Saturday, April 17, 2010

ഹൊറര്‍ ചലഞ്ച് ഏറ്റെടുക്കാന്‍ വീണ്ടും

തിയെറ്ററില്‍ നിറയെ ആളിരിക്കുമ്പോള്‍ പോലും പേടിക്കുന്ന സിനിമ, അത് തനിച്ചിരുന്ന് കാണുന്നവനു സമ്മാനം നല്‍കുമെന്നു പറഞ്ഞാല്‍ എത്ര തുക കിട്ടുമെന്നു പറഞ്ഞാലും ആരും ഒന്നു മടിക്കും. എന്നാല്‍ കുടക് സ്വദേശിയായ പവിന്‍ പൊന്നണ്ണ ഇതൊന്നും കാര്യമാക്കുന്നില്ല. രാംഗോപാല്‍ വര്‍മയുടെ പേടിപ്പിക്കുന്ന ചിത്രം ഫൂങ്കിന്‍റെ ആദ്യ ഭാഗം ഒരു പേടിയുമില്ലാതെ കണ്ട പവിന്‍ അന്നത്തെ മത്സരത്തില്‍ ജേതാവായിരുന്നു. ഇന്നിതാ ചിത്രത്തിന്‍റെ രണ്ടാം ഭാഗം പുറത്തിറങ്ങുമ്പോള്‍ മത്സരം വീണ്ടും, മത്സരിക്കാന്‍ പവിനും. ആദ്യ മത്സരത്തില്‍ വിജയിച്ച ശേഷം തന്നെ ഫൂങ്ക് പവിന്‍ എന്നാണ് എല്ലാവരും വിളിക്കാറെന്നു പവിന്‍ പറയുന്നു.

നാട്ടില്‍ എല്ലാവരും ബഹുമാനിക്കുന്നു. വിവിധ സംഘടനകളില്‍ നിന്നായി നാല്‍പ്പതിലധികം ബഹുമതികള്‍. നൂറിലേറെ ചടങ്ങുകളുടെ ചീഫ് ഗസ്റ്റ്. ഇതൊന്നും പോരാതെ തന്‍റെ നേട്ടത്തിന്‍റെ പേരില്‍ ലിംക ബുക്ക് ഒഫ് വേള്‍ഡ് റെക്കോഡ്സിലും ഇടം നേടി പവിന്‍. ഇത്തവണ മത്സരം കുറച്ചു കൂടി കടുത്തതാവും. സിനിമ കാണാന്‍ തനിച്ചെത്തുന്ന വ്യക്തിയുടെ ഹൃദയവുമായി ഒരു ഇസിജി മോണിറ്റര്‍ ഘടിപ്പിച്ചിരിക്കും. പേടിയുടെ ഏറ്റക്കുറച്ചിലുകള്‍ കൂടുതല്‍ വ്യക്തമാകാനാണിത്. എന്നാല്‍ ഇത്തരം എല്ലാ ഹെല്‍ത്ത് മോണിറ്ററിങ്ങും നേരിടാന്‍ താന്‍ ഒരുക്കമാണെന്നു പവിന്‍. എന്നാല്‍ പവിന്‍റെ അച്ഛന് അത്ര ധൈര്യം പോരാ. വീട്ടില്‍ത്തന്നെ പൂജയൊക്കെ നടത്താനാണ് ബന്ധുക്കളുടെ തീരുമാനം.
http://www.metrovaartha.com/2010/04/17002702/horror20100417.html

No comments: