Friday, March 12, 2010

15 കൊല്ലം ചങ്ങലയ്ക്കിട്ട സ്ത്രീയെ പോലീസ് ആസ്‌പത്രിയിലെത്തിച്ചു

കാളികാവ് (മലപ്പുറം): മാനസിക രോഗിയാണെന്നുപറഞ്ഞ് ബന്ധുക്കള്‍ ചങ്ങലയ്ക്കിട്ട സ്ത്രീക്ക് 15 വര്‍ഷത്തിനുശേഷം മോചനം. കാളികാവ് പെവുന്തറ റോഡിലെ മുക്കില്‍ ബിരിയുമ്മ(52)യെയാണ് പോലീസ് മോചിപ്പിച്ച് ആസ്​പത്രിയില്‍ പ്രവേശിപ്പിച്ചത്. കോടതിയില്‍ ഹാജരാക്കിയ ബിരിയുമ്മയെ കുതിരവട്ടം മാനസികാരോഗ്യകേന്ദ്രത്തില്‍ പ്രവേശിപ്പിച്ചിരിക്കുകയാണ്. ബിരിയുമ്മയുടെ സഹോദരന്റെ വീടിനടുത്തുള്ള കക്കൂസ് കൂടി ഉള്‍പ്പെട്ട ഒറ്റമുറിയിലാണ് ഇവരെ ചങ്ങലയ്ക്കിട്ടിരുന്നത്. മാസങ്ങള്‍ക്കുമുമ്പ് പ്രതിരോധ പ്രവര്‍ത്തനത്തിന്‌പോയ കാളികാവ് പ്രാഥമികാരോഗ്യകേന്ദ്രത്തിലെ ഒരു ജീവനക്കാരിയാണ് ചങ്ങലയ്ക്കിട്ട കാഴ്ച കണ്ടത്. ഇവര്‍ നല്‍കിയ വിവരത്തിന്റെ അടിസ്ഥാനത്തില്‍ ജൂനിയര്‍ ഹെല്‍ത്ത് ഇന്‍സ്‌പെക്ടറായിരുന്ന മുഹമ്മദ്‌രാജ് ഈ ദൃശ്യം മൊബൈല്‍ കാമറയില്‍ പകര്‍ത്തി. ഇത് ആരോഗ്യവകുപ്പ് ഉദ്യോഗസ്ഥരെയും പോലീസിനെയും കാണിച്ചതിനെത്തുടര്‍ന്നാണ് മോചനത്തിനുള്ള വഴി തെളിഞ്ഞത്


Mathrubhumi - 15 കൊല്ലം ചങ്ങലയ്ക്കിട്ട സ്ത്രീയെ പോലീസ് ആസ്‌പത്രിയിലെത്തിച്ചു

No comments: