Friday, March 19, 2010

മൊബൈല്‍ പ്രണയത്തില്‍ കുരുങ്ങിയ സഹോദരിമാര്‍ ആത്മഹത്യ ചെയ്‌തു

മൊബൈല്‍ ഫോണിലൂടെ സെക്‌സ് റാക്കറ്റിന്റെ പിടിയില്‍ അകപ്പെട്ടതായി സംശയിക്കുന്ന സഹോദരിമാരെ തൂങ്ങിമരിച്ച നിലയില്‍ കണ്ടെത്തി. പെരുനാട്‌ കണ്ണന്നുമണ്ണ്‌ വെണ്‍കുറിഞ്ഞി കുളഞ്ഞിപതാലില്‍ മോഹനന്റെ മക്കളായ സിന്ധു (17), ബിന്ദു (16) എന്നിവരാണ്‌ മരിച്ചത്‌.

ചൊവ്വാഴ്‌ച വൈകുന്നേരം വീട്ടില്‍നിന്നും കാണാതായ ഇരുവരുടേയും ജഡങ്ങള്‍ മുക്കാല്‍ കിലോമീറ്റര്‍ അകലെ നരിപ്പാറയില്‍ സോമന്‍ സീതത്തോടിന്റെ റബര്‍തോട്ടത്തിലെ റോളര്‍ പുരയ്‌ക്കുള്ളിലാണ്‌ ഇന്നലെ കണ്ടെത്തിയത്‌. ഒരു പ്ലാസ്‌റ്റിക്‌ കയറിന്റെ രണ്ടറ്റത്തുമായി കുടുക്കിട്ട്‌ കഴുക്കോലില്‍ തൂങ്ങിയ നിലയിലായിരുന്നു. മൃതദേഹങ്ങളില്‍നിന്നു ദുര്‍ഗന്ധം വമിച്ചിരുന്നു. ഇവരുടെ മാതാവ്‌ ശകുന്തള ടാപ്പിംഗ്‌ നടത്തുന്ന റബര്‍ തോട്ടത്തിലാണ്‌ മൃതദേഹങ്ങള്‍ കാണപ്പെട്ടത്‌. റോളര്‍പുരയുടെ വാതില്‍ ചവിട്ടിപ്പൊളിച്ച്‌ അകത്തു കടന്ന ശേഷം വാതില്‍ കല്ലുവച്ച്‌ ചേര്‍ത്തടച്ച നിലയിലായിരുന്നു. സിന്ധുവിന്റെ മൃതദേഹത്തില്‍നിന്നും ആത്മഹത്യാകുറിപ്പ്‌ പോലീസ്‌ കണ്ടെടുത്തിട്ടുണ്ട്‌. ഇരുവരുടേയും മൃതദേഹങ്ങള്‍ കോട്ടയം മെഡിക്കല്‍ കോളജ്‌ ആശുപത്രിയിലേക്ക്‌ പോസ്‌റ്റുമോര്‍ട്ടത്തിനയച്ചു. ഇന്ന്‌ പോസ്‌റ്റുമോര്‍ട്ടം നടക്കും. അതിനു ശേഷം മാത്രമേ പെണ്‍കുട്ടികള്‍ ലൈംഗിക പീഡനത്തിന്‌ ഇരയായിട്ടുണ്ടോ എന്നറിയാന്‍ കഴിയുകയുള്ളുവെന്ന്‌ പോലീസ്‌ പറഞ്ഞു.

http://mangalam.com/index.php?page=detail&nid=282742&lang=malayalam

No comments: