Thursday, May 6, 2010

ഇന്ത്യന്‍ സ്പിന്നര്‍മാര്‍ ഭീഷണിയല്ലെന്ന് ക്ലാര്‍ക്ക്


PRO
ട്വന്‍റി-20 ലോകകപ്പിന്‍റെ സൂപ്പര്‍ എട്ടില്‍ ഇന്ത്യന്‍ സ്പിന്നര്‍മാര്‍ തങ്ങള്‍ക്ക് ഭീഷണിയാവില്ലെന്ന് ഓസ്ട്രേലിയന്‍ നായകന്‍ മൈക്കല്‍ ക്ലാര്‍ക്ക്. ഇന്ത്യന്‍ സ്പിന്നര്‍മാരെ നേരിടാന്‍ ഓസീസ് താരങ്ങള്‍ സജ്ജമാണെന്നും ക്ലാര്‍ക്ക് പറഞ്ഞു. പ്രതിഭകളുടെ സംഘമാണ് ഇന്ത്യന്‍ ടീം. ഒരുപറ്റം മികച്ച സ്പിന്നര്‍മാരും അവര്‍ക്കുണ്ട്. ഹര്‍ഭജന്‍ സിംഗ് ലോകോത്തര നിലവാരമുള്ള ബൌളറാണ്. സ്പിന്നര്‍മാരെ കളിക്കാന്‍ ഓരോ ടിമിനും പ്രത്യേക തന്ത്രമുണ്ട്.

ഞങ്ങളും അത്തരം തന്ത്രങ്ങള്‍ക്ക് രൂപം നല്‍കിയിട്ടുണ്ട്. സ്പിന്നിനെ നല്ല രീതിയില്‍ കളിക്കാന്‍ കഴിയുന്ന ബാറ്റ്‌സ്മാന്‍‌മാരും ഞങ്ങള്‍ക്കുണ്ട്. നാളെ എന്തു സംഭവിക്കുമെന്ന് നമുക്ക് കാത്തിരുന്ന് കാണാം. സ്പിന്നര്‍മാര്‍ ഈ ടൂര്‍ണമെന്‍റില്‍ വലിയ സ്വാധീനം ചെലുത്തുമെങ്കിലും ഫാസ്റ്റ് ബൌളര്‍മാര്‍ക്കും തുല്യ അവസരമുണ്ടെന്ന് ക്ലാര്‍ക്ക് ഓര്‍മിപ്പിച്ചു.

ബാര്‍ബഡോസിലെ പിച്ചില്‍ സ്പിന്നര്‍മാര്‍ക്കും ഫാസ്റ്റ് ബൌളര്‍മാര്‍ക്കും തുല്യ അവസരമാണുള്ളത്. ബൌളര്‍മാരുടെ പ്രകടനമായിരിക്കും ഇവിടെ കാര്യങ്ങള്‍ തീരുമാനിക്കുക. 140-150 സ്കോര്‍ ഈ പിച്ചില്‍ പ്രതിരോധിക്കാവുന്നതാണ്. ഓരോ കളിയും ആസ്വദിച്ച് കളിക്കാനാണ് ഞങ്ങള്‍ ശ്രമിക്കുന്നത്. അടുത്ത മത്സരത്തില്‍ ഇന്ത്യ എങ്ങനെ കളിക്കുമെന്നോര്‍ത്ത് ഇപ്പോഴെ ആശങ്കപ്പെടുന്നില്ല

We can handle Indian spinners: Michael Clarke | ഇന്ത്യന്‍ സ്പിന്നര്‍മാര്‍ ഭീഷണിയല്ലെന്ന് ക്ലാര്‍ക്ക്

No comments: