Monday, April 19, 2010

സച്ചിന്‍ ദു:ഖിക്കേണ്ടി വരും: പി ടി ഉഷ

ഇന്ത്യന്‍ പ്രീമിയര്‍ ലീഗ് പോലെയുള്ള വൃത്തികെട്ട കച്ചവടത്തില്‍ ഭാഗമായതിന്‍റെ പേരില്‍ രാജ്യത്തിന്‍റെ അഭിമാന താരങ്ങളായ സച്ചിനും ഗാംഗുലിയും ദ്രാവിഡും കുംബ്ലെയുമെല്ലാം ഭാവിയില്‍ ദു:ഖിക്കേണ്ടി വരുമെന്ന് ഒളിമ്പ്യന്‍ പി ടി ഉഷ. കളിക്കുന്നവരിലോ കാണികളിലോ ഒരു വിധത്തിലുള്ള ദേശസ്നേഹവും ഉണര്‍ത്താത്ത ഇന്ത്യന്‍ പ്രീമിയര്‍ ലീഗ് വെറും കച്ചവടമാണെന്നും ഒരു ദേശീയ മാധ്യമത്തിന് നല്‍കിയ അഭിമുഖത്തില്‍ പയ്യോളി എക്സ്പ്രസ് പറഞ്ഞു.

ഫുട്ബോളും ക്രിക്കറ്റും എനിക്കിഷ്ടമാണ്. എന്നാല്‍ ഐ പി എല്ലില്‍ എനിക്ക് താല്‍‌പ്പര്യമില്ല. അതൊരു കായിക മത്സരമല്ല. വെറും കച്ചവടമാണ്. അതും വൃത്തികെട്ട രീതിയില്‍ നടത്തുന്ന കച്ചവടം. കളിക്കാര്‍ കളിക്കുന്നത് രാജ്യത്തിനു വേണ്ടിയല്ല. തങ്ങളുടെ മുതലാളിമാര്‍ക്ക് വേണ്ടിയാണ്. ഐ പി എല്‍ കണ്ടും എഴുതിയും പറഞ്ഞുമെല്ലാം നമ്മള്‍ നമ്മുടെ വിലപ്പെട്ട സമയം നഷ്ടമാക്കുകയാണ്. ഒളിമ്പിക്സില്‍ മെഡല്‍ നേടുക എന്നതു പോലെ ഈ രാജ്യത്ത് നമുക്ക് ആശങ്കപ്പെടാന്‍ വേറെ എത്രയോ കാര്യങ്ങളുണ്ട്.

Sachin may regret: PT Usha | സച്ചിന്‍ ദു:ഖിക്കേണ്ടി വരും: പി ടി ഉഷ

No comments: