Thursday, May 13, 2010

കസബിന്‍റെ കുടുംബത്തെ കാണാനില്ല

മുംബൈ ഭീകരാക്രമണക്കേസില്‍ പ്രത്യേക കോടതി വധശിക്ഷയ്ക്ക് വിധിച്ച പാക് ഭീകരന്‍ അജ്മല്‍ അമീര്‍ കസബിന്‍റെ കുടുംബത്തെ പാകിസ്ഥാന്‍ രഹസ്യാന്വേഷണ ഏജന്‍സികള്‍ രഹസ്യ സങ്കേതത്തിലേക്ക് മാറ്റി. അന്താരാഷ്ട്ര മാ‍ധ്യമങ്ങളുടെ കണ്ണില്‍ പെടാതിരിക്കാന്‍ വേണ്ടിയാണ് കസബിന്‍റെ കുടുംബത്തെ പാക് രഹസ്വാന്വേഷണ വിഭാഗം മാറ്റിയത്.

വധശിക്ഷ വിധി വരുന്നതിന് ഒരാഴ്ച മുന്‍പ് വരെ ഒകാറ ജില്ലയിലെ ഫരിദ്കോട്ടിലുള്ള വസതിയിലായിരുന്നു കസബിന്‍റെ കുടുംബം താമസിച്ചിരുന്നത്. കസബിനെ അറസ്റ്റ് ചെയ്തപ്പോള്‍ പാക് പൌരനല്ലെന്ന് പാകിസ്ഥാന്‍ ആദ്യം അവകാശപ്പെട്ടിരുന്നു. എന്നാല്‍ അന്താരാഷ്ട്ര-പ്രാദേശിക മാധ്യമങ്ങള്‍ കസബിന്‍റെ കുടുംബത്തെ കണ്ടെത്തുകയും അദ്ദേഹം പാക് പൌരനാണെന്ന് തെളിയിക്കുകയും ചെയ്തത് പാകിസ്ഥാന് നാണക്കേടായിരുന്നു.

ഇതിനുശേഷം കസബിന്‍റെ കുടുംബം പാക് രഹസ്യാന്വേഷണ ഏജന്‍സികളുടെ നിരീക്ഷണത്തിലായിരുന്നു. വിധി വന്നശേഷം കസബിന്‍റെ കുടുംബത്തിന്‍റെ പ്രതികരണമറിയാന്‍ പലരും തേടി ചെന്നെങ്കിലും ഇവരെക്കുറിച്ച് ആര്‍ക്കും ഒരു അറിവുമില്ലെന്ന സന്ദേശമാണ് ലഭിച്ചത്. പരിസരവാസികള്‍ക്ക് പോലും കസബിന്‍റേ കുടുംബം എവിടെയാണെന്ന് ഇപ്പോള്‍ അറിയില്ല

Kasab's family goes into hiding in Pakistan | കസബിന്‍റെ കുടുംബത്തെ കാണാനില്ല

No comments: