Monday, April 26, 2010

വര്‍ക്കല രാധാകൃഷ്ണന്‍ അന്തരിച്ചു



PRO
മുന്‍ എം പി വര്‍ക്കല രാധാകൃഷ്ണന്‍ അന്തരിച്ചു. കഴിഞ്ഞദിവസം പ്രഭാത സവാരിക്കിടെയുണ്ടായ അപകടത്തെ തുടര്‍ന്ന് ചികിത്സയിലായിരുന്നു. തിരുവനന്തപുരം മെഡിക്കല്‍ കോളജ് ആശുപത്രിയില്‍ വെച്ചായിരുന്നു അന്ത്യം.

വര്‍ക്കലയില്‍ ആര്‍ വാസുദേവന്‍റെയും ദാക്ഷായണിയുടെയും മകനായി 1927ല്‍ ജനിച്ച രാധാകൃഷ്ണന്‍ ബിരുദവും ബിരുദാനന്തര ബിരുദവും നേടിയ ശേഷം അഭിഭാഷകനായി തിരുവനന്തപുരം ജില്ലാ കോടതിയില്‍ പ്രാക്ടീസ് ചെയ്തു. മികച്ച അഭിഭാഷകനെന്ന് പേരെടുത്ത രാധാകൃഷ്ണന്‍ 1958ല്‍ വര്‍ക്കല പഞ്ചായത്ത് പ്രസിഡന്‍റായി തെരഞ്ഞെടുക്കപ്പെട്ടതോടെയാണ് പൊതുപ്രവര്‍ത്തന രംഗത്ത് സജീവമായത്.

കമ്യൂണിസ്റ്റ്‌ പാര്‍ട്ടിയുടെ പിളര്‍പ്പിനുശേഷം അദ്ദേഹം സി പി എമ്മിന്‍റെ ഭാഗമായിരുന്നു. 1965ലെ നിയമസഭാ തെരഞ്ഞെടുപ്പില്‍ വര്‍ക്കല നിയോജകമണ്ഡലത്തില്‍ നിന്നായിരുന്നു കന്നി അങ്കം. സി പി എം സ്ഥാനാര്‍ഥിയായ വര്‍ക്കല കോണ്‍ഗ്രസിലെ കെ ഷാഹുല്‍ ഹമീദിനോടു തോല്‍ക്കുകയായിരുന്നു.

1967 ല്‍ വര്‍ക്കല മണ്ഡലം സി പി ഐക്കു നല്‍കി. ഇടതുമുന്നണി വിജയിച്ചപ്പോള്‍ ഇ എം എസ്‌ മുഖ്യമന്ത്രിയായി. മുഖ്യമന്ത്രിയുടെ പ്രൈവറ്റ്‌ സെക്രട്ടറിയായി പാര്‍ട്ടി വര്‍ക്കലയെ നിയമിച്ചു. 70 ല്‍ വീണ്ടും മല്‍സരിച്ചെങ്കിലും സി പി ഐ യും കോണ്‍ഗ്രസും ഒരേ മുന്നണിയിലായിരുന്നതിനാല്‍ വര്‍ക്കല പരാജയപ്പെട്ടു.

Ex-MP Varkala Radhakrishnan passes away | വര്‍ക്കല രാധാകൃഷ്ണന്‍ അന്തരിച്ചു

No comments: