Tuesday, April 13, 2010

പണക്കൊഴുപ്പിന്‍റെ ആഘോഷരാവുകള്‍

അധികാരവും പണവും ചേരുന്നിടത്ത് എല്ലം നിയമവിധേയമാകുമെന്നത് അലിഖിത നിയമമാണ്. സ്ത്രീയും മദ്യവും ഒന്നും അവിടെ നിയമവിരുദ്ധമല്ല. ഇനിയും സംശയമുണ്ടെങ്കില്‍ ഇന്ത്യന്‍ പ്രീമിയര്‍ ലീഗെന്ന കുട്ടിക്രിക്കറ്റിന്‍റെ മാമാങ്ക വേദിയിലേക്ക് ഒന്ന് കണ്ണോടിച്ച് നോക്കു. ഈ ഭൂമിയിലുള്ള എല്ലാം ആസ്വദിക്കാനുള്ളതും വില്‍‌പ്പനയ്ക്കുള്ളതുമാണെന്ന ലളിത് മോഡിയുടെ ആപ്തവാക്യം നടപ്പില്‍ വരുമ്പോള്‍ പ്രേക്ഷകനെന്ന് വിളിക്കാന്‍ വിധിക്കപ്പെട്ടവന്‍ എന്തൊക്കെ കാണണം.

ഐ പി എല്ലിലെ സൂചികുത്താനുള്ള ഇടം പോലും വില്‍‌പ്പനയ്ക്ക് വെച്ച് കാശുവാരിയ ലളിത് മോഡി മത്സരശേഷം നടത്തുന്ന ആഘോഷരാവുകളാണ് ഇപ്പോള്‍ ചര്‍ച്ചാ വിഷയം. കളിയില്‍ തോറ്റവരും ജയിച്ചവരുമെല്ലാം മത്സരശേഷമുളള ഈ പാര്‍ട്ടി വിരുന്നില്‍ സമന്‍മാര്‍. എന്തിന് ഇവിടെ തൊഴിലാളി മുതലാളി ബന്ധം പോലുമില്ല. സര്‍വത്ര സോഷ്യലിസം. ടീം ഉടമയും ടീമിലെ താരങ്ങളും പരസ്പരം കെട്ടിപ്പിടിച്ച് നൃത്തം വയ്ക്കുന്നു. മദ്യം നുകരുന്നു. റാമ്പില്‍ പൂച്ച നടത്തം നടക്കുന്നു. ആടിപ്പാടുന്നു.

The IPL part bash | പണക്കൊഴുപ്പിന്‍റെ ആഘോഷരാവുകള്‍

No comments: