Monday, April 12, 2010

ഐപിഎല്‍: കേരളത്തിന് എന്ത് നേട്ടം?


അങ്ങനെ വര്‍ഷങ്ങളോളം ആശിച്ച് ആഗ്രഹിച്ച് കാത്തിരുന്ന മലയാളിക്കും കിട്ടി ഐ പി എല്‍ ട്വന്റി-20 ടീം. കേന്ദ്രമന്ത്രി ശശി തരൂരും അല്‍‌പം ബിസിനസ് മേധാവികളും പണം വലിച്ചെറിഞ്ഞ് ഐ പി എല്‍ ടീം നേടിയപ്പോള്‍ ഉത്സവപറമ്പില്‍ നിന്ന് ബലൂണ്‍ വാങ്ങിയ കുട്ടിയുടെ ആഹ്ലാദമായിരുന്നു മലയാളിക്ക്. മാധ്യമങ്ങളും ക്രിക്കറ്റ് ആരാധകരും ആവേശത്തോടെ സ്വീകരിച്ച ഐ പി എല്‍ ടീമിന്റെ കയ്യും കാലും വളരുന്നതിന് നോക്കിയിരിപ്പാണ് ഇപ്പോള് എല്ലാവരും‍. ആരൊക്കെയെ ടീമില്‍ എടുക്കണം, ആരാകണം അംബാസഡര്‍, കളിക്കളങ്ങള്‍ എവിടെ അങ്ങനെ ഒരു നൂറായിരം വാര്‍ത്തകളുമായാണ് ഓരോ ദിനവും മാധ്യമങ്ങള്‍ പുറത്തിറങ്ങുന്നത്.

ഇന്ത്യന്‍ പ്രീമിയര്‍ലീഗിന്റെ ആവേശക്കാഴ്ചകളില്‍ കേരളവും പങ്കാളികളാകുന്നുവെന്നത്‌ ഏറെ സന്തോഷകരമാണെന്ന് മന്ത്രിമാര്‍ പോലും അറിയിച്ചു കഴിഞ്ഞു‌. ഇനി അച്ചുമാമനും മറ്റു മന്ത്രിമാരുമൊക്കെ ആഗോള ചാനലുകളില്‍ നിറഞ്ഞു നില്‍ക്കും. ഓരോ മത്സരത്തിന്റെയും സമ്മാനദാന ചടങ്ങില്‍ പങ്കെടുക്കാന്‍ മുഖ്യമന്ത്രിയെ വിളിക്കും. അങ്ങനെ കേരളവും പ്രസിദ്ധിയുടെ നെറുകയിലേക്ക് കടന്നുകയറും.

No comments: