Thursday, May 27, 2010

ആഷിന്‍റെ സൌന്ദര്യം പൃഥ്വിയെ വലച്ചു!


PRO
“ഐശ്വര്യയെ നോക്കിയിരിക്കാനാവില്ല. എന്നാല്‍, നോക്കാതെയിരിക്കാനുമാവില്ല. ഞാന്‍ വല്ലാതെ ബുദ്ധിമുട്ടിപ്പോയി” - യംഗ് സൂപ്പര്‍സ്റ്റാര്‍ പൃഥ്വിരാജിന്‍റെ വാക്കുകള്‍. മണിരത്നത്തിന്‍റെ ‘രാവണ്‍’ എന്ന ചിത്രത്തില്‍ ഐശ്വര്യ റായിക്കൊപ്പം അഭിനയിച്ചതിന്‍റെ അനുഭവങ്ങള്‍ ഒരു പ്രമുഖ ചലച്ചിത്രവാരികയോട് പങ്കുവയ്ക്കവേയാണ് പൃഥ്വി ഇങ്ങനെ പറഞ്ഞത്.

രാവണിന്‍റെ തമിഴ് പതിപ്പില്‍ പൃഥ്വിയുടെ ഭാര്യയായാണ് ഐശ്വര്യ റായ് അഭിനയിക്കുന്നത്. ഇരുവരും തമ്മില്‍ ഇഴുകിച്ചേര്‍ന്ന് അഭിനയിക്കുന്ന ഒട്ടേറെ രംഗങ്ങള്‍ ഈ സിനിമയിലുണ്ട്. ഇവരുടെ പ്രണയം പ്രകടമാക്കുന്ന ഒരു നൃത്തരംഗവും ഉള്‍പ്പെടുത്തിയിട്ടുണ്ട്. ശോഭനയാണ് ഈ നൃത്തം ഒരുക്കിയത്.

“ഐശ്വര്യയുമൊത്ത് അഭിനയിച്ചത് വല്ലാത്ത ഒരനുഭവമാണ്. അവര്‍ വളരെ പ്രൊഫഷണലാണ്. ഹിന്ദിയില്‍ അഭിനയിച്ച് അടുത്ത നിമിഷം തന്നെ അവര്‍ തമിഴില്‍ അഭിനയിക്കുന്നു” - പൃഥ്വി പറയുന്നു.

ദേവ് എന്നാണ് പൃഥ്വി അഭിനയിക്കുന്ന കഥാപാത്രത്തിന്‍റെ പേര്. ഒരു എന്‍‌കൌണ്ടര്‍ സ്പെഷ്യലിസ്റ്റാണ്. അയാളുടെ പുതിയ ലക്‍ഷ്യം വീരയ്യ എന്ന ഭീകരനെ കീഴടക്കുകയാണ്. ആ മിഷനിടയില്‍ ശരിയെന്നോ തെറ്റെന്നോ വിവേചിച്ച് അറിയാനാകാത്ത ചില കാര്യങ്ങള്‍ ദേവിന് ചെയ്യേണ്ടി വരുന്നു. എന്നാല്‍ ദേവിനോട് വീരയ്യ പ്രതികരിച്ചത് മറ്റൊരു തരത്തിലാണ്. ദേവിന്‍റെ ഭാര്യ രാഗിണിയെ വീരയ്യ തട്ടിക്കൊണ്ടു പോകുന്നു.

വീരയ്യയായി വിക്രമും രാഗിണിയായി ഐശ്വര്യ റായിയും അഭിനയിക്കുന്നു. ജൂണ്‍ പതിനെട്ടിന് ലോകമെമ്പാടും ‘രാവണ്‍’ പ്രദര്‍ശനത്തിനെത്തുകയാണ്. സന്തോഷ് ശിവനാണ് ചിത്രത്തിന്‍റെ ക്യാമറ. എ ആര്‍ റഹ്‌മാന്‍ ഈണമിട്ട ഗാനങ്ങള്‍ ഹിറ്റ്ചാര്‍ട്ടില്‍ ഒന്നാമതാണ്

Prithvi - Aash in Ravan | ആഷിന്‍റെ സൌന്ദര്യം പൃഥ്വിയെ വലച്ചു!

No comments: