില്‍പ്പിന്നെ, തോക്കേന്തിയ ഗാന്ധിയന്മാരാണ്‌ നക്സലൈറ്റുകള്‍ എന്ന്‌ അരുന്ധതീ റോയിയെപ്പോലൊരാള്‍ പറഞ്ഞത്‌ ഇവരെല്ലാം ആഘോഷമായി കൊണ്ടാടുമോ? അരുന്ധതീ റോയി, മേധാ പട്കര്‍, ടീസ്റ്റ തെസല്‍വാദ്‌, മല്ലിക സാരാഭായ്‌... അങ്ങന്‍ ചിലരുണ്ട്‌, ഈ രാജ്യത്ത്‌. അവര്‍ പറയുന്നതുപോലെ വേണം നാടു നടക്കാന്‍, നാടു ഭരിക്കാന്‍ എന്നാണവരുടെ ഭാവം, നിര്‍ബന്ധം. ആകാശത്തിന്‌ കീഴിലുള്ള ഏതു കാര്യത്തെപ്പറ്റിയും അഗാധപാണ്ഡിത്യമുള്ളവര്‍ എന്നു സ്വയം ധരിച്ചുവച്ചിരിക്കുന്ന ഇക്കൂട്ടരെ മനുഷ്യാവകാശ പ്രവര്‍ത്തകര്‍, പരിസ്ഥിതി പ്രവര്‍ത്തകര്‍ എന്നൊക്കെയാണ്‌ മാധ്യമങ്ങള്‍ വിശേഷിപ്പിക്കുക. എന്താണിതിന്‍്‌ അടിസ്ഥാനം, അവര്‍ക്ക്‌ ഇതിനുള്ള യോഗ്യതയെന്ത്‌ എന്നൊന്നും ആരും അന്വേഷിച്ചിട്ടില്ല. അന്വേഷിക്കാന്‍ പാടില്ല. ചാനല്‍ ചര്‍ച്ചകള്‍, പ്രസംഗങ്ങള്‍, എഴുത്ത്‌ എന്നിവയാണ്‌ ഇവരുടെ പ്രവര്‍ത്തനങ്ങളില്‍ മുഖ്യം.

ഫൈവ്‌ സ്റ്റാര്‍ ആക്റ്റിവിസ്റ്റുകള്‍ എന്ന്‌ കഴിഞ്ഞദിവസം കോണ്‍ഗ്രസുകാര്‍ ഇക്കൂട്ടരെ വിശേഷിപ്പിച്ചതു കേട്ടപ്പോള്‍ അത്ഭുതം തോന്നി. എന്തേ ഇതു തിരിച്ചറിയാന്‍ അവരെന്തേ ഇത്ര വൈകി എന്ന്‌ ആലോചിച്ചപ്പോഴാണ്‌ ്യ‍ൂ'നക്സലുകള്‍ തോക്കെടുത്ത ഗാന്ധിയന്മാര്‍' എന്ന അരുന്ധതിയുടെ പ്രയോഗം ഓര്‍മവന്നത്‌. ഗാന്ധിയെയും നെഹ്‌റുവിനെയും തൊട്ടുകളിച്ചാല്‍ കോണ്‍ഗ്രസുകാര്‍ സഹിക്കില്ല! പക്ഷേ, ഇവര്‍ എല്ലായിടത്തും ഈ സമീപനമല്ല സ്വീകരിക്കുന്നത്‌.

അവസരവാദികളായ ഈ ആക്ടിവിസ്റ്റുകളുടെ സ്വഭാവമാണ്‌ കോണ്‍ഗ്രസുകാര്‍ക്കും ഇടതര്‍ക്കുമൊക്കെ. സ്വന്തം ശരീരം നൊന്താലേ ഇടപെടൂ. ്യ‍ൂനക്സലുകളെയും മാവോവാദികളെയും അരുന്ധതി പരസ്യമായി പിന്തുണച്ചപ്പോള്‍ കോണ്‍ഗ്രസിന്‌ പ്രതികരിക്കാതിരിക്കാനായില്ല. സി.ആര്‍. നീലകണ്ഠന്‍ എന്ന പഴയ എസ്‌എഫ്‌ഐക്കാരന്‍ ഇപ്പോള്‍ പരിസ്ഥിതി- മനുഷ്യാവകാശ ആക്ടിവിസ്റ്റാണ്‌. പ്രസംഗവും എഴുത്തുമൊക്കെ പാര്‍ട്ടി സെക്രട്ടറിക്കും പാര്‍ട്ടി നയങ്ങള്‍ക്കുമെതിരേ. അതിനാല്‍ സിപിഎമ്മുകാര്‍ ഇദ്ദേഹത്തെ കണ്ടാല്‍ അടിക്കും.

കണ്ടാലറിയാത്തവര്‍ കൊണ്ടറിയും എന്നതു പോലെയാണു കാര്യങ്ങള്‍. ഭസ്മാസുരന്‌ വരം കൊടുത്തതുപോലെ കോണ്‍ഗ്രസിനും കമ്യൂണിസ്റ്റുകള്‍ക്കും പിന്നാലെ പാഞ്ഞു്യ‍ൂനടക്കുകയാണ്‌ ഇപ്പോള്‍ ഈ പരിസ്ഥിതി- മനുഷ്യാവകാശ തീവ്രവാദികള്‍. വളര്‍ത്തിവിട്ടതു വലിയ കെണിയായി എന്ന തിരിച്ചറിവ്‌ വന്നുകാണും. ബിജെപിക്കും ഹിന്ദുത്വത്തിനുമൊക്കെ എതിരെ കൂട്ട ഒപ്പിടല്‍ എന്ന അനുഷ്ഠാനം ഇവരുട....


Wednesday, June 16, 2010

പൊട്ടു കുത്തുമ്പോള്‍ അല്‍പ്പം ശ്രദ്ധിക്കുക

സൗന്ദര‌്യത്തിനു മാറ്റു കൂട്ടുന്ന ഒന്നാണല്ലോ പൊട്ട്. ഭക്തികൊണ്ടായാലും അഴകിനായാലും തിലകം ചാര്‍ത്തുന്നത്‌ ഐശ്വര്യമാണ്‌. പണ്ടെല്ലാം കുങ്കുമം കൊണ്ട് രണ്ടു പുരികങ്ങള്‍ക്കു നടുവിലായി നെറ്റിത്തടത്തില്‍ വരയ്ക്കുന്ന വലിയ പൊട്ടുകളായിരുന്നു. എന്നാല്‍ ഇന്ന് ഒട്ടിച്ചു വെക്കാവുന്ന ചെറിയ പൊട്ടുകള്‍ ലഭ‌്യമാണ്. അതുപോലെ തന്നെ അണിഞ്ഞിരിക്കുന്ന വസ്ത്രത്തിനിണങ്ങുന്ന നിറത്തിലും ആകൃതിയിലും വലിപ്പത്തിലുമുള്ള പൊട്ടുകള്‍ ഇന്ന് ഫാഷനാണ്. ഇത്തരത്തിലെല്ലാമുള്ള പൊട്ടുകള്‍ കുത്തുമ്പോള്‍ വളരെയേറെ ശ്രദ്ധിക്കണം. ശരിയായ രീതിയില്‍ തിലകം ചാര്‍ത്തിയാല്‍ അനുഭവങ്ങള്‍ നല്ലതായിരിക്കും. എന്നാല്‍ അശ്രദ്ധമായി തിലകം ചാര്‍ത്തിയാല്‍ ഫലം മറിച്ചാക്കും.

നെറ്റിയില്‍ എവിടെ കുങ്കുമം ചാര്‍ത്തണം, എവിടെ ചന്ദനപ്പൊട്ടിടണം, ഏത് രീതിയിലാണ് ഇടേണ്ടത് ഇതിനെല്ലാം ശരിയായ കണക്കും ചിട്ടയുമുണ്ട്. അതില്‍ നിന്ന് ഓരോ വ്യക്തിയുടെയും സ്വഭാ‍വം മനസിലാക്കാം. തിലകമണിയുന്ന ദിവസം, അണിയുന്ന നിമിഷം നെറ്റിയിലെ രാശി ഫലങ്ങള്‍ ലഭിക്കുന്നു. ആ രാശികളിലെ രശ്യാധിപന്മാരുടെ പ്രതികരണങ്ങളാണ് തിലകമണിയുന്നതിന്റെ ഫലങ്ങളാകുന്നത്.

ഞായറാഴ്ച ചന്ദനക്കുറി നെറ്റിയുടെ ഒത്തമദ്ധ്യത്തില്‍ അഥവാ വ്യാഴസ്ഥാനത്ത്‌ അണിഞ്ഞാല്‍ സൂര്യസ്വാധീനം ലഭിക്കും. ചന്ദനക്കുറി നീട്ടിയിടുന്നതും നല്ലതാണ്‌. എന്നാല്‍ ഈ ദിവസം കുങ്കുമപ്പൊട്ട്‌ അണിയുന്നത്‌ വ്യാഴബലം കുറക്കും. സൂര്യന്റെ ബലംകൊണ്ട്‌ ശിവപ്രീതിയാണ്‌ ലഭിക്കുന്നത്‌. കുങ്കുമപ്പൊട്ടുകൊണ്ട്‌ ദേവിയുടെ ബലം ലഭിക്കുന്നതിനാല്‍ ഞായറാഴ്ച ഗുണം ചെയ്യില്ല. ഞായറാഴ്ച വ്രതം അനുഷ്ഠിക്കുന്നവര്‍ ഭസ്മക്കുറിയും ചാര്‍ത്താറുണ്ട്‌. ഇത്‌ ശിവപ്രീതിക്ക്‌ പകരം ശിവരൗദ്രഭാവത്തിന്‌ കാരണമാകുന്നു.

തിങ്കളാഴ്ച സ്ത്രീകള്‍ ഭസ്മക്കുറിയണിയുന്നതും ശിവക്ഷേത്രദര്‍ശനം നടത്തുന്നതും നല്ല മംഗല്യം നല്‍കും. തിങ്കളാഴ്ച ദിവസം വ്രതം അനുഷ്ടിക്കുന്നത്‌ നല്ല മംഗല്യഭാഗ്യത്തിനുത്തമമാണ്‌. പുരുഷന്‍ വ്യാഴസ്ഥാനത്തു ഭസ്മക്കുറി അണിഞ്ഞാല്‍ സല്‍കളത്രത്തെ ലഭിക്കും. ഇതോടൊപ്പം ശിവന്‌ ഉമാമഹേശ്വരീ മന്ത്രപൂജകൂടി ചെയ്താല്‍ സല്‍സന്താനഭാഗ്യവും ലഭിക്കും. ഇതു സംബന്ധിച്ച്‌ ശിവക്ഷേത്രത്തില്‍ പ്രത്യേക പൂജ ചെയ്താല്‍ സന്താനങ്ങളില്ലാത്തവര്‍ക്കു സന്താനഭാഗ്യം ഉണ്ടാകും.

രണ്ടു പുരികങ്ങളുടെയും മദ്ധ്യത്തില്‍ മൂക്കിനു മുകളിലായി ചുവന്ന കുങ്കുകമക്കുറിയോ പൊട്ടോ അണിയുന്നത്‌ മംഗല്യഭാഗ്യത്തിനും സല്‍കളത്രഭാഗ്യത്തിനും ഉത്തമം. ഇത്‌ ചൊവ്വാഴ്ച ദിവസങ്ങളിലാണ്‌ ചെയ്യേണ്ടത്‌. ചൊവ്വാഴ്ച തന്നെ ചന്ദനക്കുറി നീട്ടിവരച്ചിട്ട്‌ അതിനു മദ്ധ്യത്തിലൊരു കുങ്കുമപ്പൊട്ടിടുന്നവരുണ്ട്‌. ഇത്‌ ചൊവ്വാദശയിലെ ദോഷങ്ങളും വിവാഹതടസ്സങ്ങളും മാറ്റും. ഭൂമിലാഭത്തിനും ഉത്തമം. ഇതുമൂലം പരമശിവന്റെയും മുരുകന്റെയും പരാശക്തിയുടെയും അനുഗ്രഹം ലഭിക്കും.

ബുധനാഴ്ച കുങ്കുമപ്പൊട്ടണിയുന്നതാണ്‌ നല്ലത്‌. നെറ്റിയുടെ മദ്ധ്യത്തില്‍ അല്‍പം വലത്തോട്ട്‌ മാറ്റിയിടുന്നത്‌ കൂടുതല്‍ ഉത്തമം. സ്ത്രീകള്‍ക്ക്‌ ശുഭമംഗല്യയോഗവും വിദ്യാലാഭവും തൊഴില്‍ നേട്ടവും ശുഭവാര്‍ത്തകളും....

http://www.janmabhumidaily.com/detailed-story?newsID=74646
Will give sanction to Athirappalli project: Farooq Abdulla | ‘അതിരപ്പിള്ളി’ക്ക് അനുമതി നല്കും: ഫറൂഖ്
kalpeta, highcourt, cpm, cpi, police | കൈയേറ്റം പൂര്‍ണമായി ഒഴിപ്പിക്കാന്‍ പൊലീസിന് കഴിഞ്ഞില്ല
Central team reached Kerala to study fever | പനി പഠിക്കാന്‍ കേന്ദ്രസംഘം എത്തി
cabinet, vs achuthanandan, thiruvananthapuram | ദുരന്തനിവാരണ നയത്തിന് മന്ത്രിസഭയുടെ അംഗീകാരം
Cola controversy: No action against Balakrishnan | ‘കോള’പ്രസ്താവന: ബാലകൃഷ്ണനെതിരെ നടപടിയില്ല
Uma Bharti on her way back to BJP? | ജസ്വന്തിനു പിന്നാലെ ഉമാഭാരതിയും ബിജെപിയിലേക്ക്
‘Locked BJP MLAs watch pirated Raajneeti’ | പൂട്ടിയിടപ്പെട്ട എം‌എല്‍‌എമാര്‍ വ്യാജ രാജ്നീതി കണ്ടു!
Pak’s Punjab govt funded JuD post 26/11 | ജമാഅത്ത്‌ ഉദ് ദാവയ്ക്ക് പാക്ക്‌ സര്‍ക്കാര്‍ സഹായം
IAF to give permanent commission to women officers | വനിതാ ഓഫീസര്‍മാര്‍ക്ക്‌ സ്ഥിരം നിയമനം: നടപടി തുടങ്ങി
Asia Cup: Pak player involved in match fixing? | ഏഷ്യാ കപ്പ്: പാകിസ്ഥാന്‍ വീണ്ടും ഒത്തുകളി വിവാദത്തില്‍
Modi replies to third show cause notice | മോഡി മൂന്നാമത്തെ നോട്ടീസിന് മറുപടി നല്‍കി
Three days to Raavan! | രാവണന്‍ വരുന്നു, 3 ഭാഷകളിലായി 1280 പ്രിന്‍റുകള്‍!
Prithvi is absolutely adorable: Ash | പൃഥ്വിയോടൊപ്പമുള്ള അഭിനയം അവിസ്മരണീയം: ആഷ്
Archana Kavi - Interview | എനിക്ക് പ്രണയിക്കാന്‍ മോഹം: അര്‍ച്ചന കവി
Akshay Kumar in A R Murugadoss’ next action packed venture | മുരുഗദോസ് വീണ്ടും ഹിന്ദിയില്‍; അക്ഷയ് നായകന്‍
Sameera Reddy's challenging role in Gauthams next | സമീര അഭിസാരികയാകുന്നു!
Manisha Koirala to tie the knot | മനീഷ കൊയ്‌രാള കതിര്‍മണ്ഡപത്തിലേക്ക്
Ronaldo wants more protection | റഫറിയ്ക്കെതിരെ റൊണാള്‍ഡോ
Dunga admits Brazilian nerves | ആശങ്കയുണ്ടായിരുന്നുവെന്ന് ദുംഗ






Monday, June 14, 2010

ജീവിതം ദാനം നല്‍കുമ്പോള്‍

PRO
രക്തം ദാനം നല്‍കുമ്പോള്‍ നല്‍കുന്നത് ജീവിതം തന്നെയാണ്. മരണത്തിന്‍റെ മുനമ്പുകളില്‍ നിന്ന് ജീവിതത്തിലേക്കുള്ള മടക്കയാത്ര ചിലപ്പോള്‍ ഒരുതുള്ളി രക്തത്തിന്‍റെ തുടിപ്പിലായിരിക്കും. ലോക രക്തദാന ദിനമാണ് ജൂണ്‍ 14. സ്വമേധയാ രക്തദാനത്തിനായി എല്ലാവരെയും സന്നദ്ധരാക്കുക എന്നതാണ് ഈ ദിനാചരണത്തിന്‍റെ ലക്‍ഷ്യം. രക്തം അമൂല്യമാണ്. മനുഷ്യരക്തത്തിനു പകരമായി ഒന്നും ഇതുവരെ വൈദ്യശാസ്ത്രം കണ്ടെത്തിയിട്ടില്ല.

ഒരു രോഗിക്ക് രക്തം ആവശ്യമുണ്ടെങ്കില്‍ മറ്റൊരു മനുഷ്യന്‍റെ രക്തം മാത്രമേ ഉപയോഗിക്കുവാന്‍ സാധിക്കുകയുള്ളൂ. അവിടെയാണ് രക്തദാനത്തിന്‍റെ പ്രസക്തി. അപകടങ്ങളില്‍ പെട്ട് ചികിത്സയ്ക്കെത്തുമ്പോഴും ശസ്ത്രക്രിയാവേളയിലും പ്രസവസംബന്ധമായ രക്തസ്രാവമുണ്ടാകുമ്പോഴുമൊക്കെ രക്തം കൂടിയേ തീരൂ. രക്താര്‍ബുദ ചികിത്സയിലും അവയവങ്ങള്‍ മാറ്റി വയ്ക്കുമ്പോഴും രക്തസംബന്ധമായ അസുഖങ്ങള്‍ക്കും രക്തം ജീവന്‍രക്ഷാ മാര്‍ഗമാകുന്നു

18 വയസ്സിനും 55 വയസ്സിനും ഇടയില്‍ പ്രായമുള്ള ഏതൊരാള്‍ക്കും മൂന്നു മാസത്തിലൊരിക്കല്‍ രക്തദാനം ചെയ്യാവുന്നതാണ്. ജന്‍‌മദിനമോ വിവാഹവാര്‍ഷികദിനമോ പോലുള്ള വിശേഷ ദിനങ്ങളില്‍ ചെയ്യാവുന്ന ഏറ്റവും നല്ല പുണ്യകര്‍മ്മമാണിത്. രക്തദാനം ജീവദായകമാണ് എന്ന തിരിച്ചറിവ് രക്തദാനത്തിന് നമ്മെ പ്രേരിപ്പിക്കുന്നു.

അപകടങ്ങളാലും രോഗങ്ങളാലും മരണാസന്നരായ രോഗികള്‍ക്ക് ആവശ്യാനുസരണം രക്തം കിട്ടുവാന്‍ ബുദ്ധിമുട്ടുന്ന അവസ്ഥയാണ് ഇന്നുള്ളത്, പ്രത്യേകിച്ചും ചില അപൂര്‍വ രക്തഗ്രൂപ്പുകള്‍. പണം വാങ്ങി രക്തം വില്‍ക്കുന്ന നടപടി ഇപ്പോള്‍ നിരോധിച്ചിട്ടുണ്ട്. അതിനാല്‍ സ്വമേധയാ ദാനം ചെയ്യുന്ന രക്തം മാത്രമേ ഇന്ന് രക്തബാങ്കുകളില്‍ സ്വീകരിക്കുകയുള്ളു. 

പ്രായപൂര്‍ത്തിയായ ഒരാളിന്‍റെ ശരീരത്തില്‍ ശരാശരി 5 ലിറ്റര്‍ രക്തം ഉണ്ടാകും. ആരോഗ്യമുള്ള ഏതൊരാള്‍ക്കും മൂന്നു മാസത്തിലൊരിക്കല്‍ രക്തം ദാനം ചെയ്യാവുന്നതാണ്. സാദാരണ 350 മില്ലി ലിറ്റര്‍ രക്തമാണ് ശേഖരിക്കുന്നത്. രക്തം ദാനം ചെയ്താല്‍ ചുരുങ്ങിയ സമയത്തിനുള്ളില്‍ അത്രയും രക്തം പുതുതായി ശരീരം ഉല്‍പ്പാദിപ്പിക്കും. 

അതിനാല്‍ രക്തദാനം തികച്ചും സുരക്ഷിതമായ ഒരു പ്രവൃത്തിയാണ്. മലേറിയ, എച്ച് ഐ വി, മഞ്ഞപ്പിത്തം, സിഫിലിസ്, എന്നീ രോഗങ്ങളില്ല എന്ന് പരിശോധനയിലൂടെ ഉറപ്പുവരുത്തിയ ശേഷമേ രക്തബാങ്കുകളിലൂടെ രക്തം നല്‍കുകയുള്ളു. അര്‍പ്പണ ബോധമുള്ള ചുരുക്കം ചിലര്‍ മാത്രമാണ് രക്തദാനത്തിനു മുന്നോട്ടുവരുന്നത്. ഇവര്‍ നല്‍കുന്നത് ആവശ്യമുള്ള രക്തത്തിന്‍റെ അളവിനെക്കാള്‍ വളരെക്കുറവാണ്. ജനസംഖ്യയുടെ ഒരു ശതമാനമെങ്കിലും രക്തദാനത്തിനു 
തയ്യാറായാല്‍ മാത്രമേ ആവശ്യത്തിന് രക്തം ആശുപത്രികള്‍ക്ക് ലഭ്യമാക്കാനാവൂ.

ഒരു നിശ്ചിത സമയത്തേക്കു മാത്രമേ രക്തം സൂക്ഷിക്കാനാകൂ. അതിനാല്‍, അടിക്കടി രക്തദാനം വേണ്ടിവരുന്നു. പതിനാറാം നൂറ്റാണ്ടു മുതല്‍ തന്നെ രോഗികള്‍ക്ക് രക്തം നല്കി വന്നിരുന്നു. എന്നാല്‍, ഇരുപതാം നൂറ്റാണ്ടിലാണ് ഇപ്പോള്‍ കാണുന്ന രീതിയില്‍ സുരക്ഷിതമായ രക്ത സന്നിവേശ മാര്‍ഗങ്ങള്‍ ഉരുത്തിരിഞ്ഞത്. 

ചുവന്ന രക്താണുക്കളുടെ ആവരണത്തിലെ ആന്‍റിജന്‍റെ സാന്നിധ്യമോ അസാന്നിധ്യമോ അടിസ്ഥാനമാക്കിയാണ് പ്രധാനമായും രക്തഗ്രൂപ്പുകള്‍ തരം തിരിക്കുന്നത്. രക്തഗ്രൂപ്പുകള്‍ ആദ്യം തിരിച്ചറിഞ്ഞത് കാള്‍ ലാസ്റ്റിനര്‍ എന്ന ഓസ്ട്രേലിയന്‍ ഗവേഷകനാണ്. പിന്നീട് ആര്‍എച്ച് വ്യവസ്ഥയും നിലവില്‍ വന്നു. 

ഒ-പോസിറ്റീവ്, ഒ-നെഗറ്റീവ്, ബി-പോസിറ്റീവ്, ബി-നെഗറ്റീവ്, എ-പോസിറ്റീവ്, എ-നെഗറ്റീവ്, എ ബി-പോസിറ്റീവ്, എ ബി-നെഗറ്റീവ് എന്നിവയാണ് രക്തഗ്രൂപ്പുകള്‍. 'എ,ബി,ഒ" വ്യവസ്ഥയില്‍ 'എ ബി' ഗ്രൂപ്പാണ് ഏറ്റവും വിരളം. നമ്മുടെ ജനസംഖ്യയില്‍ 'ഒ" ഗ്രൂപ്പുകാര്‍ 42 ശതമാനം വരും.

'ബി"ഗ്രൂപ്പ് 27 ശതമാനം, 'എ" ഗ്രൂപ്പ് 25 ശതമാനം, 'എ ബി' ഗ്രൂപ്പ് ആറു ശതമാനം എന്നിങ്ങനെയാണ് കണക്ക്. ആര്‍ എച്ച് വ്യവസ്ഥ പരിഗണിച്ചാല്‍, ജനസംഖ്യയുടെ 93 ശതമാനം പേരും ആര്‍ എച്ച് പോസിറ്റീവ് ആയിട്ടുള്ളവരാണ്. ഏഴു ശതമാനം മാത്രമേ ആര്‍ എച്ച് നെഗറ്റീവ് ആയിട്ടുള്ളൂ


Monday, June 7, 2010

‘ചരിഞ്ഞ ഗോപുരം’ പിസ ഗോപുരമല്ല!


PRO
ചരിവിന്റെ മഹത്വവുമായി വിലസിയിരുന്ന ഇറ്റലിയിലെ പിസ ഗോപുരം ആധുനിക ലോകാത്ഭുതങ്ങളില്‍ ഒന്നായി ഇനി അറിയപ്പെടില്ല. കാരണം, പിസയെ പിന്തള്ളി ലോകത്തിലെ ഏറ്റവും കൂടുതല്‍ ചരിവുള്ള മനുഷ്യ നിര്‍മ്മിതിയായി അബുദബിയിലെ ‘ക്യാപിറ്റല്‍ ഗേറ്റ് ടവറി’നെ ഗിന്നസ് ബുക്ക് അധികൃതര്‍ അംഗീകരിച്ചു.

പിസ ഗോപുരത്തിന് 5.5 ഡിഗ്രിയാണ് ചരിവ്. എന്നാല്‍ അബുദബി നാഷണല്‍ എക്സിബിഷന്‍സ് കമ്പനി 18 ഡിഗ്രി ചരിവോടെയാണ് ക്യാപിറ്റല്‍ ഗേറ്റ് മന്ദിരം നിര്‍മ്മിച്ചിരിക്കുന്നത്. 524 അടി ഉയരമുള്ള ഈ ആധുനിക ലോകാത്ഭുതത്തിന്റെ നിര്‍മ്മാണം 2010 അവസാനത്തോടെ പൂര്‍ത്തിയാവുമെന്നാണ് കരുതുന്നത്.

മൊത്തം 35 നിലകളുള്ള ക്യാപിറ്റല്‍ ഗേറ്റിന്റെ പണി പൂര്‍ത്തിയാവുന്നതോടെ ഇതിനുള്ളില്‍ പഞ്ച നക്ഷത്ര ഹോട്ടലും ഓഫീസുകളും പ്രവര്‍ത്തനമാരംഭിക്കുമെന്ന് നിര്‍മ്മാതാക്കള്‍ പറയുന്നു. അതേസമയം, 183.37 അടി പൊക്കമുള്ള പിസ ഗോപുരത്തിന് എട്ട് നിലകള്‍ മാത്രമാണ് ഉള്ളത്.

ലോകത്തിലെ ഏറ്റവും ഉയരം കൂടിയ കെട്ടിടവും യു‌എ‌ഇയില്‍ തന്നെയാണ്. ഈ ബഹുമതി സ്വന്തമാക്കിയ ദുബായിലെ ബുര്‍ജ് ഖലീഫയ്ക്ക് 828 മീറ്റര്‍ ഉയരമാണുള്ളത്

Pisa is not the 'leaning tower' | ‘ചരിഞ്ഞ ഗോപുരം’ പിസ ഗോപുരമല്ല!

Saturday, June 5, 2010

ദാദുഭായുടെ ദുഃഖം

അമ്പതു വയസ്സു തോന്നിക്കുന്ന പാതിവൃദ്ധനായിരുന്നു ദാദു റാണ്പിസേ.  വയസ്സിന്‍റെ ആലസ്യം ഒട്ടുമില്ലാതെ ഒരു യുവാവിന്‍റെ ചുറുചുറുക്കോടെ എല്ലായിത്തും ഓടിയെത്തുന്ന അയാള്‍ക്ക് താന്‍ ചെയ്യുന്ന ജോലിയെക്കുറിച്ച് തെല്ലും പരാതി ഇല്ലായിരുന്നു.


ആരോടും മുറുമുറുപ്പ് കാട്ടതെ ആത്മാര്‍തയോടെ പെരുമാറുന്ന അയാളെ 'ദാദു ഭായ്' എന്നു ഞാന്‍ മാത്രമാണ് ഓഫീസില്‍ വിളിക്കുക.

അത് കേള്‍ക്കുമ്പോള്‍ തികഞ്ഞ സ്നേഹത്തിന്‍റെ ഒരു നനുത്ത ചിരി ആ മുഖത്ത് മിന്നുന്നത് ഞാന്‍ കാണുമായിരുന്നു.

ഓഫീസില്‍ അയാളെ 'ദാദു ഭായ്' എന്ന് മറ്റാരും വിളിക്കാറില്ല.  ഒന്നുകില്‍ 'ദാദു' അല്ലെങ്കില്‍ 'റാണ്‍പിസേ'.  ഇടക്കൊക്കെ 'സാലാ പ്യൂണ്‍'.

ചിലപ്പോള്‍ അവര്‍ വിളിക്കുന്ന തെറിവാക്കുകളില്‍ ഒതുങ്ങാത്ത ആ വ്യക്തിത്വത്തെ ഞാന്‍ വേദനയോടെ നോക്കി ഇരിക്കാറുണ്ട്.

ഉയര്‍ന്ന വിദ്യാഭ്യാസം നേടിയ ചെറുപ്പക്കാര്‍ സംസ്കാര ശൂന്യരായി പെരുമാറുന്നതു കാണുമ്പോള്‍ അവരൊക്കെ മുഖംമൂടി അണിഞ്ഞവരാണെന്ന് ഞാന്‍ അറിഞ്ഞു.  നഗരത്തിന്‍റെ പാരുഷ്യം ഭാണ്ഡമായി തലയില്‍ ഏറ്റി നടക്കുന്നവരായിരുന്നു അവരത്രയും!

അന്യവല്‍ക്കരിക്കപ്പെടുന്ന യാന്ത്രികതയുടെ കൂലംകുത്തി പാച്ചിലില്‍ സ്വന്തം സംസ്കാരത്തിന്‍റെ ലാളിത്യം ചവിട്ടിമെതിക്കപ്പെടുന്നത് ഞാന്‍ നിസ്സഹായനായി നോക്കി നിന്നു.

നഗരത്തിന്‍റെ ആര്‍ഭാടത്തിലും ഗ്രാമം കനിഞ്ഞു നല്‍കിയ എളിമയുടെ പ്രസാദമായി ദാദുഭായ്.

സമാസമമാവാത്ത ട്രയല്‍ ബാലന്സുകളിലും ദുര്‍ഗ്രഹമായ അക്കൌണ്ട് സ്റ്റേറ്റ്മെന്‍റുകളിലും മനസ്സ് ഉഴറി പരിസരമാകെ മറന്നിരിക്കുമ്പോള്‍ ദാദുഭായ് ഓര്‍മ്മപ്പെടുത്തുമായിരുന്നു - "സാബ്, ആജ് ഖാനാ ഖാത്താ നഹി ഹേ ക്യാ?"

അയാളുടെ ഹൃദയത്തിന്‍റെ വര്‍ണ്ണങ്ങള്‍ മുഖത്തു നിഴലിക്കുമ്പോള്‍ ശ്രദ്ധ തെറ്റിച്ചതിലുള്ള ദേഷ്യം എവിടെയോ മാഞ്ഞു മറയുന്നു.

തിരിച്ച് ഒരക്ഷരം ഉരിയാടാന്‍ ആവാതെ ഊണു കഴിക്കാന്‍ ഞാന്‍ എഴുന്നേല്‍ക്കുന്നു.

എന്‍റെ കാര്യത്തിലത്രയും ദാദുഭായ് പ്രകടിപ്പിക്കുന്ന താത്പര്യവും ഉത്കണ്ഠയും പിതൃവാത്സല്യത്തിന്‍റെ സഹജ നൊമ്പരമായി എന്നില്‍ തളം കെട്ടിക്കിടക്കുന്നു, എപ്പൊഴും........

ദാദുഭായ് എന്‍റെ അടുത്തു വന്നിരുന്നു.  അയാള്‍ പറയുന്നതെല്ലാം പണി ചെയ്യുന്നതോടൊപ്പം ഞാന്‍ മൂളിക്കേട്ടു.  മേലധികാരികള്‍ കണ്ടാലോ എന്ന ഭയം എനിക്ക് ഇല്ലാതില്ല.  പ്രവൃത്തിക്കിടയില്‍ പറ്റുന്ന പിഴവുകളത്രയും പൊറുക്കത്തക്കതായിരുന്നില്ല.

എങ്കിലും അയാളോട് അഹിതമായി ഒന്നും പറയാന്‍ എനിക്ക് വയ്യായിരുന്നു.

അയാളുടെ വിഷമങ്ങളാണ് എന്നോട് അയാള്‍ അധികവും സംസാരിച്ചത്.  കേള്‍ക്കുന്നതിലല്ല പ്രശ്നം,  അയാള്‍ അവതരിപ്പിക്കുന്ന ബുദ്ധിമുട്ടുകള്‍ക്കെല്ലാം ഞാന്‍ പരിഹാരം നിര്‍ദ്ദേശിക്കണമായിരുന്നു.

അയാളുടെ ഗ്രാമത്തില്‍ വിട്ടിലെ പാല്‍ക്കറവയുള്ള പശു ചത്തു.  പുതിയ കറവ പശുവിനെ വാങ്ങണമെന്നും സര്‍ക്കാരില്‍നിന്ന് അതിന് വല്ല സഹായവും ലഭിക്കുമോ എന്നും അഥവാ പശുവിനെ മേടിച്ചാല്‍ ചാവാതിരിക്കാന്‍ ആശുപത്രിയില്‍ കുത്തിവയ്പുണ്ടോ എന്നും അയാള്‍ എന്നോട് ആരാഞ്ഞു.

ദാദുഭായ് തുടര്‍ന്നു - കുത്തിവയ്പുണ്ടെങ്കില്‍ ആര് കൊണ്ടു പോവും? അഞ്ചു കിലോമീറ്റര്‍ ദൂരം നടക്കണം മൃഗാശുപത്രിക്ക്.  വാഹനസൌകര്യങ്ങള്‍ ഇല്ലാത്ത കാട്ടുമുക്കില്‍ തന്‍റെ മക്കള്‍ക്ക് ഇത്ര ദൂരം സഞ്ചരിക്കുവാന്‍ ആവില്ല.  മൂത്തമകന്‍ പത്താംതരം പഠിക്കുന്നു.  അവനെ ഗൃഹഭരണത്തിന് തിരിപ്പിച്ചാല്‍ അവന്‍റെ പഠിത്തം മോശമാകും.


പിന്നെ ഭാര്യ്യക്ക് ക്ഷയം.  ജോലിയെടുക്കാന്‍ ആവതില്ല.  മാത്രമല്ല ചികിത്സ മുറയ്ക്ക് നടത്തണം.

എന്താ ചെയ്യേണ്ടതെന്നു ഒരു രൂപവും ഇല്ല!

ഇവ്വിധം ദാദുഭായ് നിരവധി പ്രാരബ്ധങ്ങളുടെ ചുരുളുകള്‍ നിവര്‍ത്തി.

"ജോലി ഉപേക്ഷിച്ച് ഗ്രാമത്തില്‍ പോയി പാല്‍ കച്ചവടം ചെയ്യൂ" ഞാന്‍ പറഞ്ഞു.

"അതൊക്കെ ഞാനില്ലെങ്കിലും അവിടെ നടക്കും" അയാള്‍ പറഞ്ഞു.

പ്യുണ്‍ ജോലി വിട്ടാല്‍ അതിന്‍റെ സമ്പാദ്യം ആര് കൊടുക്കുമെന്ന് അയാള്‍ ചോദിച്ചു.  ഇത്തരം വാദങ്ങള്‍ക്ക് എന്‍റെ വാക്കുകളുടെ മുനയൊടിഞ്ഞു മടങ്ങി.

ശരിയാണ്, പ്രത്യേകിച്ച് യാതൊരു ശീലവുമില്ലല്ലോ ദാദുഭായിക്ക്?

അയാള്‍ പുറമേക്ക് തികഞ്ഞ പഴഞ്ചനായിരുന്നു.  പ്യൂണിന്‍റെ യൂണിഫോം ഡ്രസ് ഒഴിച്ച് മറ്റു വസ്ത്രങ്ങള്‍ അയാള്‍ ധരിക്കുകയില്ല.  ഹോട്ടലില്‍ കയറി ഒരു കപ്പ് ചായ അയാള്‍ വാങ്ങി കുടിക്കുകയില്ല........റെയില്‍വേ സ്റ്റേഷനിലേക്ക് നടക്കേണ്ട ദുരമല്ല ഉള്ളുവെങ്കിലും അയാള്‍ നടന്നേ പോവുകയുള്ളു.


സ്വന്തം കുഞ്ഞുങ്ങളുടെ ഭാവിക്ക് അവരുടെ നന്മക്കു വേണ്ടി അവരെ വലിയവരാക്കാന്‍ ദാദുഭായ് ഒത്തിരി കഷ്ടതകള്‍ ഒരു ഭാരമാക്കാതെ വലിഞ്ഞു നടന്നു ഈ തിരക്കില്‍.........

"സാബ് ഇതു കണ്ടോ" ദാദുഭായ് മറാഠി പത്രത്തില്‍ കണ്ണുംനട്ട് ചോദിച്ചു.

"എന്ത്?" കാര്യമറിയാതെ ഞാന്‍ തടിച്ച പുസ്തകത്തില്‍ നിന്ന് തല ഉയര്‍ത്തി.

അന്നേരം, ഇംഗ്ലീഷില്‍ വന്ന വാണ്ടഡ് കോളം ഹിന്ദിയിലേക്ക് പരിഭാഷപ്പെടുത്തുവാന്‍ അയാള്‍ ആവശ്യപ്പെട്ടു.

എസ്.എസ്.സിക്ക് കണക്കിലും സയന്സിലും അറുപതു ശതമാനം മാര്‍ക്കു കിട്ടിയ വിദ്യാര്‍ത്ഥികളെ അപ്രന്‍റിസ് ട്രെയിനിംഗിന് വിളിച്ചുള്ള പരസ്യം ഞാന്‍ തര്‍ജ്ജമ ചെയ്തു.

ദാദുഭായുടെ മകന്‍ അപ്രാവശ്യം പത്താംതരത്തിലായിരുന്നു.  മകന്‍റെ പരീക്ഷാഫലം അറിയാനുള്ള പരിഭ്രാന്തിയില്‍ ഇരിക്കുമ്പോഴാണ് പരസ്യം ശ്രദ്ധയില്‍ പെടുന്നത്.

താമസമുണ്ടായില്ല.  ഓഫീസ് സുപ്രണ്ടിന് നാലുദിവസത്തെ അവധി അപേക്ഷിച്ച് അയാള്‍ യാത്രയ്ക്കൊരുങ്ങി.

തിടുക്കത്തില്‍ ഓഫീസിനു പുറത്തിറങ്ങുമ്പോള്‍ ദാദുഭായ് യഥാല്‍ ഓര്‍മ്മിപ്പിച്ചു - "അഗര്‍ മേം തീന്‍ ചാര്‍ ദിന്‍ ലേറ്റ് ഹോഗയാ തോ കൈസേ ഭീ അഡ്ജസ്റ്റ് കര്‍നാ, സാബ്"

പെട്ടെന്നായിരുന്നു എനിക്ക് സ്ഥലം മാറ്റത്തിനുള്ള ഉത്തരവ് കിട്ടിയത്.  അയാള്‍ മടങ്ങിയെത്തും മുമ്പേ ഞാന്‍ എന്‍റെ പുതിയ താവളം തേടി ഇറങ്ങി.


അതില്‍ പിന്നെ ഞങ്ങള്‍ തമ്മില്‍ യാതൊരു ബന്ധവുമുണ്ടായില്ല.

വളരെ മാസങ്ങള്‍ക്കു ശേഷം ദാദുഭായ് ജോലിയില്‍ നിന്ന് വോളന്‍ററി റിട്ടയര്‍മെന്‍റ് ഞാന്‍ അറിഞ്ഞു........

എത്രയോ വര്‍ഷങ്ങള്‍ പിന്നിട്ടു.  ഞാന്‍ വീണ്ടും എന്‍റെ പഴയ താവളത്തിലേക്ക് തിരിച്ചെത്തി പുതിയ അസൈന്മെന്‍റോടെ.  ഡിപ്പാര്‍ട്ടുമെന്‍റിലെ വിവിധ തസ്തികകളില്‍ വന്ന ഒഴിവുകള്‍ നികത്തലായിരുന്നു എനിക്ക് ആദ്യം ചെയ്യേണ്ടിയിരുന്നത്.

ഒഴിവു തസ്തികകളിലേക്കു കിട്ടിയ ആപ്ലിക്കേഷനുകളിലെ മികച്ചവ തെരഞ്ഞെടുക്കവേ, പ്യൂണ്‍ പോസ്റ്റിലേക്കു വന്ന ഒരു ആപ്ലിക്കേഷനില്‍ എന്‍റെ കണ്ണുകള്‍ ഉടക്കി നിന്നു.

ആ യുവാവ് അച്ഛന്‍റെ പേര്‍ ചേര്‍ത്തിരിക്കുന്നു - "ദാദു റാണ്പിസേ"

( ട്രയല്‍ വാരിക ജനുവരി 1, 1989 , പി.പി.മുരളീധരന്‍ )

Friday, June 4, 2010

കഥ(മോഷണം) തുടരുന്നു!

ഒരുനാള്‍ വരും’ എന്ന ചിത്രത്തിന്‍റെ രചയിതാവായ ശ്രീനിവാസനെതിരെ കഥാമോഷണം ആരോപിക്കപ്പെട്ടിട്ട് ദിവസങ്ങളായതേയുള്ളൂ. ഇപ്പോഴിതാ, ശ്രീനിയുടെ ഏറ്റവും അടുത്ത സുഹൃത്തായ സത്യന്‍ അന്തിക്കാടിന് നേരെയും ആരോപണം ഉയര്‍ന്നിരിക്കുന്നു. സത്യന്‍റെ ‘കഥ തുടരുന്നു’ എന്ന പുതിയ ചിത്രത്തിന്‍റെ കഥ മോഷണമാണെന്നാണ് ആരോപണം.

പത്രപ്രവര്‍ത്തകനും നോവലിസ്റ്റുമായ ഹംസ ആലുങ്ങലാണ് സത്യന്‍ അന്തിക്കാടിനെതിരെ ആരോപണവുമായി രംഗത്തെത്തിയത്. 2005ല്‍ പൂര്‍ണ പബ്ലിക്കേഷന്‍സ് പ്രസിദ്ധീകരിച്ച ‘മഴ തോരാതെ’ എന്ന തന്‍റെ നോവലിന്‍റെ കഥ മോഷ്ടിച്ചാണ് സത്യന്‍ ‘കഥ തുടരുന്നു’ സൃഷ്ടിച്ചതെന്നാണ് ഹംസ ആരോപിച്ചിരിക്കുന്നത്.

ഗര്‍ഭിണിയായ യുവതി ഭര്‍ത്താവിന്‍റെ മരണത്തോടെ ഒറ്റപ്പെടുന്നു. പിന്നീടുള്ള അവളുടെ അലച്ചിലാണ് ‘മഴ തോരാതെ’ എന്ന നോവലിന്‍റെ പ്രമേയം. ഇതുതന്നെയാണ് സത്യന്‍ അന്തിക്കാട് ‘കഥ തുടരുന്നു’ എന്ന ചിത്രത്തില്‍ പകര്‍ത്തി വച്ചിരിക്കുന്നതെന്ന് ഹംസ ആലുങ്ങല്‍ ആരോപിക്കുന്നു. ഇക്കാര്യം ചിത്രത്തിന്‍റെ നിര്‍മ്മാതാവിന്‍റെ ശ്രദ്ധയില്‍ പെടുത്തിയെങ്കിലും ഫലമൊന്നുമുണ്ടായില്ലെന്നാണ് ഹംസ പറയുന്നത്.

തന്‍റെ നോവല്‍ അനുവാദമില്ലാതെ മോഷ്ടിച്ച് സിനിമയാക്കിയതിന് നിയമനടപടിക്കൊരുങ്ങുകയാണ് ഹംസ ആലുങ്ങല്‍. എന്നാല്‍ ഈ ആരോപണത്തോട് സത്യന്‍ അന്തിക്കാട് ഇതുവരെ പ്രതികരിച്ചിട്ടില്ല

Sathyan Anthikkad stole story for Kadha Thudarunnu? | കഥ(മോഷണം) തുടരുന്നു!

Thursday, June 3, 2010

ഖുശ്ബുവിന് പകരം ജാക്‍പോട്ടിന് നദിയ!


PRO
തമിഴ്നാട് മുന്‍ മുഖ്യമന്ത്രി ജയലളിത തോല്‍‌വി തീരെ ഇഷ്ടപ്പെടാത്ത വ്യക്തിയാണ്. തനിക്ക് ബോധ്യപ്പെടാത്ത രീതിയിലുള്ള പ്രവര്‍ത്തനം ആരുടെ ഭാഗത്തുനിന്ന് ഉണ്ടായാലും ജയലളിത അത് മനസില്‍ കുറിച്ചു വയ്ക്കുന്നു. അവസരം വരുമ്പോള്‍ ശക്തമായ പ്രതികരണം പുരട്ചി തലൈവിയില്‍ നിന്ന് പ്രതീക്ഷിക്കാം. ഖുശ്ബുവിന്‍റെ കാര്യത്തില്‍ സംഭവിച്ചതും അതാണ്.

ഖുശ്ബു ഡി എം കെയില്‍ ചേര്‍ന്നതോടെ ജയലളിത തന്‍റെ ശത്രുക്കളുടെ പട്ടികയില്‍ ഒരാളുടെ പേരുകൂടി എഴുതിച്ചേര്‍ത്തു. ജയ ടി വിയില്‍ ഖുശ്ബു ‘ജാക്പോട്ട്’ എന്ന പരിപാടി വര്‍ഷങ്ങളായി അവതരിപ്പിച്ചു വരുന്നുണ്ടായിരുന്നു. അവതാരക സ്ഥാനത്തുനിന്ന് ഖുശ്ബുവിനെ നീക്കിക്കൊണ്ടാണ് ജയലളിത പകരം വീട്ടിയത്. ഖുശ്ബുവിന് പകരക്കാരിയായി ആരു വരും എന്നത് കോടമ്പാക്കം ഉറ്റുനോക്കിയ സംഗതിയാണ്. ഇപ്പോള്‍ അതിനും ഉത്തരം ലഭിച്ചിരിക്കുന്നു.

ജയ ടി വിയുടെ പ്രസ്റ്റീജ് പ്രോഗ്രാമായ ജാക്പോട്ട് ഇനിമുതല്‍ അവതരിപ്പിക്കുക നദിയ മൊയ്തു ആയിരിക്കും. ആദ്യമൊന്നും മിനിസ്ക്രീനില്‍ വലിയ താല്‍‌പ്പര്യം കാണിക്കാതിരുന്ന നദിയ ജാക്പോട്ടിലേക്കുള്ള ക്ഷണം സന്തോഷപൂര്‍വം സ്വീകരിച്ചു എന്നാണ് അറിയുന്നത്. തമിഴകത്ത് ഏറെ പോപ്പുലറായ ഈ ഷോ അവതരിപ്പിക്കുന്നതിലൂടെ തന്‍റെ താരപദവി കോളിവുഡില്‍ കൂടുതല്‍ ഉറപ്പിക്കാമെന്നാണ് നദിയ പ്രതീക്ഷിക്കുന്നത്.

അതേസമയം, സിനിമയിലും കൂടുതല്‍ സജീവമാകുകയാണ് നദിയാ മൊയ്തു. മലയാളത്തില്‍ മമ്മൂട്ടിക്കൊപ്പം ഡബിള്‍സ്, ഫാസില്‍ ചിത്രം തുടങ്ങിയവയിലാണ് നദിയ അഭിനയിക്കുന്നത്. തമിഴിലും അരഡസനോളം ചിത്രങ്ങള്‍ നദിയയുടെ ഡേറ്റിനായി കാത്തിരിക്കുന്നുണ്ട്

Nadhiya to replace Kushboo | ഖുശ്ബുവിന് പകരം ജാക്‍പോട്ടിന് നദിയ!

ഇസ്രയേല്‍ മാപ്പുപറയില്ല: നെതന്യാഹു


PRO
ഗാസയിലേക്ക് സഹായവുമായി പോയ കപ്പലില്‍ ഇസ്രയേല്‍ കമാന്‍ഡോകള്‍ ആക്രമണം നടത്തിയ സംഭവത്തില്‍ മാപ്പുപറയില്ലെന്ന് ഇസ്രയേല്‍ പ്രധാനമന്ത്രി ബെന്യാമിന്‍ നെതന്യാഹു. ഇത് സംബന്ധിച്ച വിവാദം രൂക്ഷമായ സാഹചര്യത്തില്‍ തന്‍റെ ഓഫീസില്‍ വിളിച്ചുചേര്‍ത്ത പ്രത്യേക വാര്‍ത്താസമ്മേളനത്തിലാണ് നെതന്യാഹു ഇക്കാര്യം വ്യക്തമാക്കിയത്.

ഒരിക്കല്‍ കൂടി ഇസ്രയേലിനെ കപടവേഷക്കാരനാക്കുകയാണ് ഈ കുറ്റപ്പെടുത്തലില്‍ ലോകരാജ്യങ്ങള്‍ ചെയ്യുന്നതെന്നും പക്ഷപാതപരമായ വിധിയെഴുത്തിലേക്ക് ഇസ്രയേലിനെ വലിച്ചിഴയ്ക്കുകയാണെന്നും നെതന്യാഹു കുറ്റപ്പെടുത്തി. സമാനമായ സാഹചര്യത്തില്‍ മറ്റ് രാജ്യങ്ങളിലെ പട്ടാളക്കാര്‍ ചെയ്യുന്നത് മാത്രമേ ഇസ്രയേല്‍ ചെയ്തിട്ടുള്ളുവെന്നും നെതന്യാഹു ന്യായീകരിച്ചു.

ഇസ്രയേല്‍ ഒരിക്കലും ഇരട്ടത്താപ്പ് സ്വീകരിച്ചിട്ടില്ല. സ്വയം പ്രതിരോധിക്കാന്‍ ഏത് രാജ്യത്തിനും ഉള്ളതുപോലെ ഇസ്രയേലിനും അവകാശം ഉണ്ട് അദ്ദേഹം ചൂണ്ടിക്കാട്ടി. മാപ്പ് പറയണമെന്ന ആവശ്യം സാധ്യമല്ല. ആവശ്യപ്പെട്ടിരുന്നെങ്കില്‍ പരിശോധന കൂടാതെ ഗാസയിലേക്ക് നീങ്ങാന്‍ കപ്പലുകളെ അനുവദിച്ചേനെ എന്നും നെതന്യാഹു കൂട്ടിച്ചേര്‍ത്തു.

ഗാസയിലെ ഹമാസിന് അത്യാധുനിക ആയുധങ്ങള്‍ എത്തിക്കുന്നതില്‍ നിന്ന് ഇറാ‍നെ തടയാന്‍ കഴിയുമെന്ന് തോന്നുന്നില്ലെന്നും നെതന്യാഹു പറഞ്ഞു. നിലവില്‍ തന്നെ ഇസ്രയേലിന്‍റെ പ്രധാന നഗരങ്ങള്‍ നശിപ്പിക്കാന്‍ ശേഷിയുള്ള മിസൈലുകള്‍ ഹമാസിന്‍റെ കയ്യിലുണ്ട്. ഇന്ന് തങ്ങളെ വിമര്‍ശിക്കുന്ന രാജ്യങ്ങള്‍ക്ക് നാളെ ഈ സാഹചര്യത്തിന് അവര്‍ ഇരയാക്കപ്പെടുമെന്ന് അറിയാമെന്നും നെതന്യാഹു പറഞ്ഞു.

പലസ്തീനികള്‍ക്കുള്ള ദുരിതാശ്വാസവുമായി ഗാസയിലേക്ക് തിരിച്ച ആറുകപ്പലുകളാണ് ഇസ്രയേല്‍ സേന കഴിഞ്ഞ ദിവസം ആക്രമിച്ചത്. കടലില്‍ ഇസ്രയേല്‍ തീര്‍ത്ത ഉപരോധം മറികടന്ന് നീങ്ങവേ ആയിരുന്നു ആക്രമണം. ഏതാനും സന്നദ്ധസംഘടനാ പ്രവര്‍ത്തകരും സംഭവത്തില്‍ കൊല്ലപ്പെട്ടിരുന്നു. ഇതേ തുടര്‍ന്ന് ഇസ്രയേലിനെതിരെ ലോകരാജ്യങ്ങളില്‍ വന്‍ പ്രതിഷേധമുയര്‍ന്നിരുന്നു

Israel won’t apologize: Netanyahu | ഇസ്രയേല്‍ മാപ്പുപറയില്ല: നെതന്യാഹു

ഹവാലപ്പണം: അന്വേഷണം ഹോങ്കോങിലേക്കും


PRO
തീവ്രവാദ പ്രവര്‍ത്തിനായി കേരളത്തിലേക്ക്‌ ഹവാലപ്പണം എത്തിയ സംഭവത്തില്‍ അന്വേഷണം ഹോങ്കോങ്ങിലേക്കും വ്യാപിപ്പിക്കുന്നു. രഹസ്യാന്വേഷണ വിഭാഗമായ റോ ഉദ്യോഗസ്‌ഥരാണ് ഹോങ്കോങ്ങില്‍ എത്തി അന്വേഷണം നടത്തിയത്. ഇടപാടുകാര്‍ തമ്മില്‍ നടത്തിയ ടെലിഫോണ്‍ സംഭാഷണം ചോര്‍ത്തിയതിലൂടെയാണ്‌ ഹോങ്കോങ്ങില്‍ നിന്നും ഹവാലപ്പണം സംസ്ഥാനത്തേക്ക് കടത്തിയിരുന്നതായി വ്യക്‌തമായത്‌.

ഇടനിലക്കാര്‍ എന്നു സംശയിക്കുന്ന ചിലരുടെ ഫോണ്‍ കോളുകള്‍ കഴിഞ്ഞ രണ്ടു മാസമായി രഹസ്യാന്വേഷണ വിഭാഗം ചോര്‍ത്തിയിരുന്നു. ഇതില്‍ നിന്നാണ് നിര്‍ണ്ണായക വിവരങ്ങള്‍ ലഭിച്ചത്. തീവ്രവാദ പ്രവര്‍ത്തനത്തിനായി ഹോങ്കോങ് വഴി അല്‍-കൊയ്ദ പണം കടത്തുന്നതായി നേരത്തെ റിപ്പോര്‍ട്ടുണ്ടായിരുന്നു. എന്നാല്‍ കേരളമടക്കുമുള്ള ദക്ഷിണേന്ത്യന്‍ സംസ്ഥാനങ്ങളിലേക്ക് പണം എത്തുന്നതായി അടുത്ത സമയത്താണ് വ്യക്തമായത്.

അതേസമയം ദുബായില്‍ നിന്നും പണം കടത്തിയ സംഭവവുമായി ബന്ധപ്പെട്ട്‌ നിരീക്ഷണത്തിലായിരുന്ന ഇന്ത്യക്കാര്‍ പാകിസ്ഥാനിലേക്ക്‌ കടന്നതായും റിപ്പോര്‍ട്ടുണ്ട്‌. നാല് ഇന്ത്യക്കാരാണ് പാകിസ്താനിലേക്ക് കടന്നിരിക്കുന്നത്

hawala: investigation extends to Hong Kong | ഹവാലപ്പണം: അന്വേഷണം ഹോങ്കോങിലേക്കും

സ്ഥലംമാറ്റം: ഡോക്ടര്‍മാര്‍ക്കെതിരെ നടപടിയെന്ന് മന്ത്രി





PRO
സ്ഥലംമാറ്റ ഉത്തരവ് ലഭിച്ചിട്ടും ഹാജരാകാത്ത ഡോക്ടര്‍മാര്‍ക്കെതിരെ നടപടിയെടുക്കുമെന്ന് ആരോഗ്യമന്ത്രി പി.കെ ശ്രീമതി അറിയിച്ചു. ഉത്തരവ് ഇന്നു കൈപ്പറ്റി നാളെ ജോലിയില്‍ പ്രവേശിക്കണം. അല്ലാത്തപക്ഷം ജോലിയില്‍ പ്രവേശിക്കാത്തവര്‍ക്കെതിരെ നടപടിയെടുക്കുമെന്ന് മന്ത്രി പറഞ്ഞു.

ഡോക്ടര്‍മാര്‍ക്ക് കൂട്ടസ്ഥലം മാറ്റം നല്‍കിയ സര്‍ക്കാര്‍ ഉത്തരവിനെതിരെ ഡോക്ടര്‍മാര്‍ പ്രതിഷേധമുയര്‍ത്തിയ സാഹചര്യത്തിലാണ് മന്ത്രിയുടെ മുന്നറിയിപ്പ്. വര്‍ഷങ്ങളായി ഒരേ സ്ഥലത്ത് തന്നെ ജോലി ചെയ്യുന്നവര്‍ക്ക് മാറ്റമുണ്ടാകുക സ്വാഭാവികമാണെന്ന് മന്ത്രി പറഞ്ഞു. സര്‍ക്കാര്‍ ആശുപത്രികളുടെ പ്രവര്‍ത്തനം സുഗമമായി നടക്കുന്നതിന് ആവശ്യമായ ഡോക്ടര്‍മാര്‍ ഇപ്പോഴുണ്ട്. സ്ഥലംമാറ്റത്തില്‍ പ്രതിഷേധിച്ച് ഡോക്ടര്‍മാര്‍ അവധിയെടുത്താലും ആസ്​പത്രികളുടെ പ്രവര്‍ത്തനത്തെ ബാധിക്കില്ലെന്നും പി.കെ ശ്രീമതി പറഞ്ഞു.

സൂപ്രണ്ടുമാരടക്കമുള്ള 1,155 ഡോക്ടര്‍മാരെയാണ് ഒറ്റയടിക്ക് ആരോഗ്യവകുപ്പ് സ്ഥലംമാറ്റിയിരിക്കുന്നത്. മേയ്‌ 30നാണു സ്ഥലംമാറ്റ ഉത്തരവ്‌ ആരോഗ്യവകുപ്പിന്‍റെ വെബ്സൈറ്റില്‍ പ്രത്യക്ഷപ്പെട്ടത്‌. ഉത്തരവ് കൈപ്പറ്റി ചുമതലയൊഴിഞ്ഞ പലരും പുതിയ സ്ഥലത്ത്‌ ചുമതലയേറ്റിട്ടില്ല. ഇഷ്ടമില്ലാത്തിടത്തേക്ക്‌ മാറ്റം കിട്ടിയ ചിലര്‍ അവധിയില്‍ പ്രവേശിക്കുകയും ചെയ്തു. ഫലത്തില്‍ പല ആശുപത്രികളിലും ഡോക്ടര്‍മാരില്ലാത്ത സ്ഥിതിയാണ്.

കേഡര്‍ നടപ്പാക്കിയപ്പോള്‍ നൂറ്റിയമ്പതോളം ഡോക്ടര്‍മാരുടെ സീനിയോറിറ്റി നഷ്ടപ്പെട്ടുവെന്നും ഡോക്ടര്‍മാര്‍ പരാതി ഉയര്‍ത്തിയിട്ടുണ്ട്. അപാകതകള്‍ പരിഹരിക്കാതെ സര്‍ക്കാര്‍ ഉത്തരവ്‌ കണക്കിലെടുക്കേണ്ടതില്ലെന്നാണ്‌ ഡോക്ടര്‍മാരുടെ സംഘടനയുടെ തീരുമാനം
Minister warned Govt Doctors Over transfer issue | സ്ഥലംമാറ്റം: ഡോക്ടര്‍മാര്‍ക്കെതിരെ നടപടിയെന്ന് മന്ത്രി
Chennithala misleading High command: TH Musthafa | ചെന്നിത്തലയ്ക്കെതിരെ ടി‌എച്ച് മുസ്തഫയും
LDF: INL will take final decision today | ഇടതുമുന്നണി: ഐ.എന്‍.എല്‍ ഇന്ന് തീരുമാനിക്കും
Group war in Congress | കോണ്‍ഗ്രസില്‍ അടി, തിരിച്ചടി!
Chennithala is capable for president post: Oommanchandy | ചെന്നിത്തല കഴിവു തെളിയിച്ചവന്‍: ഉമ്മന്‍ചാണ്ടി

'ഫെറ്റ്’ ദിശ മാറി, ഒമാനില്‍ വീശിയടിച്ചേക്കും

റിപ്പോര്‍ട്ടുകള്‍. എന്നാല്‍ കൊടുങ്കാറ്റ് ബാധിച്ചില്ലെങ്കിലും വെള്ളിയാഴ്ചയോടെ സൌരാഷ്ട്രയിലും കച്ചിലും കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷകര്‍ പ്രവചിച്ചിട്ടുണ്ട്.

അറേബ്യന്‍ കടലില്‍ രൂപം കൊണ്ട ഫെറ്റ് കൊടുങ്കാറ്റ് മാരക പ്രഹരശേഷിയുള്ളതാണ്. ഇത് ഒമാന്‍ തീരത്തേക്കാണ് ഇപ്പോള്‍ കടന്നിരിക്കുന്നത്. 85 കിലോമീറ്റര്‍ വേഗതയില്‍ വരെ ഈ കാറ്റ് വീശിയടിച്ചേക്കുമെന്നാണ് സൂചന.

അതേസമയം, ഗുജറാത്തിലെ ജാം‌നഗര്‍, ജുനഗധ്, അം‌റേലി, ഭവ്‌നഗര്‍, ബറൂച്ച്, സൂറത്ത്, രാജ്‌കോട്ട്, അഹമ്മദാബാദ്, വഡോദര എന്നിവിടങ്ങളില്‍ കനത്ത മഴ റിപ്പോര്‍ട്ട് ചെയ്തിട്ടുണ്ട്. അടുത്ത 48 മണിക്കൂറിനുള്ളില്‍ മത്സ്യബന്ധന തൊഴിലാളികള്‍ കടലില്‍ പോകരുത് എന്ന മുന്നറിയിപ്പും നല്‍കിയിട്ടുണ്ട്

മന്ത്രിയുടെ മൂന്നാം ഭാര്യയുടെ മരണം വിവാദത്തില്‍

ഗോവന്‍ മന്ത്രി തന്‍റെ മൂന്നാം ഭാര്യയുടെ മരണവുമായി ബന്ധപ്പെട്ട വിവാദത്തില്‍. ഗോവയുടെ ടൂറിസം മന്ത്രി മൈക്കി പച്കോയാണ് വിവാദത്തില്‍ പെട്ടിരിക്കുന്നത്. 28കാരിയായ തന്‍റെ മൂന്നാം ഭാര്യയുടെ മരണവുമായി മന്ത്രിക്ക് പങ്കുണ്ടെന്നാണ് സംഘടനകളും പ്രതിപക്ഷവും ആരോപിക്കുന്നത്.

മന്ത്രിയുടെ മൂന്നാം ഭാര്യയായ ടൊറീഡോ എലിവിഷം ഉള്ളില്‍ ചെന്നാണ് മരിച്ചത്. ചെന്നൈയിലെ ഒരു ആശുപത്രിയിലായിരുന്നു അന്ത്യം. മേയ് 15ന് ടൊറീഡോയെ ഗുരുതരാവസ്ഥയില്‍ ആദ്യം ഗോവയിലെ ഒരു ആശുപത്രിയിലാണ് പ്രവേശിപ്പിച്ചത്. പിന്നീട് മുംബൈയിലേക്കും ശേഷം ചെന്നൈയിലേക്കും അവരെ കൊണ്ടുപോകുകയായിരുന്നു. ചെന്നൈയിലെ ആശുപത്രിയില്‍ മേയ് 30ന് മരണം സംഭവിച്ചു.

ഈ കേസ് ക്രൈംബ്രാഞ്ച് അന്വേഷിക്കണമെന്ന് വനിതാ അവകാശ സംഘടനകള്‍ ആവശ്യപ്പെട്ടിട്ടുണ്ട്. സമ്മര്‍ദ്ദം ഏറിയപ്പോള്‍ ടൊറീഡോയുടെ മൃതദേഹം വീണ്ടും പോസ്റ്റുമോര്‍ട്ടം ചെയ്യാന്‍ പൊലീസ് തയ്യാറായി. മുഖ്യമന്ത്രി ദിഗംബര്‍ കാമത്ത് ഈ കേസിനെപ്പറ്റി അന്വേഷിക്കണമെന്നാണ് വനിതാസംഘടനകളുടെ ആവശ്യം.

പ്രതിപക്ഷനേതാവ് മനോഹര്‍ പരീക്കറും ഈ കേസില്‍ അന്വേഷണം ആവശ്യപ്പെട്ടിട്ടുണ്ട്. ചികിത്സ നിഷേധിച്ചതും ഒരു ആശുപത്രിയില്‍ നിന്ന് മറ്റൊന്നിലേക്ക് തുടര്‍ച്ചയായി മാറ്റപ്പെട്ടതുമാണ് ടൊറീഡോയുടെ മരണത്തിന് കാരണമായി ചൂണ്ടിക്കാണിക്കപ്പെടുന്നത്.

മന്ത്രി പച്കോയ്ക്കെതിരെ ബഹുഭാര്യാത്വത്തിന് ആദ്യഭാര്യ നല്‍കിയ കേസില്‍ ഇപ്പോള്‍ വിചാരണ നടക്കുകയാണ്

Goa minister in trouble over murder controversy | മന്ത്രിയുടെ മൂന്നാം ഭാര്യയുടെ മരണം വിവാദത്തില്‍
Triple murder probe launched | ഹോള്‍ബ്രൂക്കില്‍ കൂട്ടക്കൊല, അന്വേഷണം തുടങ്ങി
Taxi-driver on a deadly rampage kills 12 | ടാക്സി ഡ്രൈവര്‍ 12 പേരെ വെടിവെച്ചുകൊന്നു

മമ്മൂട്ടിയെന്നെ കൊല്ലട്ടെ, അപ്പോഴറിയാം കളി: തിലകന്‍


PRO
കുറേ ഫാന്‍സിനെ വച്ച് ഒരാഴ്ചയ്ക്കകം തന്നെ കൊല്ലുമെന്ന് ഭീഷണിപ്പെടുത്തിയയാളാണ് മമ്മൂട്ടിയെന്ന് നടന്‍ തിലകന്‍. ‘അദ്ദേഹം എന്നെ കൊല്ലട്ടെ, അപ്പോഴറിയാം കേരളം എങ്ങനെ ചലിക്കുമെന്ന്’ - തിലകന്‍ പറയുന്നു. ഒരു പ്രമുഖ വാരികയ്ക്ക് അനുവദിച്ച അഭിമുഖത്തിലാണ് തിലകന്‍റെ ഈ വെളിപ്പെടുത്തല്‍.

“തിലകനെ കൊല്ലുമെന്ന് കുറേ ഫാന്‍സിനെ വച്ച് ഭീഷണിപ്പെടുത്തിയയാളാണ് മമ്മൂട്ടി. ഒരാഴ്ചയ്ക്കകം കൊല്ലുമെന്നാണ് പറഞ്ഞത്. ഇതുവരെ കൊന്നില്ല. അദ്ദേഹം കൊല്ലട്ടെ, അപ്പോഴറിയാം കേരളം എങ്ങനെ ചലിക്കുമെന്ന്. അദ്ദേഹത്തിന് ആരെയും കൊല്ലാനൊന്നും അവകാശമില്ല. കൊല്ലുമെന്ന് പറഞ്ഞതിന് പൊലീസ് സ്റ്റേഷനില്‍ പോയി ഞാന്‍ പരാതി കൊടുത്തത് പത്രങ്ങളിലും ചാനലുകളിലുമൊക്കെ വന്നതാണ്. എന്നിട്ടും മമ്മൂട്ടി ശബ്ദിച്ചില്ല. എന്താണതിന് കാരണം?” - തിലകന്‍ ചോദിക്കുന്നു.
PRO


“എനിക്കു മാത്രമല്ല മമ്മൂട്ടിയോടു വിരോധം. സുരേഷ് ഗോപിക്ക് വിരോധമുണ്ട്. മരിച്ചുപോയ മുരളിക്ക് വിരോധമുണ്ടായിരുന്നു. ഈ രണ്ടുപേരും എന്നോട് തുറന്നു പറഞ്ഞിട്ടുണ്ട്. സുരേഷ് ഗോപി ഇപ്പോള്‍ ഇത് തുറന്നുപറയാന്‍ തയ്യാറാകാത്തതെന്തെന്ന് എനിക്കു മനസിലാകുന്നില്ല. തുറന്നു പറഞ്ഞില്ലെങ്കില്‍ സിനിമ നന്നാകില്ല. സിനിമയുടെ ശവപ്പെട്ടിയില്‍ സൂപ്പര്‍താരങ്ങള്‍ ഓരോ ആണിയും അടിച്ചുകൊണ്ടിരിക്കുകയാണ്” - തിലകന്‍ പറയുന്നു.

മമ്മൂട്ടിയെക്കുറിച്ച് വളരെ രൂക്ഷമായി പ്രതികരിക്കുന്ന തിലകന്‍ പക്ഷേ മോഹന്‍ലാലിനെക്കുറിച്ച് ഈ അഭിമുഖത്തില്‍ സോഫ്റ്റായാണ് സംസാരിക്കുന്നത്. “മമ്മൂട്ടി പെരുമാറിയിട്ടുള്ളതുപോലെ ഇന്നുവരെ മോഹന്‍ലാല്‍ എന്നോടു പെരുമാറിയിട്ടില്ല. ലാല്‍ എന്നോട് വളരെ സ്നേഹമായിട്ടും നീതിയായിട്ടുമാണ് പെരുമാറിയിട്ടുള്ളത്. മോഹന്‍ലാലിനെക്കുറിച്ച് പറഞ്ഞുകേട്ടിട്ടുള്ള പല കാര്യങ്ങളും ഞാന്‍ വിശ്വസിക്കുന്നില്ല” - തിലകന്‍ വ്യക്തമാക്കുന്നു

Let Mamootty kill me, then it will know how Kerala react: Thilakan | മമ്മൂട്ടിയെന്നെ കൊല്ലട്ടെ, അപ്പോഴറിയാം കളി: തിലകന്‍

സുകുമാര്‍ അഴീക്കോടും സുധീഷും ഉരസി

തട്ടകത്തിന്റെ നാലാം ഭാഗം എഴുതണമെന്നുള്ള മോഹം ബാക്കിവച്ച് വിടപറഞ്ഞ കോവിലന്റെ മൃതദേഹത്തിന് മുന്നില്‍ സാംസ്കാരിക നായകനും ഒരു യുവകഥാകൃത്തും തറയായി. കോവിലന്റെ മൃതദേഹം പ്രദര്‍ശനത്തിന് വച്ച തൃശൂര്‍ സാഹിത്യ അക്കാദമി ഹാളില്‍ സുകുമാര്‍ അഴീക്കോടും പ്രശസ്ത കഥാകൃത്ത് വിആര്‍ സുധീഷും തമ്മിലാണ് വാക്കുതര്‍ക്കം ഉണ്ടായത്.

സുകുമാര്‍ അഴീക്കോടിന്റെ പഴയകാല പ്രണയിനി വിലാസിനി ടീച്ചര്‍ ഒരു പ്രമുഖ ചാനലിന് അനുവദിച്ച അഭിമുഖത്തില്‍ താനിപ്പോഴും അഴീക്കോടിനെ കാത്തിരിക്കുന്നു എന്ന് പറഞ്ഞിരുന്നു. ഈ വിവാദത്തില്‍ ഇടപെട്ട് വിആര്‍ സുധീഷ് ഒരു പ്രമുഖ വാരികയില്‍ എഴുതിയ ലേഖനത്തെ ചൊല്ലിയാണ് രണ്ടുപേരും സാഹിത്യ അക്കാദമി ഹാളിന് മുന്നില്‍ വഴക്കടിച്ചത്.

തന്നെ കരിവാരിത്തേക്കുകയായിരുന്നു ആ ലേഖനമെന്ന് ചില സുഹൃത്തുക്കള്‍ വഴി വിആര്‍ സുധീഷിനെ അഴീക്കോട് അറിയിച്ചിരുന്നു. കോവിലന്‌ ആദരാഞ്ജലി അര്‍പ്പിച്ച്‌ ഹാളില്‍ നിന്ന് പുറത്തിറങ്ങിയ സുധീഷ്‌ അവിടെയുണ്ടായിരുന്ന അഴീക്കോടിനെ സ്വകാര്യമായി വിളിച്ച്‌ ആദ്യം ഇതേക്കുറിച്ച്‌ സംസാരിച്ചു. അഴീക്കോടിനെ കരിവാരിത്തേക്കാന്‍ ഉദ്ദേശിച്ച് എഴുതിയതല്ല ആ ലേഖനമെന്ന് അഴീക്കോടിനോട് സുധീഷ് പറഞ്ഞു.

സുധീഷിന്റെ മറുപടിയില്‍ തൃപ്തനായി മടങ്ങിയ അഴീക്കോടിന്റെ അടുത്തേക്ക്‌ വീണ്ടും ഇതേകാര്യം പറഞ്ഞ്‌ സുധീഷ്‌ ഓടിച്ചെന്നു. സുകുമാര്‍ അഴീക്കോടിനെ തടഞ്ഞുനിര്‍ത്തി വീണ്ടും തന്റെ നയം ഉച്ചത്തില്‍ വിശദീകരിക്കാന്‍ തുടങ്ങി. സുധീഷ് വികാരപരവശനാകുന്നത് കണ്ട പുനത്തില്‍ കുഞ്ഞബ്ദുള്ള ഉടന്‍ ഇവര്‍ക്കിടയിലെത്തി രംഗം ശാന്തമാക്കാന്‍ ശ്രമിച്ചു. സുധീഷിന്റെ കവിളില്‍ പുനത്തില്‍ കുഞ്ഞബ്ദുള്ള തമാശയെന്ന വണ്ണം കൈകൊണ്ട് തട്ടുകയും ‘ലേഖനം എഴുതിയതിനുള്ള ശിക്ഷ ഞാന്‍ കൊടുത്തേക്കാം’ എന്നുപറയുകയും ചെയ്തു.

സുധീഷ് ഉടനെ കുഞ്ഞബ്ദുള്ളയോട് ‘സാറിനും ഇതുപോലെ അബദ്ധങ്ങള്‍ പറ്റിയിട്ടുണ്ടല്ലോ’ എന്ന് ചിരിച്ചുകൊണ്ട് പറഞ്ഞു. ‘അബദ്ധം’ എന്ന വാക്ക് കേട്ടതോടെ അഴീക്കോട് കോപാകുലനായി. ‘നീ പോടാ’ എന്നു പറഞ്ഞ്‌ അഴീക്കോട്‌ സുധീഷിനെതിരേ തിരിഞ്ഞു. ഉടനെ സുഹൃത്തുക്കള്‍ സുധീഷിനെ അവിടെ നിന്ന് മാറ്റി. സുധീഷ് പോയിട്ടും കലിയടങ്ങാതെ സുകുമാര്‍ അഴീക്കോട് സംസാരിച്ചുകൊണ്ടിരുന്നു. സുധീഷ്‌ വെള്ളമടിച്ചിട്ടുണ്ടോയെന്ന് ഇടക്കിടെ അഴീക്കോട്‌ കൂടെയുള്ളവരോട് ചോദിക്കുന്നുണ്ടായിരുന്നു

പിറന്നാള്‍ നിറവില്‍ കരുണാനിധി


തമിഴ്നാട് മുഖ്യമന്ത്രി എം കരുണാനിധി പിറന്നാള്‍ നിറവിലാണ്. വ്യാഴാഴ്ച കലൈജ്ഞര്‍ക്ക് 87 വയസ് തികഞ്ഞു. വലിയ ആഘോഷങ്ങള്‍ ഇല്ലാതെയാണ് കരുണാനിധിയുടെ ജന്‍‌മദിനം കടന്നുപോകുന്നത്.

പിറന്നാള്‍ ദിനത്തില്‍ ഒരു വാഴ നട്ടുകൊണ്ടാണ് കരുണാനിധി ദിവസം ആരംഭിച്ചത്. അതിനുശേഷം ഡി എം കെ സ്ഥാപകനായ സി എന്‍ അണ്ണാദുരൈ, റാഷണലിസ്റ്റ് നേതാവ് ഇ വി ആര്‍ പെരിയാര്‍ എന്നിവര്‍ക്ക് ആദരം അര്‍പ്പിച്ചു.

മക്കളായ എം കെ സ്റ്റാലിന്‍, എം കെ അഴഗിരി എന്നിവര്‍ ഉള്‍പ്പടെയുള്ളവരുടെ സാന്നിധ്യത്തില്‍ കരുണാനിധി പിറന്നാള്‍ കേക്ക് മുറിച്ചു. ഡി എം കെ ആസ്ഥാനത്ത് പാര്‍ട്ടിപ്രവര്‍ത്തകരുമായി അദ്ദേഹം ആശയവിനിമയം നടത്തുന്നുണ്ട്.

1924 ജൂണ്‍ മൂന്നിനാണ് കരുണാനിധി ജനിച്ചത്. അഞ്ചുതവണ തമിഴ്നാടിന്‍റെ മുഖ്യമന്ത്രിയായ അദ്ദേഹം അണ്ണാദുരൈയുടെ മരണശേഷമാണ് ഡി എം കെയുടെ നേതൃസ്ഥാനം ഏറ്റെടുത്തത്. തമിഴ് സിനിമയിലെ എക്കാലത്തെയും മികച്ച തിരക്കഥാകൃത്തായ കരുണാനിധി ഇപ്പോഴും ആ രംഗത്ത് സജീവമാണ്.

DMK chief Karunanidhi turns 87 | പിറന്നാള്‍ നിറവില്‍ കരുണാനിധി

Wednesday, June 2, 2010

ഗര്‍ഭം മൂന്ന് മാസമാവുമ്പോള്‍ പുംസവനം

ഗര്‍ഭശുശ്രൂഷാ സംബന്ധമായി അനുഷ്ഠിക്കപ്പെടുന്ന സംസ്കാര കര്‍മ്മങ്ങളില്‍ പുംസവനവും സീമന്തവും പ്രാധാന്യമര്‍ഹിക്കുന്നു. ബ്രാഹ്മണരുടെ ഷോഢശസംസ്ക്കാരങ്ങളില്‍ ഒന്നാണ് ഈ കര്‍മ്മം. ഇതിനും ശുഭമുഹൂര്‍ത്തം അനിവാര്യമാണ്. ഗര്‍ഭം മൂന്ന് മാസമാവുമ്പോഴാണ് പുംസവനം നടത്തുന്നത്.

ഗര്‍ഭാനന്തരം നടത്തുന്ന ഈ കര്‍മ്മത്തിനു ശേഷം ദമ്പതിമാര്‍ ബ്രഹ്മചര്യം അനുഷ്ഠിക്കുകയും ഗര്‍ഭം യഥാവിധി സംരക്ഷിക്കുകയും ചെയ്യുന്നു. മന്ത്രോച്ചാരത്തോടുകൂടി ഒരു യവമണിയും രണ്ട് ഉഴുന്നും തൈരും ചേര്‍ത്ത് ഗര്‍ഭിണി ഭക്ഷിക്കുന്നതാണ് പുംസവന ചടങ്ങ്.

ഗര്‍ഭസ്ഥ ശിശുവിന് സ്ത്രീപുരുഷ ലക്ഷണം തികയുന്നതിനു മുമ്പ് പുരുഷപ്രജയാക്കാനുള്ള ഔഷധപ്രയോഗവും പുംസവനക്രിയയിലുണ്ട്. ഗര്‍ഭിണിയുടെ മൂക്കില്‍ ഔഷധം ഒഴിക്കുന്നതും പുംസവനക്രിയയുടെ ഭാഗമായ ഔഷധ പ്രയോഗത്തില്‍ ഉള്‍പ്പെടുന്നു. ഇവിടെ ഗര്‍ഭം കണക്കാക്കുന്നത് ആര്‍ത്തവാനന്തരം അഞ്ചാം ദിവസം മുതല്‍ക്കാണ്. എന്നാല്‍, സേകം നടന്ന ദിവസം അറിയാമെങ്കില്‍ അന്നുമുതല്‍ക്കാണു കണക്കാക്കേണ്ടത്.

പുസംവനം നടത്തേണ്ടതിനു വ്യാഴം, ഞായര്‍, ചൊവ്വ ആഴ്ചകളാണ് ഉത്തമം. തിങ്കളാഴ്ചയോ വെള്ളിയാഴ്ചയോ അറിയാതെ പുംസവനം നടത്തിപ്പോയാല്‍ അത് വീണ്ടും നല്ല ദിവസം നോക്കി ആവര്‍ത്തിക്കണം. മറ്റു മാര്‍ഗ്ഗമൊന്നുമില്ല എങ്കില്‍ ശനിയാഴ്ചയും നടത്താം. പക്ഷേ ബുധനാഴ്ച പുംസവനം നടത്താന്‍ പാ‍ടില്ല. കൃഷ്ണപക്ഷത്തിലെയും ശുക്ലപക്ഷത്തിലെയും പൂയം നക്ഷത്രം പുംസവനത്തിന് ഉത്തമമാണ്.

എന്നാല്‍, കൌഷീതകന്മാര്‍ കൃഷ്ണപക്ഷത്തില്‍ പുംസവനം നടത്താറില്ല. ഇവര്‍ പൂയവും തിരുവോണവും നല്ല ദിവസങ്ങളായി കണക്കാക്കുന്നു. പുംസവന മുഹൂര്‍ത്തത്തിനു മിഥുനം, കന്നി, കര്‍ക്കിടകം എന്നീ രാശികള്‍ ശുഭമല്ല. മുഹൂര്‍ത്ത ലഗ്നത്തില്‍ ചന്ദ്ര ശുക്രന്‍മാരുടെ രാശി വരാനും പാടില്ല. അഷ്ടമ ശുദ്ധിയും 12 ല്‍ രവിയും പുംസവനത്തിന് ഉത്തമമാണ്. പുംസവനത്തിനുള്ള കാലം കഴിയുന്നു എന്നുവരികില്‍ എല്ലാ പക്കങ്ങളും ഇതിനായി സ്വീകരിക്കാറുണ്ട്. എന്നിരിക്കിലും, പാപഗ്രഹങ്ങളുടെ ഉദയം, വിഷഘടിക, ഉഷ്ണഘടിക, ശുക്രചന്ദ്രന്മാരുടെ ദൃഷ്ടി എന്നിവ വര്‍ജ്ജിച്ചിരിക്കേണ്ടതാണ്.

Know about Pumsavanam | ഗര്‍ഭം മൂന്ന് മാസമാവുമ്പോള്‍ പുംസവനം

സ്റ്റാമിന കുറവാണെന്നോ....ബീറ്റ്റൂട്ട് സഹായിക്കും

മുപ്പത്തഞ്ചിനു മേലെ പ്രായവും അല്‍പ്പം കുടവയറുമായാല്‍ പിന്നെ മിക്കവര്‍ക്കും സ്റ്റാമിനയുടെ കാര്യം തഥൈവ ! രാവിലെ അല്‍പ്പം വ്യായാമമൊക്കെ ആവാമെന്ന് വച്ചാലോ മനസ്സറിഞ്ഞ് വ്യായാമം ചെയ്ത് തുടങ്ങുമ്പോഴേ കിതപ്പ് തുടങ്ങും. ഇനി ഇത്തരത്തില്‍ സ്റ്റാമിന കുറയുന്നവര്‍ വിഷമിക്കേണ്ട എന്നാണ് ഒരു പഠനത്തില്‍ പറയുന്നത്.

എക്സെറ്റര്‍ സര്‍വകലാശാലയിലെ ഗവേഷകര്‍ നടത്തിയ പഠനത്തിലാണ് ചുവപ്പന്‍ ബീറ്റ്‌റൂട്ടും സ്റ്റാമിനയുമായുള്ള ബന്ധം വെളിപ്പെട്ടത്. ബീറ്റ്‌റൂട്ട് ജ്യൂസ് കഴിച്ചാല്‍ 16 ശതമാനം അധികം വ്യായാമം ചെയ്യാന്‍ സാധിക്കുമെന്നാണ് പഠനം നടത്തിയവര്‍ അവകാശപ്പെടുന്നത്.

അകത്തേക്ക് എടുക്കുന്ന ഓക്സിജന്റെ അളവ് കുറയ്ക്കാന്‍ ബീറ്റ്‌റൂട്ടില്‍ അടങ്ങിയിരിക്കുന്ന നൈട്രേറ്റ് സഹായിക്കുന്നു. ഇത് ക്ഷീണമില്ലാതെ വ്യായാമം ചെയ്യാനും സ്റ്റാമിന കൂടാനും സഹായകമാവുന്നു. ഇത്തരത്തില്‍ അകത്തേക്ക് എടുക്കുന്ന ഓക്സിജന്റെ അളവ് കുറയ്ക്കാന്‍ ബീറ്റ്‌റൂട്ട് പോലെ മറ്റൊന്നിനും ആവില്ല എന്നും ഗവേഷകര്‍ പറഞ്ഞുവയ്ക്കുന്നു.

പത്തൊമ്പതിനും മുപ്പത്തിയെട്ടിനും ഇടയിലുള്ള എട്ട് ആളുകളിലാണ് പഠനം നടത്തിയത്. ഇവര്‍ക്ക് ബീറ്റ്‌റൂട്ട് ജ്യൂസ് കൊടുത്തും അല്ലാതെയും സൈക്കിള്‍ സവാരി അടക്കമുള്ള വിവിധ കായിക വ്യായാമങ്ങളില്‍ പങ്കാളികളാക്കിയുമാണ് നിരീക്ഷണം നടത്തിയത്. ആറ് ദിവസം അടുപ്പിച്ച് വ്യായാ‍മത്തിനു മുമ്പ് 500 മില്ലി ബീറ്റ്‌റൂട്ട് ജ്യൂസ് വീതം കൊടുത്ത ശേഷം നടത്തിയ പരീക്ഷണങ്ങളിലാണ് സ്റ്റാമിന വര്‍ദ്ധിച്ചതായി കണ്ടത്.

ബീറ്റ്‌റൂട്ട് ജ്യൂസ് കുടിച്ച ശേഷം സംഘത്തിന് 11.25 മിനിറ്റ് കിതപ്പില്ലാതെ സൈക്കിള്‍ സവാരി നടത്താനായി. ഇത് മറ്റ് സാഹചര്യത്തില്‍ സൈക്കിള്‍ സവാരി നടത്തിയതിനെക്കാള്‍ 92 സെക്കന്‍ഡ് അധികമായിരുന്നു. ബീറ്റ്‌റൂട്ട് ജ്യൂസ് കുടിച്ച ശേഷം നിശ്ചിത ദൂരം താണ്ടാന്‍ മറ്റ് സാഹചര്യത്തെക്കാള്‍ രണ്ട് ശതമാനം കുറവ് സമയം മാത്രമേ എടുത്തുള്ളൂ എന്നും ഗവേഷകര്‍ വ്യക്തമാക്കുന്നു. ബീറ്റ്‌റൂട്ട് ജ്യൂസ് കുടിച്ചവര്‍ക്ക് രക്തസമ്മര്‍ദ്ദ തോത് താഴ്ന്ന നിലയിലായിരുന്നു എന്നും ഗവേഷകര്‍ പറയുന്നു.

ബീറ്റ്‌‌റൂട്ടിലെ നൈട്രേറ്റ് എപ്രകാരമാണ് ഓക്സിജന്‍ ആവശ്യകത കുറയ്ക്കുന്നത് എന്ന് ഗവേഷകര്‍ക്ക് വ്യക്തമായിട്ടില്ല. എന്നാല്‍, നൈട്രേറ്റ് നൈട്രിക് ഓക്സൈഡായി മാറുന്നതാണ് ഇതിനു സഹായകമാവുന്നത് എന്നാണ് കരുതുന്നത്
http://malayalam.webdunia.com/miscellaneous/health/articles/0908/07/1090807077_1.htm

ലൈലയ്ക്ക് പിന്നാലെ ‘ഫെറ്റ്’ ഭീഷണിയാവുന്നു

ലൈല ചുഴലി കൊടുങ്കാറ്റിനു പിന്നാലെ ഫെറ്റ് കൊടുങ്കാറ്റും ഇന്ത്യയ്ക്ക് ഭീഷണിയാവുന്നു. അടുത്ത 24 മണിക്കൂറിനുള്ളില്‍ ഫെറ്റ് കൊടുങ്കാറ്റ് ഗുജറാത്ത് തീരത്ത് ആഞ്ഞടിക്കുമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കുന്നു.

കൂടുതല്‍ ശക്തിപ്രാപിച്ചുകൊണ്ടിരിക്കുന്ന ഫെറ്റ് ചുഴലി വടക്ക് പടിഞ്ഞാറ്, വടക്ക് ദിക്കിലേക്കായിരിക്കും നീങ്ങുന്നത്. 85 കിലോമീറ്റര്‍ വേഗതയില്‍ വരെ വീശിയടിക്കുന്ന ഫെറ്റ് ഗുജറാത്ത് തീരത്തും അടുത്തുള്ള പാകിസ്ഥാന്‍ തീരത്തും നാശം വിതയ്ക്കുമെന്നാണ് സൂചന.

കാറ്റിനെതുടര്‍ന്ന് അടുത്ത 48 മണിക്കൂറിനുള്ളില്‍ ഗുജറാത്ത് തീരത്ത് കനത്ത മഴ പെയ്യാന്‍ സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിക്കുന്നു. മത്സ്യബന്ധന തൊഴിലാളികള്‍ ഈ സമയം കടലില്‍ പോകരുത് എന്ന മുന്നറിയിപ്പും നല്‍കിയിട്ടുണ്ട്

Cyclonic storm Phet threatens Gujarat | ലൈലയ്ക്ക് പിന്നാലെ ‘ഫെറ്റ്’ ഭീഷണിയാവുന്നു

റിലയ്ന്‍സില്‍ പങ്കാളിത്തം തേടി എത്തിസലാത്ത്


അനില്‍ അം‌ബാനിയുടെ ഉടമസ്ഥതയിലുള്ള റിലയ്ന്‍സ് കമ്മ്യൂണിക്കേഷന്‍സില്‍ യു‌എഇ ടെലികോം കമ്പനിയാ‍യ എത്തിസലാത്ത് പങ്കാളിത്തം തേടുന്നതായി റിപ്പോര്‍ട്ട്. ടൈംസ് ഓഫ് ഇന്ത്യയാണ് ഇക്കാര്യം റിപ്പോര്‍ട്ട് ചെയ്തത്. റിലയ്ന്‍സില്‍ ഇരുപത്തിയഞ്ച് ശതമാനം ഓഹരി പങ്കാളിത്തം നേടാനാണ് എത്തിസലാത്ത് ശ്രമിക്കുന്നതെന്നാണ് റിപ്പോര്‍ട്ട്.

ഇത് സംബന്ധിച്ച ചര്‍ച്ചകള്‍ പുരോഗമിക്കുന്നതായാണ് പത്രം റിപ്പോര്‍ട്ട് ചെയ്യുന്നത്. ഏകദേശം 18,000 കോടി രൂപ വരുന്നതാണ് ഇടപാടെന്നും റിപ്പോര്‍ട്ടിലുണ്ട്. വാര്‍ത്ത പുറത്തുവന്നതോടെ റിലയ്‌ന്‍സ് ഓഹരിവിലയില്‍ വന്‍മുന്നേറ്റമാണ് രേഖപ്പെടുത്തിയത്. പത്ത് ശതമാനം വരെയാണ് റിലയ്ന്‍സ് ഓഹരികളില്‍ മുന്നേറ്റമുണ്ടായത്.

ആദ്യഘട്ടത്തില്‍ ഇരുപത്തിയഞ്ച് ശതമാനം ഓഹരികള്‍ സ്വന്തമാക്കിയ ശേഷം ക്രമേണ ഇരുപത് ശതമാനം ഓഹരികള്‍ കൂടി വാങ്ങാമെന്ന നിര്‍ദ്ദേശവും എത്തിസലാത്ത് മുന്നോട്ടുവെച്ചിട്ടുണ്ടെന്നാണ് റിപ്പോര്‍ട്ടില്‍ പറയുന്നത്. അടുത്തിടെ അവസാനിച്ച ത്രീ ജി ലേലത്തില്‍ എത്തിസലാത്ത് പങ്കെടുത്തിരുന്നെങ്കിലും അവസാന ഘട്ടത്തില്‍ പിന്‍‌മാറുകയായിരുന്നു. ത്രീ ലേലത്തില്‍ സജീവമായിരുന്ന റിലയ്ന്‍സുമായി ഓഹരിപങ്കാളിത്തം സംബന്ധിച്ച ചര്‍ച്ചകള്‍ പുരോഗമിക്കുന്നതിനാലായിരുന്നു എത്തിസലാത്തിന്‍റെ പിന്‍‌മാറ്റമെന്നാണ് വിവരം

ത്രീ ജി സേവനം ഉപഭോക്താക്കളില്‍ എത്തിക്കുന്നതിന് ആവശ്യമായ പണം സ്വരൂപിക്കുന്നതിനാണ് റിലയ്ന്‍സ് ഇത്തരമൊരു ഇടപാടിന് തയ്യാറെടുക്കുന്നതെന്നാണ് സൂചന. യു‌എ‌ഇ ടെലികോം മേഖലയില്‍ ഏറെ പരിചയസമ്പന്നരായ എത്തിസലാത്തിന്‍റെ സാന്നിധ്യം ത്രീ ജി മേഖലയില്‍ മുന്‍‌തൂക്കം നേടാന്‍ കമ്പനിക്ക് കൂടുതല്‍ സാഹചര്യമൊരുക്കുമെന്നും റിലയ്ന്‍സ് കണക്കുകൂട്ടുന്നുണ്ട്. ഇരുകമ്പനികളും വാര്‍ത്തയോട് ഔദ്യോഗികമായി പ്രതികരിച്ചിട്ടില്ല

Etisalat eyeing stake in Reliance Comm | റിലയ്ന്‍സില്‍ പങ്കാളിത്തം തേടി എത്തിസലാത്ത്
Tata Nano Gujarat plant opens today | നാനോ ഗുജറാത്ത് പ്ലാന്റ് ഇന്നുമുതല്‍
Exports expand 36.2 pc in April; Imports up 43.3 pc | രാജ്യത്തെ കയറ്റുമതിയില്‍ മുന്നേറ്റം
Markets turn volatile; auto shares gain | വിപണിയില്‍ അനിശ്ചിതത്വം തുടരുന്നു
Prudential withdrawing from $35.5 bln AIA deal | എഐ‌എ ഇടപാടില്‍ നിന്ന് പ്രൂഡന്‍ഷ്യല്‍ പിന്‍‌മാറി
Sensex ends firm on late rally | വിപണി നേട്ടത്തില്‍
Decision on import duty on sugar in a week: Pawar | പഞ്ചസാര തീരുവ: തീരുമാനം ഒരാഴ്ചയ്ക്കുള്ളില്‍
Bank loans fall in May; investments soar: RBI | ബാങ്ക് വായ്പ ഇടിഞ്ഞു: നിക്ഷേപത്തില്‍ വര്‍ദ്ധന