Friday, March 19, 2010

ലോക കോടീശ്വരപട്ടിക: ആദ്യ അഞ്ചില്‍ 2 ഇന്ത്യക്കാര്‍


ലോകത്തിലെ ഏറ്റവും വലിയ ധനാഢ്യരുടെ പട്ടികയില്‍ ആദ്യ അഞ്ചില്‍ രണ്ട് സ്ഥാനം ഇന്ത്യക്കാര്‍ക്ക്. ഫോബ്‌സ് മാസിക പ്രസിദ്ധീകരിച്ച പട്ടികയില്‍ റിലയന്‍സ് ഇന്‍ഡസ്ട്രീസ് ചെയര്‍മാന്‍ മുകേഷ് അംബാനി നാലാം സ്ഥാനത്തും മിത്തില്‍ സ്റ്റീല്‍ ഉടമ ലക്ഷ്മി മിത്തല്‍ അഞ്ചാം സ്ഥാനത്തുമാണ്. മുകേഷ് അംബാനിയ്ക്ക് 2900 കോടി ഡോളറിന്റെയും മിത്തലിന് 2890 കോടി ഡോളറിന്റെയും സമ്പാദ്യമുണ്ടെന്ന് ഫോബ്‌സ് പറയുന്നു. മെക്‌സിക്കന്‍ ടെലികോം രാജാവ് കാര്‍ലോസ് സ്ലിം ഹെലു ആണ് ഇപ്പോള്‍ ലോകത്തിലെ ഏറ്റവും വലിയ സമ്പന്നന്‍. ഇദ്ദേഹത്തിന് 53.5 ബില്യന്‍ ഡോളറിന്റെ ആസ്തിയാണുള്ളത്. രണ്ടാം സ്ഥാനത്തുള്ള മൈക്രോസോഫ്റ്റ് സ്ഥാപകന്‍ ബില്‍ ഗേറ്റ്‌സിനെക്കാള്‍ 500 മില്യണ്‍ ഡോളര്‍ അധികമാണ് സ്ലിമ്മിന്റെ സമ്പാദ്യം. 47 മില്യണ്‍ ഡോളര്‍ സമ്പാദ്യവുമായി നിക്ഷേപകന്‍ വാറന്‍ ബഫറ്റ് മൂന്നാം സ്ഥാനത്തുണ്ട്. വാള്‍മാര്‍ട്ടിന്റെ ക്രിസ്റ്റി വാള്‍ട്ടണാണ് ഏറ്റവും വലിയ ധനാഢ്യ. 22.5 ബില്ല്യണ്‍ ഡോളര്‍ സമ്പാദ്യത്തിന്റെ ഉടമയായ ഇവര്‍ മൊത്തം ലിസ്റ്റില്‍ പന്ത്രണ്ടാം സ്ഥാനക്കാരിയാണ്.

No comments: