Thursday, May 6, 2010

കസബിനെ വധിക്കരുതേ: വെര്‍ജീനിയന്‍ വിധവ


Kasab
PRO
PRO
പാകിസ്ഥാന്‍ പൌരനായ അജ്‌മല്‍ കസബിന്റെ വെടികൊണ്ട് ഒബ്‌റോയ് ഹോട്ടലില്‍ മരിച്ചുവീണ അമേരിക്കന്‍ പൌരന്‍ അലന്‍ ഷെറൂമിന്റെ വിധവ കസബിനെ വധശിക്ഷയ്ക്ക് വിധിക്കരുതെന്ന് അപേക്ഷിക്കുന്നു. ഭര്‍ത്താവിനെയും ഒറ്റ മകളെയും വെടിവെച്ചുകൊന്ന കസബിനോട് പൊറുത്തതുകൊണ്ടാണ് ഷെറൂമിന്റെ വിധവയായ കിയ ഇങ്ങിനെ അപേക്ഷിക്കുന്നതെന്ന് കരുതരുത്. ജീവിതകാലം മുഴുവന്‍ ഇന്ത്യന്‍ ജയിലറയില്‍ കിടന്ന് കസബ് നരകിച്ച് മരിക്കണം എന്നാണ് കിയയുടെ ആഗ്രഹം.

കിയയുടെ ഭര്‍ത്താവ്‌ വെര്‍ജീനിയ സ്വദേശിയായ അലന്‍ ഷെറും മകള്‍ നവോമിയും ഒബ്‌റോയ്‌ ഹോട്ടലില്‍ കഴിയുമ്പോഴാണു ഭീകരരുടെ തോക്കിനിരയായത്‌. മുംബൈ ഭീകരാക്രമണക്കേസിലെ പ്രതിയായ കസബിന് എന്ത് ശിക്ഷയാണ് പരമോന്നത നീതിപീഠം നല്‍‌കാന്‍ പോകുന്നതെന്ന് അറിയാന്‍ ലോകം മുഴുവന്‍ ആകാംക്ഷയോടെ കാതോര്‍ത്തിരിക്കുന്നതിന് ഇടയിലാണ് കിയ ഈ വിചിത്രമായ അഭ്യര്‍ത്ഥന നടത്തിയിരിക്കുന്നത്.

“കൊലപാതകത്തിന് പകരം കൊലപാതകമല്ല. അതുകൊണ്ട് ഞാന്‍ വധശിക്ഷയെ അനുകൂലിക്കുന്നില്ല. എന്നാല്‍ ജീവിതകാലം മുഴുവന്‍ ഇന്ത്യന്‍ ജയിലറയില്‍ കിടന്ന് കസബ് നരകിക്കണം. ഇതാണ് ഇന്ത്യന്‍ നീതിന്യായവ്യവസ്ഥയോടുള്ള എന്റെ അപേക്ഷ.”

Kasab, Mumbai, attack, Court | കസബിനെ വധിക്കരുതേ: വെര്‍ജീനിയന്‍ വിധവ

No comments: