Saturday, March 20, 2010

എറണാകുളം ശിവകുമാര്‍


എല്ലാം വാരിക്കോരി കൊടുത്ത ദൈവം പക്ഷേ, അവസാന നമിഷം ഒന്നു കാലുമാറി. അതോ, താന്‍ രൂപകല്‍പ്പന ചെയ്ത് മെനഞ്ഞെടുത്ത ശില്‍പ്പത്തിന്റെ ചന്തം കണ്ട് ശില്‍പ്പിക്ക് തന്നെ അസൂയ ജനിച്ചുവെന്ന് പറയുന്നതു പോലെ ദൈവവും ആ സഹ്യപുത്രന് മുന്നില്‍ അസൂയാലുവായോ?.. തീര്‍ച്ചയായും അതിന് തന്നെയാണ് സാധ്യത. അല്ലായിരുന്നുവെങ്കില്‍ എറണാകുളം ശിവകുമാര്‍ എന്ന നാട്ടാനച്ചേകവന് മുന്നില്‍ ആണായിപിറന്ന, ആനയായി പിറന്ന ഏതെങ്കിലും ഒരുത്തന്‍ ശിരസ്സുയര്‍ത്തിപ്പിടിച്ചു നില്‍ക്കുവാന്‍ ധൈര്യപ്പെടുമായിരുന്നോ? ഇല്ലേയില്ല. അതെ അതാണ് ശിവകുമാര്‍, അത്രമേല്‍ സംഭവബഹുലമാണ് എറണാകുളം ശിവകുമാറിന്റെ ജീവിതം.

കൊച്ചിന്‍ ദേവസ്വംബോര്‍ഡിന്റെ ആനക്കേമന്മാരിലെ ഏറ്റവും വലിയ ഉയരച്ചന്തം. കേരളത്തില്‍ ഇന്നുള്ള നാട്ടാനകളില്‍ തന്നെ ഏറ്റവുമധികം ഉയരം അവകാശപ്പെടാന്‍ കഴിയുന്ന മൂന്നാ നാലോ കരുത്തന്മാരില്‍ ഒരാള്‍. പുതിയ തലമുറയിലെ ആനയുവാക്കളില്‍ ഏറ്റവുമധികം കൊമ്പുചാട്ടമുള്ള ഗജരാജാക്കന്മാരില്‍ പ്രധാനി. ഇതിനെല്ലാം അപ്പുറം, സ്വതസിദ്ധമായ നിലവോടെ കുറച്ചുസമയത്തേക്ക് രണ്ടുംകല്‍പ്പിച്ച് അങ്ങ് ശിരസ്സുയര്‍ത്തിപ്പിടിച്ചുനിന്നാല്‍ പറഞ്ഞു തീരും മുമ്പെന്നോണം ഒരു ഉത്സവനഗരിയുടെ കണ്ണും കരളും അപ്പാടെ കൈയ്യിലെടുക്കാന്‍ പോന്നവന്‍.. ഇങ്ങനെയൊക്കെയാണ് ശിവകുമാര്‍, അഥവാ ഇങ്ങനെയൊക്കെയായിരുന്നു രണ്ടോമൂന്നോ വര്‍ഷം മുമ്പുവരെ ശിവകുമാര്‍.

Mathrubhumi

No comments: