Friday, April 16, 2010

ഫേസ് ബുക്കില്‍ ബിന്‍ ലാദനും?

അല്‍ കൊയ്ദ നേതാവ് ഒസാമ ബിന്‍ ലാദന്‍ സോഷ്യല്‍ നെറ്റ്‌വര്‍ക്കിംഗ് സൈറ്റായ ഫേസ്ബുക്ക് ഉപയോഗിക്കുന്നതായി റിപ്പോര്‍ട്ട്. ദ ലീഡര്‍ ഓഫ് ദ മുജാഹിദ്ദീന്‍ എന്ന പേരിലാണ് ലാദന്‍ ഫേസ് ബുക്ക് ഉപയോഗിക്കുന്നത്. ലോകത്തെ പര്‍വ്വതങ്ങളില്‍ എന്നാണ് മേല്‍‌വിലാസമായി ലാദന്‍ രേഖപ്പെടുത്തിയിരിക്കുന്നത്.

ബ്രട്ടീഷ് പത്രമായ ദ സണ്‍ ആണ് ഇക്കാര്യം റിപ്പോര്‍ട്ട് ചെയ്തത്. വീഡിയോ ദൃശ്യങ്ങളും പ്രസംഗങ്ങളും പോസ്റ്റ് ചെയ്യാനായിട്ടാണ് ലാദന്‍ ഫേസ്ബുക്കില്‍ അക്കൌണ്ട് തുടങ്ങിയതെന്നാണ് വിവരം. നിലവില്‍ അല്‍കൊയ്ദയുടെ വെബ്സൈറ്റുകള്‍ വഴിയും ചില അറബ് ചാനലുകള്‍ വഴിയുമാണ് അല്‍ കൊയ്ദ ലാദന്‍റെ സന്ദേശവും ചിത്രങ്ങളും പുറത്തുവിടുക. ആധുനീക സാങ്കേതിക വിദ്യ ഉപയോഗിച്ച് ആശയപ്രചാരണത്തിലൂടെ കൂടുതല്‍ അണികളെ സംഘടനയിലേക്ക് ആകര്‍ഷിക്കാനും ലാദന്‍ ലക്‍ഷ്യമിടുന്നുണ്ടെന്ന് പത്രം റിപ്പോര്‍ട്ട് ചെയ്യുന്നു.

Osama bin Laden using Facebook: Report | ഫേസ് ബുക്കില്‍ ബിന്‍ ലാദനും?

No comments: