Monday, May 24, 2010

ആദ്യ ‘എ’ സര്‍ട്ടിഫിക്കേറ്റ് ചിത്രം വീണ്ടും!



PRO
‘രാഗേന്ദുകിരണങ്ങള്‍ ഒളിവീശിയില്ല...’ എന്ന ഗാനം വീണ്ടും കേരളത്തില്‍ അലയടിക്കാന്‍ പോകുന്നു. അതേ, ‘അവളുടെ രാവുകള്‍’ രണ്ടാം ഭാഗം ഉടന്‍ ചിത്രീകരണം തുടങ്ങുകയാണ്. വര്‍ഷങ്ങള്‍ക്കുമുമ്പ് വിവാദക്കൊടുങ്കാറ്റ് സൃഷ്ടിച്ച ഈ സിനിമയുടെ രണ്ടാം ഭാഗവും വന്‍ ഹിറ്റാകുമെന്ന് തന്നെയാണ് പ്രതീക്ഷിക്കപ്പെടുന്നത്. ആദ്യഭാഗത്തില്‍ സീമയായിരുന്നു നായികയെങ്കില്‍ രണ്ടാം ഭാഗം ശ്വേതാ മേനോനെ നായികയാക്കിയാണ് ചിത്രീകരിക്കുന്നത്.

1978ല്‍ പുറത്തിറങ്ങിയ അവളുടെ രാവുകള്‍ രാജി എന്ന ഒരു അഭിസാരികയും അവള്‍ ഉള്‍പ്പെടുന്ന സമൂഹവും തമ്മിലുള്ള സംഘര്‍ഷത്തിന്‍റെ കഥയായിരുന്നു പറഞ്ഞത്. ആലപ്പി ഷെരീഫിന്‍റെ തിരക്കഥയില്‍ ഐ വി ശശിയായിരുന്നു സംവിധാനം ചെയ്തത്. മലയാളത്തിലെ ആദ്യത്തെ ‘എ’ സര്‍ട്ടിഫിക്കേറ്റ് ചിത്രമായിരുന്നു അവളുടെ രാവുകള്‍.

രണ്ടാം ഭാഗത്തിന്‍റെ പേരും ‘അവളുടെ രാവുകള്‍’ എന്നുതന്നെ ആയിരിക്കും. രണ്ടാം ഭാഗത്തിലും ലൈംഗികത മുഖ്യവിഷയമായിരിക്കും. അന്നത്തെ രാജിയുടെ നാല്‍പ്പതുകളിലുള്ള കഥയാണ് പുതിയ ചിത്രത്തിന്‍റെ പ്രമേയം. രാജിക്ക് പതിനാറുകാരിയായ ഒരു മകള്‍ കൂടിയുണ്ട്. ആലപ്പി ഷെരീഫ് തന്നെ തിരക്കഥ രചിക്കുന്ന പുതിയ ചിത്രത്തിന്‍റെ സംവിധായകന്‍ പി എച്ച് ഹമീദായിരിക്കും.

സീമ തന്‍റെ അര്‍ദ്ധനഗ്ന മേനി പ്രദര്‍ശിപ്പിച്ച് നില്‍ക്കുന്ന ചിത്രമായിരുന്നു അവളുടെ രാവുകളുടെ പോസ്റ്ററുകളില്‍ ഉപയോഗിച്ചത്. അതേ രീതിയിലുള്ള പരസ്യങ്ങള്‍ രണ്ടാം ഭാഗത്തിലും പ്രതീക്ഷിക്കാം. ‘രാഗേന്ദുകിരണങ്ങള്‍...’ എന്ന ഗാനം റീമിക്സ് ചെയ്ത് അവതരിപ്പിക്കും. ബേണി ഇഗ്നേഷ്യസാണ് സംഗീത സംവിധായകന്‍.

വിജയരാഘവന്‍, ജഗതി, മാമുക്കോയ, കവിയൂര്‍ പൊന്നമ്മ തുടങ്ങിയവരും അവളുടെ രാവുകളുടെ രണ്ടാം ഭാഗത്തില്‍ വേഷമിടുന്നു

’Avalude Ravukal' for a sequel | ആദ്യ ‘എ’ സര്‍ട്ടിഫിക്കേറ്റ് ചിത്രം വീണ്ടും!
Sweta will not act in Avalude Ravukal | അവളുടെ രാവുകളില്‍ ശ്വേതയില്ല

2 comments:

»¦മുഖ്‌താര്‍¦udarampoyil¦« said...

ഇനിപ്പോ
അയിന്റെ കൊറവെള്ളാരുന്നു..

ppmd said...

കൊറേക്കാലായി ആരും 'എ' പടങ്ങളൊന്നും ഇറക്കാറില്ല. നല്ലൊരു scope തീര്‍ച്ച