Wednesday, May 19, 2010

കസബിനെ ആര്‍ക്കും തൂക്കിലേറ്റാം!




PTI
മുംബൈ ഭീകരാക്രമണക്കേസില്‍ വധശിക്ഷയ്ക്ക് വിധിക്കപ്പെട്ട പ്രതി അജ്മല്‍ അമീര്‍ കസബിനെ ആര്‍ക്കുവേണമെങ്കിലും തൂക്കിലേറ്റാം. എന്നുമാത്രമല്ല, എത്ര തവണ തൂക്കിലേറ്റാനും അവസരമുണ്ട്!. എന്താണ് പറഞ്ഞുവരുന്നത് എന്നാണോ? ഒരു ഓണ്‍ലൈന്‍ ഗെയിം എത്തിയിരിക്കുന്നു. കസബിനെ തൂക്കിലേറ്റി ആശ തീര്‍ക്കുകയാണ് ഗെയിമിന്‍റെ ഉദ്ദേശ്യം.

‘ഹാങ് കസബ്’ എന്നാണ് ഗെയിമിന്‍റെ പേര്. ഒരു നിശ്ചിത സമയം ഉപയോക്താക്കള്‍ക്ക് നല്‍കും. അതിനുള്ളില്‍ എത്രയധികം തവണ കസബിനെ തൂക്കിലേറ്റാന്‍ സാധിക്കും എന്നതാണ് ഗെയിം. ഏറ്റവും കൂടുതല്‍ തവണ തൂക്കിലേറ്റുന്നവര്‍ വിജയികളാകും!

ഓണ്‍ലൈന്‍ റിയല്‍ ഗെയിംസ് ഡോട്ട് കോം എന്ന വെബ്സൈറ്റാണ് ഈ ഗെയിമുമായി രംഗത്തെത്തിയിരിക്കുന്നത്. ഗെയിമിന് സമ്മിശ്ര പ്രതികരണമാണ് ലഭിച്ചിട്ടുള്ളത്. ഗെയിമിനെക്കുറിച്ച് അഭിപ്രായമെഴുതാനുള്ള വേദിയും വെബ്സൈറ്റ് ഒരുക്കിയിട്ടുണ്ട്.

“കസബിനെ തൂക്കിലേറ്റാന്‍ കഴിഞ്ഞതില്‍ സന്തോഷം...” എന്ന രീതിയിലുള്ള കമന്‍റുകള്‍ ഉപയോക്താക്കള്‍ കമന്‍റ് ബോക്സില്‍ എഴുതിയിരിക്കുന്നത് കാണാം. രാജ്യത്തിനെതിരെ യുദ്ധം ചെയ്തവനോടുള്ള അടങ്ങാത്ത ദേഷ്യം പ്രകടിപ്പിക്കാന്‍ ഒരു അവസരമായാണ് മിക്ക ഉപയോക്താക്കളും ഈ ഗെയിമിനെ കാണുന്നതെന്നാണ് റിപ്പോര്‍ട്ടുകള്‍. സെവന്‍ സീസ് ടെക്നോളജീസാണ് ഈ സൈറ്റ് നടത്തുന്നത്

Kasab 'hanged' a number of times | കസബിനെ ആര്‍ക്കും തൂക്കിലേറ്റാം!

No comments: