Monday, April 12, 2010

രാജ്യസഭാ കോടീശ്വര പ്രഭു രാഹുല്‍ ബജാജ്!

രാജ്യസഭയിലെ നൂറോളം അംഗങ്ങള്‍ക്ക് ഒരു കോടിയിലധികം രൂപയുടെ സ്വത്ത് ഉണ്ടെന്ന് ഒരു സര്‍ക്കാരിതര സംഘടനയുടെ വിശകലന റിപ്പോര്‍ട്ട്. മഹാരാഷ്ട്രയില്‍ നിന്നുള്ള സ്വന്തന്ത്ര എം‌പി രാഹുല്‍ ബജാജ് ആണ് രാജ്യസഭയിലെ കോടിപതികളില്‍ മുമ്പന്‍ എന്നും ‘അസോസിയേഷന്‍ ഓഫ് ഡമോക്രാറ്റിക് റിഫോംസ്’ (എ‌ഡി‌ആര്‍) എന്ന സംഘടന പുറത്തുവിട്ട റിപ്പോര്‍ട്ടില്‍ പറയുന്നു.

അതേസമയം, കോടിപതികളുടെ ഇടയില്‍ ഒരു രൂപ പോലും ആസ്തിയില്ലാത്ത രണ്ട് നേതാക്കളും ഉണ്ട്. തമിഴ്നാട്ടില്‍ നിന്നുള്ള സിപി‌ഐ നേതാവ് ഡി രാജയ്ക്കും പശ്ചിമ ബംഗാളില്‍ നിന്നുള്ള സമന്‍ പഥക്കിനുമാണ് സമ്പാദ്യങ്ങളില്ലാത്തത്.

ബജാജിന് 300 കോടിയുടെ സ്വത്താണ് ഉള്ളത്. കര്‍ണാടകയില്‍ നിന്നുള്ള ജനതാദള്‍ പ്രതിനിധി എം‌എ‌എം രാമസ്വാമി 278 കോടി രൂപയുടെയും ആന്ധ്രയില്‍ നിന്നുള്ള കോണ്‍ഗ്രസ് എം‌പി ടി സുബ്രമണി റെഡ്ഡി 272 കോടി രൂപയുടെയും ആസ്തിയുമായി രാഹുല്‍ ബജാജിനു തൊട്ടുപിന്നിലുണ്ട്.

No comments: