Wednesday, March 17, 2010

കടം വീട്ടല്‍: ദുബായ് വേള്‍ഡ് പദ്ധതി അന്തിമഘട്ടത്തില്‍


കടബാധ്യത വീട്ടാന്‍ ദുബായ് വേള്‍ഡിന്‍റെ പദ്ധതി അന്തിമ ഘട്ടത്തില്‍. ബാങ്കുകള്‍ക്ക് നല്‍കാനുള്ള പണം പലിശ സഹിതം പൂര്‍ണ്ണമായി വീട്ടുന്നതിന് കൃത്യമായ സമയം രൂപപ്പെടുത്തിക്കൊണ്ടുള്ള പദ്ധതിയാണ് ഗ്രൂപ്പ് തയ്യാറാക്കിക്കൊണ്ടിരിക്കുന്നത്.

26 ബില്യന്‍ ഡോളര്‍ ആണ് ദുബായ് വേള്‍ഡിന്‍റെ കടം. ദുബായ് ആസ്ഥാനമായുള്ള ചാനലായ അല്‍ അറേബ്യയാണ് കടം വീട്ടാനുള്ള പദ്ധതിക്ക് ദുബായ് വേള്‍ഡ് അന്തിമ രൂപം നല്‍കിക്കൊണ്ടിരിക്കുകയാണെന്ന വാര്‍ത്ത പുറത്തുവിട്ടത്. ബാധ്യത പലിശ സഹിതം ഏഴുവര്‍ഷത്തിനുള്ളില്‍ തിരിച്ചടയ്ക്കാന്‍ വ്യവസ്ഥ ചെയ്യുന്നതാണ് പദ്ധതിയെന്ന് സൂചനയുണ്ട്.

No comments: