Thursday, May 6, 2010

രൂപയുടെ മൂല്യത്തില്‍ 17 പൈസ ഇടിവ്

യുഎസ് ഡോളറിനെതിരെ രൂപയുടെ മൂല്യത്തില്‍ ഇടിവ്. വ്യാഴാഴ്ച പതിനേഴു പൈസയുടെ ഇടിവാണ് വിപണിയില്‍ രേഖപ്പെടുത്തിയിരിക്കുന്നത്. വിദേശ മൂലധന നിക്ഷേപത്തില്‍ ഇടിവുണ്ടാകുമെന്ന ഭീതിയാണ് രൂപയുടെ മൂല്യം താഴാനിടയാക്കിയത്.

ഫൊറെക്സ് വിപണിയില്‍ ആഭ്യന്തര കറന്‍സിയുടെ മൂല്യം ഡോളറിന് 44.10 രൂപയെന്ന നിലയിലാണ് ഇപ്പോള്‍ വ്യാപാരം നടക്കുന്നത്. കഴിഞ്ഞ ദിവസം ഡോളറിനെതിരെ 32 പൈസയുടെ ഇടിവോടെ 44.93/94 എന്ന നിലയിലായിരുന്നു വ്യാപാരം ക്ലോസ് ചെയ്തിരുന്നത്.

ഏഷ്യന്‍, യു എസ് വിപണികളിലെ മാന്ദ്യവും രൂപയെ ബാധിച്ചിട്ടുണ്ട്. ആഭ്യന്തര വിപണിയില്‍ തുടക്ക വ്യാപാരത്തില്‍ തന്നെ വന്‍ ഇടിവാണ് പ്രകടമായിരിക്കുന്നത്. ആഭ്യന്തര വിപണിയില്‍ സെന്‍സെക്സ്, നിഫ്റ്റി ഓഹരികള്‍ ആദ്യ അഞ്ചു മിനുറ്റില്‍ തന്നെ താഴോട്ടുപോയി.

Rupee depreciates 17 p against dollar in early trade | രൂപയുടെ മൂല്യത്തില്‍ 17 പൈസ ഇടിവ്

No comments: