Sunday, May 23, 2010

കൃഷ്ണയുടെ പിതാവ് ഫോര്‍സ്റ്റ്മാനെന്ന് പദ്മ


PRO
സല്‍മാന്‍ റുഷ്ദിയുടെ മുന്‍ ഭാര്യയും ഗ്ലാമര്‍ മോഡലുമായ പദ്മ ലക്ഷ്മി അവസാനം മനസ്സു തുറന്നു. മാധ്യമങ്ങള്‍ മാസങ്ങളായി നടത്തിയിരുന്ന ഊഹാപോഹങ്ങള്‍ക്ക് വിരാമമിട്ടുകൊണ്ട് തന്റെ മകളുടെ പിതാവ് ആരെന്ന് പദ്മ വെളിപ്പെടുത്തി.

കോടീശ്വരനായ ടെഡി ഫോര്‍സ്റ്റ്മാനെയാണ് താന്‍ സ്നേഹിക്കുന്നത് എന്നും തന്റെ മകള്‍ കൃഷ്ണയുടെ പിതാവ് അദ്ദേഹമാണെന്നും പദ്മ വെളിപ്പെടുത്തി. തനിക്ക് സ്നേഹവും പിന്തുണയും നല്‍കിയതിന് ടെഡിയോടുള്ള നന്ദി പരസ്യമായി വെളിപ്പെടുത്താനും പദ്മ മടിച്ചില്ല.

ഫെബ്രുവരിയിലാണ് 39 വയസ്സുള്ള പദ്മ ഒരു പെണ്‍കുഞ്ഞിനു ജന്മം നല്‍കിയത്. എന്നാല്‍, കുട്ടിയുടെ പിതാവ് ആരെന്ന ചോദ്യത്തിനോട് പ്രതികരിക്കാന്‍ അവര്‍ ഇതുവരെ തയ്യാറായിരുന്നില്ല.

സല്‍മാന്‍ റുഷ്ദിയും പദ്മയും തമ്മില്‍ 2004 ഏപ്രിലില്‍ ആണ് വിവാഹിതരായത്. മൂന്ന് വര്‍ഷം നീണ്ട ദാമ്പത്യം 2007 ജൂലൈയില്‍ അവസാനിച്ചു. ഇതിനിടെ, ലോക പ്രശസ്ത കമ്പ്യൂട്ടര്‍ വ്യാപാരിയായ മൈക്കല്‍ ഡെല്ലിന്റെ സഹോദരന്‍ ആദം ഡെല്‍ ആണ് പദ്മയുടെ കുട്ടിയുടെ അച്ഛനെന്ന വാര്‍ത്തയും പരന്നിരുന്നു

Padma reveals billionaire Forstmann as her love | കൃഷ്ണയുടെ പിതാവ് ഫോര്‍സ്റ്റ്മാനെന്ന് പദ്മ

No comments: