മായം ചേര്‍ക്കാത്ത എന്തുണ്ടിവിടെ?

തഴപ്പായക്ക് പേറ്റന്‍റ്

മാധവിക്കുട്ടിയും ഉണ്മയും പിന്നെ ഞാനും

ചൈനയുടെ മര്‍ക്കട മുഷ്ടി

നീലകണ്ഠന്‍ വേഗം സുഖം പ്രാപിക്കട്ടെ

രാഷ്ട്രീയവല്‍ക്കരണത്തിന്‍റെ അതിപ്രസരം

ഒരാളുടെ വില എത്ര?

സമ്പന്നരുടെ സ്നാനഗൃഹത്തില്‍ നസ്റുദ്ദീന്‍ മുള്ള കടന്നു ചെന്നു. അവിടെ ധനികരെ അടിമകള്‍ എണ്ണ തേച്ചുപിടിപ്പിച്ച് തടവുകയാണ്. കൂട്ടത്തില്‍ എണ്ണയില്‍ കുതിര്‍ത്തിരിക്കുന്ന ഒരു ധനികന്‍ മുള്ളയോടു ചോദിച്ചു: "മുള്ള, ഞാനൊരു അടിമയാണെങ്കില്‍ എനിക്കെത്ര വിലവരും?"

"50 ദിനാര്‍" മുള്ളയുടെ മറുപടി പെട്ടന്നായിരുന്നു.

ധനികനു കലിയിളകി. "ഞാനുടുത്ത ബാത്ത് ടവ്വലിനു തന്നെ 50 ദിനാര്‍ വിലയുണ്ട്."

അതുതന്നെയല്ലെ ഞാന്‍ കിറുകൃത്യമായി പറഞ്ഞതും. ആ വിലയേ താങ്കള്‍ക്ക് കിട്ടു."

മനുഷ്യന്‍റെ വിലയളക്കുന്നത് അവന്‍റെ സ്വഭാവശുദ്ധികൊണ്ടും അവന്‍ ഉരുവിടുന്ന വാക്കുകള്‍ കൊണ്ടുമാണ്. അതില്ലാത്തവന് അവന്‍ ഉടുക്കുന്ന വസ്ത്രത്തിന്‍റെ വില മാത്രമേയുള്ളുവെന്നാണ് ഈ മുള്ളക്കഥ നമ്മെ പഠിപ്പിക്കുന്നത്. നമ്മുടെ വാക്കും പ്രവൃത്തിയും എപ്പോഴും നന്നായിരിക്കണം. എന്നാലേ നമുക്ക് മറ്റുള്ളവരുടെ മുന്നില്‍ വിലയുണ്ടാകു.

(മനോരമ ആഴ്ചപ്പതിപ്പ് 2009,സെപ്റ്റംബര്‍,19)

<