കടം തന്നവന്‍ തിരികെ ചോദിച്ചപ്പോള്‍ എന്‍റെ കൈയില്‍ ഇല്ലെന്നു പറഞ്ഞതിന് അയാള്‍ ചെകിടത്തുതന്ന - പാടാണ് - കടപ്പാട്.
തിരികെ ഒരെണ്ണം കൊടുത്തപ്പോള്‍ അയാള്‍ മറിഞ്ഞുവീണ് തലപൊട്ടിയതിന് പോലീസുകാര്‍ ആവോളം തന്ന - പാടാണ് - ഊപ്പാട്. കേസ് കോടതിയിലെത്തി, കോടതി കയറിയിറങ്ങി മടുത്തപ്പോള്‍ ഉണ്ടായ - പാടാണ് - ബദ്ധപ്പാട്. ശിക്ഷ കിട്ടി കോടതിയില്‍നിന്നും ജയിലിലേക്ക് പോകാന്‍നേരം ഉണ്ടായ - പാടാണ് - പങ്കപ്പാട്. ജയില്‍ശിക്ഷ അനുഭവിച്ചുവരുമ്പോള്‍ ഉണ്ടായ - പാടാണ് - കഷ്ടപ്പാട്. ചെയ്തതു തെറ്റാണെന്നു ബോധ്യം വന്നപ്പോള്‍ ഉണ്ടായ - പാടാണ് - കാഴ്ചപ്പാട്. അനുഭവത്തില്‍നിന്നും ദൈവം നല്ല പാഠം പഠിപ്പിച്ച് കാരാഗൃഹത്തിന് പുറത്തേക്കു പോകാന്‍ നേരം ഉണ്ടായ - പാടാണ് - പുറപ്പാട്.(മംഗളം വാരിക - 18/05/2009 - അനിജോസഫ്, സി.നമ്പര്‍ - 9334, സെണ്ട്രല്‍ പ്രിസണ്‍, പൂജപ്പുര, തിരുവനന്തപുരം)
No comments:
Post a Comment