Saturday, March 20, 2010

ധര്‍മ ദീപ്തിയുടെ തെളിച്ചം

മലയാളത്തിന്റെ മഹാകവി അക്കിത്തം അച്യുതന്‍നമ്പൂതിരി മീനത്തിലെ ഭരണി നക്ഷത്രമായ വെള്ളിയാഴ്ച ശതാഭിഷേകത്തിന്റെ ധന്യതയില്‍ വിനയാന്വിതനാകുമ്പോള്‍ ആ ജീവിതം ഈ സന്ധ്യാവേളയിലും ധര്‍മദീപ്തിയാല്‍ പ്രകാശിക്കുന്നു.കുമരനെല്ലൂരില്‍ അമേറ്റൂരിലെ 'ദേവയാന'ത്തിലിരുന്നു ജീവിതപ്രവാഹത്തെ കവി കരതലാമലകം പോലെ വ്യക്തതയോടെ കാണുന്നുണ്ട്. കാലത്തിനും വേദദീപ്തമായ പ്രകൃതിക്കും കവി ഹവിസ്സെന്നപോലെ പ്രണാമമര്‍പ്പിക്കുന്നു. ''ഋത്വിക്കായ അഗ്‌നിക്ക് സ്തുതി ഹോതാരനായ അഗ്‌നിക്ക് സ്തുതി.''

ഇടിഞ്ഞുപൊളിഞ്ഞ ലോകത്തില്‍നിന്ന് കേവലം മനുഷ്യനിലേക്കും കാലത്തിന്റെ ചിരിയിലേക്കും ജാഗ്രതയേറിയ ആ ഹൃദയം ആലംബത്തോടെ, തിരിയുന്നുണ്ട്. ഭാരതീയന്റെ ഗാനം അക്കിത്തം അടയാളപ്പെടുത്തുന്നത് ഇങ്ങനെ:

''നമ്മള്‍ ജയിപ്പൂശോകത്തെ സഖി
നമ്മള്‍ രചിപ്പൂ നാകത്തെ....''
ഉദാത്തമായ പ്രതീക്ഷയുടെ ജീവിതാനശ്വരഗാനം കവി ഇങ്ങനെയാണ് വിളംബരം ചെയ്യുന്നത്. ധര്‍മത്തിന്റെ സഹയാത്രികനാകുന്നു ഈ കവി. ധര്‍മം സ്നേഹവും വിശ്വാസവുമാണ്; അഭയമുദ്രയാണ്. പാലക്കാട് കുമരനെല്ലൂരില്‍ അക്കിത്തം വാസുദേവന്‍ നമ്പൂതിരിയുടെയും ചേകൂര്‍ പാര്‍വതി അന്തര്‍ജനത്തിന്റെയും മകനായിപ്പിറന്ന കവി എണ്‍പത്തിമൂന്ന് വര്‍ഷത്തിനുള്ളില്‍ കണ്ട ലോകം വ്യത്യസ്തവും വിസ്മയകരവുമാണ്.

 Mathrubhumi - ധര്‍മ ദീപ്തിയുടെ തെളിച്ചം

No comments: