അറിഞ്ഞു കോട്ടേക്കാവു ഭഗവതിയുടെ താലപ്പൊലിയാണെന്ന്. വര്‍ഷങ്ങള്‍ക്കു ശേഷം കാണാന്‍ തരാവുന്ന ഒരു ആഘോഷം. 
ചെണ്ടയില്‍ കോലുവെക്കുന്നിടത്തൊക്കെ എത്തിയിരുന്ന ഒരു കാലത്തിന്‍റെ ഓര്‍മ്മയ്ക്ക് ഇതെങ്കിലും ആവട്ടെ എന്നു കരുതി.
പാലക്കാടു ജില്ലയില്‍ കരിമ്പുഴ പഞ്ചായത്തില്‍ ആറ്റാശ്ശേരി ഗ്രാമത്തിലാണ് കോട്ടേക്കാവു ഭഗവതിയുടെ ആസ്ഥാനം. കോഴിക്കോടു ഏറാള്‍പ്പാട് രാജാവിന്‍റെ കീഴിലുള്ള കരിമ്പുഴ ദേവസ്വത്തിലെ ഒരു ക്ഷേത്രം. താലപ്പൊലി യാത്ര ആരംഭം കുറിക്കുന്നത് കരിമ്പുഴ ശ്രീരാമസ്വാമി ക്ഷേത്രത്തിന്‍റെ പടിഞ്ഞാറെ നടയില്‍ നിന്നുമാണ്. 
ചില കുട്ടിക്കാല ഓര്‍മ്മകള്‍ - തോടും പാടവും കുന്നും താണ്ടി വേണം കോട്ടേക്കാവിലെത്താന്‍
. കരിമ്പുഴ (കുന്തിപ്പുഴ) യുടെ തീരത്ത്. വനദുര്‍ഗ്ഗ. ഭഗവതിയുടെ ഇഷ്ട പുഷ്പം കാട്ടു തെച്ചി യഥേഷ്ടം വളരുന്ന തെച്ചിക്കുന്ന് കടന്നു വേണം ഭഗവതിയുടെ അരികിലെത്താന്‍. അതിലൂടെ പോവുമ്പോള്‍ ഒരു കാടിന്‍റെ പ്രതീതി
ഇന്നതൊക്കെ നഷ്ടപ്പെട്ടു. ഭഗവതിയെ ദര്‍ശിക്കാന്‍ ഓട്ടോ
റിക്ഷയില്‍ ക്ഷേത്രം വരെ എത്താം
No comments:
Post a Comment