Friday, April 16, 2010

വിവാഹമോചിതനെങ്കിലും മുന്‍ഭാര്യയുടെ ഫ്‌ളാറ്റില്‍ താമസിക്കാന്‍ കോടതി അനുമതി

അറുപതു കഴിഞ്ഞ ദമ്പതികളുടെ വിവാഹമോചനം അംഗീകരിച്ച ബോംബെ ഹൈക്കോടതി മുന്‍ഭാര്യയുടെ പേരിലുള്ള ഫ്‌ളാറ്റില്‍ താമസിക്കാന്‍ മുന്‍ഭര്‍ത്താവിന്‌ അനുമതി നല്‍കി. 1969 ഏപ്രിലില്‍ വിവാഹിതരായ ഷരദിന്റേയും മീനയുടേയും കേസിലാണു രസകരമായ വിധി. മുതിര്‍ന്ന രണ്ട്‌ ആണ്‍മക്കളുണ്ട്‌ ഇവര്‍ക്ക്‌. കടുത്ത അഭിപ്രായഭിന്നതയേത്തുടര്‍ന്ന്‌ 1980ല്‍ ഭര്‍ത്താവിനെ ഉപേക്ഷിച്ച മീന ഡല്‍ഹിയിലേക്കു താമസം മാറി. ജൂഹുവിനു സമീപം ഷരദ്‌ താമസിച്ചിരുന്ന ഫ്‌ളാറ്റ്‌ വാങ്ങിയിരുന്നതു മീനയുടെ പേരിലാണ്‌. ഫ്‌ളാറ്റിന്റെ ഉടമസ്‌ഥത അവകാശപ്പെട്ടു ഷരദ്‌ 1981ല്‍ കോടതിയില്‍ കേസ്‌ നല്‍കി. തന്റെ പണം കൊണ്ടാണു ഫ്‌ളാറ്റ്‌ വാങ്ങിയതെന്നായിരുന്നു ഷരദിന്റെ വാദം. എങ്കിലും പിന്നീട്‌ ഇദ്ദേഹം ഭാര്യയുമായി ഒത്തുതീര്‍പ്പിലെത്തി. നിയമപരമായി മീന തന്നെയാണു ഫ്‌ളാറ്റിന്റെ ഉടമസ്‌ഥയെന്നു ഷരദ്‌ അംഗീകരിച്ചു. ഷരദുമായി ഫ്‌ളാറ്റ്‌ പങ്കുവയ്‌ക്കാന്‍ മീനയും തയാറായി.
http://mangalam.com/index.php?page=detail&nid=291354&lang=malayalam

No comments: