Thursday, May 6, 2010

ഐപിഎല്‍: തെറ്റ് പറ്റിയിട്ടില്ലെന്ന് ശാ‍സ്ത്രി


PRO
ഐ പി എല്‍ ഭരണ സമിതി അംഗം എന്ന നിലയില്‍ തന്നെ ഏല്‍‌പ്പിച്ച ദൌത്യങ്ങള്‍ ഭംഗിയായി ചെയ്തിട്ടുണ്ടെന്ന് മുന്‍ ഇന്ത്യന്‍ നായകന്‍ രവിശാ‍സ്ത്രി. ലളിത് മോഡിയുമായി ബന്ധപ്പെട്ട സാമ്പത്തിക ക്രമക്കേടുകള്‍ പുറത്തുവന്നതിനെ തുടര്‍ന്ന്, ഗവാസ്കറും ശാസ്ത്രിയും അടക്കമുള്ള ഭരണ സമിതി അംഗങ്ങള്‍ എന്തു ചെയ്യുകയായിരുന്നു എന്ന മുന്‍ താരം ബിഷന്‍ സിംഗ് ബേദിയുടെ ചോദ്യത്തിനോട് പ്രതികരിക്കുകയയിരുന്നു ശാസ്ത്രി.

എന്‍റെ ജോലി ക്രിക്കറ്റിനെ സംബന്ധിച്ച ചോദ്യങ്ങള്‍ ചോദിക്കുക എന്നായിരുന്നു. അത് ഭംഗിയായി ചെയ്തു എന്നാ‍ണ് എന്‍റെ വിശ്വാസം. എല്ലാ കുഴപ്പങ്ങളും തുടങ്ങിയത് കഴിഞ്ഞ ആറ്-എട്ട് മാസങ്ങള്‍ക്കിടയിലായിരുന്നുവെന്നാണ് മനസ്സിലാക്കാന്‍ കഴിഞ്ഞത്. സാമ്പത്തികമായ കാര്യങ്ങള്‍ നോക്കി നടത്തുന്നതിന് പ്രത്യേക സമിതി ഉണ്ടായിരുന്നു. അറിവുള്ള കാര്യത്തെ പറ്റി മാത്രമേ ഭരണ സമിതി യോഗങ്ങളില്‍ അഭിപ്രായം പറഞ്ഞിട്ടുളളു. ഐ പി എല്‍ മത്സരശേഷമുള്ള പര്‍ട്ടികള്‍ വേണമെന്ന് എനിക്ക് അഭിപ്രായമില്ല.

കളിക്കാര്‍ കളിച്ച് തളര്‍ന്നതിനു ശേഷം ഇത്തരം പാര്‍ട്ടികളിലും പങ്കെടുക്കണമെന്ന് പറയുന്നത് അനീതിയാ‍ണ്. കളിക്കാന്‍ അവസരം ലഭിക്കാത്ത താരങ്ങള്‍ക്ക് ചിലപ്പോള്‍ ഇത്തരം പാര്‍ട്ടികള്‍ ആസ്വദിക്കാന്‍ കഴിഞ്ഞേക്കാം. ഐ പി എല്ലില്‍ 90 ശതമാനവും ക്രിക്കറ്റ് ആയിരിക്കണമെന്നാണ് എന്‍റെ അഭിപ്രായം. എന്നാല്‍ ഇപ്പോള്‍ നടക്കുന്നവയില്‍ 60 ശതമാനം ക്രിക്കറ്റും 40 ശതമാനം വിനോദവുമാണ്. പുറമെ കേള്‍ക്കുന്ന കാര്യങ്ങളെല്ലാം വിശ്വസിയ്ക്കാന്‍ കഴിയില്ലെങ്കിലും ബി സി സി ഐ നല്‍കിയ കുറ്റപത്രത്തിന് ലളിത് മോഡി ഉത്തരം നല്‍കിയേ മതിയാവൂ എന്നും ശാസ്ത്രി പറഞ്ഞു.

‘My job was to only ask the cricketing questions’ | ഐപിഎല്‍: തെറ്റ് പറ്റിയിട്ടില്ലെന്ന് ശാ‍സ്ത്രി

No comments: