Saturday, March 13, 2010

മന്ത്രി ഗുരുദാസന്‌ ഒരു സങ്കടഹര്‍ജി

ബഹുമാനപ്പെട്ട തൊഴില്‍വകുപ്പ്‌ മന്ത്രി ശ്രീ ഗുരുദാസന്‍ അവര്‍കള്‍ മുമ്പാകെ ആലപ്പുഴ ജില്ലയില്‍ കാര്‍ത്തികപ്പള്ളി താലൂക്കില്‍ പത്തിയൂര്‍ എരുവ കാപ്പക്‌സ്‌ കശുവണ്ടി ഫാക്‌ടറികളില്‍ നിന്നും പതിനേഴ്‌ വര്‍ഷം മുമ്പു റിട്ടയര്‍ ചെയ്‌ത തൊഴിലാളികള്‍ ബോധിപ്പിക്കുന്ന സങ്കടഹര്‍ജി...'
2007 ജനുവരി ഒന്നിന്‌ ഞാറക്കാട്ടുശ്ശേരില്‍ വീട്ടില്‍ പൊന്നമ്മാള്‍ എന്ന തൊഴിലാളി സ്‌ത്രീ കേരളത്തിലെ തൊഴില്‍ എക്‌സൈസ്‌ മന്ത്രിയും സി പി ഐ എം കേന്ദ്രകമ്മിറ്റി അംഗവും സി ഐ ടി യു നേതാവുമായ പി കെ ഗുരുദാസന്‍ മുമ്പാകെ ബോധിപ്പിച്ച സങ്കടഹര്‍ജിയുടെ ആദ്യവാചകമാണിത്‌. കേരളസര്‍ക്കാര്‍ വന്‍സൗജന്യങ്ങള്‍ നല്‍കി പോറ്റിവളര്‍ത്തുന്ന വെള്ളാനയായ കാപ്പക്‌സ്‌ എന്ന കശുവണ്ടി മേഖലയിലെ സഹകരണസംഘങ്ങളുടെ തലതൊട്ടപ്പനില്‍ നിന്ന്‌ അമ്പതുവര്‍ഷം വരെ ചോരവിയര്‍പ്പാക്കി അധ്വാനിച്ച പാവപ്പെട്ട നൂറിലേറെ സ്‌ത്രീകള്‍ക്ക്‌ അര്‍ഹതപ്പെട്ട ഗ്രാറ്റിവിറ്റി വാങ്ങി നല്‍കണമെന്നാവശ്യപ്പെട്ടായിരുന്നു സങ്കട ഹര്‍ജി ബോധിപ്പിച്ചത്‌. പത്തുവയസ്സുമുതല്‍ കശുവണ്ടി ഫാക്‌ടറിയിലെ ഇരുട്ടില്‍ ജോലി ചെയ്യാന്‍ തുടങ്ങി അറുപതാം വയസ്സില്‍ റിട്ടയര്‍ ചെയ്‌തവരാണ്‌ ഈ സ്‌ത്രീകളില്‍ ഭൂരിപക്ഷവും. തങ്ങള്‍ക്ക്‌ അര്‍ഹതപ്പെട്ട ആനുകൂല്യങ്ങള്‍ കിട്ടാന്‍ നീണ്ട പത്തൊമ്പതുവര്‍ഷമായി ഇവര്‍ കേരള ഹൈക്കോടതിയിലും വിവിധ ലേബര്‍ ഓഫീസുകളിലും വനിതാ കമ്മീഷനിലും മനുഷ്യാവകാശ കമ്മീഷനിലും ഒക്കെ സങ്കടഹര്‍ജിയുമായി ഓടിനടക്കുന്നു. സംഘടിത തൊഴിലാളിപ്രസ്ഥാനങ്ങള്‍ മുഴുവന്‍ ഒറ്റക്കെട്ടായി ഈ സ്‌ത്രീതൊഴിലാളികളെ വേട്ടയാടുകയാണ്‌ എന്ന വിശേഷവും ഇതോടൊപ്പമുണ്ട്‌.
http://www.janashakthionline.com/newsdetails.php?id=24&mn=12

No comments: