Thursday, May 6, 2010

കസബിനെ തൂക്കിലേറ്റിയില്ലെങ്കില്‍?

ഭീകരാക്രമണ കേസിലെ പ്രതി അജ്മല്‍ അമീര്‍ കസബിന് മുംബൈയിലെ പ്രത്യേക കോടതി വധശിക്ഷ വിധിച്ചപ്പോള്‍ മനസില്‍ ഇരച്ചെത്തിയത് അഫ്സല്‍ ഗുരുവും കാണ്ഡഹാറും. കാണ്ഡഹാര്‍ വിമാന റാഞ്ചല്‍ സംഭവത്തിലുടെ ഇന്ത്യക്ക് കൈവന്ന നഷ്ടം പോലെയാകുമോ അജ്മല്‍ അമീര്‍ കസബെന്ന ലഷ്കര്‍ ഭീകരനെന്ന് പേടിയോടെയാണെങ്കിലും നാം സംശയിക്കേണ്ടിയിരിക്കുന്നു. അജ്മല്‍ അമീര്‍ കസബിന് നിലവില്‍ വധശിക്ഷ വിധിച്ചിരിക്കുന്നത് മുംബൈ ഭീകരാക്രമണ കേസ് കൈകാര്യം ചെയ്ത പ്രത്യേക കോടതിയാണ്. ഇന്ത്യന്‍ ക്രിമിനല്‍ ചട്ടം 366 പ്രകാരം പ്രതിക്ക് ഇനി ഹൈക്കോടതിയിലും സുപ്രീംകോടതിയിലും പോകാവുന്നതാണ്. അതായത്, ഇപ്പറഞ്ഞ രണ്ട് മേല്‍ക്കോടതികളിലും കസബിന് അപ്പീല്‍ നല്‍കാവുന്നതാണ്.

കസബ് അപ്പീല്‍ നല്കിയാലും വധശിക്ഷയ്ക്ക് മാറ്റമൊന്നും വരില്ലെന്നാണ് നിയമവിദഗ്ധര്‍ പറയുന്നത്. പരമോന്നത നീതിപീഠം വധശിക്ഷ ശരിവെച്ചാ‍ലും കസബിന് രാഷ്ട്രപതിയുടെ മുമ്പാകെ ദയാഹര്‍ജി നല്കാവുന്നതാണ്. ഇപ്പോള്‍ തന്നെ 50ല്‍ അധികം ദയാഹര്‍ജികളാണ് രാഷ്ട്രപതിക്ക് മുമ്പിലുള്ളത്. ഈ നിയമനടപടികള്‍ക്ക് ഇനിയും നമ്മുടെ നിയമവ്യവസ്ഥയനുസരിച്ച് കൂടുതല്‍ സമയം എടുക്കേണ്ടി വരും. അതിനാല്‍ തന്നെ ഇത്തരം കാലതാമസങ്ങള്‍ക്ക് കാത്തുനിന്നാല്‍ അത് കൂടുതല്‍ അപകടകരമാകുമെന്നാണ് സുരക്ഷാ ഏജന്‍സികള്‍ സര്‍ക്കാരിന് നല്കുന്ന മുന്നറിയിപ്പ്. അതുകൊണ്ടാണ് അഫ്സല്‍ ഗുരുവിനെയും കസബിനെയും എത്രയും പെട്ടെന്ന് തൂക്കിലേറ്റണമെന്ന് പ്രതിപക്ഷമായ ബി ജെ പി ആവശ്യപ്പെടുന്നതും. കാണ്ഡഹാറില്‍ ബി ജെ പിക്ക് സംഭവിച്ചത് ഇനി ആവര്‍ത്തിക്കരുതെന്നുള്ള ആഗ്രഹവുമുണ്ടാകാം ഇതിനു പിന്നില്‍.

If Kasab not hanged to death ? | കസബിനെ തൂക്കിലേറ്റിയില്ലെങ്കില്‍?

No comments: