Tuesday, May 25, 2010

പുതിയ വീഡിയോ ഫോണുമായി സ്പൈസ് മൊബൈല്‍

മൊബൈല്‍ ഹാന്‍‌ഡ്സെറ്റ് നിര്‍മ്മാതാക്കളായ സ്പൈസ് മൊബൈല്‍ പുതിയ വീഡിയോ ഫോണ്‍ പുറത്തിറക്കി. 3.2 മെഗാപിക്സല്‍ ക്യാമറ സഹിതമുള്ള ഫോണിന് 7,499 രൂപയാണ് വില. എസ്-7000 എന്നാണ് പുതിയ മോഡലിന്‍റെ പേര്.

ആധുനീക സംവിധാനങ്ങള്‍ എല്ലാം ഉള്‍പ്പെടെയാണ് കുറഞ്ഞ വിലയ്ക്ക് ഫോണ്‍ വിപണിയിലെത്തിക്കുന്നതെന്ന് കമ്പനി ചൂ‍ണ്ടിക്കാട്ടി. 3.2 ഇഞ്ച് വലുപ്പമുള്ള ടച്ച് സ്ക്രീനാണ് ഫോണിന്‍റെ പ്രധാന പ്രത്യേകത. ഉപയോക്താക്കള്‍ക്ക് വിശാലമായ ദൃശ്യവിരുന്നൊരുക്കാന്‍ ഇതിലൂടെ കഴിയുമെന്ന് കമ്പനി ചൂണ്ടിക്കാട്ടി. ഡിജിറ്റല്‍ ബുക്കുകള്‍ വായിക്കുന്നതിനും ഓണ്‍ലൈന്‍ വീഡിയോകള്‍ ആസ്വദിക്കുന്നതിനും ഇത് ഏറെ സഹായകരമാകും.

മള്‍ട്ടിപ്പിള്‍ ഫോര്‍മാറ്റ് വീഡിയോ പ്ലെയറും ഡിജിറ്റല്‍ ശബ്ദ സംവിധാനവും ഫോണിന്‍റെ മറ്റ് മേന്‍‌മകളാണ്. ഫേസ് ബുക്ക്, നിംബസ് തുടങ്ങിയ സോഷ്യല്‍ നെറ്റ്‌വര്‍ക്കിംഗ് സൈറ്റുകളുടെ ആ‍പ്ലിക്കേഷനുകളും മൊബൈലില്‍ ഉള്‍ക്കൊള്ളിച്ചിട്ടുണ്ട്. 16 ജിബി വരെ വിപുലപ്പെടുത്താവുന്ന മെമ്മറി കാര്‍ഡ് മറ്റൊരു പ്രത്യേകതയാണ്

Spice Mobiles launches new video phone | പുതിയ വീഡിയോ ഫോണുമായി സ്പൈസ് മൊബൈല്‍

No comments: