Thursday, May 13, 2010

പുത്തൂര്‍ കസ്റ്റഡി മരണം: പ്രതിപ്പട്ടിക സമര്‍പ്പിച്ചു


PRO
പാലക്കാട് പുത്തൂരില്‍ വീട്ടമ്മയെ കൊലപ്പെടുത്തിയ കേസിലെ പ്രതിയെന്ന് പറയപ്പെടുന്ന സമ്പത്ത് പൊലീസ് കസ്റ്റഡിയില്‍ മരിച്ച സംഭവത്തില്‍ പ്രതിപ്പട്ടിക സമര്‍പ്പിച്ചു.

40 ദിവസം നീണ്ടു നിന്ന അന്വേഷണത്തിനൊടുവിലാണ് പ്രതിപ്പട്ടിക സമര്‍പ്പിച്ചിരിക്കുന്നത്. രണ്ടു എസ് ഐമാരും ഒരു എ എസ് ഐയും ഒമ്പതും പൊലീസുകാരും ഉള്‍പ്പെടെ 12 പേരാണ് പ്രതിപ്പട്ടികയില്‍ ഉള്ളത്.

പാലക്കാട് നോര്‍ത്ത് എസ് ഐ എസ്ഐ പി വി രമേഷ്, സൌത്ത് എസ്ഐ ഉണ്ണികൃഷ്ണന്‍, എ എസ് ഐ രാമചന്ദ്രന്‍ പൊലീസുകാരായ ജോണ്‍റോബോ, മാധവന്‍, പ്രദീപ് കുമാര്‍, വിജയന്‍, ബിജു, ശ്യാമപ്രസാദ്, റഷീദ്, ഷില്ലന്‍, ബ്രിജിത്ത് എന്നിവരുമാണ് പ്രതിപ്പട്ടികയില്‍ ഉള്ളത്.

പുത്തൂരില്‍ പട്ടാപ്പകല്‍ വീട്ടമ്മയെ കഴുത്തറുത്ത് കൊന്ന കേസിലെ മുഖ്യപ്രതിയായ സമ്പത്ത്‌ മാര്‍ച്ച് 29ന് രാത്രിയാണ്‌ പൊലീസ് കസ്റ്റഡിയില്‍ മരിച്ചത്‌. നെഞ്ചുവേദനയെതുടര്‍ന്നാണ്‌ മരണമെന്നായിരുന്നു പൊലീസിന്‍റെ വിശദീകരണം. എന്നാല്‍ പൊലീസ് മര്‍ദ്ദനം മൂലമാണ് സമ്പത്ത് കൊല്ലപ്പെട്ടതെന്ന് ബന്ധുക്കര്‍ ആരോപിച്ചിരുന്നു

Puthoor Custody death: Accused list submited | പുത്തൂര്‍ കസ്റ്റഡി മരണം: പ്രതിപ്പട്ടിക സമര്‍പ്പിച്ചു

No comments: