Tuesday, April 13, 2010

“ഇനി സുരേഷ്ഗോപി ജീവിച്ചിരിപ്പില്ല”


“കേരളത്തിലെ ഒരു പ്രശ്നത്തിലും ഇനി അഭിപ്രായം പറയില്ല. ഇനി സുരേഷ്‌ ഗോപി ജീവിച്ചിരിപ്പില്ല” - ആക്ഷന്‍ ഹീറോ സുരേഷ്ഗോപിയുടെ വാക്കുകള്‍. തനിക്കെതിരെ നടന്‍ ജഗദീഷ് നടത്തിയ ആരോപണങ്ങളോട് പ്രതികരിക്കുകയായിരുന്നു സുരേഷ്ഗോപി.

സിനിമാതാരങ്ങള്‍ ടെലിവിഷനില്‍ പ്രത്യക്ഷപ്പെടുന്നത് നിയന്ത്രിക്കണമെന്ന് അഭിപ്രായം പറഞ്ഞതില്‍ താന്‍ ഇപ്പോള്‍ ഖേദിക്കുന്നതായും സുരേഷ്ഗോപി പറഞ്ഞു. ഒരു ടി വി ചാനലിന് അനുവദിച്ച അഭിമുഖത്തിലാണ് സുരേഷ്ഗോപി ഇങ്ങനെ പറഞ്ഞത്. സുരേഷ്ഗോപിയുടെ അഭിപ്രായപ്രകടനത്തിനെതിരെ രൂക്ഷമായ ഭാഷയില്‍ കഴിഞ്ഞ ദിവസം ജഗദീഷ് പ്രതികരിച്ചിരുന്നു.

“ജഗദീഷേട്ടനെ പ്രതികൂലമായി ബാധിക്കുന്ന എന്തെങ്കിലും ഞാന്‍ പറഞ്ഞതായി കരുതുന്നില്ല. ജഗദീഷേട്ടന്‍ എനിക്കെതിരെ പറഞ്ഞ പലകാര്യങ്ങളും വ്യക്തിപരമായിപ്പോയി. അതില്‍ വേദനയുണ്ട്. അദ്ദേഹം ഇപ്പോള്‍ നടത്തുന്ന ആരോപണങ്ങളുടെ പ്ലാനിംഗ് എന്താണെന്ന് എനിക്കറിയില്ല. കൊല്ലം സ്വദേശിയായ നടനുമായി എനിക്ക് യാതൊരു പ്രശ്നവുമില്ല. അദ്ദേഹത്തിനൊപ്പം ഒരു മാസം മുമ്പും ഞാന്‍ ഒരു സിനിമയില്‍ അഭിനയിച്ചതാണ്.” - സുരേഷ്ഗോപി വ്യക്തമാക്കി.

Sureshgopi VS Jagadeesh | “ഇനി സുരേഷ്ഗോപി ജീവിച്ചിരിപ്പില്ല”

No comments: