Thursday, May 6, 2010

തരൂര്‍-സുനന്ദ വിവാഹനിശ്ചയം ജൂണ്‍ 27ന്?

ഐപി‌എല്‍ വിവാദത്തിന്‍റെ പേരില്‍ കേന്ദ്രമന്ത്രിസ്ഥാനം രാജിവച്ച ശശി തരൂരും സുഹൃത്ത് സുനന്ദ പുഷ്കറുമായുള്ള വിവാഹ നിശ്ചയം ജൂണ്‍ 27നെന്ന് റിപ്പോര്‍ട്ട്. മുംബൈ ആസ്ഥാനമായുള്ള ഏതാനും മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. എന്നാല്‍ തരൂരില്‍ നിന്നോ അദ്ദേഹവുമായി ബന്ധപ്പെട്ട ആ‍രില്‍ നിന്നുമോ ഇക്കാര്യത്തില്‍ സ്ഥിരീ‍കരണം ലഭിച്ചിട്ടില്ല.

നടനും സംവിധായകനും കോണ്‍ഗ്രസ് വൃത്തങ്ങളുമായി ഏറെ അടുപ്പവുമുള്ള സഞ്ജയ് ഖാന്‍റെ ബാംഗ്ലൂരിലുള്ള ആഡംബര ഹോട്ടലായ ഗോള്‍ഡന്‍ പാംസ് റിസോര്‍ട്ട് ആന്‍റ് സ്പായിലാണ് നിശ്ചയം നടക്കുകയെന്നാണ് റിപ്പോര്‍ട്ട്. വിവാഹത്തെക്കുറിച്ച് സുനന്ദ ദുബായിലും മുംബൈയിലുമുള്ള അടുത്ത സുഹൃത്തുക്കളുമായും കുടുംബവുമായും ചര്‍ച്ച ചെയ്തുകൊണ്ടിരിക്കുകയാണെന്നും റിപ്പോര്‍ട്ടില്‍ പറയുന്നു.

കേന്ദ്രമന്ത്രിസ്ഥാനം രാജിവയ്ക്കുന്നതിന് ഒരാഴ്ച മുന്‍പ് തരൂരും സുനന്ദയും സുഹൃത്തുക്കളും ഈ ഹോട്ടലില്‍ തങ്ങിയിരുന്നതായും അങ്ങനെയാണ് നിശ്ചയത്തിന് ഈ സ്ഥലം തെരഞ്ഞെടുത്തതെന്നും റിപ്പോര്‍ട്ടില്‍ പറയുന്നു. എന്നാല്‍ ഇതേക്കുറിച്ച് സ്ഥിരീകരണത്തിനായി സഞ്ജയ് ഖാനെ ബന്ധപ്പെട്ടെങ്കിലും ഒന്നുമറിയില്ലെന്നായിരുന്നു മറുപടിയെന്നും റിപ്പോര്‍ട്ടുകളില്‍ പറയുന്നു.

Tharoor may get engaged to Sunanda Pushkar by June 27: Reports | തരൂര്‍-സുനന്ദ വിവാഹനിശ്ചയം ജൂണ്‍ 27ന്?

No comments: