Thursday, May 6, 2010

ഓട്ടോ കമ്പനികള്‍ പ്രവര്‍ത്തനം വിപുലപ്പെടുത്തുന്നു

രാജ്യത്തെ പ്രമുഖ വാഹനനിര്‍മ്മാണ കമ്പനികള്‍ ഉത്തരാഖണ്ഡിലെ പ്രവര്‍ത്തനം വിപുലപ്പെടുത്താന്‍ പദ്ധതിയിടുന്നു. രാജ്യത്തെ വാഹന വിപണിയില്‍ മികച്ച മുന്നേറ്റം നടത്തുന്നതിന്റെ ഭാഗമായാണിത്. ടാറ്റാ മോട്ടോര്‍സ്, ഹീറോ ഹോണ്ട, ബജാജ് ഓട്ടോ കമ്പനികളാണ് ഉത്തരാഖണ്ഡിലെ പ്രവര്‍ത്തനം വിപുലപ്പെടുത്തുന്നത്.

പ്രവര്‍ത്തനം വിപുലപ്പെടുത്തുന്നത് സംബന്ധിച്ച് മൂന്നു കമ്പനികളും സര്‍ക്കാറുമായി ചര്‍ച്ച നടത്തിവരികയാണ്. പുതിയ പദ്ധതിക്ക് ആവശ്യമായ അടിസ്ഥാന സൌകര്യങ്ങള്‍, സൌജന്യ ഭൂമി, മറ്റു സംവിധാനങ്ങള്‍ സംബന്ധിച്ച് ചര്‍ച്ച നടത്തേണ്ടതുണ്ടെന്ന് മൂന്ന് കമ്പനികളുടെയും മേധാവികള്‍ അറിയിച്ചു.

ഉത്തരാഖണ്ഡില്‍ പ്രവര്‍ത്തിക്കുന്ന പ്രമുഖ വാഹനനിര്‍മ്മാണ കമ്പനികള്‍ പ്ലാന്റുകള്‍ വിപുലീകരിക്കുന്നത് സംബന്ധിച്ച് വിവരം ലഭിച്ചതായി മുഖ്യമന്ത്രി രമേഷ് പൊക്രിയാല്‍ നിശങ്ക് അറിയിച്ചു. രാജ്യത്തെ കൂടുതല്‍ ഓട്ടോ പ്ലാന്റുകള്‍ വരുന്നത് സംസ്ഥാനത്തെ വികസനത്തെ ഏറെ സ്വാധീനിക്കുമെന്നും മുഖ്യമന്ത്രി പറഞ്ഞു.

Auto companies may plan expansion in Uttarakhand | ഓട്ടോ കമ്പനികള്‍ പ്രവര്‍ത്തനം വിപുലപ്പെടുത്തുന്നു

No comments: