Monday, May 3, 2010

മുംബൈ ഭീകരാക്രമണം: വിധി ഇന്ന്



PRO
രാജ്യത്തെ ഞെട്ടിച്ച് 26/11 മുംബൈ ഭീകരാക്രമണ കേസില്‍ കോടതി ഇന്ന് വിധി പറയും. അജ്മല്‍ അമീര്‍ കസബ് അടക്കമുള്ളവരുടെ വിധി മുംബൈയിലെ പ്രത്യേക കോടതി ജഡ്ജി എം എല്‍ താഹിലിയാനി ഇന്നു പ്രസ്‌താവിക്കും. പ്രതികളില്‍ പാക് തീവ്രവാദി അജ്മല്‍ അമിര്‍ കസബ്‌, ഇന്ത്യക്കാരായ ഫാഹിം അന്‍സാരി, സബാബുദ്ദീന്‍ അഹമ്മദ്‌ എന്നിവരാണു കസ്റ്റഡിയിലുള്ളത്‌. ഇവര്‍ കുറ്റക്കാരാണെന്നു വിധിച്ചാല്‍ ശിക്ഷയും ഈയാഴ്ച തന്നെ പ്രഖ്യാപിച്ചേക്കും.

വിധി പ്രസ്താവനയുടെ പശ്ചാത്തലത്തില്‍ കസബിനെ താമസിപ്പിച്ചിരിക്കുന്ന ആര്‍തര്‍ റോഡ് ജയിലിലും കോടതി പരിസരങ്ങളിലും സുരക്ഷ ശക്തമാക്കിയിട്ടുണ്ട്. നഗരത്തില്‍ പൊലീസ് പെട്രോളിംഗ് ഊര്‍ജ്ജിതമാക്കുകയും ബങ്കറുകള്‍ സ്ഥാപിച്ച് 24 മണിക്കൂറും ജാഗരൂകരായിരിക്കാന്‍ പൊലീസിന് നിര്‍ദേശം നല്‍കുകയും ചെയ്തിട്ടുണ്ട്.

No comments: